梨滿園韓國料理

营业中

休息中

呢間韓式料理夜晚有放題，一至四價錢只係$238/位（星期五至日及公眾假期$248），而且食物種類非常之多，真係好抵食！任食款式有刺身、壽司、韓式小食、韓式料理石頭鍋飯等等都有。仲有多款豬、牛、雞肉類，全部都係任食。除咗肉類仲有海鮮。飲品都係任飲！食物質素唔錯，呢個價錢真係好抵！刺身揀咗三文魚、吞拿魚、白玉貝、白玉豚、立魚，味道都唔錯。海鮮揀咗生蠔、海蝦、扇貝，我推介蝦大隻新鮮爽口！肉類都有好多，我主攻牛肉類😚橫膈膜肉、牛肩肉、牛板腱、牛仔骨、牛仔柳扒。每一款肉都有驚喜，真係唔錯，牛味香濃。我就推薦牛仔骨呢個真係好食😋醬汁夠多。橫膈膜肉、牛肩肉等等都唔錯，牛仔柳扒夠厚身。另外豬頸肉都非常爽口！韓式料理，我都揀咗幾款：泡菜辣炒粉絲、迷你泡菜煎餅。粉絲胡椒味香濃，泡菜煎餅少少香辣。另外韓式炸雞一定要叫，雞皮炸得香脆雞肉好滑！炸魷魚鬚都值得一試，香脆可口！任飲飲品，基本上汽水、茶類、梳打類、啤酒等等都有。呢個價錢真係一定回本！

科學園感覺偏遠，要是自駕則十分方便，車場濶落，$200 消費免2小時，堅抵玩！理境企理乾淨，座位舒適！客路斯文不嘈吵，值得加分！這張海報餐牌，囊括所有食材，盡覽無遺！餐廳已採是用QR code 點菜，這只作參考之用。韓式前菜三寶，波菜、泡菜大豆芽，三款皆可愛！🥰🥰🥰 極速秒殺，食完再添！大醬湯，味道偏甜，石窩保溫力強，加泡菜入湯，味道更地道，超好飲！頂級韓燒放題，包括有刺身，點了三文魚、吞拿魚、立魚及白玉豚，當中的白玉豚最為好味 👍👍👍，有即刻encore 的衝動。海鮮點了生蠔及扇貝，廚房都事先放了料頭提升味道，燒起都不用再刻意調味👍韓燒的重頭環節，牛肉是也！在韓國🇰🇷，牛肉屬於矜貴的上上之菜，一般只專註品嚐一款肉食。比較喜歡韓式醃過後甜甜的味道，所以特別喜歡醃過的豚肉及雞髀肉！目測牛肉都頗新鮮，紅白分明，吸引吸引！甜品是大阪牛乳的士多啤梨味雪糕，雪糕質感軟黏，味道不太甜，新口味甜品。輕輕鬆鬆的韓燒夜，價錢合理，愉快晚餐！🥰🥰

這天到中大未圓湖影相，影完之後到科學園吃韓燒放題。記得大約年多前來過，這次可以網上點食物，夠環保，抵讚👍我們點了前菜 - 豆芽菜、菠菜、雜果沙律湯品 - 海帶湯、大醬湯頂級牛肉 - 美國安格斯一口牛粒、牛仔柳扒、美國橫膈膜肉頂級海鮮 - 海蝦、帶子、生蠔🦪、半殼帆立貝精選牛、雞、豬肉 - 薄切牛舌片、新鮮牛肉片、豬梅肉、雞翼新鮮蔬菜 - 雞髀菇、南瓜🎃、粟米🌽、薯仔片🥔、翠玉瓜🥒主食 - 惹味豚肉炒飯特色小食 - 炒雜菜食物選擇之多真是來多幾次才可試勻😅，未試的留待下次，比個藉口自己再來😂今次最想特別寫的是大醬湯及美國橫膈膜肉，因為這兩樣之前沒試過。大醬湯 - 兩個人足足飲了三大碗，首先，店員端上時仍保持著沸騰的狀態，味道香濃，湯料豐富，有連殻蜆、翠玉瓜、金菇、豬肉、豆腐，新鮮麵豉醬連豆，豆腐的質感很特別，嫩滑得來很實在，不是水汪汪那樣，這個湯簡直是一試難忘，非常有驚喜😍😋另外肉類醃的味道恰到好處，我們特別欣賞的是美國橫膈膜肉，肉質及味道都滿分💯。

今日在科學園揾食，又有新發現～《梨滿園》韓燒放題，平日頂級韓燒放題才$238 任食（包括海鮮、刺身）、任飲各式飲品（包括啤酒）座位寬敞舒適，抽氣又ok， 食完都唔會有油煙味。餐廳都係採用新款嘅CR Code 電子落單，食品又快又準送上。個人攻略：燒烤首輪都係主打牛牛，以滿足我們牛魔王心態多款不同部位的牛肉，包括美國牛橫膈膜肉、牛肩肉、牛板腱等；加上安格斯一口牛粒、美國牛仔骨、美國頂級肥牛及牛仔柳扒，啱晒我哋牛魔王！個人至愛橫膈膜牛肉及牛仔骨，口感最軟嫩、而且牛味十足，再沾特式韓國醬料，更能帶出肉質的鮮味。用新鮮生菜包住燒肉除了可減低肥膩感，亦令口感更豐富！肉類當然還有其他選擇～雞翼、厚切豬五花腩、豬大腸、紐倫堡腸等等多款時令海鮮類食物當中，我們精選了好幾款至愛～海蝦、帶子、生蠔、青口海蝦大隻彈牙生蠔、青口，新鮮肥美除了燒肉、海鮮，當然不能錯過時令刺身～三文魚、吞拿魚、白玉貝刺身，全都鮮甜味美！豆腐辣湯～有驚喜！熱辣辣韓式豆腐湯，充滿韓國泡菜味道，材料十足泡菜辣炒粉絲+煎餃子～不可錯過的小食，每次必吃！泡菜辣炒粉絲，每條粉𢇁都黏滿泡菜的香辣。煎餃子🥟皮脆餡靚最後有甜品嘅軟滑雪糕，清甜又清

今日係大埔踩單車去白石角，玩完一日攰到爆炸去左食韓燒放題，價餐又ok唔貴又多野食，平日晚市頂級韓燒放題成人$238/人。野食種類多，又唔多人，幾正。。肉類方面個人比較大推：美國橫膈膜肉、美國牛肩肉、美國牛板腱，比較淋身啲同重味啲。海鮮類有帶子、半殼帆立貝，呢啲最正，燒得快又鮮味。。刺身類都好多款，好似有：三文魚刺身、吞拿魚刺身、白玉貝刺身、白玉豚刺身、立魚刺身、醋青魚刺身…. 。除左牛之外，肉類仲有：厚切豬五花腩、豬頸肉、豬大腸、生蠔、紐倫堡腸。。菜類就有：雞脾菇、翠玉瓜、迷你海鮮煎餅。。總結黎講超多款又好舒服既一晚👍🏼👍🏼唔錯唔錯

今次嗌咗最貴嘅頂級套餐 聲稱有最頂級牛肉同刺身🤨🤨 原來呢啲已經係最頂級🤢 除咗失望搵唔到第二個詞語形容我嘅感受😵‍💫-首先佢啲肉好多都無醃過 無乜肉味 啲肉切得勁差 同一塊肉 一邊薄到透明 一邊又勁厚🙄 牛舌又唔煙韌 同普通牛肉無乜分別🥴 亦都嗌咗金菇肥牛 不過塊牛真係幼細到睇唔到🫣 另外!!! 啲豬頸肉燒完仲硬過擦子膠 完全咬唔到唔知點食😅 -佢個套餐有刺身😵‍💫 不過啲刺身勁多筋 好難咬 得三文魚係ok 不過我對間餐廳嘅整潔狀況/ 食材處理手法有所保留 都唔敢食太多🥲 另外佢啲wasabi都無乜味 假假哋-另外間餐廳都有好多熟食 嗌咗個牛肉石頭鍋拌飯 不過牛肉就得幾舊 仲要係乾到裂曬 乾到無得再乾🥴 另外都嗌咗個煎餃 餃子皮都幾厚 餡就唔係好多 無乜味🥴 -啲嘢食差到唔會encore 第一次食放題唔係飽住咁走 下次一定唔會再嚟🫠

今日下午去沙田科學園放低啲文件，然後可以直接放工，約咗個喺中大返工嘅朋友聚一聚食個晚飯。科學園泊車好方便，商場內外都有各類特色餐廳，朋友推介《梨滿園韓國料理》任食吃到飽。餐廳位於P4停車場玻璃門入商場位置，科學園地方大，餐廳樓底都非常高，地方寬敞，坐得舒適。先來個刺身，款款都新鮮，個人喜歡三文魚，豐富魚油好有益。有啲肚餓叫咗個牛肉石鍋飯，熱辣辣香噴噴，賣相都好吸引，即刻有得食，兩個人share，留肚食肉，韓燒一定會提供唔同嘅餐前醃菜及生菜(包住燒烤好的肉一起吃），呢度嘅泡菜都唔錯，肉類每樣都叫咗啲，牛肉質算中上，有一些是醃製的，烤好不用加味，其他主要是薄切，烤一陣香香的就食得，有我的至愛牛舌，一定要點，薄薄地，輕輕燒熟兩面，好爽滑，牛舌嘅味道冇其他部位可以取代，正啊！海鮮點咗半殻元貝、生蠔及大蝦，叫咗個煎餃子，香脆可口，美味。飲品櫃提供各款飲料，任飲。整體上食物質素唔錯，店員服務態度也非常友善，下次帶多啲屋企人嚟試多次。

一連幾日聖誕假期可以出外走走，昨天去了郊外離島行山，今日就去沙田科學園踩單車，沿途看見一大片海好舒服，玩完再係科學園商場內吃韓燒。這間有套餐和放題，我們選擇放題可以任飲任食真爽。用二維碼落單，牛肉種類超多選擇有美國橫膈膜肉、美國牛肩肉 、美國牛板腱、牛仔柳扒、美國安格斯一口牛粒、美國頂級肥牛、薄切牛舌片、新鮮牛肉片等。每款牛肉都有食，橫膈膜肉燒得爽口，牛肩肉煎香腍身，牛板腱牛味濃油脂分布平均，安格斯一口牛粒肉味濃有蒜蓉燒得更惹味，薄切牛舌片也是很爽口，每樣都很有水準。每枱有一籃生菜給食客夾燒肉吃，厚切豬五花腩肉質層次分明，燒出來特別焦香配生菜吃特別搭配。海鮮我點了生蠔、半殼帆立貝、海蝦、魷魚和帶子，每款都新鮮肉嫩鮮甜。另外小吃點了炸豆腐、韓式炸雞、韓式蛋卷和大醬湯，炸物炸得很鬆脆熱辣辣，大醬湯即點即煮，送來時熱辣辣香噴噴，喝一口味道很濃郁配菜也很入味。這裡還有刺身吃，有六款之多有三文魚、吞拿魚、白玉貝、白肉豚、立魚和醋青魚。飲品和雪糕自助形式的，汽水果汁任君選擇而雪糕有雲呢拿味和芋頭味很吸引。

23號， 明天就開始聖誕長假期， 其實今日都沒太大動力， 沒耐荷要趕報告， 所以被迫營業。中午同事提議去吃韓國野， 我當然沒意見啦。不過看著餐單，內心又開始掙扎。事關昨晚吃太多肉了， 所以中午就想吃素一點的。最後我點了泡菜牛肉石鍋拌飯， 配凍檸茶走甜。朋友點的是豬牛雞肉飯， 鐵板上， 滿滿的都是肉， 只有配了小菜兩款， 食肉獸必點。我的石鍋飯香味撲鼻，熱辣辣上桌， 配菜及牛肉比例均衡，加上秘制辣醬，拌勻來吃，很健康卻惹味，而且我最愛他有飯焦，特別好吃。

天色晴朗☀️最適合去沙田踩單車🚴做完運動當然要食返餐好嘅補充體力，去到科技園有不同的餐食，新潮又特色！最終選擇左韓燒！必叫頂級韓燒👍🏿任飲任食😍仲有刺生，海鮮類，飲品都不錯，可惜品種不太多。食物就好滿足，一開始就叫左刺生三文魚、立魚、醋青魚…肉類都好吸引，有美國橫隔膜、牛肩肉、安格斯一口牛粒、牛仔骨….海鮮好肥美，半殼帆立貝、帶子、好大粒好味😋加左調味，燒好就可以食，味道清淡好食！生蠔🦪都不錯👍🏿除咗燒嘢食物還有韓國特色小菜，本人推介海鮮煎餅以及韓式炸雞🍗👍🏿再飲個豆腐辣湯，辣得黎好爽😄好味！

成日上網睇吓有咩啱食😗原來科學園多咗好多野食🤤見到呢間韓國料理睇落幾吸引✨沙田去科學園又近所以試吓😼🤤 頂級韓燒放題 $228@1 90分鐘放題嚟講性價比都高🤩重點係價錢唔貴野食又任叫😆牛柳扒牛仔骨安格斯一口牛🤤牛肉肉質食落口感唔錯🐮燒汁黑椒醃嘅牛仔骨特別入味🤩唯獨係食物燒完出嚟略嫌有啲油帆立貝帶子海蝦生蠔🦪🦐😚海鮮質素都算可以🙆🏻‍♀️仲有各種刺身可以追加🤤燒肉食得唔夠飽唔緊要仲有唔同嘅熟食同埋湯🥣泡菜豆腐湯大醬湯海帶湯石頭鍋飯芝士年糕芝士拉麵因為食完韓燒已經好滿足✨所以就冇嗌到熟食嗰啲😆大家下次去食都可以試🤓

第一次去科學園，咁啱做完嘢又好耐冇食韓燒放題，見環境不錯，座位都闊落，不妨一試。揀咗「頂級任飲任食韓燒放題」$238/位，食物選擇好多，淨係牛都好多款，隨便點咗橫膈膜肉、牛板腱、頂級肥牛、新鮮牛肉片、薄切牛舌片，大部分牛味都幾重，我特別鍾意個新鮮牛肉片，肉質好嫩👍🏻另外海鮮只係隨便點咗幾樣，海蝦，生蠔同半殼帆立貝，雖然仲有多款雞、豬、腸嘅選擇，但係想留肚試其他嘢食😜放題仲可選擇刺身，試咗三文魚同吞拿魚，都唔錯幾新鮮😋熱食就點咗泡菜煎餅，賣相一般但係又幾香口幾好食喎👍🏻最後都忍唔住叫埋個大醬湯，湯裡面有海鮮，豆腐勁滑，都幾正宗😋😋

Lunch 買外賣番公司食。新開個時幾好的。但近排愈黎愈差。呢2個星期試過牛肉粉絲湯同雞肉粉絲湯（確實名字忘記了）。都係只有2片肉。可能係持住外賣無人會打開黎睇。但明顯係有意的。因為我和同事近排點嘅外賣都係咁。以後唔會王架幫襯。同時會叫科學野嘅朋友唔好王啊幫襯。

黎科學園第二次，竟然見到有韓燒放題，好過去尖沙咀既韓國街。價錢合理，有分精選放題，同頂級放題，梗係揀頂級啦，星期一至四，都係$238。超多種類，有頂級牛肉，美國橫膈膜肉，牛肩肉，牛板腱，安格斯一口牛，牛仔骨，會配備生菜同蒜頭。豬方面有豬梅肉，厚切五花腩，豬頸肉，豬大腸，豬扒。頂級刺穿，三文魚，白玉貝，白玉豚，呑拿魚，白玉貝我就第一次食，口感鮮甜，肉質厚實，爽脆彈牙。喱啲全部都係一份既份量。必叫海鮮煎餅。

今天下班後就去梨滿園點了個蔘雞湯吃，因為自己在韓國時吃到一間超美味的人蔘雞湯，然後就愛上了並念念不忘，所以去到這間韓國餐廳時就二話不說點了這個蔘雞湯。🤣下了單後，人蔘雞湯很快就上台了，也送了一些配菜，感覺整餐也變得很豐富多了。吃人蔘雞的話我一定會點胡椒粉來吃，感覺味道也會更加出，但是雞有點老，不是太嫩口，份量卻時很足，吃飯時再配上人蔘雞嘅湯底也會感到很有滋味！😋總結而言，這一間店的人蔘雞感覺上一般🫡但是吃上去也是很飽，價錢也不是太貴。如果想食更高質量嘅人蔘雞，可能真的要在韓國才吃到。🥹🙏🏻