梨泰院 (愉景新城) (已結業)

愉景新城其實好多嘢食，今日同男朋友嚟咗呢度新開嘅韓國餐廳-梨泰院先要講一講個位置，可以望到商場嘅大電視，嗰陣睇緊奧運，一邊食一邊睇真係好爽食物方面亦都好出色，價錢性價比高。我最鍾意食嘅傳統韓國料理係紫菜包飯，佢嘅選擇非常多，我哋揀咗最普通嘅泡菜豚肉味，但都已經好好食。之後仲有佢嘅豬肉菜包，真係旺十分之多，食極都食唔完，對比起韓燒，呢個真係冇咁熱氣仲有佢嘅人蔘雞湯真係好入味，飲完都覺得好滋補，啲雞肉亦都幾滑。佢嘅炸雞應該係最出名㗎啦，多種口味任君選擇，而且仲要大大碟，有好多舊，好抵食。

好似好耐冇食過韓國菜，今日玩左成日，又返返落荃灣搵食。一坐低就有四碟前菜，我覺得個泡菜幾好食，唔係太辣。首先試試佢個年糕，佢個韓式炒年糕都係唔會太辣，我覺得味道岩岩好，但如果可以再濕啲就好了。另外食韓國嘢，梗係要試吓韓國炸雞啦，我哋叫咗半份炸雞，兩個人唔講份量係剛好的。佢啲雞都炸得乾身，唔會好油，大大降低罪惡感。但係另外一個炸魷魚就麻麻哋啦，因為佢啲炸粉比較多，亦都太過乾，俾人嘅感覺好熱氣。另外我哋叫咗個烤五花肉，估唔到份量都幾多，岩晒食肉獸。最重要係食落唔會太油膩，都唔錯。另外我地仲叫左個豬肉泡菜湯，不過今次個泡菜湯我就見佢唔係好夠辣，泡菜都唔係好夠多，所以未到唔係太夠濃。不過價錢係商場嚟講都算係咁，最重要係呢度啲職員都好有禮貌，而且都幾親切，係幾值得一讚。

今晚同朋友去咗愉景新城食一間新開嘅韓國菜，整體用餐經驗都幾好。我哋覺得成餐最有驚喜嘅係朱古力雪糕煎糖餅，我哋都係第一次食呢種韓式煎糖餅，外皮口感脆脆地，中間好煙眼，底部有玉桂糖漿，中間都有啲玉桂粉，不過唔鍾意玉桂味嘅就可能一般般。仲有嗌一個伯爵茶味戚風蛋糕，賣相好吸引，打卡一流，蛋糕伯爵茶味濃，口感唔錯。之後有芝士奶香炸雞半隻，每舊都唔算大件，食落方便，芝士醬有啲似平時嘅白汁。仲有烤牛肉紫菜包飯，韓式紫菜包飯冇得輸，食落好豐富。韓式水冷麵，水冷麵可以再冷啲，個芥末醬加埋落去好清新。

“韓國生菜包豬肉”($188)“韓式豆醬炸雞”($86/Half)“辣海鮮辛辣麵”($78)“香蕉雲呢拿雪糕煎糖餅”($68)“戚風蛋糕-百爵茶”($32)“芒果椰子沙冰”(+$18)“男神梳打(覆盆子)”(+$18)愉景新城新開咗幾間餐廳🥰今次先試呢間食韓國人嘅梨泰院🇰🇷之前呢間餐廳得粉嶺有,開喺荃灣方便勁多😆首先叫咗好多人推介嘅韓國甜菜包豬肉🐷肥瘦分明嘅豬腩片用蒸煮方式整熟,入口一啲都唔油膩加上辣醬🌶,蒜片,椒絲🫑,再用清爽生菜包住嚟食有口感得嚟味道又幾惹味😝呢間餐廳嘅炸雞都係招牌之一🐔味道都幾多選擇☺我地就叫咗平時少食啲啲豆醬味食落外面超脆入面仲juicy味道係有啲似南乳味,幾特別😆另外叫咗個辣海鮮辛辣麵🍜入面有好多蜆,魷魚🦑,2隻蝦🦐仲有唔少蘿蔔絲🥕,椰菜,菇片🍄雖然睇落細細碗但份量都幾足😝最後當然唔少得叫甜品😍糖餅喺香濃真係好少見,所以即刻叫返份🤩要咗香蕉雲呢拿雪糕味🍌🍦糖餅食落煙煙韌韌,入面有脆脆嘅堅果配上雪糕原來又幾夾😋除咗糖餅,呢道仲有得叫戚風蛋糕有原味,抹茶同伯爵位3款,我地就叫咗伯爵茶味☺蛋糕食落鬆軟,茶味清香,面頭啲cream都好夠滑🤤飲品方面叫咗杯芒果椰子沙冰🥭

今日收工同朋友約左係愉景新城等，一入地下大門就見到呢間韓國菜，都有人係門口等緊位。門面裝修睇落唔錯，睇下菜單野食都唔算貴而且免加一服務費，於是決定試下。等左一陣就有得入啦，一坐低即上左4碟涼拌菜，然後我即刻嗌炸雞先！上菜都幾快，芒果蘇打唔會太甜，雞肉嫩滑不會鞋口，外皮夠脆係經典韓式甜辣醬味，我係覺得甜味多啲，無咁辣口，可以一試。讚一讚炒粉絲喇，很有鑊氣，料足，見到周圍枱都嗌左生菜五花肉，我地梗係都要試一試啦，味道達到預期，五花肉肥瘦參半，自己用返生菜包埋青紅椒絲，蒜蓉，泡菜同埋五花肉，好滿足，無得輸。飯後又黎多個百爵蛋糕收尾，正。

荃灣食好西~《這一站梨泰院》愉景新城最近開咗間韓國料理裝橫時尚新潮 價錢亦相當親民新派韓國料理 全日免收加一😚四款前菜任食 可以無限添加🤭#芝士烤五花肉份量唔少喎😚五花肉Q軟惹味Creamy 奶香🧀醬加上粒粒🌽😋#韭菜煎餅韭菜辛辣味唔重 口感鮮嫩爽脆 餅底有少少失手 煎得唔夠脆香👌#雜菜炒粉絲唔會大油 爽口🥦同Q彈粉絲😋#菠蘿沙冰滿嘴鮮味果香🍍🍍味😍#青瓜青檸梳打滿嘴清香羅勒味+🥒🍋好醒神 洗👅之選👍

最近見好多人都介紹呢間新餐廳～～鍾意食韓國野既我當然要黎試下啦😎😎🐷韓國生菜包豬肉 $188✨好耐冇食菜包肉(보쌈)啦！望落份量十足好吸引😍😍五花腩肥瘦適中，完全唔油膩～連埋蒜片、辣椒同泡菜用生菜包黎食，一啖擺落口真係超滿足！！記得要蘸埋秘製醬汁，更加惹味😋😋🍗芝士奶香炸雞(half) $98✨呢個炸雞好邪惡！面頭鋪滿粟米芝士，食落甜甜地，仲有奶香味🤤🤤炸雞外層脆卜卜，外脆內嫩，唔錯👍🏻👍🏻🥟蒸豬肉餃子 $48✨我真係好鍾意食韓國既餃子😆😆食落有滿滿既餡料，係韭菜豬肉餃黎～～一共有6隻，旁邊仲有沙律作伴碟，好抵食❤️❤️🐮韓式牛肉炒粉絲 $68✨份量都好多！牛肉好嫩滑，仲好入味😋😋呢款粉絲偏幼身，口感彈牙～不過我都係比較鍾意粗身既韓國粉絲多d😆😆🍓士多啤梨蛋糕煎糖餅 $68✨最後要試埋個韓式甜品～～由於係即叫即整，所以都要等15分鐘左右～上枱時熱辣辣，賣相唔錯😍😍旁邊有士多啤梨作伴碟，面頭係雲喱拿雪糕，都幾豐富～～糖餅口感煙韌，配雪糕一齊食好正呢🤣🤣

好耐冇食韓國菜，呢日就約左朋友去荃灣呢間韓國餐廳食dinner。黎食韓國菜當然有任食既小食啦，呢個既小食幾好味。我地點左太陽芝士雞鍋 ，黎食韓國菜當然要食炸雞啦，呢個鍋可以一次過滿足幾個願望，佢有四款唔同既炸雞，外脆內軟，再點埋個芝士醬，勁邪惡。佢既份量超大，食完真係勁飽啊。另外仲點左韓式水冷麵，正宗既水冷麵，麵既質感既煙韌，加埋酸酸地好refreshing既湯底，好開胃。甜品點左百爵茶戚風蛋糕，又靚又好味。

荃灣愉景商場，最近新開了一間新派韓國菜餐廳，佈置簡約明亮， 環境舒適寬敞。 入座後，店員殷勤地送上四款韓式前菜， 有醃酸蘿蔔、泡菜、 薯仔、豆芽等， 每碟惹味吸引， 令人胃口大開。蜂蜜柚子味炸雞半隻$86炸雞外皮完全被蜂蜜柚子包裹著， 令人垂涎， 入口蜜甜帶啖啖清新柚子香氣， 內裡雞肉嫰滑Juicy， 咀嚼時，慢慢滲出香辣，愈吃愈過癮， 讓人停不了口，一口接一口。海鮮煎餅$68即叫即製的海鮮煎餅， 表面煎到微脆，大啖咬下，內有嚼勁的八爪魚肉，鮮味十足 ，加上惹味的香蔥， 讓人樂在其中。鮮人參雞湯$88熱燙燙的雞隻浸在奶白色黃油湯中， 上枱時，散發著陣陣香氣， 先呷一口湯 ，湯底鮮甜及帶人蔘、紅棗的甘甜，雞肉 用上長時期燉煮 ， 輕輕咬下已經骨肉分離， 鮮甜軟嫩，還有軟綿糯米、蔥絲等，飲完成個人暖笠笠，十分滋補養生。牛肉石鍋拌飯加芝士$88石鍋飯配料豐富，表面鋪滿泡菜、 牛肉粒、豆芽、 流心蛋 及芝士，拌匀所有材料一起吃， 用匙羹盛起米飯時，有邪惡拉絲，口感豐富濕潤，十分飽肚滿足。戚風蛋糕抹茶$32蓬鬆的戚風蛋糕，口感綿彈， 啖啖醇厚的抹茶味， 加上滑溜 抹茶忌廉，滋味滿載，令人甜絲絲。

番工係荃灣，見愉景新城開左間新既韓國野就試一試😄一lunch time即衝落去拎飛，二人枱等左十五分鐘左右就可以入座，不過等等下已經有人潮出現見佢d lunch set其實唔貴，包一杯野飲 👍🏻👍🏻👍🏻今日試左石鍋拌飯（雞肉），一上枱熱辣辣仲勁香👍🏻👍🏻唔使加一埋單$78 +$3凍飲，總共$81👍🏻👍🏻👍🏻見隔離枱食蛋包飯都好似幾正，諗住下次可以試埋 👍🏻👍🏻👍🏻

今晚去咗愉景新城行街，見到呢間韓國嘢好似坐得幾舒服，於是就入咗去食飯。我哋七點幾到，等咗一陣就有位。一坐低先有啲韓式前菜！最鍾意食係芽菜，唔辣又開胃食韓國嘢梗係要食人蔘雞湯啦！呢個湯老公最鍾意！入面雞肉同埋米嘅份量都多，好足料；而且人蔘味都幾突出，飲完覺得好滋補！小朋友就鍾意食炸雞，呢度嘅炸雞可以雙拼，咁就一次過可以試到兩款味道。一份有十幾件，我哋覺得都幾抵食！最正係芝士炸雞，雖然真係好肥膩食肉獸就推介烤牛肋肉！啖啖肉，又夠晒入味，好食然後我哋仲叫咗一個雞扒蛋包飯，食埋個主食就好飽啦！呢間餐廳整體來講都好抵，下次嚟愉景新城行街可以再食！

今日同朋友嚟咗呢一間韓國餐廳到食飯，因為呢間餐廳都係新開嘅，咁我就同朋友試下:豬肉石頭拌飯: 呢個石頭絆法我覺得你嘅時候熱辣辣幾好食而且豬肉嘅quality亦都唔錯，幾有鮮肉味再加埋啲辣醬幾有喺韓國食嘅石頭鍋飯，不過如果隻蛋係半熟蛋嘅話我覺得會更加好。泡菜煎餅:咁其實煎餅我覺得都ok嘅，起碼都有泡菜味，而且唔算太肥膩，鍾意食薄餅嘅朋友，可以試下不過我覺得如果多少少餡料 會好少少。 咁成個薄餅會豐富啲。 因為其實呢個都有啲齋。蜂蜜柚子味炸雞 (半隻）:呢個炸雞啲雞肉幾嫩滑， 而且炸得香脆最重要就係唔算話太油膩， 加埋啲蜂蜜柚子醬汁幾滋味。 不過我自己覺得柚子味佔一成左右， 輕輕略過。 蜂蜜味比較濃厚啲， 我同朋友就叫咗半隻，咁其實我自己覺得如果兩個人食要半隻就已經夠，下次如果真係再去的話，我諗會叫試下其他味。蟹子沙律: 呢個沙律其實都唔使講咁多嘢，因為係幾新鮮，食沙律最緊要新鮮，而且蟹子亦都幾多下，不過呢個沙律柚子味比較濃郁啲，如果鍾意食柚子沙律嘅朋友呢個可以試下。最後我同朋友飲埋杯芒果椰子沙冰&雜莓沙冰就閃人， 如果大家行開荃灣呢頭，大家可以試下呢間新開嘅韓式餐廳，其實佢哋價錢都算ok

荃灣又多一間抵食嘅韓國菜餐廳，喺愉景新城入邊嘅呢一間梨泰院，環境靚靚囝囝，平日行過都必定大排長龍，實有佢受歡迎嘅原因，先講總結，上菜速度快，唔收加一，係幾抵食嘅😂半半炸雞(柚子+芝士) $168雞細細隻，但份量足，2個人食夠晒，柚子味唔太特出，酸酸甜甜帶點辣，芝士做到拉絲效果。泡菜煎餅 $68食落偏辣，餅邊就脆脆地，如果中間都脆d就更加正☺️嗌左野飲仲要半價，抵！最驚喜係百爵茶戚風蛋糕$32成個蛋糕食落好輕盈，伯爵茶味啱啱好，唔係好濃果嗰種，cream幼滑唔甜膩，真係食多幾嚿都仲得🤤

愉景新城新開<梨泰院>，裝修簡潔明亮，餐廳播放着節拍強勁的K Pop音樂，店員殷勤地送上韓式四小碟：有酸蘿蔔、泡菜、豆芽等，令人胃口大開。吞拿魚紫菜包飯 $68紫菜飯卷餡料豐富，包裹著吞拿魚碎、香甜蛋絲、青瓜、紅蘿蔔及醃蘿蔔，入口清爽，淡淡鮮香，加上芝麻粒粒，口感飽滿。海鮮煎餅 $68煎餅表面微脆，大啖咬下，內有彈牙煙韌的八爪魚肉，加上誘人的香蔥味，香濃而不油膩。鮑魚參雞湯 $148春雞浸泡在黃油湯中，雞湯入口帶人蔘、紅棗的甘甜，雞肉燉到軟綿，雞皮滑嫰，還有糯米、蔥絲等，湯底鮮甜，吃後有窩心感覺。鮑魚肥厚圓潤，肉質紮實，香氣十足。吉列豬扒蔚山蛋包飯 $78厚身豬扒，咬開酥脆外皮，內裡嫰滑多汁，加上清新的柚子汁，誘人開胃。滑蛋表面焦脆，內裡濕潤綿彈，💕夾着米飯，簡單美味。 芒果椰子沙冰 芒椰組合是最佳拍檔，入口濃郁香甜，沙冰慢慢在口中溶化，滲出椰子🥥的幽香。冰爽消暑，甜香充滿口腔。雜莓沙冰飲品是雜莓盛宴，質感清新濃稠，清新中帶酸甜莓果香氣，十分清甜解膩。抹茶戚風蛋糕 $32戚風蛋糕軟綿綿，口感蓬鬆，沐浴在抹茶忌廉之中，香醇抹茶味慢慢散發，令人滿足⋯⋯

剛坐下便奉上前菜4小碟，爽口開胃～鮑魚蔘雞湯鮮甜味美，比平常吃到的人蔘雞更為鮮甜，鮑魚軟腍多汁，經過燉煮的雞肉非常軟熟，沾上麻油更香口滑溜，再喝滿滿蔘味的雞湯和煮得稀爛的糯米，享受各種鮮味融在口中的感覺。牛肉石鍋拌飯配有五色小菜和一隻美麗的煎蛋，澆上韓國甜辣醬拌炒，滋滋響的石鍋聲伴隨鍋巴香，戳破半熟的金黃色蛋黃令口感更濕潤，讓人垂涎欲滴🤤🤤泡菜煎餅邊皮酥脆，泡菜爽口，趁熱辣辣的時候吃很不錯，沾醬汁更好吃😋每點一份食品都可以$18加配特色飲品，非常推薦芒果椰子沙冰，清甜又香滑，很適合夏天飲～