梨泰院 (愉景新城) (已結業)

今晚去咗愉景新城行街，見到呢間韓國嘢好似坐得幾舒服，於是就入咗去食飯。我哋七點幾到，等咗一陣就有位。一坐低先有啲韓式前菜！最鍾意食係芽菜，唔辣又開胃食韓國嘢梗係要食人蔘雞湯啦！呢個湯老公最鍾意！入面雞肉同埋米嘅份量都多，好足料；而且人蔘味都幾突出，飲完覺得好滋補！小朋友就鍾意食炸雞，呢度嘅炸雞可以雙拼，咁就一次過可以試到兩款味道。一份有十幾件，我哋覺得都幾抵食！最正係芝士炸雞，雖然真係好肥膩食肉獸就推介烤牛肋肉！啖啖肉，又夠晒入味，好食然後我哋仲叫咗一個雞扒蛋包飯，食埋個主食就好飽啦！呢間餐廳整體來講都好抵，下次嚟愉景新城行街可以再食！