梅吉涮涮鍋 (已結業)

我哋揀咗要B餐：日本黑毛和牛+日本豚肉（$398）咁首先講咗佢嘅和牛先啦我覺得佢哋嘅和牛質素真心都幾唔錯因為食落去真係入口即化👍👍而且食落去亦都好滑嫩跟住佢嘅豚肉食落去口感都幾煙靭😚😚食落去亦都唔會覺得好乾咁跟住就講吓其他出面可以拎嘅配料啦我想講我覺得呢間舖頭幾值得讚賞嘅係真係有好多唔同海鮮可以任拎🥰🥰（分別有青口、扇貝、海蝦等等）而且全部食落去都好新鮮嘅我自己就最鍾意食蟶子同埋蜆肉❤️❤️因為食落去真係好爽口（食落去亦都唔會有沙）跟住就講吓其他嘅配料/嘢飲啦佢有幾款唔同類型嘅滑（有一個好似係肉餅滑？🤔🤔）食落去嗰個口味道都幾特別😋😋嘢飲方面亦都有好多幾特別嘅嘢飲我自己就幾鍾意嗰個鮮龍眼肉爆珠冰茶飲落去味道唔會太甜😆😆而且幾乎啖啖都飲到爆珠鮮豆漿亦都幾好飲

前幾晚突然好想打邊爐想食日式火鍋 即刻約咗好姊妹一齊去簡咗佢屋企附近新開既梅吉涮涮鍋 🔺日本A5 和牛＋日本豚肉放題 $598有4款唔同sets 我地決定試最貴個個主打十勝產黑毛和牛同千歲產米豚肉套餐包自助區既任飲任食湯底係一人一鍋 我地5款湯底簡咗2款🔸梅吉鍋🔸日式海草美顏鍋前者有少少辣帶香茅香 幾惹味後者較清但好順口 可以配牛肉 食出鮮味重點係一人一鍋會有隻雞湯整成既牛仔冰見住牛仔放入鍋 🐮真係幾似佢浸緊小溫泉♨️ 不過要打卡記得夠快手 好快就會訓低咗十勝產黑毛和牛 牛味幾濃 油脂分佈都平均千歲產米豚肉 豚肉口感好軟滑自助區分咗兩區 一區係蔬菜區有好多唔同菜同菇 選擇都幾多另一區係以丸類 海鮮為主仲有麵食提供 海鮮有花甲蟶子蜆海蝦同螺整體幾乾淨同新鮮 狂encore花甲.ᐟ.ᐟ.ᐟ飲品以茶飲為主 有大阪鮮龍眼肉爆珠冰茶珊瑚抹茶珍珠 米水紅豆爆珠 豆漿等等 爆珠同珍珠口感都唔錯

今日介紹嘅係一間新開張嘅日式火鍋店，位於西灣河，主打抵食嘅火鍋放題，價錢親民，午市最平只係$188就可以任食日本黑毛和牛同豚肉，包括雪糕同埋飲品任飲。🌟日本黑毛A4和牛+豚肉 120分鐘餐廳嘅一大賣點係牛牛造型火鍋湯底冰，每日限量供應，打卡一流，可惜我地當日已經賣完。清雞湯熬製有5款火鍋湯底，包括鰹魚豬骨鍋、芝士湯鮮茄鍋、酸辣鍋、麻辣鍋同埋日式昆布海草美顏鍋。晚市火鍋放題仲有自助區，超過40款配料，包括海鮮、肉類、本地有機蘑菇等。除咗火鍋，餐廳都有多款自家製嘅飲品，例如珊瑚抹茶珍珠、鮮龍眼肉爆珠冰茶等等，比起一般罐裝飲品更加健康。📌 梅吉涮涮鍋 (西灣河)西灣河太康街45號鯉景灣B座地下02B-07GB號舖🚇港鐵西灣河站 A出口, 步行約7分鐘📍#西灣河

前陣子放假到太安樓覓食～傍晚時分到海旁散步，發現了一家新店～便順道和朋友一齊試了一人日式涮涮鍋店「梅吉涮涮鍋」～餐廳主打抵食日式火鍋放題，我們選了$298@1套餐，任食任食日本北海道十勝和牛、千歳縣米豚肉，CP值不錯哦！ 一共有五款湯底，分別有芝士湯鮮茄鍋、酸辣鍋、麻辣仙鍋、日式昆布海草美顏鍋、梅吉鍋。我們點了梅吉鍋和酸辣鍋，當中的梅吉鍋更有可愛牛牛造型湯底冰～想當可愛(*ˉ︶ˉ*)可惜是我逛了一圈，看有什麼放題食物才回到座位，牛牛已融化了大半🫠 會，不過有點像泰式的冬陰功味～酸辣湯則是比較濃的酸菜味道，感覺比較甜口！ 所以我們自己DIY，加入芫荽、辣椒、沙嗲醬(⁎⁍̴̛ᴗ⁍̴̛⁎)炮製自己適合的口味！晚市火鍋放題還包自助區任添超過40款配料，多種海鮮如海蝦、青口、螺、蟶子仔、花甲、大陽魚等等，選擇豐富！ 我們專揀海鮮來配梅吉鍋～ 和海鮮很配！另外亦有多款蔬菜、菇類、芝士腸等等～還有三款不同的面類，灼熟的面配上日式麻醬就是神(*ˉ︶ˉ*)肉類質素相當不錯，看得出是貴價牛(⁎⁍̴̛ᴗ⁍̴̛⁎)相對薄切，淥一淥，食得(≧∇≦)我們兩個人一共吃了七碟牛(*ˉ︶ˉ*)整體來說，這間放題是我吃過最乾淨企理的一家

今日到西灣河打邊爐，梅吉涮涮鍋係間新餐廳，主打一人鍋。餐廳好新，環境光猛，坐落好舒服，而且佢地有system會抽煙，咁打邊爐都唔會有味。我同朋友仔order咗Set A，任食日本黑毛和牛 & 日本米豚肉 120份分鐘，湯底分別揀咗日式海草美顏鍋同芝士湯鮮茄鍋。日式海草美顏鍋好滋潤，海帶口感好。芝士湯鮮茄鍋香噴噴，味道濃郁，有唔少蕃茄肉。每個鍋裏面都有隻熊仔，應該係高湯。日本黑毛和牛大大片，肉質好好。黑毛和牛肉色鮮紅，質地細嫩，口感豐富，脂肪分布均勻，且帶有濃郁的脂肪花紋，非常好食！日本米豚肉就肉質鮮嫩多汁，口感鮮美。而且瘦肉同脂肪嘅比例極佳。依兩款任食嘅肉上得好快，欣賞！除咗兩款任食肉類，出面自助區都有好多選擇，例如有蝦、蜆、青口、多春魚、娃娃菜、粉絲、芝士腸、墨魚丸、龍蝦丸等等。蝦好好食，好鮮甜彈牙。蜆都好食，新鮮、冇沙。娃娃菜同粉絲吸滿曬湯汁，好多汁，食得好滿足！另外，墨魚丸好彈牙，食到有好多墨魚粒。隔離飲品櫃有自家製飲品同汽水供應，選擇豐富。

西灣河soho east新開咗間日式火鍋放題，有日本和牛同豚肉任食🥩裝潢都幾唔錯，帶有日式feel～晚市放題90分鐘，湯底係一人一鍋，我哋揀咗日式海草美顏鍋，同埋芝士湯鮮茄鍋，每個鍋都有清雞湯牛仔冰，造型都幾得意🐮除咗和牛同豚肉，自助吧仲有40幾款配料揀，當中有唔少海鮮，同埋仲有本地嘅有機蘑菇🍄飲品方面主要都係自家製嘅飲品，配搭都幾創新。如果你鍾意睇我嘅食評，不妨關注我，支持吓我，謝謝你☺️💕

放工梗係要放肆一下 卡路里咩嚟㗎🤔❓❓食完保證你會心甘情願增加卡路里🤰🏻呢間涮涮鍋新開 入邊嘅裝修美輪美奐🦋坐得好舒服💯==============================𝐅𝐨𝐨𝐝 𝐋𝐢𝐬𝐭📌好幾款日本牛選擇 我哋揀咗Set C📝🥩日本 A4 和牛放題 包括左任飲自家製飲品 例如夏枯草 洛神花有益嘅飲品🍹仲有多達40幾款配料任食🤤包括多款海鮮 每一日都唔同 而今日有嘅係扇貝青口同埋蜆🦪🐮重點當然係A4日本和牛啦‼️ 單睇賣相就知佢有心機 牛味濃郁 基本上豉油都唔使點已經好好食💯

無論天氣如何，打邊爐都是選擇之一，與大食之友出動，任食式打邊爐就最啱，務求食到肚皮滿足。是日搵到新餐廳，位於西灣河鯉景灣的 #梅吉涮涮鍋 ！全日放題套餐有4款選擇，今次揀咗D餐，一人一鍋形式，可以自己揀湯底，仲有由雞湯製成的牛仔冰好打卡～◽️ A4和牛、豚肉牛雪花般的油脂，食落肉味香，食多好多片都不會覺得膩，而豚肉則帶點甘香，肉肉人士一齊消滅哂佢！◽️ 海鮮類好多海鮮選擇，帶子、蟶子、東風螺，我仲見到有成條魚！◽ 丸類牛丸、貢丸、火腿丸、八爪魚丸都有，連芝士腸都有。◽️ 蔬菜類粟米、蘿蔔、番茄等等好好選擇，特別要食本地有機蘑菇，來自餐廳的自家農場。▪️ 好多自家製飲品，清新果味配搭不同配料，另外都有汽水選擇。🔸 甜品仲有刨冰可以揀

<餐廳介紹: 梅吉涮涮鍋>地點:鯉景灣菜式: 90分鐘午市日本和牛放題價錢: 188，另收加一服務費 鯉景灣新開張的一間火鍋店#梅吉涮涮鍋，眼見呢間餐廳負評多個好評，但#中產窮L作為東區街坊，姑且親身試一試。首先，因為是新開張的關係，舖頭裝修都非常美觀和吸引，而且座位都非常寬敞，每個火煱都配有獨立抽氣系統，所以通風較一般火煱店為佳。#中產窮L今天選了90分鐘午市日本和牛放題套餐，套餐除了包括牛肉任食外，自助區還有一些海鮮，包括大螺，白蜆，青口，魷魚，至於其他配菜選擇方面則相較其他火鍋店少。另外，甜品方面則只有一部刨冰機供顧客自行調配，#中產窮L 都幾仲意，因為可以自行加大量荔枝和爆珠，爽。飲品方面，都有頗多選擇例如洛神花芒果爆珠，竹蔗茅根爆珠，豆漿，還有其他基本汽水供選擇。至於最為人垢病的牛肉質量方面，由於#中產窮L一向都重量不中質，所以，牛肉質量方面，就留待各位觀看圖片自行判斷。最後，有一點要提一提大家，因為大家都可能透過廣告見到火煱入面會有一隻可愛牛牛，但#中產窮L和其他食評一樣，親自光顧後都見不到那隻可愛的牛牛在火煱入面，因此，如果你是為這隻可愛牛牛打卡而來，就要

係屋企樓下新開無耐，話一家人試試和牛，點知伏到不能再伏。晚市398一位日本A3黑毛和牛，出黎概食物只可以用「得人驚」黎形容。自助掃qr code落單無論落幾多次幾多碟，最後都係要同waiter落先可以，跟著佢得一部切肉機，落左單都係要等好耐。醬料又不倫不類，中式與日式中間。398一位連雪糕都無，只有一部刨冰機，但係睇返d配料唔係好開胃，都係唔好試啦。千萬千萬不要來千萬千萬不要來千萬千萬不要來重要概嘢要講三次

一般日式火鍋放題都係食牛多，不會有太多海鮮選擇，呢度就多啲選擇，飲品除左汽水，仲有自家製多款特飲，誠意滿滿，係火鍋湯底要點時間滾起，如果90分鐘就無問題，如果60分鐘就可能緊張d,店家推薦下次先打電話滾起湯底再來，Soho east app有個減200元活動但要叫最貴的餐才有，希望多搞特價活動，其他套餐也可受惠，雖然暫時只收現金，visa master,不過店家說會陸續加入其他收費方式，感覺比想象中滿意。

第一次寫食評就要寫個負評！！真係忍唔到唔寫！叫咗個最貴嘅餐，諗住可以食吓好味嘅和牛點知係勁伏，啲牛唔新鮮！全晚追牛肉多個食牛，已經冇客人食，啲員工都唔幫手跟下啲單，隔籬枱煮到燶晒出晒煙都冇人理，明明落咗單無客，佢都唔幫我拎碟牛出嚟仲要我催左好多次。真係絕對唔會食下一次！！比咁多錢食嘅質素又差，已經冇客，等佢啲牛都要等三個字！！！ 真係好垃圾，千祈唔好再去！食到一肚氣！！自助吧垃圾到啲野食全部唔新鮮，得啲腸仔午餐肉，丸都係得幾種，烏冬直頭係酸嘅！真係好鬼差！ 嘢飲選擇極少，汽水得雪碧可樂。總結用依個價錢去牛大X或者湊X仲好, 嘢食仲高質！服務好好多！

新開，已經幾個負評，抱住試伏心態，行入呢間餐廳明知伏，無謂嘥錢食晚市，試個午市放題A，狗眼看人低嘅「經理」定「店長」，見我一個人，都費事理我，佢態度真係差到不得了，應該係近期SohoEast number 1🔝另一枱三個人，佢不斷叫人哋upgrade，最終人哋見啲肉真係不知所謂，加左每人100蚊左右upgrade左而我食左啲咩？和牛喎，你鍾意點叫都好啦，反正咁樣衰嘅肉我都係第一次見，一定係我見識少🥴見到以上兩盤肉，即刻諗起呢個畫面….節錄自《九品芝麻官》中間要加肉，同waiter講，竟然話得一部機所以要等，你得兩枱客，仲好意思要我等🙄你限我時，我理得你幾多部機呀配菜，連萵筍都切得樣衰過人，勁多黑色一撻撻，切乾淨少少會蝕錢？疑似烏冬，一啲粗一啲幼飲品，龍眼冰茶冇龍眼味同場加映，另一枱高一個grade，肯俾我影相，後期啲肉同我分別唔大，都係樣衰到不得了😑上圖係剛上枱冇掂過嘅肉🙄試伏完畢，$188+10%，共$207結論：有啲野，不可一，不可再隔離枱表示：出銅鑼灣食13x蚊都好食過佢，憑咩賣成二三百蚊🙄

一家值得推薦的餐廳。這裡的鍋底十分用心，各式各樣的食材也都新鮮美味。店內環境舒適，裝修簡潔大方，員工服務也非常周到，讓人感到宾至如归。餐廳的主打菜品是鍋類，特別是麻辣鍋和清湯鍋。鍋底口味多樣化，可以根據顧客的口味進行調整。食材的品質和新鮮度非常高，肉質鮮嫩、海鮮新鮮，蔬菜也非常新鮮，讓人吃得安心。此外，餐廳還提供了多種配菜和醬料，讓人可以按照自己的口味進行搭配。總體而言，梅吉唰唰鍋的食物質量非常高，價格也非常實惠。店內環境優雅，員工服務熱情周到。如果你正在尋找一家優質的鍋類餐廳，梅吉唰唰鍋絕對是一個不錯的選擇。會再幫襯

食物種類少，每次都要叫侍應先可叫牛肉，豬肉，令食客好唔舒服又唔先進又易漏單，而且人手又不足，眼見只有一個後生仔在切肉，自助吧食物又冇人補給，7:30好多食物都冇，連麵都冇，如果店舖再用這方法營運應該好快攪掂