梅丘壽司の美登利総本店 (雅蘭中心) (已結業)

我哋嗰日本身諗住去食壽司郎架 但係實在太多人啦 要等二百幾張枱😱所以我哋放棄左 諗起呢一間就行左嚟旺角食😂😂佢係比壽司郎貴啲嘅 所以質素都好啲 但係就無得嗌得咁爽手 因為荷包會痛🙊😈😈·特選手握壽司盛盒$275呢一個我哋上次都有食過㗎 上次覺得幾好食 今次就嗌返😎😎係我哋一開始食前邊嗰三舊吞拿魚有少少失望😭佢啲拖羅都唔係好係拖羅 真係比較一般🙊食後邊嗰幾粒水準就翻翻黎啦😆😆我最鍾意呢度啲玉子 呢度d玉子真係一食難忘 令我愛上左食玉子壽司🥰🥰佢中間嗰兩舊玉子真係超好食 而且佢今次個吞拿魚蓉手卷都唔錯😎😎·吞拿魚筋壽司 $12呢個壽司好似係第一次見 所以我哋就嗌咗一個嚟食下 佢都幾好食 個油脂分佈好正 口感唔錯 值得一試😋·#rbyeat#rby旺角 #rby青衣 #rby沙田·📍旺角彌敦道639號雅蘭中心2樓202號舖📍青衣青衣城地下G24-25號舖📍沙田沙田正街18號新城市廣場1期7樓703號舖

美登利都登陸左香港一段時間，之前都引起左熱潮，所以冇耐性輪候既我一直冇光顧今日星期六晚經過餐廳見到輪候既人唔多，大概得10個人左右而我只係一個人，就問店員一個人需唔需要輪候，果然如我所料可以即時入座店舖空間唔算太貴，店員安排我坐吧檯，隔離就係出餐位置，都算坐得舒服，同隔離位食客中間尚有少少空間。最後我點左七款食物，包括：半殼燒帶子、蜆肉味味噌湯、特上海膽軍艦、原條穴子壽司、瀨尿蝦壽司、帆立貝壽司、灸燒大Toro、芝士燒三文魚半殼燒帶子係我最期待既菜式，但亦都係令我最失望既帶子肉燒得有點乾，調味過鹹，最敗筆之處係我不斷咬到帶子殼碎片蜆肉味噌湯頗香濃，蜆肉好多湯中帶蜆肉鮮味，好大碗，如果兩個人分享會啱啱好原條穴子就係我最滿意既實物好大條，燒得剛剛好，不過幼骨比較多特上海膽軍艦冇我想像中鮮甜，不過尚算合格，只係有點失望而大Toro亦沒有入口即化的效果，同左邊的芝士燒三文魚冇分別呢間過江龍尚算合格，不過唔會再幫襯吧？埋單差唔多$700，呢個價錢可以食得再好少少

食物一般，價錢唔值，冇招呼，佢門口寫住收11點，我9點45分入到去，個侍應同我講10:00 last order 要一次性落單，當然冇問題啦，但當我落order嘅時候搵個侍應搵咗5分鐘都冇人，最後埋單想搵個人都冇嗰個好似趕住收工但係當時只係10:15分 $30.1件壽司可以切到斷晒一忽忽比客人食

尋日同家姐係旺角做完運動後打算食壽司🍣即刻諗起呢間美登利之前去日本旅行都已經食過但係香港開幕後一直未試過因為聽講要排隊好耐先可以食到我同家姐打算行去雅蘭望下如果冇人排隊先食當時大概下午2點左右結果竟然唔使排隊😳好開心唔洗排隊就可以試到呢間日本過江龍壽司店望落個餐牌同日本果個幾相似同樣係有壽司set選擇同家姐決定叫一個極上吞拿魚盛合再散叫一啲想食既壽司🍣極上吞拿魚盛合$265既價錢可以試到赤身、中拖羅、大拖羅同碎蔥吞拿魚蓉係好抵既不過我食到一件中拖羅有根家姐話佢食唔到但咁既價錢可以接受🍣玉子呢件玉子大過舊飯既壽司主角係玉子黎到香港份量依然驚人兩個人share 岩岩好唔會好實心甜度適中香濃蛋味🍣帶子🍣油甘魚🍣池魚🍣象拔蚌已經唔記得咗😂其他壽司都正常發揮不過不失總結最後兩個人埋單$464呢個價錢同質素可以一食再食

之前已經同朋友嚟過食一次，但係因為我哋覺得呢度啲壽司實在太高質，所以要返轉頭食多次！呢一個手卷叫做平城卷。聽落個名普普通通，一啲都唔吸引，但係就令到小弟一見鍾情！原來呢個手卷係包括左海膽、三文魚子同埋吞拿魚茸！最重要最重要嘅係，呢個卷只係$48咋！就咁叫舊海膽壽司都差唔多價錢啦，仲要有埋三文魚子！抵到爛啦！平時小弟食開啲平嘢，一嚟到呢度就真係見識到咩係高質嘅壽司店喇。差唔多每一件壽司塊刺身都係長度可以掂番落隻碟度！而且樣樣都好新鮮好好食！價錢仲要唔係太貴。睇黎小弟要食厭呢間餐廳都要一段時間喇

小弟呢日同朋友黎到美登利，見到d午餐set雖然都要$100起，但望落去好豐富，一於叫黎試下！小弟叫呢個set有個海鮮丼、烏冬同埋蒸蛋。海鮮丼上面刺身都算多，呑拿魚夠哂肥美！一個字：正！而個烏冬雖然無咩配料，但係好煙un，湯底唔會太咸，正！蒸蛋好滑，最怕蒸蛋d湯汁會好咸，好彩呢個無。可惜裡面只係得冬菇，不過都好正！雖然呢個lunch set唔算平，但係性價比高！一個set可以滿足到食刺身同烏冬既慾望佢仲有好多唔同類型既set，小弟今日食呢個都算係普通款。其餘仲有d有埋天婦羅/超長鰻魚壽司，下次有機會再試

其實黎到美登利，嗌set係咪平好多。平成卷好好味，海膽好甜，有齊三樣高級食材，都只係$45。依個貝類套餐都幾貴，要二百幾蚊，我覺得冇乜特別，但係都新鮮嘅，食三文魚或者吞拿魚會好啲。依個真係都幾好味，$145有咁多壽司，都幾平。我好鍾意美登利切到啲魚生長長哋，視覺效果好好。依個係魚鮫，如果有啲汁點下會好啲，比較淡味道，我覺得依個都係一般。依個套餐啲鰻魚好好味，都好新鮮，都好新鮮，蟹腳壽司好鮮甜，不過雞蛋雪得太凍。吞拿魚套餐係好油膩，食兩三件已經好飽，間唔中嚟食下都幾開心。Join左會員有9折，埋單$1000，大家都食得滿足嘅！

在日本食過兩次，對美登利的印象得不錯，已納入去東京必食的餐廳之一，當一聽到香港開時也很期待，但之前排滿了人，所以遲遲未試，這天Lunch見沒有太多人，即管去試一次吧！午餐有幾個set Lunch 選擇，而我點了這個$198的午餐，價錢一點也不便宜呀！ lunch set 還包了一碗面豉湯和海鮮蒸蛋（忘了拍照），面豉湯挺有日本的味道，蒸蛋也很足料，至於壽司方面側沒有想像中好食，但也尚算新鮮，不過不失吧，覺得定價方面有點貴，始終這個定價有少少expectation吧！

美登利已經殺到香港一段時間啦 不過之前一直未有機會去試見人流少少 於是就入去一試啦！一坐低就會有一杯超香嘅綠茶🤣係我飲過咁多間日本餐廳最夠味嘅👍🏻1⃣特選壽司盛合 $275 (2/5)性價比極低，完全唔建議大家食👎🏻🤢海膽又苦又黑，松葉蟹完全無味😟赤海蝦大隻但都係無味，肉質尚可接受，爽口。海鰻肉質好碎，好粉。最好食係赤身，無筋，有魚味，大塊👍🏻帶子壽司都OK-單點壽司: 白海老軍艦 $48 (3/5)有鮮甜嘅蝦味，不過性價比低🤔-吞拿魚筋壽司 $12 (3.5/5)用火槍燒左吞拿筋，帶點脆同有魚油香-活章魚吸盤壽司 $12 (4/5)吸盤爽脆，性價比算高-鹽辛壽司 $12 (4/5)係魚腸壽司，口感有啲似櫻花魷魚嘅感覺，唔腥，算做得好👍🏻-三文魚醬油漬壽司 $20味道不過不失啦 有啲似爭鮮$3件嘅質素😂最後埋單$400兩位，冇咩服務可言，食物質素又唔係特別好，應該未必會有下次了🙊

曾在日本旅行食過長龍壽司店-美登利，大件夾抵食，得知美登利在旺角雅蘭中心開業一早已經希望來試試，但較早前壽司店常常排長龍所以未能及時嘗試，近來少了人排隊便約朋友來品嚐。餐廳裝修與日本的差不多，食客亦可選擇吧枱座位，我們點了刺身拼盤、三文魚壽司、帆立貝壽司、拖羅壽司、壽司拼盤、大蝦壽司、蟹肉蟹膏沙律、吞拿魚卷、蟹膏卷、八海山清酒、我們最後還點了京都抹茶雪糕，濃濃的綠茶味很可口。質素和日本的差不多，當然價錢比日本的貴、但不用飛日本也可吃到美登利也是很值得。

星期六下午做gym前食少少野打底，想食壽司又唔想食元氣.....醒起之前有朋友推介過，自己又未試過就今次順便試吓😋好彩中午時間無咩人，拎飛等左一陣就有位，安排左吧枱位但好貼心有個籃俾你放袋👍🏻野食方面都無失望，高質⭐️新鮮🍣地方整潔，吧枱位都好乾浄，職員好有禮貌，雖然價錢算貴貴地不過物有所值嘅而且野食黎得快，見佢哋密密出一盤盤壽司，尤其是吞拿魚，勁大件而且色澤好靚好新鮮(可惜我唔好吞拿魚😛不過見好多人叫)，一定會再encore😁平時工作辛苦，梗係要食下好西😆👍🏻旺角區有質素嘅壽司👍🏻Encore之選👍🏻服務好、食得舒服👍🏻d薑都好好味，唔好漏咗佢😋

環境舒服。但食物真心好一般。完全無水準。質素跟爭鮮一樣 壽司是不凍的。跟碟的介茉超少分量。在openrice發現滿心歡喜前來一試。回味渋谷味道。但香港分店味道太差。店舖員工又太少。還要落錯單⋯⋯ 做壞招牌。希望改善

朋友們成日推薦呢間日本過江龍，但每次都好多人排隊就打消念頭，今次的起心肝拎飛排隊，結果等咗15-20分鐘就有位了😙同朋友4條友仔總共嗌咗大概20舊shushi，咁就每人食5嚿左右都飽飽地肚！每一嚿都好新鮮，飯唔會太大嚿，魚生大大片好鮮甜！拖羅同左口月就比較肥味油膩，要飲返多啲茶沖下口xd最有驚喜係呢嚿坦克玉子，真係手掌咁大舊！成大舊咁食好過癮，又鮮甜又唔易散又飽肚haha三味三文魚有油漬三文魚，燒三文魚同埋三文魚腩😛整體都幾不錯！回頭率82%！😘

星期六下午茶時段黎，都仲係要等20分鐘我地坐吧枱，可以望住壽司師父握壽司叫咗一個牛油果海鮮沙律，一個極上吞拿魚盛合同一個極上三文魚盛合壽司類真係無得彈，壽司飯細細舊，各款魚生好新鮮，食落十分滿足。吞拿盛合個set食到好代，啲吞拿魚魚生油脂好靚，啖啖魚油香味，食完兩三舊已經有飽的感覺唯一要彈的係個牛油果海鮮沙律，上菜時只要有雜錦魚生同沙律菜，說好的牛油果呢？最後叫待應拎返入廚房加返牛油果，但成個感覺十分不良好！

呢間日本過江龍食過一次之後就成日都想再黎食。個人認為價錢合理，唔算太貴，食材新鮮又算大份。蟹膏沙律有驚喜，估唔到咁多蟹膏蟹肉，好滿足！拖羅壽司都十分出色，個人認為小卷比較抵食，拖羅蓉一啲都唔慳，已經好夠食。海鰻壽司好大份，可以兩個叫一份就足夠，下面仲有兩舊飯，食落都幾飽。Menu亦有啲期間限定既日本直送壽司，但好似好搶手，經常都賣哂。平時夜晚都要排隊，等半個鐘至一個鐘，但絕對值得等。每人消費大約三百左右。👍🏻