桔梗 (已結業)

話說一直想試桔梗嘅三文治，但原來三文治只限11:00-17:00供應，於是唯有等放假再來吃😊呢度環境好大，裝修好有台灣feel，仲好文青添💕我地點左海洋風嘅 “炸軟殼蟹與檸檬香草酸奶” (炸軟殼蟹，檸檬香草酸奶，醃漬紅甜椒，炒蛋) 炸軟殼蟹好酥脆，但就略嫌細隻左少少唔夠喉，好彩除左炸軟殼蟹原來底下仲有炸龍脷柳，menu無寫，所以有點驚喜😊而個檸檬香草酸忌廉醬汁很不錯，酸得黎帶微辣，又有香草味，減低炸物嘅油膩感，但要趁熱食，唔係啲炸物就會淋左無咁好食😊另外點左香港限定餐車風嘅 “龍蝦酪梨白酒奶油醬汁” (炒白酒龍蝦，酪梨，蛋捲，沙拉，麵包) 面頭嘅龍蝦肉好彈牙，但略嫌份量少左啲，白汁好creamy帶少少酒香，配上蛋捲還有牛油果粒，味道好夾😊 仲可以用旁邊嘅焦糖洋蔥抹醬搽法包飲品點了每日不同嘅 “當日昔昔” (士多啤梨，香蕉，黑糖) 味道好夾好好飲，面頭仲有藍莓，餅乾碎，朱古力同啲脆脆，非常有口感，一個人飲晒2杯完全無難度😋

見係過江龍餐廳，當然要去試一試。原來佢賣嘅唔係台式傳統野，而係新式fusion菜。當日太概晚上七點幾，一入到去就見到爆晒場，好彩有幾個位剩，地方好大好寬敞，仲有三層。睇得出啱啱開業好多野未準備好，希望會愈做愈好。叫咗兩杯果昔，唯一缺點就係太細杯，但係味道非常好！值得推介！食物方面叫咗兩個燉飯，鍾意食淡味啲可以叫「帶子燉飯」（我唔記得叫咩名），喜歡濃味的可叫「牛肉燉飯」，有少少花椒味，牛味重，幾好食。而加份量好多，女仔有可能食唔晒，男仔食應該剛剛好。水係自助形式，而且食完野都要自己分類放返去回收區。自助唔係問題，不過有人幫手回收餐具就更好。價錢唔算平，都百幾蚊一份，但係環境同食物外表好啱打卡，滿分！建議有得揀就唔好坐窗邊，有啲怪叔叔係咁「裝」入嚟，俾人望住食野感覺好怪。總括而言，呢餐飯食得幾開心，有機會會試埋佢地lunch set!

今日嚟到旺角，發現一間新開ge cafe. 有別於其他一般ge cafe, 呢間cafe 面積極大，有三層，空間感十足！裝修好有文青風格，影打卡相一流。一search 餐廳名，原來係台灣人氣cafe!講到食物，份量十足而且高質！今日叫左炸軟殼蟹三文治，同埋一個龍蝦brunch.炸軟殼蟹同檸檬香草cream 味道非常夾。雖然係炸物，但一啲都唔覺得油膩。好好食龍蝦brunch 嘅配搭亦都好新鮮。炒白酒龍蝦配酪梨，加埋麵包食，令本身平平無奇ge 麵包 提升到令一層次。另外叫左兩杯飲品 - vanilla latte 同matcha latte.兩杯latte 沖出嚟都好滑。 vanilla latte ge 咖啡味都好濃。呢到除左食野，影相打卡，二樓亦有桌球打，真係一個消磨好地方！

到了餐廳，員工態度十分差，坐底之後本想一切都係自己服務自己，斟水連水杯都沒有，問餐廳員工，只回答給其他客人取晒，而沒有意慾去添加水杯。食物質素亦相當不合格，不會再有下次。兩杯每日昔昔，似一杯溝了水的奶昔。麵包，炸雞的醬汁仿如藥水一般的難食。等了一個鐘，還有一個意大利飯未到，問餐廳員工，他沒有check 單，只要答我要等待耐一點。是再過了十分鐘，問另一位員工，他睇了枱面的單發現根本是漏了單，既然不會有意外驚喜會好食，所以要求退款，退回的$128，用來補食第二餐，因為難食，貴，又不夠飽。

服務態度太差，六點開門但係無人招待，門口侍應生話自己要去廁所，所以令到入座時間推遲🤷🏻‍♀️一入到去登記之後，又話廚房未準備好，要我地返出門口排隊等，等左10分鐘又話要入返去登記，仲要個個講普通話，係唔識聽廣東話🤷🏻‍♀️仲有個四眼疑似老闆態度10分惡劣，我哋喺度講緊安排太差佢行埋黎講：咁你而家想點？你坐唔坐低？呢間野以後唔會再去幫襯，仲諗住新開試吓又話環境好好，一啲服務都冇，只係俾一個貴三陪嘅價錢去食一個快餐，自己買，自己攞餐，仲要自己執枱🤷🏻‍♀️

😌新屎坑梗係要約左兩個朋友黎食😆😆😆旺角站E1出口行五分鐘左右就到，地理位置幾好，好易搵👍🏻接近一點去到，大約六七成滿座，地方好大好開揚，裝飾設計都幾靚，影相位都幾多🤣🤣開放式既廚房，有些少油煙味，不過我覺得可以接受既😌朋友A一點令鐘就到🤩好肚餓睇下有咩食先！😰嘩咁少選擇既！！？？睇晒咁多menu都係得呢四款set，但明明其他野食都係標明11點開始有，算啦😌最後我地揀左兩個set及當日昔昔，食住等塞緊車既朋友B13:08分買，13:22有第一樣野食昔昔😏面頭有啲花生之類既脆脆，增加口感，幾唔錯喎成件事，不過細細杯，略嫌有啲貴😌😌13:27分我果碟菜菜子+貝殼麵就拎得😆賣相真係嚇親我呀！無諗過係呢隻色😂😂😂不過黎到又出奇地香喎😳蔬菜有茄子、翠肉瓜、黃椒、菇、羅馬生菜，仲有熟熟地既溫泉蛋😂😂好多好多汁，甜甜地，幾creamy既，貝殼粉煙韌有咬口，成件事係好食既👍🏻👍🏻所以千其唔好睇外表😌haha13:35朋友A叫既咕咕雞+螺旋麵拎得，大約等左半個鐘，其實以香港餐廳黎講都算耐😅仲要唔係full晒喎個場！黎到賣相幾好，穩陣既正常既，都係好多好多汁😂松露味唔算好強，重忌廉味，所以都係偏cream

係台灣有食過嘅桔梗。估唔到而家仲登陸到香港添。當然要去試下啦。店鋪嘅位置都算方便，唔太難搵。係朗豪坊附近。遠望已經可以睇到桔梗嘅大招牌。店舖係落地大玻璃設計，空間感十足，而且充滿住濃濃嘅文清氣息，連路過的人都會被吸引著而停下腳步望一望。入到去先知原來有三層咁多。最喜歡地面個層...... 超多影相靚位。我同朋友兩個人點左：一份三明治同一份brunch ，再加兩杯野飲。影下相傾下計，咁就過咗一個好relax 嘅下午。

呢間台灣野係新開嘅，今晚好彩book左位，8:00到都多人等位。餐廳係自助嘅，由點餐，取餐，拎餐具，以至將用過嘅器皿放回收拾處。香港人黎講確實唔多慣，因為冇服務，所以都冇收加一服務費。我地想試上網見到嘅三文治，原來17:00已截單，而且晚餐比較少款揀。整體食物一般。烤蔬菜 $78 材料有翠玉瓜，茄子，菇，椰菜花，配上奶油薯泥，芝士。薯泥好滑，烤過嘅蔬菜都新鮮。干貝繞圈圈 $168 呢個意大利飯有干貝，溫泉蛋，燻鮭奶油鮮蔬醬。個人意見溫泉蛋都係唔好拌飯，飯略有少少硬。我地加左$128 升級為2人分享套餐，有一份沙律，無花果奶油配麵包，同埋2杯每日昔昔。

之前經過見到呢間裝修緊既cafe已經好想試，今個weekend就黎扮下文青xdCafe 2層高，係自助形式，上層仲有得玩桌球，幾特別！野食方面以sandwich同risotto 為主，點左一份炸軟殼蟹sandwich同炸雞與巧克力咖哩brunch!野飲點左latte, 有得揀fruity/nutty, 揀左fruity，咖啡味香，另外既香蕉士多啤梨果昔好special! 細細杯好似食雪糕咁。炸軟殼蟹sandwich好大份好吸引！除左軟殼蟹之外仲有2件炸魚同炒蛋，配sour cream同紅椒，全部夾埋幾match! 炸魚同軟殼蟹好脆而且炸粉夠薄。另外既炸雞與巧克力咖哩都好有新意。炸雞下面係芝士蛋捲，咖哩汁幾好味，夾埋蛋捲同面包幾得意！整體呢度樓底高環境舒服，幾岩閏蜜黎~

在旺角鬧市中居然有個寧靜悠閒的cafe？首先不得不讚嘆在香港這地方，居然有人願意租上一棟大廈去打造這個空間感十足的cafe 。這邊絕不是打著文青旗號實際上細過劏房的餐廳，兩層連天台的裝修簡單，用落地大玻璃窗採天然光入屋。枱與枱之間不會太近，天台shisha的空間也正好不會打擾到旁邊的人。這裡除了餐點食物之外，亦有水煙shisha和酒類飲品。Lunch Time也有商務午餐set大概$78，上班期間過來休息一下價錢倘算可以。今次叫了一份綠巨人洛克，其實即是溫泉蛋青醬豬頸肉貝殻粉，作為青醬愛好者我當然要一試。台灣人開的cafe果然有台灣味，熟悉的青醬香味使人陶醉。不過醬汁不算濃郁，加上溫泉蛋的蛋汁令青醬果更淡。但貝殻粉和豬頸肉的口感一流，喜歡有咬口的你絕對會愛上。在人來人往的砵蘭街，夜總會和找換店林立的一個鬧市，突然來股清新風，對這個鮮有年輕人出現的街道形成十分有趣的對比。不妨過來吞雲吐霧，欣賞老旺角的美景。

早前行經旺角，見到呢間新開落地大玻璃既Café，心中已經一早Bookmark，要揾日嚟試試。今日終於有時間，就一於嚟試試佢。Café面積好大，仲分咗上下兩層。上層燈光偏暗，幾有Feel，好啱喺到傾吓密計，而且仲有得篤波。我地坐咗喺下層，近玻璃位置。呢到喺行自助式。喺揀好食乜後，自己出去點餐，之後店員比個電動提示器，提示器震動時，自己行去廚房果邊拎餐。店員仲提醒，食完嘢後，要自行將清理枱面。除外，拎餐具、斟水，自己去呢到就會揾到。我點咗兩款燉飯，分別喺「水上芭蕾舞 干貝繞圈圈」同埋「剁椒牛肉 眷村好味道」，仲加錢升級咗做套餐。等咗大約十分鐘左右，前菜就準備好。有沙律、法包、雜莓果昔。食物賣相相當精緻，用嚟打卡影相一流！我都忍唔住影咗好多張相，先得捨開餐。呢杯迷你果昔唔單睇得，仲好好味添。果昔上面鋪上堅果、朱古力粒，食之前攪伴一吓，令口感好豐富。果昔底層仲有朱古力醬，入口有兩種味道，勁好味。另外，仲有沙律、法包。法包仲提供咗三款醬汁，分別喺無花果醬、白蘭地芝士醬、無花果奶油。前菜份量其實都唔少，食完都半飽架。食完前菜，啱啱好主菜就整好。未食，聞落香味相當吸引！「水上芭蕾舞 干貝繞圈圈」上面

間鋪門面不錯, 進去的感覺也可以。服務員, 帶位生態度都OK。跟朋友一行6人, 有4人點了餐, 等90分鐘都算, 我們預左聊天所以OK。但東西來了全部都是不熱的，這就有點離譜。不熱的東西真不知道為何可以整咁耐?? 正常等得耐, 應該來個新鮮出爐的東西吧? 算了, 野食就算。熱咖啡也是溫的???? 奇怪!  野飲野食通通都是常溫, 唉...只有冰飲料是冰的 

話說，上週末和好久沒見的朋友吃brunch，專程來到這家新開業的台灣過江龍！Cafe雖然只開業約兩個禮拜，已經爆人氣，大家如果週末想來吃，記得一定要訂座。Cafe有三層，文青風加上樓底高，絕對是這裡的賣點啊。我當天約一點到達，餐廳是自助形式的，被安排座位後，去排點餐，排了2️⃣0️⃣分鐘啊。飲品來說，我們點了Iced Latte ($34)、茉莉薰衣草茶($58)及雙人份的當日奶昔($68)。Iced Latte - 朋友當天選了nutty的~當日的奶昔主要是藍莓味，不會太甜。薰衣草茶好大壼，味道不錯，偏清淡帶花香的選擇。食物來說，我們點了兩款只於11am-5pm供應的，先吃了楓糖培根鹹甜豬豬|少女風 ($88)。這份厚厚的三文治味道不錯，太陽蛋美美的🍳。除煙肉外，還有我最喜歡的豬頸肉🤤！加上楓糖及蘋果切片，咸咸甜甜的~ 麵包也有經烘過，外皮香脆，不過整體可以再熱一點。另一份主食則是龍蝦酪梨白酒奶油醬汁|餐車風($148)。即是炒白酒龍蝦、牛油果及蛋捲，蛋捲像奄列般，蛋算嫩滑好吃，還有芝士拉絲啊！醬汁較creamy。整體來說，覺得厚三文治不錯吃，地方好適合打卡~

約了個好耐無見皂山朋友聚會，朋友帶了我去旺角這間頗大的cafe。這裏以全自助形式，不過服務方面較一般，竟然無叉用，通知了店員，佢話洗緊🤦🏻‍♀️🤦🏻‍♀️但服務態度良好，店員十分有禮貌。飲品主要是咖啡、花茶及奶昔，我們就十要了熱迷迭香玫瑰花茶及mocha，花茶味道清新，迷迭香味道突出，mocha咖啡味道都很香濃。這個美式轟炸機以烘過的法包夾著煎蛋及燴牛肉，牛肉份量頗多，肉質就有點咬口，似紅酒燴過的味道，帶點微甜，伴碟的是薯片，欠缺特色。之後再叫了龍蝦酪梨白酒奶油醬汁，超大份的奄列，表要淋上特製醬汁，帶點甜味，奄列很滑，旁邊的多士就比較乾及硬。最後試埋個當日昔昔，是士多啤梨配香蕉，蕉香蓋過了士多啤梨味，打得幼滑，十分健康。

見雜誌介紹，旺角區新開左一間來自台灣嘅人氣餐廳，晚上有燉飯供應，於是相約靚女朋友一齊嚟試下。餐廳兩層高連天台，門面以落地玻璃設計，燈光透亮，室內空間感大，氣氛熱鬧。登記後，服務員💁🏻‍♂️很快就安排入座。晚餐時段提供燉飯、單點食品及飲品，燉飯有7款選擇，另加$128可以添加二人分享套餐，飲品另點。點餐、餐具及水均是自助形式。我跟友人點了兩款燉飯，另加二人分享套餐及飲品。🔸水上芭蕾舞 | 干貝繞圈圈燉飯飯質熟度剛好，軟硬適中，混入三文魚及翠肉瓜，感覺清新健康。帶子鮮味濃郁，流心蛋香滑細嫩，配埋火箭菜及醋汁，酸酸甜甜，非常開胃。🔸海底世界 | 海龍王真的來了燉飯充滿羅勒嘅香味，龍蝦🦞啖啖肉，肉質彈牙，帶子及溫泉蛋亦很鮮嫩。🔹兩人分享套餐🔸麵包（無花果奶油、香橙白蘭地、起司抹醬）三款醬料各有特色，建議頭幾口，每一少啖麵包配上其中一款醬料，其後將三款醬料混合，細嘗醬料嘅層次感。🔸每日昔昔昔昔上佈滿藍莓及堅果，口感非常豐富。🔸桔梗奶昔及百利甜酒朱古力同友人選了兩杯較有特色嘅飲品，桔梗奶昔及百利甜酒朱古力，前者味道跟果昔有點相似，香草味香濃；後者比較適合嗜甜嘅友人，而酒味亦不算太濃。總體來說，論環境