桔梗 (已結業)

呢间台湾野系新开嘅，今晚好彩book左位，8:00到都多人等位。餐厅系自助嘅，由点餐，取餐，拎餐具，以至将用过嘅器皿放回收拾处。香港人黎讲确实唔多惯，因为冇服务，所以都冇收加一服务费。我地想试上网见到嘅三文治，原来17:00已截单，而且晚餐比较少款拣。整体食物一般。烤蔬菜 $78 材料有翠玉瓜，茄子，菇，椰菜花，配上奶油薯泥，芝士。薯泥好滑，烤过嘅蔬菜都新鲜。干贝绕圈圈 $168 呢个意大利饭有干贝，温泉蛋，熏鲑奶油鲜蔬酱。个人意见温泉蛋都系唔好拌饭，饭略有少少硬。我地加左$128 升级为2人分享套餐，有一份沙律，无花果奶油配面包，同埋2杯每日昔昔。