桔梗 (已結業)

呢間喺旺角既文青餐廳 我同朋友老早就好想去會一會佢架喇，但睇食評就話成日都超多人～今日難得早放工終於同朋友去左 而且最重要既係 佢係黃店💛嗰時六點左右 人未算好多 我地都揀到個唔錯既位坐低 佢地係self serve 形式 餐具水有提供 你自己可以去攞 我地睇睇餐牌 叫下以下既野：先叫左野飲鮮奶抹茶：茶味好濃，唔會好甜，剛剛好唔算好特別百利甜酒朱古力：帶點點的酒味，在入口後酒味隨後勁衝入喉嚨，而朱古力本身亦都不太甜，推薦大家可以試下～～～龍蝦干貝羅勒堅果燉飯本身係龍蝦控，就梗係要試呢個龍蝦飯啦～個底係用羅勒葉製成，個青醬好清新，飯入面仲有蝦粒，魷魚粒等等，口感豐富！而飯面上還有一對開邊龍蝦，香烤的干貝，還有一隻溫泉蛋。龍蝦鮮甜味美，肉質彈牙，干貝火候控制得宜，仍然保持嫩滑口感，另外個飯份量好多 我覺得如果兩個女仔係可以叫一個share 之後再叫多啲小食試～～～干貝燻鮭翠瓜奶油燉飯朋友既呢個都好吸引！干貝份量好多，有成 6粒大大干貝！！再加上奶油意大利飯粒粒軟硬適中，配上溫泉蛋，口感更為Creamy。另外，呢個軟殼蟹小漢堡一份有兩個漢堡（其實佢係平時食既小蛋糕，漢堡內有一整隻軟殼蟹，除左

鬧市中，搵到一間文青裝飾既台灣小店。 入到去空間好大、裝飾都好特別。 同朋友一齊入黎涼下冷氣食下野，都係一大享受。我就叫左杯flat white, 味道好重奶味，好香濃。 而朋友叫左杯海鹽焦糖拉鐵，佢就話杯落甜得黎小小海鹽味，好適中。而佢就叫左個龍蝦蛋潛艇堡，一大口咬落去d龍蝦到、加埋入面d沙律醬同隻蛋，配搭好夾。仲有沙律食、幾健康！ 而我就叫左個炸蟹肉酪梨蝦蝦球，d蝦球食落好鬆脆，都好juicy! 望落去細細份但食落又幾飽！ 假日放鬆下，就係甘簡單

一早來到旺角辦事趁著有點時間search 吓區內有咩靚cafe 見到有不少人推薦台灣過江龍桔梗即二話不說拉著同行友人來試一入店內超大空間感映入眼簾好舒服好chilling 周圍的擺設設計好適合打卡影相喜愛流連文青咖啡店必愛這裡找位坐下後叫餐是自助形式前台Order完店員會給你牌子坐下休息等店員送上食物超豐富的all day breakfast 🍳 賣相精緻，擺盤有講究還有我喜歡的丹麥麵包龍蝦哥哥意粉龍蝦肉爽彈可口，入口啖啖肉但略嫌意粉醬汁不夠，有點乾海鹽焦糖咖啡咖啡濃醇，入口香甜

台灣過江龍桔梗在香港有分店，Cafe走文青路線，座位闊落，裝修超適合打卡。桔梗以燉飯做主打，即是Risotto，拍照環境不錯，食物期望可以不用太高。剁椒牛肉眷村好味道 $158牛肉軟腍味道夠，燉飯個人覺得可以再腍身小許。 +$128有雙人沙律套餐，包括沙律一份、無花果芥末奶油麵包、季節果昔甜品。麵包普通，沒什麼特別，果昔不能後上，食的時候唔夠凍。歐爸炸雞 $98炸得過了火，外表已燒焦，不是金黃色而是焦了一點的咖啡色，肉質是嫩滑，但火喉控制得不好是敗筆。Ice Mocha $38Salted Caramel Cafe Latte $38 咖啡質素普通，相信愛咖啡的都會覺得不好喝。

呢間台灣開嚟嘅打卡咖啡店，非常之靚。裝修充滿台式風格，好多乾花同埋擺設，我非常鍾意。晚上去到已經排長龍，好彩都好快入到去。餐廳環境非常療癒，我哋有幸坐到比較近花乾花多啲嘅位置，影相好靚。叫咗二人餐，首先有法包，份量都唔少；而且整得幾香脆，配有無花果芥末奶油，味道酸酸甜甜，幾得意。另外，沙律份量亦都好多，幾新鮮。主菜方便我哋叫咗個海底世界，燉飯有龍蝦、帶子、溫泉蛋等，味道煮得剛剛好，而且頓飯唔會太硬，又夠creamy。另外嘅燉飯叫咗水上芭蕾舞，原來係有五粒帶子，大大粒幾好食。飯調味剛剛好，所以都唔錯。套餐仲有兩杯是日果昔，食落去有點似yogurt，感覺清新。餐飲叫咗玫瑰花茶，有一大壺；另外叫咗薑汁蘇打，薑味都幾夠。整體上餐廳環境靚，食物高質素，真係會再去呀。

成間餐廳都有 style , 文青帶點復古 feel area 感覺好 open , d 檯都比較大張 ,樓底亦比較高 , 又有書架 , 整體幾得意今晚叫左四樣野食 + 一杯飲品，其中我認為最好食既就係呢個特製雞翼。個醬既份量略嫌太少，唔係好夠。雞翼好香脆，熱辣辣，入面又好 juicy ! 令人食完一隻又再想食下一隻既節奏炸薯條既份量比我想飲之中多，總感覺如果係茄汁既話會夾 d 不過佢個薯條厚薄度適中，而且都係外脆内嫩，有薯味，滿意呢個温泉蛋蟹肉羅勒燉飯味道不過不失，但係我個人感覺整體既味道唔太夾咁？d 飯又略嫌感覺有 d 太硬桔梗奶昔我個人認為太甜，雖然奶昔正常係甜既，可能因為我自己一個飲曬，所以先覺得甜度太 over 個雞肉凱撒沙律就唔錯，份量 ok 雞肉都唔會鞋口，有醃過既雞肉。沙律菜亦好 fresh 好爽口！明明本身 book 左位，到場亦有講係 openrice book 左位報到，但好奇怪餐廳最後係 openrice 無確定我出席左

咁多人食，咁多好評，點知又係伏既...佢價錢唔平，我諗要好好質素先得薯條正常，個係個醬有d少，要問佢再拎先夠個醬有d稀，溝水架？雪魚冇乜特別佢真係漢堡包黎？似係cake仔多啲，食落有奶油味添個軟殼蟹冇味，同個包完全唔夾佢只係兩樣食物擺埋一齊，完全冇將佢地結合醬都冇滴，乾爭爭個Risotto都幾濕下，我以為自己食緊茶記既蕃茄豬頸肉燴飯🤯乜都自助，除左送野食黎... 咁就要收加一仲要咁既質素... 咁既價錢？黃店都係咁話

旺角係好多嘢食嘅地方，幾多點翻舖頭入面環境真係好大同埋佢嘅裝修簡單得來又靚，用咗一啲乾花做裝飾，好有文青嘅氣息。今次都算係大滿足！😆😆兩個人叫咗龍蝦燴飯、韓式炸雞、溫泉蛋帶子意大利飯、串燒飯，仲有一個甜品😊😊😊😊沙律d菜好新鮮，因為我平時好厭尖，唔新鮮都唔食😅😅龍蝦好明顯好大隻😌👍🏻啖啖肉韓式炸雞真係好大份，鍾意食炸物嘅朋友非常啱～另外嘅就係佢嘅燴飯做得好出色，米飯唔會過硬或者太軟身！仲有佢嘅拉花咖啡真係好靚☺️

這家餐廳受歡迎的程度超乎所想，在六點到達時已有長長的人龍，而且是已預約的，說明情況後店員叫我們在45分鐘後才入座，邊先到附近逛街。可以看得出這家餐廳的店內裝飾十分用心，空間也算寛敞，但基本上所有步驟都要自助處理，想好好享受一頓飯的話自然有些不便。食物對我而言沒有什麼值得言說的部份，意大利燉飯不過不失，口感細滑，量也充足，但未去到要花半天排隊入店進食的程度，溫泉蛋和其他配料也未能為這客飯加分，反而將各有各的味道，不能取得1+1大於2的效果，龍蝦和飯也未能配合，感覺上像將兩種食物勉強合在一起，其他燉飯也有相近感覺。可以一試，但慕名前來就大可不必。

尼間來自台灣既黃店，人氣相當強啊 😆 雖然佢有三層高5600呎，但都要記得book位啊，因為🐻book左都要排隊等入去❗️今次好開心安排左樓上坐啊 ☺️ 建築及裝修都好特別有格調，坐係度真係幾舒服同岩傾計🤗 睇岩食咩要去counter購買，全自助形式攞餐具，但食品飲料會送上 🤗今次無叫套餐，亦無叫到佢既出名燉飯，而係散叫左「溫泉蛋凱撒沙律」、「烤半春雞」、「鮮奶抹茶」同埋「玫瑰蜜桃茶」✨推介/ 意見‼️✨「溫泉蛋凱撒沙律」賣相精緻材料豐富，流心溫泉蛋再加埋新鮮蔬菜同雞肉，做前菜一流，無失望 😏✨「烤半春雞」比較長時間先送到，但亦都係最驚喜，一上枱超香，雞皮烤到脆身，但肉質係剛剛好，唔會鞋而且食得出有自家調味，下次一定會再食❗️✨飲品反而無特別驚喜，🐻叫左凍既「玫瑰蜜桃茶」感覺不太match，可能熱飲會比較好❗️價錢‼️$78 「溫泉蛋凱撒沙律」$158 「烤半春雞」$48 「鮮奶抹茶」$58 「玫瑰蜜桃茶」

排隊都唔算耐，入到去有職員會帶位。um⋯⋯服務其實算係半自助式服務但要加一。😂同個friend去食，我嗌嘅98蚊個餐真係份量似前菜多d，見到我個份大家都有d唔知點形容，朋友嗌嗰餐都係覺得味道麻麻地⋯嘢飲嗯⋯還可。環境呢就OK嘅，如果去打卡影相、坐喺度吹水嘅話就去下都無妨，如果想嘢食好味d，真係唔多推介！唸住係黃店，幫襯下-但真係有d唔抵食😂失望囉都講到尾真係得個環境同埋係黃店😅希望之後有所改善。

難得出去旺角開會係夾到lunch time，一於去旺角食lunch la，雖然係話lunch，但其實我哋2點3先到，啱啱過咗lunch hr，但餐廳仍然好多人啊！不過我哋好好彩，仲有最後兩張枱，唔使等位✌🏻.之前都聽講過呢間黃店好多人，不過無諗過平日過左lunch hr都咁full，都真係幾誇張! 大家都黎懲罰黃店！.望住個menu花多眼亂，我地樣樣都想試，果然係貪心的🐶.龍蝦哥哥意粉🦞 🍝$108龍蝦蛋潛艇堡 🦞🌭$148軟殼蟹小漢堡 🦀🍔$168炸薯條 🥔🍟$68 意粉大大碟，連🦞份量都好多，唔似有d餐廳咁食材貴d就得2，3舊，仲要細粒到差啲睇佢唔到。🦞好新鮮，好彈牙，有咬感！ .雖然係小漢堡，但軟殼蟹份量一啲都唔少，大大舊，同炸魚一樣炸得非常香口，脆卜卜。要特別讚賞一下個包包，有別於一般嘅burger，應該係用左甜餐包加上牛油，焗到個包金黃色，睇得又食得，係連個邊邊都好脆！讚！😋.呢間文青黃店cafe真係高質，打卡一流，環境舒適又美觀，比人一種好relax嘅感覺，野食睇得又食得！ 全部野食都好好食，食材新鮮，份量又多，一個人其實都食唔哂一個主食。如果lunch hr黎有lunch

除非你接受到比起茶記更加西嘅面口，否則不建議去嘗試。預約左九點鐘食飯，準時到達後入座，唔洗另外等嘅。去到落單，自己行去收銀落，或許係我透明度比較高，企左幾分鐘，我以為counter入面企嘅都係客添，隔一陣先有人施施然行過黎落我單。落完單都唔洗好耐就有手工麵包送上黎喇，黑松露牛油過不失。叫左一杯Latte同salted caramel latte，咖啡我覺得好啱我口味，好飲嘅。餐點方面叫左牛仔骨同干貝燉飯，牛仔骨份量好大，有成三塊！不過又油又乾...千其唔好挑戰自己啲牙，我食到好似香口膠咁，兩塊完全overcook。干貝燉飯算比較可取，干貝都可以食得落肚嘅。重點黎喇，服務費加一，老老豆豆我想問佢拎返，服務生們除左將個餸由廚房送去我張枱之外，完全咩都無做架。食物放到遠一遠，放完就即走架喇。餐具同水自取，無問題。水無曬喇，服務生們都係度圍堆吹水，人手係咪唔夠...除非我見到鬼啦。依個價位..never again喇，黃店唔係大曬架。

🍔相信呢間桔梗應該無乜人唔識！佢個軟殼蟹漢堡，真係估佢唔到！😍係原隻上，開頭仲以為係一隻軟殼蟹分成2個漢堡🙈個飯就勁重芝士味！份量都比我想像中大份！薯條嘅醬完全係我啲嘢，酸味味，有d泰Feel👍🏼薯條亦唔會炸過龍！奶昔就充滿玫瑰同士多啤梨味！🤤

大前日(30-4-2020 Thur)佛誕假期晚,同老公喺嘉頓山睇完夜景後,就嚟book咗位嘅呢喥食晚飯,我哋準時嚟到,都full嘅,坐低後睇完menu,好飽嘅我哋,都決大食地食佢哋$580.00嘅雙人分享套餐,有:1. 手工麵包配堅果松露奶油手工麵包有5個,除咗法包外,其他包都夠味;堅果松露奶油幾好味,可惜太少.味道:4分2. 花園沙拉~新鮮蔬果,風味油醋呢個普通同正常.味道:3分3. 煎干貝,鱆魚,龍蝦,南瓜泥睇到每樣嘢嘅份量都係單數,其實個餐已話明係二人餐,點解唔俾雙數?煎干貝係煎到半熟,口感嫩;另外兩樣嘢口感都正常,但嗰舊仔龍蝦肉,我食唔到咩味.味道:3.5分4. 松露菇威士忌藍莓燉飯燉飯同意大利飯差唔多,一樣係濕飯,而呢幾種材料整出嘅嘅味道又出奇地夾同好味,真係估你唔到.味道:5分5. 烤半春雞配牛肝蕈紹興奶醬呢個烤到外脆肉嫩,牛肝蕈紹興奶醬好好味,可惜亦係太少.之後食嘅雞肉唔夠醬時,就覺得鹹咗啲.味道:4.8分6. 心太軟,紅桑子撻紅桑子撻上面白色嘅,質地似泡沫但有彈性,好特別,而佢帶點檸檬味,紅桑子撻係酸嘅,但好似唔係紅桑子味.味道:4分心太軟就用唔甜嘅黑朱古力,味道好濃