桔梗 (已結業)

每個朋友都話呢間係文青cafe，旺角大熱長龍店。今日有時間去試吓，朋友話呢間餐廳喺台灣過冮龍，所以對其食物都有一點期望。此店環境及裝修十分舒服，行簡約主義風，樓底很高，感覺幾清新，係適合坐低嘆咖啡嘅地方。可惜此店服務有點台式，好多自助服務，對香港人就有啲麻煩。今日叫咗個龍蝦羅勒燉海鮮餐飯，有隻溫泉蛋，海鮮size幾大隻，綠色羅勒燉飯幾香，味道就普普通通，上枱好靚，顏色非常吸引，整體中規中矩，不算突出。另外點了炸薯條炸雞，味道都算正常，不算特別-似茶記水準。你問我就試過一次就算，影幾張靚相，開心like 吓，食物就不要太講究吧！

由於晚上6點後不能堂食，所以新增了早餐時段。我差不多11時去到，人不多，即刻有位。環境很舒服，樓底高，枱與枱之間都有適當距離 空間感十足。叫了蘋果照燒鐵板豬，加一杯Mocha。食物即叫即做，所以都要等一下。食物和飲品質素都好好，值得再來。

其實去之前已經見過好多reviews話嘛嘛哋，但點都有一種自己點都要去一次嘅感覺🤣不過原來夜晚主要係食risotto，lunch先有意粉pasta，dinner感覺上選擇唔太多，少失望。呢度環境空間感係幾大嘅，但夜晚比較多人，有啲吵同混亂。再加上所有嘢都係自助，有一種去咗food court嘅感覺。另外係要加一，雖然除咗會送嘢食嚟之外，落單湛水攞餐具咩野都係自助，唔係好知服務喺邊🤣而且上菜速度好奇怪，首先等咗15分鐘上咗麵包，之後再等多陣就上咗第一碟risotto，然後食完第一碟risotto，先上小食雞翼，再等多陣先上埋第二碟risotto，成個體驗好奇怪，兩碟risotto隔咗差唔多20分鐘，好彩我哋係share食，如果一人一碟都唔知等唔等好😂.have seen @jiegenge.hk a lot recently but also saw that the reviews weren’t too good either 😆 you never know until you try it yourself so decided to check it out🤣 pretty s

桔梗呢間充滿文青氣息既鋪頭奶油包係好多個月之前已經好想去係6月尾7月頭疫情好似減退左啲既時候就約左朋加仔去一試下午一點前去到門口已經有十幾人係度等位最後奶油包同朋友等左大約30-40分鐘先入到去桔梗既裝修設計都好簡約而且文青風十足有一個大大既書櫃但上面放既唔係書係好多樽同好多木制品據說桔梗係有3層...但當日奶油包去既時候只係開左地面個層一嚟係政府既條例所限只可以80%入座二嚟可能係唔夠人手做野奶油包同朋友就有幸坐到係玻璃窗位置講返野食方面選擇唔算多價錢屬於中價食物質素方面要一樣樣去評價奶油包叫左既係All Day Breakfast牛角包好香口煙肉同腸仔好咸而個蛋係冇味既D炒菇菇就不過不失有少少失望而朋友就分別叫左干貝公主同龍蝦哥哥干貝公主係完全Overcook帶子煮得太耐而個意粉都係唯一好味既係個松露忌廉汁另一位朋友既龍蝦哥哥係勁辣龍蝦都係Overcook明明係Tomato sauce唔知點解係好辣意粉又係煮過頭反而飲品方面就唔錯海鹽焦糖咖啡幾香而個雲霧玉露煎茶就好清甜意外地覺得桔梗既飲品係唔錯食物方面真心有待改善

。。。。。。。。。。。。其實我之前成日黎幫襯點知今日一個人食中途去左個洗手間返黎d野食竟然比人清走曬 仲換埋下一檯客我知係繁忙時間但我碟意粉只係食左三份一 野飲係未飲過只係去一個三分鐘既廁所就唔見左 連坐都冇得坐個下真心有d無奈要一提店員有提出幫我整過碟但佢地出餐例牌等半個鐘我已經趕唔切最後餓住個肚去番工係一次好唔愉快既用餐體驗in case有下次既話 希望可以唔使光速收走一個去左廁所既人幾乎未食過既野食。

琴日同朋去左桔梗到食💛 我地book左6點45分早左去到都有位有得坐 呢到有2層 上面個層應該記for shisha嘅朋友仔 環境唔錯 地方好大 而且感覺舒服個蕃茄Risotto好好味 食落蕃茄味好出而且唔會好假 酸酸甜甜🍅 個牛仔骨🐮普通 但勝在份量超大！ 我地諗住100令蚊 唔會太多 點知有3塊手臂咁長嘅牛仔骨 秘製雞翼❗️黎到新鮮熱辣 外面超脆💕 入面仲好熱好多汁 必叫！薯條 🍟 個汁好正 酸忌廉洋蔥💛 份量超多 好抵食💕

是咁的，之前兩次已經想來光顧，但人氣過高，要三日前訂位。廢話少講，馬上進入食評，凱薩沙律的雞肉兩邊有煎香，沙律醬汁有自己調味，唔會過份濃味，作為開胃菜都相當出色。但原來這道菜已經係最出色。炸雞翼的脆漿過厚，雞翼沒有醃料，單靠味粉，而且醬汁份量過少，所以吃了一兩隻就唔想再吃。主菜帶子燉飯，醬汁太少，飯本身大粒，基本上已將醬汁抽乾，所以食落口感偏乾身、粗糙，味道新穎不符合大多數港人口味。帶子接近生，好唔好味因人而異。總結嚟講，空間感、環境氣氛都優異。食物外觀呃like一流，但食物一般。

同男朋友2個人食晚餐，一早係OpenRice book 左 9點食，8點9到左但無得早入，見餐廳入面都好full, 滿心期待，點知中左伏。燉飯，帶子算大粒，但無乜味，啲飯好硬，好似煮唔熟咁，好似食緊石頭。沙律，正常啲菜算新鮮同份量多，但無乜驚喜。心太軟，正常無特別，甜品店好食啲。不明白點解自己去收銀點餐，自己拎餐具都要收加一，食物質素一般但價錢偏貴。收銀女同事態度不友善，未食已經對餐廳扣分。餐具洗唔切，出去拎無哂要等侍應拎比我地。飲品難飲。環境闊落開揚，衛生感覺ok.總括然而，雖然支持黃店，但不會再幫襯 。

🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽今日跟大家介紹一間位於旺角砵蘭街的文青餐廳「桔梗」好朋友公幹回來，聚會一下，走到旺角逛逛看到砵蘭街新開了餐點，環境十分大，有三層便在好奇心驅使進入了😛😛😛😛😛😛😛😛😛😛😛餐廳環境裝修簡潔大方，採用木系色調，十分文青感覺周圍佈局有心思，有幅明信片牆，上面貼滿來自世界各地明信片。我們安排坐樓梯下，拍照位也不錯呢身旁有書架，放置一輪單車，供拍攝扮偽文青 :}桌子之間有一定隔距，不會感到狹窄廢話不多說! 直接切入主題來看看我們今天吃了什麼東西吧! ^^🤗🤗🤗🤗🤗🤗🤗🤗🤗🤗🤗餐廳採用自助式，客人需要前往收銀餐下單然后店員會給你一個取餐器，當你食物準備好時它就會震動，你就可以取餐了。我們叫了2人分享盤*水上芭蕾舞簡單來說就是奶油意大利飯， 配合溫泉蛋伴味道Creamy , 帶子刺身新鮮， 两面也先得有點香。 喜愛程度：　★★★★★海底世界就是海鮮意大利飯， 有 龍蝦，貓魚，干貝 海鮮飯味道細滑。精粹就是中間有一顆溫泉蛋，伴碟或直接吃味道也不錯。 龍蝦肉，爽滑彈牙， 他們是剛熟，而不會煮得太過老，干貝有蕉香過，厚身軟腍不錯份量不算多，但吃完也會感到飽

桔梗奶昔唔似坊間咁落好多糖水吊味，夠天然凍朱古力咖啡好味但沖唔滿，係咪太好味被偷飲左xddd特制雞翼正常，不過得7隻我地兩個人分唔勻，差啲打架，建議加到8隻，又好意頭！松露菇威士忌藍莓燉飯酸酸甜甜好特別，無肉又適合想減肥既你，食完齒頰留香，友人第二朝瞓醒仲諗起個浸飯既味道

枯梗一直未有食過，難得去到附近，偽文青的我當然要去試一試！ 餐廳很大，自助形式的，要自己出去排隊買食物拎食物，在餐牌看到有個二人分享餐，可以有麵包、沙律、特飲等等，但主菜佢是中西合璧的燉飯麵包裝飾得很美,有黑白醬作點綴,黑色醬一吃便知是無花果味,很特別,很少地方會有! !另外一個奶油就要再仔細品嚐才感覺到有點蘋果味，兩個人有六個麵包， 吃完已經飽飽地！沙律也配上了很多不同的配料，其中我最愛的當然是甜甜的黑醋！ 十分香濃的黑醋味，而且一點也不酸！另外有少許橙紅色的我懷疑是青椒醬料，這個比較特別，但令沙律增添了一種椒香的味道！而且放了少許橄欖油兩杯迷你昔昔，一吃就feel到超級濃郁的香蕉味!應該是把香蕉肉乳酪等等混合攪拌的,mini size很可愛飲品點了薑汁梳打和是日奶昔，薑汁梳打也是第一次見，有少少許薑汁味，不會太濃烈令人難以接受。是日果昔粉紅色的,我還以為是士多啤梨或者莓味，誰知道，竟然就是那杯迷你昔昔的大杯版！我本身很喜歡香蕉味的，所以很開心原來主角燉飯要等，最後才去拎，今次點了水上芭蕾舞和串燒飯兩款。水上芭蕾舞:有五大粒新鮮帶子!可以看到下面加了少許藜麥粒增加口感，這碟燉飯是卡邦

空間很大，周圍佈置得好靚，不過因為好多人，所以環境有啲嘈吵😳-🔻龍蝦哥哥意粉，蕃茄莊園 $108龍蝦鉗啲肉都幾實同鮮甜，不過就肉質偏乾。▪🔻干貝公主意粉，最愛松露王子 $98第一啖食到好濃好香嘅黑松露味，醬汁有奶香同幾creamy😋帶子鮮甜，熟度啱啱好，煎到表面少少焦香😚▪🔻洛神莓果茶 $58聞落好似藥水味🤨飲落去酸酸地，我唔太習慣呢隻味😂-👅食後感：食物質素正常，不過未至於會再回訪🤔-👀個人喜愛度：6/10-🚩桔梗旺角砵蘭街160號地下至2樓-

鋪頭都未開出面已經有長長人龍，入到去又要再排多次隊買野食，有些人會好唔鐘意，因為要不停排隊，所有野都係自助形式無咩服務，入面餐具自己拎，水亦可以自己去拎。入面樓面好廣闊，臺同臺之間有幾大既空間，坐得好算舒服。兩個人叫左三樣野食，牛油果帶子燉飯，覺得牛油果都係生食會好味d，個飯不錯好creamy，味道偏淡。另外叫左雞扒沙律，好freshy，份量亦好多，個人覺得多d醬會比較好，唔係感覺會幾dry。最後講個薯條，個醬幾特別，係磨菇醬，薯條好脆好新鮮，應該係即叫即整。

放工約了友人到旺角食飯，終於去到台灣人氣過江龍文青店-桔梗！thank 友人book位。 餐廳位於旺角方便就腳，三層獨立舖，係香港地來講實在係罕見的大，堂內樓底高甚有空間感，裝橫以白色為主調，簡約的設計，木系枱椅，擺放了花草及書籍，感覺舒適。 我們坐二樓，搶眼的霓虹及波枱，位子比較少，更relax ，三樓是天台，不過我無上去參觀。 自助斟水及取餐具。 餐牌，人氣之選燉飯及奶昔，一於試下。 落樓下先付款後上食物。 桔梗奶昔，$58，粉紅色的賣相，面層有忌廉、玫瑰花瓣碎及消化餅等作點綴，奶昔以香蕉及士多啤梨而成，香蕉味突出，香甜味道，不俗呢。 干貝奶油翠瓜燉飯，$178，帶子有5粒都幾多，燉飯份量較少，帶子煎得香口，肉質滑嫩鮮甜，翠瓜燉飯味道清甜，配合溫泉蛋口感creamy，幾好味呢。 軟殼蟹小漢堡，$168。 賣相好可愛，小漢堡真係好似有蟹爪咁，份量十足的軟殼蟹，漢堡包好厚身，少甜的味道，口感有點似蛋糕，軟殼蟹酥脆香口夠鮮味，炸魚味道正常水準。環境舒適，食物不俗，支持良心小店。

平日約六點到訪，店外已經排左十幾個人，想食記得要訂位。餐廳嘅樓底好高，即使當晚好旺場都唔會覺得侷促，樓上仲有水煙食添。軟殼蟹小漢堡:小漢堡用左甜麵包幾特別，塗上牛油後烘脆，底層食落有啲似蛋糕仔，軟殼蟹炸到好脆，加上沙律醬同紫椰菜，邪惡又滋味，配菜仲有炸魚柳，食到最尾仲保持到脆身唔乾，魚柳個醬汁似乎係蜜糖芥末醬，可惜食落都係同沙律醬差唔多，可以考慮下配其他汁營造對比。番茄培根松阪豬燉飯:欣賞佢無煮到淋晒，飯粒有咬口，番茄醬味道偏甜，份量夠撈勻成個飯，加埋流心蛋啲飯粒就更濕潤，食食下發現個飯仲加左啲烘過嘅藜麥，脆脆地增加口感，豬頸肉有好多塊，呢個好食！鮮奶抹茶:飲品就普普通通啦，沖出黎個色比較啞，果然奶味凌駕茶味，個拉花本身幾靚，係我地擺耐左變成咁嘅樣。