桔梗 (已結業)

是咁的，之前兩次已經想來光顧，但人氣過高，要三日前訂位。廢話少講，馬上進入食評，凱薩沙律的雞肉兩邊有煎香，沙律醬汁有自己調味，唔會過份濃味，作為開胃菜都相當出色。但原來這道菜已經係最出色。炸雞翼的脆漿過厚，雞翼沒有醃料，單靠味粉，而且醬汁份量過少，所以吃了一兩隻就唔想再吃。主菜帶子燉飯，醬汁太少，飯本身大粒，基本上已將醬汁抽乾，所以食落口感偏乾身、粗糙，味道新穎不符合大多數港人口味。帶子接近生，好唔好味因人而異。總結嚟講，空間感、環境氣氛都優異。食物外觀呃like一流，但食物一般。