桂花小幸 (將軍澳廣場)

营业中

休息中

星期六 夜晚黎食 見佢既食評都唔錯 環境都幾好 諗著試下啦點知 食落有d失望1. 牛肉麵個湯味太濃 濃到好似人造咁2. 餐廳用普通米 並唔係台灣米 食落口感唔似台式滷肉飯3. 另外 個酥炸排骨 出黎變左吉列豬扒 點沙拉醬 同我今朝係大家樂食既差唔多4. 叫左杯茉莉珍珠奶綠 感覺加左好多水 沒有奶味又淡 d珍珠都係冇味既 成杯水咁坦白講 我對食台灣野情有獨鍾 但係要我食到出黎打食評 真係第一次 我叫既每一樣野(見收據)都令我失望既希望呢間餐廳可以改善食物質素

之前一直想去吃，但是将军澳有点远，一直都没有付诸行动周末下班就去吃了，人还不少等了一下位置，卤肉饭还行不好吃不难吃，炸排骨一般，也不难吃，奶茶点了一个芋香的，不算特别好喝，应该不会再去的一家店

唔係朋友介紹，真係唔知原來將軍澳區都有啲咁高質嘅台式餐廳環境乾淨簡潔，坐得幾舒服😌首先叫咗個地獄三盛牛肉麵$71，唔好講笑，真係幾辣😂唔食得辣嘅朋友，就要留意番啦麵質食落爽口彈牙，而配料方面，有牛展、牛腩同牛丸，分量多之餘，質素仲要唔錯👍🏻另外再加多$12要咗個手拍小黃瓜，食起嚟清新爽口，夠晒fresh !朋友就叫咗個鹽酥雞扒滷肉飯$58，滷肉軟腍入味，配埋即叫即炸嘅鹽酥雞扒，滿足由於朋友勁鍾意食花枝丸，所以我哋另外叫多咗個椒鹽花枝丸$23/3粒，同樣係即叫即炸，食落熱辣辣之餘仲好彈牙嚟得台式餐廳金又點少得一杯台式飲品哩我地分別叫咗一杯鐵觀音朱古力，同埋一杯鐵觀音珍珠鮮奶茶！兩個都唔太甜而且茶味濃郁，2杯都好飲各有特色呀今餐我哋食得好滿足，絕對唔會有下次呀👍🏻

之前食過其他分店 感覺唔錯 所以今次見到佢開到黎將軍澳就即刻去試下 平日晚上既8點左右都有唔少人等緊入座三盛紅燒牛肉麵 ($68)睇落好似好一般 點知食落發現個湯底好濃郁 三盛包括腱心牛肉 牛腩 同牛丸 全部都整到好入味 麵條彈牙 好有台灣既味道酥炸排骨滷肉飯 ($58)塊排骨炸到金黃色 好香脆 點埋沙津醬好惹味唔會覺得好油膩滷肉飯岀奇地係無乜味 雖然個賣相睇落唔錯紫菜肉丸湯 (+$6)本身諗住叫點送燉湯既晚市套餐 點知係我地落單既嗰刻就已經賣晒 所以就加咗個紫菜湯頂住當先 雖然清清地 有菜又有肉都幾好飲 但始終同老火湯都有一段距離 下次如果要飲都要趁早黎滷水豆腐 (+$6)不過不失桂花雞翼 ($23)上菜個刻我以為落錯左單 因為本身以為桂花雞翼係凍食既小食 後來搞清楚先知道桂花雞翼係香脆既炸雞翼配上香甜既桂花漿 口味好清新夏日水漾鮮果茶有好幾款新鮮既水果 真材實料 我覺得仲好飲過專賣水果茶既連鎖店 叫左少糖都唔會太甜 都係好清新蜂蜜檸檬蘆薈叫左半糖 覺得甜度岩岩好 酸酸甜甜好開胃總括而言 呢間桂花小幸係將軍澳黎講確實係平靚正之選 另外店內播既台灣歌亦都正合我口味

成日經過都排隊，但將軍澳食店排隊都唔代表好食，因為居民好多😂😂今日行過見無咩人排又好餓唔想再諗食咩就入左去試啦～～～點之又幾好味喔，價錢黎講，係商場入面都算合理！雞排烤好好脆，咬落去咯咯聲好正，雞肉有味，（上次食觀塘小時代無味架🤯）又好大塊！魯肉飯多汁，有肉，又唔係超多肥豬肉，感覺瘦d🤗🤗呢個牛肉魯蛋飯超讚！！！好多舊牛腩！重點超腍又入味！食到我好感動，又有我愛既雞蛋😢😢😢加錢轉套餐仲有湯同菜添！個湯都唔頹架！好足料！本身想叫個小食，好彩無叫咋，好飽呀！天大份又足料！好想encore!

· 晚飯想吃台灣菜 ~ 找找有什麼餐廳好吃找到這裡 🏡平常真的超少走這區!! 這區的商場和空氣都好舒服耶~~這位於將軍澳廣場裡的新台飲台式餐廳😋 只是這裡沒我想吃的芋圓們~~~ 有的話就是Perfect啦😝飲品的種類超多! 超喜歡這裡的🍇夏漾水果茶🍍和🌼奶蓋桂花烏龍🍹·· 🔼夏漾水果茶 ⭐⭐⭐⭐⭐ 清新推薦 👑鍾意Fresh & Fruit 嘅你們絕不能錯過💕有紅火龍果· 藍莓· 紅莓果 · 青檸 · 檸檬 飲落好清甜好Fresh ! 真正嘅水果甜, 非常解渴 👍·· 🔼芝 士 奶 蓋 桂 花 烏 龍 ⭐⭐⭐⭐⭐ 奶蓋推薦👑第一啖就飲到奶蓋同桂花烏龍💕 奶蓋味道剛剛好~桂花烏龍茶甘帶清甜的花香味~ 必試難忘呀👍👍 ···環境方面播放著柔和的台灣流行音樂🎶🎶地方好文青🎋 雖然好多人食但座位都坐得好舒服上菜速度都好快 , 入座後選好食物走到收銀先點菜結帳唔洗六分鐘·· 所有食物都已經到齊~ 仲要新鮮熱辣辣 讚👏··🔼三 盛 紅 燒 牛 肉 麵 ⭐⭐⭐⭐⭐ 👑 呢個湯好好飲 x3 !!! 仲要大大碗好夠飽 👍👍👍蘿蔔和麵吸收了湯汁清甜, 麵質彈牙又惹味😍 牛丸牛腩煮得夠腍咬落好Juicy😍腱

來到將軍澳廣場一樓文青台灣餐廳食下午茶非常之抵食最近轉左手機落單感覺良好方便快捷下午茶鐵粉必到經過買杯特色飲品都好正叫咗個滷水雞翼出前一丁有三大隻雞翼仲有條大白菜好大碗好抵食鹽酥雞扒滷肉飯食台灣野點可以唔叫鹽酥雞扒同埋滷肉飯呢必食之選鹽酥雞扒好大塊全部分量都好多滷肉飯好多滷肉味道剛好桂花雞翼三隻半份$23精髓在於佢個桂花汁好香桂花味加上蜜糖感覺是花蜜般用來點雞翼食好清新減少油膩感覺鹽酥花枝丸三粒半份都係$23外皮脆花支丸彈牙雖則係炸但不覺油膩加配左好多小食蘿蔔牛肉湯湯味甚濃 蘿蔔好入味手帕小黃瓜清新爽脆食完煎炸野必叫小黃瓜減小邪惡感紫菜魚肉湯兩粒花枝丸好彈牙紫菜滑流滷水豆腐豆腐比較實有咬口不非一般豆腐一夾就爛那些滷水蛋入味到起哂沙好有蛋味上湯浸時菜清清地

今日行開pop corn之後行到將軍澳廣場呢邊，無意間發現呢間台灣野，環境幾靚！好有文青feel，係到食嘢吹水真係唔錯～店內仲播住d國語情歌😂氣氛唔錯～鹽酥雞排麵（紅燒湯）紅燒湯覺得偏甜，有小小辣味，麵的口感唔錯～主角鹽酥雞排份量好多而且好大舊好厚～58蚊好抵😂仲加左6蚊要做滷水豆腐酥炸排骨滷肉飯滷肉飯唔錯，覺得係咁多嘢入面最好食既。排骨係薄身d但都好大塊～配菜的青瓜酸酸地，幾解膩～另外加左杯珍珠奶茶～

<桂花小幸>終於一試將軍澳廣埸新開嘅台式小店。佢地吾係好多張枱，所以大家預左係需要撘枱嘅。而點餐就需要自己去收銀處落單，不過放心，職員係會負責送餐嫁。今次點左左三杯雞套餐（Hkd88), 套餐除左三杯雞同一碗飯外，仲有碟菜同埋一盅蟲草花杞子燉雞湯。坦白講，個三杯雞真係好吾得，好似全部都係張 d雞翼斬都碎晒咁，又細舊又多碎骨，至於味道，我完全食吾出係三杯雞😅，真係好失望。至於個上湯浸菜又有 d苦，最好反而係個湯，夠甜冇味精味。Hkgalxfoodlover回頭率：60%

食過呢間台灣嘢好多次，今晚難得拎完飛唔使點等就有位入就座後首先要記住自己檯號！！！去櫃檯落單俾錢，然後啲嘢食先會送嚟叫咗兩個main dish，啲配菜嚟先菜芯同滷豆腐都係各+$6就有得配上湯浸時菜係清脆嘅菜芯，新鮮嫩芽，浸住湯又可以保存個菜嘅溫度台式嘅滷豆腐係係用咗包仔豆腐，切成丁後滷得入味鹽酥雞排炸得香脆，粉漿夠薄，雞肉厚而嫩滑，而且份量都幾多配搭滿滿嘅一碗滷肉飯簡直係絕配滷肉入味濃郁，醬油汁又唔會過多三盛紅燒牛肉麵有好多好豐富嘅材料，單單係牛腩已經有4,5件加上2,3片牛腱同牛丸，整碗湯都散發住牛肉熬煮嘅香桂花雞翼係炸嘅，食嘅時候先將桂花蜜淋上雞翼難得嘅係啲雞肉雪白好靚，冇雪藏味，而且滑嫩簡單酥炸過後沾上蜜糖，甜而不膩煎餃子4隻係即煎嘅，所以亦係最遲上手工餃有大有小，不過都算幾平均咬落有飽滿嘅肉汁，煎香兩面嘅外皮，再醮上少許醋係簡單平凡，實在嘅粉麵店嘅味道最後埋單每人$100都唔使，就已經可以食到咁多嘢同商場內性價比最高係佢

當日到將軍澳接朋友放工，然後一起享用美味的午餐。我和朋友點了一份三盛紅燒牛肉麵及一份小幸滷水拼盤。牛肉麵的三款牛肉分別是牛腱、牛腩及牛丸。餸的份量不少，牛肉麵湯底亦十分濃郁可口。鹵水拼盤共有4款小食，分別是腱心牛內、牛肚、雞翼及蛋。份量比想像中的多，而且每款小食均十分入味！看罷鹵水及紅燒牛肉十分相似，但兩者併在一起品嚐，便感受到兩者的差別。飲料是桂花生薑茶，甜度適中，但大概是我不太習慣桂花的味道，所以我覺得味道只屬一般。

又嚟將軍澳口碑之選，今次選擇咗將軍澳廣場裹面嘅台式野食舖頭😋 我哋下午茶時間到，仍然坐得好full😵 聽聞長期長龍，唯有等吓。 入面文青裝修，都算坐得舒服嘅。需要喺收銀自行點菜，店員會稍後送餐。 叫咗一個特濃蕃茄雞扒麵，鐘意佢整得夠清夠健康。酥炸雞扒炸得唔太多油，蕃茄麵唔重味精味。朋友叫咗麻辣湯底麵，佢亦讚無平時咁多油浮上面。 黃金麥茶🤤🤤 我好鐘意小麥味嘅野，所以覺得茶好香好好飲～ 餐廳的確性價比甚高又就腳，可以再encore！

話說美食廣場裝修，所以午餐要轉移陣地，到將軍澳廣場那邊。無奈，各個快餐店都很多人。剛好在粥麵快餐店旁，發現有家新店。新店的定義：未曾光顧的！　加上有職員安排座位，無需自行找座位，就可以解決一人用餐最大的煩惱。一於馬上取票，等了十分鐘左右便可以入座。原來此店是先付後食！付款後，聽著餐廳播放那些年的台灣歌，不久職員即呈上餐盤！　養生清燉牛腩麵　　　　視覺：這個牛腩麵的外表跟平常的牛腩麵無異。方形的麵身，有几件牛腩，多了青菜和蘿蔔。　可是名字註明是＜養生＞，哪一點才可體現＜養生＞。　養生＝有藥材味的湯底　　　　嗅覺：鼻子感到淡淡肉骨茶的藥材味／藥膳排骨那香味。　　手感：因湯碗有足夠深度，湯底亦份量十足，有足夠的浮力讓麵條浮起，所輕易以筷子夾出一箸完整的麵條。　註：曾經遇過某麵店使用淺身湯碗，湯底不足以浮起麵條，要很用力才可夾出麵條，同時很容易拉斷麵條，賣相即刻降格。　　口感＆味道：鬆化的牛腩，當然有牛肉味和牛脂味！麵有麵味，不算太煙韌，易咬斷，鹼水味不重。不過蘿蔔很入味。鹵水豆腐　不是預先包裝＆可長期存放的百Ｘ豆腐，没有滑滑口感，其硬度是包仔豆腐和硬豆腐之間。豆腐外圍有鹵水的色澤，但芯位仍是

次次去經過將軍澳見到呢間文青cafe都想入黎試下，小妹見閒日無咩野做又去開將軍澳睇戲，梗系要順手試下呢間文青cafe look 的桂花小幸喇!!!!!餐廳走文青路線，入面D擺設好靚，貼左好多相片系牆做裝飾，感覺好relaxxxxxx~~其實呢，小妹本身幾鐘意食台式料理咖， 所以出街見到台式餐廳都會試下，對台式食物質素都幾有要求~~呢間桂花小幸又無令我失望WOR 打開餐牌 好多選擇， 麵類、 飯類、 小食，夾夾埋埋都有成三十款，連飲品都有成兩頁，岩曬花心的小妹 WOHOO  經過一輪內心爭霸戰，終於同友人兩個麵食兩個小食加兩杯飲品!!先介紹下兩款小食!!<鹽酥花枝丸 $38>$38 可以試到五粒漲卜卜的花枝丸，真心幾抵食 唔好睇少呢碟花枝丸，粒粒真材實料，食食下會食到魷魚粒粒，配上椒鹽調味，成碟野真系無得彈<香脆墨魚香腸 $28>另一抵食推介，成碟大大話話唔少過十片香腸！同平時的香腸唔同，呢碟香腸因為用墨魚汁攪嘅，所以隻色就黑猛猛，中間的日色粒粒其實系墨魚仔！ 雖然碟香腸就真系唔系好脆，不過勝在大份夾抵食，如果個胃夠大，都可以點黎試試！<三盛紅燒牛

除左譚仔，麥當勞，我地係將軍澳食平價晚餐係非常困難，閒閒哋都過$100。但今日經過將軍澳廣場見到一間台式餐廳，望一望門口嘅餐牌發現一個套餐大約$60-70，價錢非常合理，所以入左去試下。餐廳旁邊仲有佢自家嘅飲品舖。餐廳到處都可以感受濃濃嘅文青氣息，從窗角貼紙至牆身相架。餐廳行自助形式，我地坐底揀好食物後要到前台點餐同付款。晚市套餐加$6或$12就有小食，小食選擇亦算多，總共八款。餐廳門面既餐廳名旁邊有牛肉麵呢三個字，所以好隨心咁叫咗牛肉麵，餐廳採用腱心牛肉，肉質幾軟稔，麵條幼身，加上辣醬後湯底香濃帶微辣。我哋亦叫左酥炸排骨滷肉飯，滷肉不肥不瘦，滷肉汁亦有足夠份量下飯。排骨炸得金黃色，外皮非常脆口。由於我哋太肚餓，所以叫咗個煲仔塔香三杯雞，雞件算多，肉質亦嫩滑。蘿蔔牛肉湯頭帶香辣，蘿蔔非常入味。套餐加$8就有飲品，女友叫左荔枝綠茶，叫左半甜真係無咁甜。我就叫左金牌咖啡。以上食物加埋$200都唔使，真係將軍澳抵食之選。