桂花小幸 (將軍澳廣場)

营业中

休息中

響將軍澳廣場唔知食乜好，行行吓都係返嚟食台灣嘢🤭🔸秘罈酸菜魚套餐 $98啖啖肉嘅無骨酸菜魚幾滑，個湯好濃而且酸度剛好，配白飯唔錯👍🏻跟餐有滷肉配芽菜，我哋加$10轉咗個是日燉湯。滷肉配芽菜好有台灣風味有齊肥肉瘦肉，芽菜爽口拌飯一流👍🏻是日燉湯日日唔同，貓奴今晚飲嘅係山藥圓肉百合燉牛𦟌。牛𦟌燉到腍晒，係滿滿嘅骨膠原🤩 加10蚊好抵飲～🔸士林胡椒豬肚湯飯 $68胡椒味勁道十足嘅豬肚湯飯都幾辣🫨 非常啱冬天飲，飲完一定暖笠笠🤭跟餐配白飯又幾開胃😋🔸鹽酥雞扒 $48炸到脆卜卜嘅鹽酥雞扒，邊位好似食緊薯片咁脆～ 當小食二人share份量啱啱好👍🏻🔸夏日水漾鮮果茶 $29解渴水果茶酸甜開胃～🔸芝士奶蓋白桃烏龍茶 $27貓奴次次都嚟呢到飲嘅芝士奶蓋😋是日燉湯：山藥圓肉百合燉牛𦟌😋平日晚上嚟都座無虛席，呢到直頭係將軍澳街坊性價比高嘅飯堂😆選擇多之餘仲有滋潤湯水，貓奴響將軍澳廣場諗唔到食咩就會嚟呢到，總有一款啱食😋 🐾貓奴足跡🐾🌐桂花小幸 (將軍澳廣場) (將軍澳)📍將軍澳唐德街1號將軍澳廣場1樓L1-133 - L1-134 - L1-135號舖

將軍澳區平民食堂台灣菜，經常同屋企人一齊食😋款式選擇多又好食🤤🤎秘罈酸菜魚平價酸菜魚之選🐟魚肉無骨啖啖肉，酸度濃郁，配白飯好開胃🤤🤎手工花枝丸台灣麵蕃茄湯底清新口味配上彈牙台灣麵，一吃難忘🍅花枝丸彈牙夠大粒🤎蜜桃烏龍多多酸甜開胃，好適合夏天悶熱嘅時候飲，又帶有烏龍茶香🤎香濃珍珠奶茶台灣美食點少得珍珠奶茶🧋香濃奶茶係我摯愛，奶茶比例好正🦥桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖

今日約個將軍澳朋友食飯傾計，諗起《桂花小幸》，好食又抵食。店內裝修台灣文青feel，會發現一些靚靚打卡位。這店有多款美食之餘，台式特飲選擇都十分豐富。原盅燉湯定食套餐-酥炸排骨滷肉飯~大大件酥炸排骨即叫即炸，香脆可口，排骨一啲都唔韌，滷肉飯是我的至愛，滷肉拌飯美味非常，足料燉湯，仲有上湯娃娃菜，呢個套餐堅抵食。紅燒牛三寶麵(紅燒牛肉湯)~滑捋捋牛筋，牛腩炆得夠冧，仲有爽爽牛肚，各有各美味，麵底夠爽滑，白蘿蔔炆得好淋，自家製麵爽韌。加$18多個小食，加$26有兩個，涼拌黑醋茄子~黑醋汁味道調教得好好。滷水蛋~火龍果多多梳打~味道唔會太甜。夏日水漾鮮果茶~清新口味。

心血來潮想食台灣嘢，就會諗到桂花小幸。午市時候都幾多人，不過唔算等得耐，都好快入座。食得台灣嘢，一定要食滷肉飯。鹽酥雞扒滷肉飯鹽酥雞扒超級大份，炸得非常酥脆。雞肉嫩滑多汁。滷肉飯調味不錯，不會過鹹，肥肉入口即化，好味。蕃茄酥炸排骨米線呢度嘅蕃茄湯都好出色，鮮茄味道濃郁，淡淡茄肉，米線亦都好入味，軟硬適中。酥炸排骨炸粉夠薄，豬扒肉質都不柴，好香口，配上千島沙律醬，更加惹味。套餐仲加配咗小食手拍青瓜手拍青瓜醋味濃郁，是偏酸的那種，不辣。黑醋茄子呢個超級好食，酸酸甜甜，茄子軟滑。滷水豆腐豆腐較實淨，好入味。仙草鮮奶仙草份量非常多，很滑溜，奶味香濃。芝士奶蓋桂花烏龍茶奶蓋有些少乳酪味道，所以較為輕盈，加上清新桂花烏龍，完全不膩。

又再一次黎到桂花小幸，因爲性價比實在太高，又近，所以就成為左我嘅食堂。紅燒牛筋三寶台灣麵繼續encore我個三寶，牛筋、牛腩、同牛肚，分量多又抵食。紅燒湯底係世一，牛腩炆到好軟熟，牛筋牛肚非常爽口。上湯雲吞雞雞肉嫩滑，雲吞皮薄肉嫩，個湯底飲落仲有淡淡嘅雞味。今次我仲升級左個套餐做燉湯，出街食飯要飲湯其實真係好難，唔係好多餐廳有。另外仲叫左個椒鹽花枝丸，大大粒，有嚼口又彈牙。最後仲叫左2杯台式野飲，質量同出面專門賣台式飲品嘅店鋪差不多，食物可以叫埋，非常方便。

大部分設有卡位，坐得幾舒服；食品多元化，人多可以試多幾款😙香辣青椒炒肉(套餐）套餐附送肉燥拌芽菜+ 花枝丸清湯，加$10可以升級是日燉湯-山藥圓肉百合燉牛𦟌肉燥拌芽菜好適合𤏪飯，燉湯清甜；香辣青椒炒肉幾惹味，不過青椒有甜有辣都好睇彩數！三盛牛肉台麵（紅燒湯_微辣）三盛包括腱心牛肉、牛腩及牛筋， 湯底加入紅蘿蔔及白蘿蔔，甜甜地又帶微辣，越吃越過癮！珍珠鮮奶烏龍（走甜）飲得出烏龍茶香，珍珠比例上都好多，適合珍珠控😍檸檬茶(凍）（少甜）正常水準，清爽解渴😙

桂花小幸 @Cafebbc_tko主打台式料理同特色飲品不時推出多款新菜式👍🏻今晚來食晚餐！叫左最新推出秘罈酸菜魚配白飯 酸菜魚微辣酸度夠！🐟魚肉鮮嫩非常好下飯跟餐仲有肉燥伴芽菜同花枝丸清湯～份量十足鹽酥雞扒滷肉飯 跟燉湯 鹽酥雞扒🐔即叫即炸夠酥脆滷肉飯油香味重🤩配埋每日特選燉湯夠曬滋補燉湯係椰子紅蘿蔔煲雞～湯頭非常鮮甜麻辣紅油水餃 🥟～ 一碗四件微辣惹味除咗主席之外呢當然唔少得要叫佢哋嘅特色飲品炭燒烏龍珍珠奶茶 🧋芝士奶蓋阿里山金萱 🧀 #抵食 相機食先 #手機食先 #美食博主 #香港美食 #香港探店 #香港旅遊攻略 #香港旅遊好去處 #香港美食推薦 #香港必食 #香港地道美食 桂花小幸📍香港將軍澳唐德街1號將軍澳廣場1樓L1-133-135📍香港元朗青山公路249-251號元朗廣場G樓003&005號鋪

三盛紅燒牛肉麵食評首先，腱心牛肉的肉質很嫩，咬下去真的很有汁；牛腩燉得剛剛好，軟軟的，味道也很入味；牛筋則是Q彈的感覺，吃起來特別過癮。這三種肉搭配在一起，讓我每一口都驚喜。湯底方面，紅燒湯頭濃郁又香，喝一口就讓人暖心。湯裡有牛肉的精華，還帶點甜味，真的很舒服。裡面還加了新鮮的青菜和胡蘿蔔，不僅營養滿分，顏色也看起來很誘人。麵條的部分也很棒，彈牙的口感讓我每一口都想多來幾口。麵條吸收了湯汁的味道，吃起來特別過癮。

將軍澳呢間集合台式餐廳同手搖店於一身嘅餐廳，可以跟餐就配到手搖飲真係好吸引😁餐牌啲菜式都有其他國家菜式嘅選擇，例如酸菜魚同埋小菜炒牛肉等等清湯蘿蔔牛腩 （$88）牛腩蘿蔔就唔係魚蛋粉嗰度食嗰啲牛腩汁，相對偏乾身，套餐可以再揀滷肉飯或者雞肉飯，層次上更豐富😍原盅燉湯湯時菜鹽酥雞排滷肉飯 （$84）呢個套餐仲跟埋足料椰子燉湯，炸雞髀炸到好硬身，切成八小塊方便食～蜜桃烏龍多多 （$29）蜜桃汁都幾突出，配埋多多有種酸甜嘅感覺，仲有啲烏龍茶餘韻🍵椒鹽花枝丸（3粒） （$28）好多墨魚粒嘅花枝丸，椒鹽味就唔算特別突出喇蜂蜜檸檬蘆薈 （$25）檸檬蘆薈好清新，而且蘆薈嘅果肉多汁冇渣😙

今日路過桂花小幸，見到佢有新餐牌喎，多咗中式菜套餐，而且全部可以升級燉湯，所以就嚟食個晚飯～蔥香手撕雞腿+燉湯套餐豐富，除咗主食，配白飯、肉藻及燉湯。今日燉湯係椰子雞，十分清甜，以一個厚厚嘅盅盛載，保持溫熱。手撕雞有蒜泥及蔥，唔算太油膩。香菜熱拌牛肉（小辣）+燉湯炒牛肉可揀辣度，小辣應該好多人都食到。由於類近川菜做法，惹味燶郁，相對油膩少少。蜜桃烏龍蘆薈 。檸檬寒天冬瓜茶鍾意桂花小幸茶飲選擇多，晚飯叫咗兩杯都無奶嘅，可自選甜度，感覺清新。🛎️必試指數：9/10🔆

桂花小幸 (將軍澳廣場) (將軍澳).開左咁多年都係咁好食，住附近嘅我們成日幫襯，外賣都會叫佢！.▪️酥炸排骨麵 ▪️.每次黎呢到必食，酥炸排骨唔會太肥膩，湯叫左紅燒牛肉麵微辣夠惹味我同男朋友都係呢個麵嘅忠實fans！唔想食台灣麵嘅可以食米線！.▪️台灣烤香腸▪️.惹味又有咬口嘅香腸！.▪️煎餃子▪️.兩個人叫四隻啱啱好，唔算爆汁但又幾好食！▪️夏日水漾水果茶·香濃珍珠奶茶▪️.台式飲品都係我鍾意食呢到嘅原因之一，水果茶真係充滿住時令嘅新鮮水果珍珠奶茶🧋奶香濃郁！.📍桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖

每次經過將軍澳廣場都會想試試這間台灣菜，星期日終於一嚐了～🤣 兩人點了一個小食、兩個麵和兩杯飲品～ෆ​ 桂花雞翼 (5隻)雞翼超大隻又香脆，伴有桂花糖漿分開另上，味道很新奇好吃～！喜歡～！ෆ​ 麻辣牛三寶麵套餐 三寶有牛筋、牛腩、牛肚，湯底有三種辣度可以選擇(大中小)，我選了中辣，麵條跟三寶都很香濃入味～比我想像中辣，吃得很過癮～！而且很大碗～！！套餐有個涼拌貓耳朵(即木耳) 作為前菜很不錯～ෆ​ 花枝丸拼水餃麵 選了帶微辣的紅燒牛肉湯底，花枝丸很好吃很可口～！水餃正常～ෆ​ 香濃珍珠奶茶大大杯，奶茶香濃幼滑，珍珠口感剛剛好～ෆ​ 百香果QQ綠茶味道清甜，綠茶內帶有很多像煙韌的QQ，夏天來一杯不錯！

係將軍澳廣場個角落位見到好多人等位，啲嘢應該唔差喎，試完覺得係平靚正！🤤🍜🔥麻辣半筋半腩米線呢個麻辣湯底夠晒香，可以自己再加辣！勁大碗，牛筋牛腩份量多，好有嚼勁。🍚🍗鹽酥雞排滷肉飯個雞排超大件，係超大份！我食唔哂！個雞皮好脆，炸得乾身。滷肉飯個滷汁濃郁得嚟唔會太鹹，飯粒粒分明，真係滿足。🧋🧀芝士奶蓋阿華田呢個真係要試，俾個100分。芝士奶蓋好香滑，配阿華田嘅濃濃朱古力味，真係甜而不膩，好夾，好好飲！🍫🥤超濃郁可可呢杯可可夠哂濃，飲落去好似飲緊融化咗嘅朱古力一樣，真係朱古力控嘅天堂！

見佢裝修咗，再俾次機會叫佢既外賣。因為以前佢既外賣及堂食都好一般，而且要自己行出去俾錢再返埋位食，所以今次再試下佢，因為趕時間就叫外賣，已經即時廚房拎出嚟。拎返去食（路程都唔使5分鐘）。以真食評講不是打手！死證一： 雞翅膀雞肉飯， 及滷水豆腐及熱璞玉紅茶。 但疑似一早將啲飯倒入外賣紙盒，啲飯又凍又爛，衰到似俾狗食。死證二： 雞翼及豆腐小食。唔熱又無味，究竟呢間扮台灣野食既餐廳，有咩人會再食？ 只係得杯熱璞玉紅茶 正常

係將軍澳食台灣野一定揀桂花小幸，味道都跟台灣地道口味幾似，尤其酥炸排骨、雞排之類。今晚再來見到晚市套餐有款新Menu：秘醰酸菜魚、香辣青椒炒肉、蔥香手撕雞腿、香菜熱拌牛肉、清湯蘿蔔牛腩。酸菜魚及青椒炒肉之類感覺一點也不像台式野食，見隔離檯的蔥香手撕雞腿傳來陣陣香味，所以點咗呢個，友人則點了台式古早套餐紅燒三寶牛肉定食。蔥香手撕雞腿（配白飯、送肉燥拌芽菜加花枝丸清湯) $88蔥香味好香好濃，亦讓雞肉變得更有味道，拌飯一齊食就最好味，單食雞肉就會覺得太油。肉燥拌芽菜尚算oｋ，只是花枝丸清湯反而有點咸。紅燒三寶牛肉定食（牛筋、牛腩、牛肚）配上湯浸時菜及白飯 $85牛筋含豐富的膠原蛋白，入口Q彈軟嫩；牛腩及牛肚都煮得好淋，咬落唔會好韌，亦好入味。但個碗上湯浸時菜份量就真係太少兼無味，扣了少少分。