桂花小幸 (元朗廣場)

营业中

休息中

成日搭車經過都想試下，一直無機會，今日有時間就去啦！巴士站一落車就係，超就腳！鹽酥雞鹵肉飯鹽酥雞好大份，好香，唔會太咸，味道幾好！外皮炸脆，內裡雞肉好嫩滑！鹵肉汁份量多，都有唔少鹵肉，甜甜地，岩口味！排骨麵排骨即炸起，肉夠juicy ，唔會好鞋。個醬特別，幾好味，似係蛋黃醬+千島醬。麵爽口，軟硬適中，叫左清燉牛肉湯。個湯好香好濃牛肉味，好好味！叫左個鹵水拼盤小食，有牛肚、雞翼、牛展同蛋。鹵得好入味！吸收晒鹵水精華，好食！飲品叫左夏威夷果仁鮮奶咖啡好香濃，好滑食台灣野點可以唔叫手搖？另一杯叫左芝士奶蓋抹茶+珍珠。珍珠煮得好好，好煙韌，有咬口，又唔會好硬！抹茶勁濃，岩晒抺茶控！加埋芝士既甜，杯野甜度剛好，好好飲！

諗住岀黎買個氣炸鍋，行下元朗廣場就順便係度食午餐，桂花小幸食台灣菜，仲可以飲珍奶，正呀！好，坐低睇下有咩好食先。麻辣三寶麵，配麻辣牛肉湯，眼見湯底已經好濃郁，飲啖湯試下先，好牛味。有牛筋、牛腩、牛肚，牛腩大件但煮得好腍好入味。牛筋晶凝通透，滿滿骨膠原。個麵底好QQ台式麻油雞湯飯，個湯好有麻油香，雞件份量都多。跟餐仲可以追加小食，滷水豆腐滷得啱啱好，唔會過咸。芝士奶蓋白桃烏龍茶，奶蓋口感都好豐盈，白桃烏龍微甜夠清香。荔枝QQ綠茶，啖啖都啜到椰果，荔枝茶夠甜，好好飲！

去元朗晚餐，想喝珍珠奶茶，就會想起桂花小幸，因為餐廳連茶飲店，完全滿足了喝奶茶和晚飯的願望。黑糖珍珠奶茶，黑糖味香濃又不會掩蓋奶茶香，非常好喝。喜歡珍珠軟硬度適中，口感軟糯，是這裏的招牌飲品啊！火龍果多多梳打，朋友覺得這飲料有心思，因為火龍果和益力多有排毒功效，吃到火龍果肉清甜味，益力多微微酸味，帶點汽泡，喝完很清爽。鹽酥雞扒滷肉飯，這裏的滷肉飯也是招牌菜，因為肉碎是很大粒的，帶豬肉皮，已經炆得入味又軟滑，口感帶膠質，覺得很滋補養顏呢！拌飯吃也不會太鹹。鹽酥雞扒炸得香脆，份量大，咬下雞扒肉結實有口感。加選了小吃，鹵水蛋是必點的。蛋黃輕微流心，鹵水炆得入味，咬下蛋白非常香，令人開胃。醬拌黑醋茄子，醬汁微鹹，配肥厚多汁的茄子，超好吃，是我最喜歡的小食。紫菜魚丸湯，湯味道偏鹹，花枝丸爽口彈牙，喜歡紫菜份量多又香，吃飯配這個湯是不錯的。蟲草花杞子雞湯飯，是期間限定的食物，估不到湯汁超濃，像一個炆雞煲，因為湯的味道也是偏鹹，拌白飯吃就剛好。雞肉嫩滑，煮完湯仍然有口感，又有杞子香甜味，蟲草花都被我吃光，冬天補身好物。涼拌貓耳，醋味入味，夠酸，有豆瓣醬的鹹味，屬於濃味的涼拌小吃。手拍小黃瓜，醃得味道

元朗的分店裝璜台風滿溢，文青簡約路線別出心裁，相連店舖的還有台式飲品專賣部。鹽酥雞排雞肉飯：鹽酥雞炸得十分香脆，而且完全沒有油溢味，火喉拿捏相當不俗，肉嫰皮脆，唯稍嫌內裏不夠熱，做不到即炸即吃的爽快感。紅燒鹵水雞翼麵：卥水味濃，雞翼腌製得皮滑肉嫰，台灣麵火喉適中，淋而不斷。涼拌豬耳朵 及 紫菜魚肉湯：兩款小食都是飯餐加配的，微酸的味道十分開胃。豬耳朵煙靭有嚼頭，紫菜魚肉湯十分鮮甜。桂花雞翼：另一款雞翼以酥炸製作，皮脆而肉滑，配上桂花醬別樹一幟！

放假最近去咗元朗行街，元朗廣場有間台灣餐廳幾吸引台灣菜種類多元化，一於試吓先😋小店文青簡約設計，坐得舒適，牆上仲有小書架俾客人睇下書添古早系列非常吸引😋叫咗一份鹽酥雞扒滷肉飯 鹽酥雞扒香脆可口，呈金黃色雞扒肉質香嫩多汁，外脆內軟幾好食！滷肉份量好多，拌匀珍珠米，啖啖都係滷肉汁嘅香味🤤另試下雞翅膀雞肉飯定食每隻雞翼都偏大隻，吸哂滷水汁嘅甜味，唔錯雞肉飯有驚喜，手撕雞肉加入麻油同醬油拌勻特別香😌台灣小食好多款其中2款可以再食✌🏻桂花雞翼炸到金黃色，外皮卜卜脆淋上桂花醬，甜甜地之餘帶點桂花香！台灣烤香腸切片煎香，好有台灣地道風味～除咗主食同小食之外，台式特飲選擇特別多烏龍蜜桃多多推介✌🏻700ml勁大杯，蜜桃味烏龍茶配益力多清香得嚟唔會太甜

唔好以為我只係食西餐或高級餅店，今次我去咗桂花小幸，完全掂翻我對平民美食的想像！😲👌🍴首先，個涼拌貓耳朵，估唔到咁彈牙，帶啲微辣，食落真係開胃得嚟。跟住嘅酸菜魚，湯底酸酸地，啱哂夏天嘅口味，而啲魚又嫰滑得滯，完全無啲腥味。繼續食，塔香三杯雞定食，鏟一啖啖雞肉，滋味濃厚，食落唔膩口。煲仔保持住菜肴熱度，配上清甜嘅是日燉湯，每一啖都令人暖笠笠。飲品方面，珍珠奶茶同朱古力鮮奶咖啡都好有驚喜，尤其係朱古力鮮奶咖啡，朱古力夠香，咖啡味夠濃，玩完食完喝杯暖茶，真係心情大好！我會話呢度係一個充滿local feel嘅好去處，食物有水準，份量仲滿足。如果你喺元朗，記得黎桂花小幸試下佢地嘅招牌餸，保證唔會失望嘅！🥢🤩💯

蟲草花杞子雞湯飯🍚湯底有藥膳風味，味道濃郁，好好送飯，雞件嘅數量都算多，而且入味唔會好似湯還湯、雞還雞咁，其他配菜有蟲草花、木耳、紅棗等等🥢 原盅燉湯套餐🥣依個晚餐我成日都會叫，因為個套餐包嘅野食好豐富，有湯有菜有滷肉飯，仲可以加少少錢配埋1-2款小食，樣樣都食到少少，今次個燉湯係蟲草花雞湯，湯料一如以往地充足，湯料湯水嘅比例近乎一半半，味道仲好清甜，至於雞翼有5隻，滷得入味～牛肉濃湯水餃🥟牛肉濃湯有微微嘅辣，都幾惹味！薑蜜鮮奶🥛面頭有好多一粒粒嘅薑粒，而底下有幾塊薑片，飲落去有薑味，但係薑蜜嘅緣故又唔會太辣，秋冬飲零舍暖笠笠，入落去好舒服😋

元朗廣場地下呢間台式食店，餐廳主打小清新x文青風路線！主流台灣菜，應有盡有😝紅燒牛三寶麵三款不同牛肉部位，湯底濃郁😋麵條Q彈，口感係我心水😍台式雞肉飯套餐套餐配上涼菜、時菜、紫菜魚丸湯，好有台灣感覺😜呢碗就令我諗起以前去嘉義旅行食嘅火雞肉飯，食完真係即刻好想買機票飛去台灣🤣桂花雞翼炸雞翼呢家嘢，不論男女老幼都鍾意食😈呢度仲配埋桂花汁，襯返餐廳個名🤪百香果多多梳打、黑糖珍珠鮮奶食台灣嘢，一定要飲埋杯台式飲品先夠晒Feel！店內擺設、裝潢、設計走文青風路線，喺呢度用餐真係有愜意、休閒感覺✌️

愛台灣之料理，店子地道台式味道，真的不錯。品牌很有名氣喔，主要以茶飲及台式料理作主題，看到店子很多細小的零碎的有趣的金句，棒。生活多一點樂趣。在休閒店子來快樂午餐，來台灣風味的手調，是脆脆阿華田，奶香又有口感，不錯。朋友點的是百香果綠茶，酸酸甜之感覺，很棒，百香果和茶很夾，味道清甜，咬口滿滿椰果紅燒三寶牛肉米線牛筋，牛腩，滷水牛肚是台灣菜人，傳統之感覺滿滿，紅燒湯底很棒，餐廳之特別菜，特盛紅燒三寶分量非常多。作為台灣名物，三寶面的牛筋、牛腩、牛肚份量多，牛肉肉味適中，不出羶味的，很嫩滑鹽酥雞滷肉米線鹽酥雞扒很大份， 炸到金黃，嫩肉感覺滿滿，充滿台式風味！雞肉肉汁滿滿的雞肉，鮮甜濃，香味四溢。在簡簡單單之台式味道美吃下，不再複雜，如湯底之感覺，非常清甜，吸引。

🎈好有文化氣息既招牌，下面有書架擺放各類型既書籍。🎈座位闊落，空間感十足。🎈餐廳主打台式餐飲，選擇應有盡有。✨古味鴨腿定食美味多汁的古早味鴨腿，搭配香噴噴的白飯、清爽的蔬菜和肥瘦均勻的魯肉，絕對是一道令人垂涎欲滴的定食。每一口咬下去，鴨腿肉質鮮嫩多汁，充滿濃鬱的醬汁，讓人回味無窮。✨秘罈酸菜魚米線米線融合秘罈酸菜和鮮嫩的魚肉，味道獨特而鮮美。酸菜香氣迎面而來，令人胃口大開，搭配魚肉的鮮甜，口感豐富且充滿層次。✨桂花雞翼雞翼外層酥脆金黃，咬下去時發出令人著迷的嘎吱聲，露出裡面鮮嫩多汁的雞肉。每一口都充滿了香氣四溢的香料和獨特的調味，令人難以忘懷。✨黑糖珍珠鮮奶深邃的黑糖香氣彌漫著整個飲品，鮮奶的濃鬱口感和珍珠的彈牙口感給人一種極致的享受。

滿滿台灣味。桂花小幸最近過咗元朗返工，放工就想食啲熱辣辣米飯經過元朗廣場見到桂花小幸今晚就係佢三盛紅燒牛肉麵三聖紅燒牛，分別有腱心牛肉、牛腩、牛筋簡直係牛魔王最愛❤️牛肉麵配台灣麵絕對係最佳組合，加埋紅燒牛肉湯，微辣醇厚牛肉湯帶少少微辣另外套餐可以以優惠價加配上湯浸時菜同埋涼拌黑醋茄子酥炸排骨滷肉飯排骨是裹薄粉的傳統滷排骨，味道很好，排骨肉厚又大塊！飲品我哋一人揀咗一杯仙氣芝士奶蓋火龍果茶、仙氣芝士奶蓋芒果茶，火龍果味味道清新，唔會太甜，芒果味會比較濃📍桂花小幸元朗段249-251號元朗廣場G樓003 & 005號舖

💖桂花小幸一直都係我高CP值台灣菜🇹🇼嘅首選，元朗廣場呢間分店座位闊落、手機📱QR code落單，唔收加一更實惠。1⃣️古早味鴨腿麵🍜 $68💖可自選台灣麵或米線，要左有咬口又煙韌嘅台灣麵，食得慢浸耐左都唔會發漲變軟淋。湯底多款要左養生清燉牛肉湯，清淡健康帶肉香。鴨腿可以切件或者原隻上，鴨肉緊緻唔乾柴，鴨皮滑微彈牙，另外仲有滷蛋。2⃣️鹽酥雞排麵🐔 $64💖同樣可自選麵類同湯底，要左台灣麵同紅燒牛肉湯。呢間嘅鹽酥雞排係我至愛，大大塊好滿足，炸皮香脆唔厚身唔會濕潤、但入面嘅雞肉鎖到肉汁🤤，鹹香嘅調味好香口。3⃣️百香多多梳打🫧 $34💖酸甜嘅益力多搭配帶氣泡感嘅梳打同香甜嘅百香果果醬，味道清爽解膩！4⃣️仙氣火龍果茶 $34💖呢間嘅打卡飲品之一，顏色好靚而且感覺健康，可以自己揀冰量同甜度。仲可以加配小料，要左珍珠同寒天！5⃣️古早味滷水拼盤🐂 $68💖滷汁好味送飯，拼盤有牛肚、牛𦟌、滷蛋等，份量都唔錯👍🏻。全部處理得乾淨，滷水入味，最鐘意Q彈爽口嘅牛肚，仲好吸汁。💖每到飯點都幾多人但職員上菜快手，所以唔使點等，而且態度幾好👍🏻。

元朗有間台灣嘢好多人食，入去叫咗幾樣嘢食。三盛紅燒牛肉麵湯底牛味十足，份量亦都好足，有牛腩牛筋牛展，台灣麵麵口彈牙，亦好掛湯。加錢仲可以配埋上湯時菜紅燒腱心牛肉麵牛肉味道香濃，帶嚼勁，份量亦好足，紅燒湯底帶微辣，好開胃。加錢可配手拍青瓜。酸甜酸好合口味芝士奶蓋桂花烏龍奶蓋十分濃厚，桂花烏龍味道平均，好抵飲！夏日水漾鮮果茶材料豐富，味道清新，唔會太甜，我都唔同水果入邊，味道好豐富。兩個人埋單，唔使$200感覺好

依間台灣嘢好好食，忍唔住再叫朋友一齊去食🤤紅燒半筋半腩牛肉麵🍜個麵好好味，煮得煙煙韌韌，又有口感，好鍾意粗粗的麵，個湯亦都好入味、好濃郁，牛腩牛筋亦好淋，好入味👍🏻超正😆鹽酥雞扒滷肉飯🐤佢嘅滷肉好多，好足夠送飯，鹽酥雞扒亦都好脆，好入味，佢仲配咗個湯，整體都好好味！涼拌青瓜🥒青瓜好爽口好新鮮，加咗少少未，整體都覺得好好食，係一個幾開胃嘅小食！涼拌貓耳朵木耳入哂啲黑醋味，好夠味辣，成件事好開胃，係會不斷想食的😋仙氣火龍果茶&夏日水漾鮮果茶🥤佢哋嘅嘢飲真係好多選擇，又有奶茶、奶蓋、黑糖、同埋仲有好多有水果款嘅飲品。沖得味岩岩好唔會好甜（我地無少甜），超好味！😆佢地既杯都好靚好有心思😆

入到去見到裝修係簡約木系裝修,睇落去都幾有文青feel紅燒牛三寶麵($85)今次試咗呢個推介嘅紅燒牛三寶麵，湯頭係比較清甜嘅，咸度適中。紅燒牛肉方面亦都幾足料絕對係牛魔王最愛，三寶有牛筋牛肚牛腱，厚切的牛腱肉煮到非常腍咬落去軟滑而且入味，而且搭配牛筋黏口膠，層次十足值得一讚👍🏻鹽酥雞扒麵($64)鹽酥雞扒份量同樣亦都算多, 而且炸得真係幾香脆之餘仲可以保留到雞肉嘅肉質鮮嫩同埋肉汁,個人10分推介🤤飲品方面，叫咗茶研舍嘅芝士奶蓋白桃烏龍同埋百香椰果果茶，兩杯飲落去都幾清新，可以中和到鹽酥雞同紅燒牛肉嘅油膩感係一個唔錯嘅配搭☝️