桂花小幸 (元朗廣場)

营业中

休息中

紅燒腱心牛肉麵牛𦟌軟硬適中，配菜夠冧夠入味。湯底咸中帶少少甜，唔算好辣，但唔夠香濃。紅燒牛三寶麵牛筋牛腩比較冧，部分牛肚偏韌，番茄湯底偏甜，加少少辣椒油提味會更有層次，醋木耳微酸，味道普通。梅子綠茶梅子味蓋過綠茶香，少甜令梅子味更突出。黃金麥茶色澤誘人，入口清香，充滿麥香味。整體牛肉食落都算冧同入味，但餘韻食到有少許牛羶味，湯底方面唔夠香濃，食完有口乾感覺，整體來講，屬可接受程度，未算好難食。好味：2/5環境：3.5/5客服：3.5/5

桂花小幸主打台灣菜。裝修風格以簡約自然，配上柔和暖色調及原木枱椅，用餐環境舒適。餐點包含台灣出名的牛肉麵、滷肉飯、三杯雞等傳統美食，還有各式台灣茶飲。秘鐔酸菜魚湯飯傳統四川菜，味道又酸又辣，非常過癮。熱黃金麥茶非常解辣。

元朗廣場雖然成個商場係比較細 不過麻雀雖小五臟俱全近元朗地鐵站當然係YOHO如果係講緊朗屏嗰邊元朗廣場方便好多今日呢間唔係第一次食 台灣餐廳台味裝修擺設餐具運用 都係用心 有誠意蕃茄麻辣湯底上海麵 酥炸酥炸排骨惹味蕃茄麻辣口味多重享受甜甜地酸酸地之後麻辣刺激味蕾鼻孔另外加餸叫咗個上湯生菜酥炸排骨滷肉飯排骨炸到外脆內軟 可以配埋沙律醬滷肉飯比較適中 伴飯一流一啖排骨一啖飯 脆絕配黑糖仙草凍鮮奶黑糖味混合鮮奶唔會太甜有淋上Oreo粉令個口感富豐有不同的配搭 我就選擇左仙草軟綿軟綿 一啖就吸哂

同阿媽帶住BB去食💖梗係要搵啲坐得比較舒服😙阿媽想食飯我又想食湯麵，見到唔使等位嗱嗱聲衝咗入去😎價錢合理，我嗌咗個三盛紅燒牛肉麵，真係唔錯 😋啲湯好好飲，因為重味精嘅嘢食完好頸渴

台灣嘢呢間又抵又坐得舒服所以入去食。紅燒腱心牛肉麵正宗台灣風味，牛肉肉味香濃，湯底好濃郁，面質爽口。酥炸排骨滷肉飯排骨面頭炸到好香脆，肉質鮮嫩，配埋沙律醬。滷肉肥瘦平均，伴飯一流。煲仔塔香三杯雞三杯雞味道香濃，整到雞肉好入味，仲要勁多料，夠鑊氣，推介的小食。芝士奶蓋阿華田奶蓋濃厚，同阿華田一甜一鹹好夾，呢個配搭幾新鮮如果鍾意阿華田嘅幾鍾意飲。芝士奶蓋白桃烏龍茶今次配搭清新嘅白桃烏龍茶，奶蓋令到茶味更加突出。用外賣杯感覺勁大杯

間中都會黎桂花小幸食野，一黎位置係元朗廣場夠方便，二黎佢下午茶選擇多又唔貴，是日又黎左食Tea。星期三下午時段唔算人多，過左放飯就唔使等位，一黎到就有枱真幸運，仲有對面張卡位啱啱走添。用qr code落單好方便，仲有少甜少冰走青等選擇，簡單易用。🍥椒鹽花枝丸麵食物好快就到，叫了碗花枝丸麵，湯底要左紅燒牛肉湯，麵條要了台灣麵。先嚐嚐湯頭，好鮮甜帶微微辣，啱口味。麵條有咬口，都幾有咬口。椒鹽花枝丸都好彈牙，即炸熱辣辣，唯炸粉厚左少少要扣分。另外仲加左份小食滷蛋，滷得都幾入味。🥟煎餃子配桂花雞翼朋友話佢食左野，叫份輕食就算，叫左呢份特價下午茶兩隻餃子配兩隻雞翼。餃子皮厚有咬口，餡料鮮味唔錯喎。雞翼係炸雞翼黎，無特別調味，而桂花糖係分開上的，想食幾甜可以自己揀。🧋熱黃金蕎麥茶&凍仙草奶茶跟餐送的熱蕎麥茶好香口，飲落順喉舒服。另外再加配了杯仙草奶茶，茶底幾香，揀左微甜啱啱好。傾下偈飲下野，輕輕鬆鬆的下午茶。

呢間係我近排食過性價比最高嘅餐廳，糧尾之選，非你莫屬！鹽酥雞扒紅燒湯麵鹽酥雞扒好好食，好足椒鹽，炸得好脆，而且份量好大，有兩塊雞扒。呢間餐廳好特別，個湯底係俾你選擇。呢次我揀咗個紅燒湯底，本身一上枱見到咁淡色都會覺得好味，但係一飲落去出奇地正。佢係有好多紅蘿蔔去煲成嘅紅燒湯，好清甜，同一般嘅紅燒湯係完全唔同，建議一事。滷肉飯呢碗滷肉飯同喺台灣食嘅完全唔同，沙茶味比較重，整體來講中規中矩，但唔係特別突出。

元朗既餐廳大部份都好多人排隊, 係商場入邊就更加多人, 今次特登早的黎拎位試試呢間桂花小幸😁主打台式食品, 而個價錢相當吸引, 絕對係親民價😲1/秘罈酸菜魚湯飯🐟 $73同平時食到既酸菜魚有所不同, 湯面完全見唔到有油, 令我放心咁用湯黎撈飯食😂而魚質相當嫩滑, 份量亦恰到好處👍🏾2/ 滷水豆腐🫘 $12滷水味緊緊鎖係豆腐內, $12咁多件好抵食!3/ 鹽酥雞排麵🍜 $59即叫即做既鹽酥雞, 外皮炸到脆卜卜但內裡肉質依然細嫩, 而手打麵彈牙配上濃厚湯底食都的確唔錯👍🏾4/ 手拍小黃瓜🥒 $12本身以為係拍青瓜😅, 但錯有錯著, 原來小黃瓜食落更爽口！5/ 台灣烤香腸🌭 $28件數唔少, 香腸既咸香味濃, 食完一件又一件😋6/ 芝士奶蓋玫瑰茶🥤 $30當厚實芝士奶蓋遇上茶底, 兩者中和彼此, 飲落完全唔會覺得”溜”7/ 芝士奶蓋超濃郁可可加紅豆🍫 $36超級濃郁既朱古力味配上芝士奶蓋口感creamy!加埋紅豆一齊食的確第一次, 但都好夾👍🏾

沒記錯好像是影完錦田河日落，朋友比較懶所以都想喺元朗廣場食，於是又嚟左呢一間.牛肉麵可以㨂湯底，朋友㨂了紅燒牛肉湯，而我就㨂了藥材那個，大家都鐘意各自㨂的.都係一碗算係幾好食的牛肉麵，牛肉唔會太硬，配菜ok.朋友飲白香果多多，好飲.我飲抹茶咖啡水晶，綠茶好濃，但我比較鐘意白香果多多多d.咁攰又熱基本上可以喺一間有冷氣又坐得ok野又好食的晚餐已經好感恩…因為餐飯如果唔好食真係好掃興.

平時放假呢間鋪點都要等下位，閒日晚餐黎食就相對比較少人～ 見到餐廳出咗新餐牌，分別係酸菜魚同埋夏天涼麵，同朋友每人揀咗一個嘗嘗鮮。麻醬雞絲伴冷麵，仲有配菜涼拌雲耳～整體感覺都清新，不過因為係朋友既餐，我冇試食就不便評論～酸菜魚等待時間比較耐，但一上枱份量驚人，比一般嘅一人份大啲，魚肉滑而不腥，酸菜分量適中，仲有啲娃娃菜吸下湯。酸菜魚嘅口味唔算重，唔會太酸太辣，其實都幾適合香港人口味，我最欣賞佢落咗大量嘅唐芹同埋薑，算係少少個人取向🤣未必個個鍾意❤️

今日元朗一天遊，晚餐試了間台式餐廳，又估不到的😊😊正店員好有禮貌。不過就限時60分鐘，QR code落單，先點了紅燒半筋半腩牛肉麵，用了清湯，清湯帶鮮甜，牛筋加小小麻辣醬更加提升，牛腩半肥瘦，特別好味，點選台灣麵，彈牙，爽口。#手指小黃瓜 餐前小食。帶酸夠開胃。一流。另外點了麻辣健心牛肉雞翼米線。雞翼超正，加上麻辣，特別喜愛。份量超大份。正鹽酥雞扒，必選，小食38蚊，大大份，雞肉多汁，唔炸到乾身。炸粉不厚，特別最愛#仙氣草莓茶 😍😍😍超好飲。選了小甜，草莓味燶，茶夠香，2者配合得好好。#蜂蜜檸檬綠茶，試了一啖，香濃蜂蜜，解渴不錯👍🏻

行街行到攰 想飲下台式飲品同埋食餐好的，就黎左呢間桂花小幸。佢既set 好抵食，份量多，配菜豐富，一次可滿足多個願望。鹽酥雞排滷肉飯佢既鹽酥雞扒超大塊，食完已經飽左一半。佢炸左仲好juicy,而且味道都好香口，不會過鹹。佢個餐仲有埋配菜同滷肉飯。滷水好味， 送飯一流。仲有埋湯同菜，一個人食真係飽曬。滷水豬手麵豬手十分冧滑，忍唔住食完一舊又一舊。特濃蕃茄湯仲有濃濃蕃茄味，真係好滿足。最後仲有芝士奶蓋茶。佢既茶就茶包茶，不過奶蓋就好香滑好重奶芝士味，超正！

前兩日同家人去元朗廣場買嘢，行經地下有台灣料理 "桂花小幸"，喜歡吃台菜的我們，一定要入去品嚐下啦！餐廳環境很好，帶文青風格，牆壁及天花掛了特別裝飾，感覺雅致舒適。下午茶時段除咗下午茶餐，仲有台灣牛肉麵、鹵肉飯、麻辣米線、冷麵、台式小食、台式飲品等，真的很多選擇。紅燒半筋半腩牛肉麵     $69我揀咗紅燒牛肉湯，湯底清甜順喉，大大件牛肉同牛筋入口即化，軟嫩又入味，食到滷水料香味，牛肉濃厚，台灣麵是粗身嘅，爽滑帶有麵粉香。加配咗兩款小食 $20，滷水豆腐味道清香而不會太鹹，上湯浸時菜翠綠鮮爽。滷水豬手出前一丁    $40依款新配搭，原來豬手同出前一丁都夾，豬手肉質彈牙有黏性，一丁麵爽口，湯底都係出前一丁麵本身湯料，有時轉吓口味又幾好。台式香蔥蛋餅    $34薄皮不是太厚，包住香蔥，蛋味都幾濃，茶餐配埋蕃茄湯米線，濃香蕃茄味，米線爽身，配搭合宜。芝士醬酥排骨吐司    $28外層烘過嘅麵包，熱熱的好挺身，夾住厚厚嘅豬扒，炸得香香脆脆，與芝士醬很配，惹味可口。芝士奶蓋阿華田    $30厚厚嘅幼滑芝士奶蓋，加上濃郁嘅阿華田，層次感即時提升，大大杯凍飲，滿足晒！超濃郁可可      $2

同樣都是在元朗，同樣是SHK商場，元朗廣場嘅食店比Yoho親民得多，最近新開左一間叫桂花小幸的cafe，主打台式定食，價格親民，未到7點就full house，好受歡迎，有晚我又一個人食飯，嚟左呢度試下，同場都有好多同我一樣一個人的顧客🫶🏻呢度裝修都好台系cafe，竟然仲有書，但應該是裝飾來吧😂晚市好繁忙，大家都係食個晚飯就走。🍜麻辣牛肚熱拌米線配紫菜貢丸湯 $65滷水蛋（+$8）第一次食，唔知呢度d份量係咁巨大，有巨量米線，巨量金錢肚，仲有酸菜、芽菜、白蘿蔔、紅蘿蔔配麻辣醬！😲牛肚煮得幾淋幾入味！個餐仲有🍲紫菜貢丸湯，個湯幾好飲，夠熱又夠哂大碗，仲有粒巨大貢丸！後加小食滷水豆腐（+$8）、涼拌貓耳朵（辣）（+$8）無諗過$8有呢個份量…眼闊肚窄了🫢豆腐有超多件，木耳爽脆而且好夠酸。呢度仲間左一格做台式茶飲，我點了仙氣火龍果茶（$34）少甜會清，但飲到茶味。總結：我諗我外賣一個飯餐可以夠兩人食😝😝個燉湯都好吸引。

麻辣蕃茄雞排米線 ＄63蕃茄味香濃，再加埋麻辣真係超級開胃的，炸雞排就係台式果隻，炸到香跪可口，亦俾左好多塊，有8件左右，不愧做街坊生意。紅燒三寶牛肉定食＄79牛三寶即係牛筋、牛腩同牛肚，三樣都炆得好淋，唔會鞋，而且幾入味，有少少滷水材料既味，食得好方便，唔會痴牙，一咬就斷，食到廚師炆既心機，唔係隨便煮到既味道，桂花雞翼＄42好特別，將桂花蜜淋係雞翼上面鮮果茶＄34飲品亦非常高質，果茶好fresh好多生果係杯到黑糖仙草凍鮮奶＄32黑糖仙草凍鮮奶就係邪惡既肥仔水，黑糖同鮮奶點都無得輸haha