栢檔車仔麵

是日為星期六夜晚，恰巧我們小組晚上大部分人都有空，能夠一起吃個晚飯！路途上大家你一包我一包，都未能決定到哪裡吃，結果行行下在經過衙前圍道時被「栢檔」這個大紅色招牌吸引了目光，剛好大家又未試過這間店，本著試新野的心態來光顧，希望不要令我們失望啦大概六點幾，未到食飯高峰期，店內只有我們7人和一個家庭在用餐，就這樣看這裡空間也算大，應該能容納40人左右，而且空間都幾多幾舒服。打開餐牌看看，這裡的價位其實都幾高，起碼都要$30，除非點車仔麵餐，那個就可以$2x有交易，若來這裡每次只吃這個你可能會覺得抵食，因為他的確幾大碗，料就不算特別多，但以一碗車仔麵來說，這個價錢差不多喇，提提大家若要吃車仔麵，不是坐在位置上叫人過來點的，乃是要走到門口的位置親自向師傅點菜並立即付錢的。入口的右邊有一個大玻璃櫃，放著許多種車仔麵的料，憑我依稀的記憶...他的料大概有：豬紅、咖哩魚蛋(我覺得好辣，不太彈牙)、豬皮、牛腩等，(由於我沒吃，提供資料不足，抱歉喇)，而麵像是可以配粗麵，幼麵，油麵等，一碗絕對令人飽！但試問來到一間打著海南雞飯之名的鋪頭，我相信沒可能每次只吃車仔麵就能夠滿足吧，所以我就決意一嚐這裡的海南雞，一賭其廬山真面目！但其價錢為38個大元，看到都令我嚇一嚇，幸好有組長和我夾份，這才吃得安心。這個餐先送來一碗餐湯和三小碟醬料，皆是海南雞飯不可缺少的唷！小妹最愛的都是醬清，因他吃起來時甜甜的不會太咸亦不油膩，小妹認為他是與白切雞最配的！而紅色的是的微辣的醬汁(可能有正確名字，請無視我的見識淺吧xd)，也不錯，而綠色的是磨到細緻的薑蓉，幾清新不算太油。而是日餐湯則為栗米南瓜湯，有點出乎我意料之外，我還以為是一般的青紅蘿蔔湯，這個清新健康不錯不錯！喝下毫無味精，真材實料，栗米和南瓜的味道已充份融入湯水中，有點住家湯水感覺，飲落幾高興:)而主角上場時我有點失望，因為他的雞件對於一個餐來說實在太少！這個值三十八大元實在太不抵食了，但幸好他的雞件尚算滑，倒令我感覺不算差，而雞飯就幾好味，每一粒飯都沾上子雞油的香和色澤，食落好香，為我帶來點點欣慰=]]其實他這裡的海南雞的確幾好食，不過如果能多加幾件雞就好了，如果我知道這樣貴的話，我應該不會光顧吧...(作為一個學生來說=]])…查看更多

本來想去食日本嘢, 點知Full晒, 於是求其走咗入去呢間既有海南雞又有車仔麵嘅餐廳。我叫咗個細嘅海南雞飯, 都唔錯, 唔太油, 味道亦唔太濃, 。:)但係個車仔麵就麻麻地!我覺得食車仔麵最common就係食魚蛋, 而呢度嘅魚蛋唔彈牙, 真係扣晒分!:(蘿蔔同魷魚都ok, 好普通。加埋菜四餸連汽水要$30, 友人覺得物非所值。好後悔冇睇食評就走咗入去......試一次就夠, 仲要係試海南雞飯而唔係車仔麵喎!…查看更多

上星期有日去左九龍城附近, 行左陣見肚餓就去左間叫栢檔車仔麵既舖頭食野~依間食店呢原來要先搵位先~之後自己先行出去出面叫野既~之後我就望牆上既送同配料就出去同收銀處既呀姐俾錢啦～配料都幾多架,睇落有成20幾30款都有~佢有D名好攪笑LOL, 有清雞湯豬皮, 童年魚蛋....=.= 滴汗~我呢, 就叫左4送車仔麵~有豬紅, 羅白, 豬手, 牛腩~河~成碗32$, 一D都唔平, 唔怪之得咁少人啦~4樣都冇樣特別好食~, 牛南好難咬難佢...羅白又硬~,豬手賣相同相差好遠~下次都係唔黎食啦~客走左又好似冇咩人執碗~個呀姐幾HEA 咁~…查看更多

9月30日下午經過九龍城,試了這間車仔麵, 我叫了一個set牛腩, 豬腸, 酸齋, 米粉 加 凍o水,$25總結: d送,好味,但份量少, 尤其酸齋, 只有兩小舊, 湯底也ok:)…查看更多

放工搭車到了九龍城. . .經過這店. . .之前係雜誌見過. .. 便即管入去一試. . .未到6點...仲有下午茶餐. . .3餸一麵(牛根, 豬腳, 豬大腸加油麵)...很大碗. . .啲餸都唔少. . .仲送汽水. .唔駛$30. . .抵食. . . 味道ok. . . :)but 可能呢個時間較少人. .無開大冷氣. . .出面正正酷熱天氣. . . 坐係差不多最入. ..都無咩冷氣.. . :(…查看更多

17-7-2010印象中呢度的海南雞幾好食 (http://www.openrice.com/restaurant/commentdetail.htm?commentid=1937075), 所以一直唔抗拒, 不過呢日試了「車仔麵」新 line, 就不得不俾個喊佢 -- 不論食物質素還是阿姐的態度 喺 counter 一邊睇食乜, 阿姐就一邊不斷問我「要咩麵呀」, 但當我開始講「五香金錢肚...」時, 佢又大大聲打斷我「你要咩麵呀!?」 咁要油麵吧, 餸就唔該要金錢肚同「齋」啦, 佢又一臉不耐煩「酸齋吓嘩!?」 雖說呢度都係車仔麵店啫, 不過過門都係客, 其實唔使咁惡又咁寸的. 油麵: 硬度 ok, 不過有陣生油味 , 配上淡出個鳥來的「清雞湯底」, 生油味更「突出」, 真係 五香金錢肚: 夠索汁, 但 d 汁一味鹹, 零花椒八角味, 似豉油 + MSG 味多 d; 牛肚本身亦太有咬口, 好韌喎.酸齋: 呢個就不論賣相及味道都似足「隔夜油炸鬼」, ie 凍冰冰的, 食落韌韌的又帶點油膩, 連酸汁都係「得個酸字」的酸, 都幾 xyz. 丟低 $21, 食物已經唔掂, 仲要受阿姐氣, 真係 mung 到拍晒檯 , 也無謂再來自討沒趣吧. 以後還是淨到舊店買海南雞算了.…查看更多

栢檔本來以賣海南雞為名,如今也走去賣車仔麵來,新店在九龍城衙前圍道,專賣日本手造眼鏡店"上目"對面.中午時份只得兩三檯客人,雖然新店以車仔麵為主,如果想吃回海南雞,還可以.繳費模式同快餐店一樣,先在收銀處付費,再回到座位,等店員送上.懶理廚房是不是坐在"Designer chair",好多時眼不見為乾淨,如果不幸見到,當自己倒眉.等了一會,我的車仔麵便奉上面前,此個車仔麵比我之前吃的有些特別,就是麵同配料分開上.其實我要的不是麵,而是皇牌湯河,用清雞湯作湯底,在車仔麵上也是首次品嘗到.雞湯色水很清,嗒下去還有一點雞味,至於是否有金華火腿,大地魚味道?對不起,一點也喝不出.湯內的河粉,入口過於稔身,好像一劈劈野.將配料同河粉分開上,目的大約是食客能夠感受到雞湯的味道,如果雞湯好喝的話就是,最慘就係湯底不夠水準,此舉未免有點捉錯用神.配料有豬皮,牛筋,豬腸,金錢肚等等,個人最欣賞還是鹵得入味的豬腸,肥美得來沒有異味,金錢肚同樣做得入味,至於豬皮尚算爽口,牛筋則比較遜色一點,不及前兩者入味.幸好沒有叫牛腩,豬手,否則就會與前文的x眠王子一樣,給予一個劣評了.…查看更多

晚 飯 時 段 ，隆 姐 、洋 一 、小 曼 谷 等 人 氣 食 店 門 口 堆 滿 人 等 位 ，呢 度 地 方 唔 細 ，卡 位 又 多 ，格 局 確 係 較 一 般 車 仔 麵 店 光 鮮 ，但 卻 得 小 貓 三 、四 隻 ，咁 怪 嘅？一 坐 低 ，即 時 知 乜 嘢 事 ，女 友 眉 頭 緊 皺 ，問 我 覺 唔 覺 有 異 味 ，我 都 有 少 少 覺 . . . 異 味 唔 係 嚟 自 新 裝 修 嘅 油 漆 味 ，而 係 . . . 唔 方 便 喺 度 講 啦！可 能 隔 鄰 舖 位 裝 修 緊 呱！異 味 肯 定 有 ，但 唔 太 濃 嘅！ 不 過 呢 . . . 衛 生 就 真 係 一 般 囉！阿 姐 執 完 餸 、淥 完 麵 ，轉 頭 坐 喺 一 張 咁 前 衛 嘅 designer chair 度 ，感 覺 . . . 嗯！加 上 好 幾 枱 客 人 走 咗 好 耐 都 唔 去 執 枱 ，已 經 扣 晒 分 啦！枱 面 一 張 柯 打 紙 都 無 嘅？原 來 要 先 搵 位 ，然 後 行 出 去 配 料 櫃 對 面 . . . 在 牆 上 我 覓 理 想 . . . 食 嘅 嘢！跟 住 轉 身 向 阿 姐 講 要 乜 麵 底 同 配 料 ，最 後 喺 旁 邊 嘅 收 銀 處 俾 錢 就 OK！配 料 接 近 30 款 唔 算 少 ，啲 名 仲 改 得 幾 爆 笑、懶 有 嘢 咁！好 似 冰 糖 南 乳 豬 手、皇 牌 幼 滑 河 粉、香 滑 豬 紅、童 年 魚 蛋、清 雞 湯 豬 皮 . . . 尤 其 是 童 年 魚 蛋 ，唔 知 係 屬 於 90 後 嘅 童 年 抑 或 60 後 嘅 童 年 呢？清 雞 又 唔 知 點 "劏" 豬 皮 呢？ 呢 度 標 榜 用 清 雞 湯 底 ，雜 誌 話 栢 檔 將 每 日 用 剩 嘅 雞 骨、加 上 豬 骨、金 華 火 腿、瑤 柱 碎、大 地 魚 等 ，熬 大 半 天 做 車 仔 麵 湯 底 ，呷 落 有 濃 濃 嘅 雞 湯 味 . . . Well！堅 定 流 就 費 事 講 ，但 熬 大 半 天 嘅 湯 底 都 咁 稀 咁 水 汪 汪 . . . 真 係 無 奶 油 囉！我 碗 4 餸 車 仔 麵 揀 咗 牛 腩 ($7)、蘿 蔔 ($5)、豬 紅 ($5)、冰 糖 南 乳 豬 手 ($7) 及 河 粉 ($8) ，Total 32 蚊 ，同 區 嚟 講 唔 算 平。皇 牌 幼 滑 河 粉 好 似 鴛 鴦 粉 ，有 啲 切 到 河 粉 咁 闊 ，有 啲 就 切 到 米 粉 咁 幼 ，最 慘 係 質 感 腍 到 好 似 台 灣 麵 線 咁。 冰 糖 南 乳 豬 手 ($7) 係 另 上 嘅！無 論 賣 相 同 份 量 都 同 雜 誌 照 片 相 差 好 遠 (預 咗 啦！)。豬 手 係 就 係 好 入 味 ，但 唔 多 似 南 乳 味 . . . 正 確 嚟 講 係 南 乳 味 過 甜 . . . 咁 囉！牛 腩 正 呀！韌 度 超 強 勁 ，要 出 九 牛 二 虎 x 2 嘅 牙 力 同 佢 鬥 過 ，我 年 紀 大 ，咬 咗 一 陣 就 頂 唔 順 ，吐 番 出 嚟！以 為 清 雞 湯 蘿 蔔 清 甜 無 渣 ，於 是 一 啖 咬 落 去 . . . 講 真 ，我 真 係 "哎 呀" 嗌 咗 一 聲 出 嚟！蘿 蔔 咁 生 硬 、都 唔 腍 嘅？ 女 友 碗 4 餸 車 仔 麵 揀 咗 魚 蛋 ($5)、魷 魚 ($7)、牛 筋 ($7)、金 錢 肚 ($7) 及 河 粉 ($8) ，Total 34 蚊。咖 喱 魷 魚 都 幾 韌 、唔 爽 口 ，亦 無 乜 咖 喱 味。牛 筋 就 腍 到 無 晒 彈 力 ，但 味 道 還 可 以 嘅！ 童 年 魚 蛋 . . . 唉！算 把 啦！係 金 錢 肚 夠 入 味 ，軟 腍 有 咬 口 ，叫 做 中 番 個 安 慰 獎 囉！更 多 內 容 及 照 片 喺 我 Blog : http://hk.myblog.yahoo.com/choro-q…查看更多