栢檔碟頭飯專門店 (已結業)

是次我是第一次與家人到這食店食「海南雞飯」，我覺得雞要整得滑，又有雞味是一件很難的事。但是，在這食店的雞，我雖然吃不出雞味，但是雞的質感，我倒是吃得到。如果配以食店一早預備好的醬，一起伴食，胃口的確令人大增。所以，我覺得這食店都值得一讚!!

我由佢唔出名~食到出名..有一間食到二間...原來真係人怕出名豬怕肥上個星期去食...差左好多d 飯...太油(因為之前好適中)d 雞差左好多~好紅....又少左...又唔夠味...d 雪咪多過d 雞味...好彩係d 湯都keep到~我見到d 阿姐同 d 師父都唔同之前個d...可能去晒9 龍城到啦...如果未試既朋友~住得唔遠~可以去試下但唔洗突登再去...

地方麻麻，地下好油、好滑。阿姐清完枱，兩手滴住上枱客既送汁，就擰野比下枱~~ 外賣醬個阿姐，跌o左個外賣膠兜落地，執起，照用~~明明無油墨菜又推介，黎個生菜先解釋，下枱又係咁，算唔算玩野？？ D 醬幾好~油飯唔得，個湯唔似無味精 二人餐，一碟例，只得咁多... 得雞胸、三件雞背同1/2隻雞翼 味道唔錯，但雞胸就鞋死o左，好少專做雞既鋪，雞胸會做到咁鞋~~ 反而咖哩牛腩唔錯

去到荷里活廣場諗唔到食乜, 友人提議不如去鳳德村睇下有乜食. 一去到, 就見到呢個門面好似幾吸引, 咁就入左去試. 叫左一個海南雞飯套餐, 有湯, 有油飯, 有一碟海南雞, 同一碟油菜. 個湯無味精, 幾好味, d料煲都爛晒, 應該煲左好耐. 油飯幾香, 不過唔係幾油, 可以再油d. 碟雞幾滑, 份量幾夠, 而且去埋骨, 好啱我呢一類懶人. 油菜要左芥蘭, 如果摘埋d花可以再好d. 之後加左個煎肉餅同個油飯, 肉餅比想像中好食, 值得推介. 價錢合理, 可以試試.

~~~28-1-2008~~~其實呢間<<柏檔>> 0係九龍城開左分店...但我見呢度都只係得黃大仙分店??唔緊要啦~...照寫!其實九龍城分店距離依家大約開左1個月啦..而我就係同honey 於28-1-2008去試既..大約應該開左幾日度...因為果時佢地門口仲有開張既花牌...同埋仲緊新張期有特價..~所以走左去試..果日等0係九龍城等honey放工~見到呢間野話就殷新開張~所以今晚就同honey黎試吓~原來佢0係上年”食神爭霸戰”拎過獎喎~好似好犀利咁..~由於新開張關係~有特價餐$28 一個~1 , 去骨海南雞飯2, 去骨元蹄飯, 3咖哩牛腩飯同4 , 咖哩豬扒飯既然人地係以個雞飯拎獎~就試吓個雞!同honey一心叫左一個雞飯餐~飯未到,先附上3小碟醬汁!等左2分鐘..飯就上枱了~賣相不錯~~有點像何文田既”勝x小廚”~不過似乎味道略遜一點…雞做得唔錯, 唔”un”~都幾滑,但雞本身,雞味唔夠~很淡口!油飯亦很香~但雞油似乎唔夠..~所以造成有d飯粒,仲係白色(未有油沾上)!如果用番一d靚d既雞, 雞味重d~應該會好食好多~以特價$28 一個飯

夜晚經過見到有火鍋餐, 入左去試同太太一齊要左兩個肥牛海鮮雜錦窩....每個$48 包餐茶, 凍飲加兩蚊出菜勁慢, 佢先出個湯, 個湯煲到滾晒都仲未有料出到黎一出個料, 講粗口都講唔切, 份量仲少過大家樂肥牛勁散, 似d沙嗲牛肉鬆咁ge 肉碎, 仲要少到阿媽都唔認得成碟野得兩粒丸, 個烏冬仲要係得一半唯一可取係o個兩舊急凍魚(拎出黎o個陣仲有冰), 幾好食太太點左罐可樂, 見到個伙計o係張單到寫"+5"吹到啤一聲, 問佢計唔計落餐茶, 佢話計跟住我問佢淨嗌一罐可樂幾錢, 答案係八蚊計一計, 杯餐茶值三蚊?(淨嗌餐茶好似成10蚊, 咁罐汽水15蚊?)d 伙計禮貌唔係好,又撞聾, 我嗌凍檸茶佢就聽到話加茶, 唔止係我, 佢地o係其他檯d 客都成日聽唔到錯d 客落order, 做野ge 效率又低..最慘係間野播埋d 歌好多都唔好聽食到成肚氣

24Jun2007 1510都有好一段日子冇係鳳凰新村打滾，兼想見下人情世故，特意來到這裡到此一遊。見有少少餓，又係食野時候，聽聞前排這裡的海南雞取得食神爭霸戰銀獎，咁緊係要試下啦。呢段時候有特價時段，30蚊一碟海南雞飯，凍飲只不過俾多兩蚊，唔駛突登叫套餐。上檯後賣相都算不錯，三色醬中其中一款薑油係用橄欖油開，橄欖油有好多級數，好難俾到最優質，但在大眾中絕對係一個賣點；而雞已去骨，有少少味，質地幾滑，油飯加上香茅、椰汁及雞油等香料煮，有隱隱的香味。雖則不是好頂級的，味道總比茶餐廳質素有過之無不及。還有其他小菜例如肉骨茶及豬軟骨，在附近居住的可以到這裡一試。

最近搬到鳳凰村附近，發現這裡有很多食市同食物都有好多選擇，而早幾日前就試了"栢檔"。看門面貼出來的剪報及某網頁的人氣推介，真的好像很吸引似的，所以我被吸了入去。1.)坐位可以2.)服務生服務質素好！(我們一坐低，侍應就已預備了兩杯熱茶以及另一杯熱茶已放入兩人餐具，我食左咁多間餐廳，都係呢間最為細心)3.)食物質素比想像中好4.)味道算是在附近的食市當中最好味，鑊氣最足的一間。5.)收費比較貴6.)環境光線充足，相當衛生點了佢地出晒名既"去骨海南雞飯"及一味小菜”魚香茄子”(佢地有另一個名叫，但係我唔記得啦)"去骨海南雞飯"的確十分之不錯，雞肉質地比起翠X餐廳還要好！如果d飯味道可以濃反小小就Perfect啦”魚香茄子”很夠鑊氣，不是十分油膩，味道很好！唯一美中不足的就是價錢，在附近食市當中，以佢呢間收費比較貴左小小，Well ~ 一分錢一分貨啦！下次會試o下其他小菜，還有咖喱類，到時再為大家報導！

上網見到d食評講到咁掂間野又係樓下咁近決定去試下入到去叫個海南雞飯30蚊,諗住加野飲啦問左佢汽水加幾錢...佢答我加唔記得左4蚊定8蚊...打左個凸...再問凍0茶幾錢...2蚊fine個飯好快到都幾細碟上面5,6舊仔雞....係冇骨,不過好普通到我最愛既油飯食左一啖我差d想問個waiter係咪俾錯白飯我完全冇味,得少少油油地真係唔多掂就算幾近屋企都唔會再食!

住鳳凰村已經6~7年，附近的食店差不多都試過晒，於是試試這間標榜海南雞的食店，由於被店舖裡的海報所吸引，於是夫婦2人分別點了去骨海南雞飯及咖喱鮮雞飯，但食過後方知是"名不符實"~細看餐牌下，他們只有小菜而没客飯套餐~即是湯、飯、飲品須要自行再叫，在同區確是小見，價錢亦最貴，再加上入坐後服務員的態度欠佳，所以不會再光顧，更加不會推薦~食物品質: 太太所點的"去骨海南雞飯"$38(跟例湯)~ 確是有去骨，但完全没有雞味，所提供的3碟醬就連"美心"的也不如，完全是没誠意之作，例湯味甚濃(味精甚濃)，而且很多油。自己點了他們的"招牌咖喱鮮雞飯32"(自己另叫一碗例湯$6)，真是一生人裡吃過最難食的一次，咖喱和一般快餐店吃到的一樣，這也算了，但他們竟然把没去骨而且没味道的切雞淋上咖哩汁便當作咖喱雞，真是令我咋舌~老實說:用這個價錢在這裡可以吃到更好的東西，更不用受服務員的冷面!

知道呢間食海南雞飯出名好耐，今天終於嚐試了！先不說食物質素先說食肆環境，一入去感覺幾污穢，果然剛點了菜老鼠便從房慢步經過我身後走進處理海南雞飯的房，伙記見到即刻將門關了便了事．例湯係味精湯，雞係冇雞味的肥雞，點雞係冇誠意的三式醬（酸辣的是泰式辣醬、醬油係濃縮超甜醬油、油比較好係蓉），飯係有色但冇油飯，菜係名乎其實的多蠔油焯老了的油菜．

本人Kendra於this檔食去骨海南雞飯約1年,水準真不錯,$又合理,服務親切。HK數1數2。有少少想回應之前評論的朋友,海南雞的雞全世界都是凍的。(包括馳名世食的新加坡chatter box(文華酒店)海南雞飯。

以前想食海南雞,便會坐巴士去勝利小廚,好慶幸現在屋企樓下有栢檔,水準差唔多,以後近近地便有雞食了每次我同朋友都會叫二人餐,有半隻雞,雞好嫩滑,湯亦好飲,只是湯連湯渣只有半碗,真的不夠喉(雞骨有時會帶有少少血,不知道怕不怕呢?)講雞味,當然不及自家煮的新鮮雞,但出面食肆大部份都用冰鮮或雪藏,自然雞味不會太濃, 好正常栢檔海南雞已比一般茶餐廳好食了不過,除了海南雞,我去年曾試過午市咖喱雞飯(不是去骨海南雞),那些雞槌很鞋很乾,自此以後,我只點海南雞

有同感. 而且飯很硬

俾外面個招牌\"食神爭霸戰銀獎\"欺騙咗。個所謂的銀獎作品-海南雞飯, 雞肉完全無味無道,好似水煮咁.d雞碎濕濕,當d客未食過海南雞一樣,食到一肚氣,不知所謂。<br />這間直頭係黑店。