栢檔碟頭飯專門店 (已結業)

上次黎過這間舖頭，不過上次叫的是咖喱牛腩飯，因為佢地用的是坑腩，吾同出面食到您痴牙。的確係吾錯既選擇！今次黎叫左個一人海南雞飯，本來都有不錯既期望，不過講真雞皮夠爽之外，雞肉都係鞋鞋地，食落只係有少少雞味，完全大失所望，不過都算係水準之作，配埋湯同菜，只係四十幾銀，算係咁啦！對比旺角個間勝利做既海南雞飯，真係有過之而無不及，但我絕對吾會無厘頭走過去食，因為沒乜驚喜！反而係ＡＰＭ既新加坡南香風味館既海南雞最令人懷念！

近日再會去聖母醫院，於是一早做定功課睇定附迎有咩食。見有食友寫呢間栢檔有去骨既海南雞飯食，岩闣我喜歡啖啖肉既懶人。今日我同爸爸去完醫院後就來試試。舖頭入面只掛著去骨海南雞飯和咖喱系列的招牌，而且人人都是在食雞飯，好似冇咩選擇。冇所謂啦，我是專程來吃雞飯的，所以都唔會理佢有咩其他選擇，就叫了一人的海南雞飯套餐；而爸爸是咖喱的fans，所以佢揀了咖喱斑腩飯。未講雞先講醬油，我幾欣賞的。甜豉油，味道幾濃；辣醬，小甜小辣；橄欖油薑茸，好清新。三種醬汁去送啖啖的雞肉，正！再講隻雞，係岩岩熟的。而這店仍是用雪雞，因此鮮味有限。但雞肉確實係好嫩滑，也不怕肥，雞皮唔使講都知係正。油墨菜都幾大碟，不會馬虎。不過湯就太稀了！爸爸說他的咖喱幾香，但好少辣，唔夠喉。之後要杯即磨咖啡，$10，同快餐店的沒大分別。總括來講，雞雖是雪雞，鮮味有限。但夠嫩滑，又去骨，啖啖肉咁，同埋幾好的三種醬汁，都值得一個笑面。

果日係呢度食左個下午茶餐,叫左個吉列豬扒同凍奶茶,吉列豬扒油淋淋,吉列皮唔脆,塊豬扒一d味都無,非常雪藏!!杯凍奶茶得個奶茶顏色同個甜字,算數!!!見佢"自稱"出名係海南雞,其他野整得差就原諒佢!過兩日再去試個海南雞,見佢又話拎左乜野銀獎,唯一可以讚係佢個醬,此店老闆係同區有間美味腸粉屋,賣點係用成本高的靚醬料,點知佢地真係除左用靚醬之外,真係唔識整野食,雞肉無乜雞味,煮得過火唔夠滑,都唔知點羅獎,食完激鬼氣出到門口,竟然見張相係亞鼎鼎大名"食家"紀曉華頒獎,一個咁識得食評判,唔怪之得可以有獎!先排雜誌有講,夜晚就有人排隊等位,依家就回復靜蠅蠅!!

吃罷友記車仔麵,路過拍檔碟頭飯專門店,大大個招牌"食神爭霸戰銀獎作品-海南雞飯.",吹得咁巴閉,見個胃仲有空位.一於踢館.下午時段有細size海南雞飯,$18一碗唔包菜乾湯,就算唔掂都唔肉赤.例牌三味醬油,黑漆漆豉油味道濃厚鮮甜,辣醬不大辣,用橄欖油調製的薑茸.的確清新,要求吃得健康之仕,應該會欣然接受.去骨的海南雞,早年信和廣場沙爹軒創下的潮流,直到今日,已成懶得去lur骨的懶人福音.雞肉不大肥.算幾適中,雞皮同雞肉很嫩.雞味就略欠.底下的油飯.加上香茅,椰汁去煲,所以油飯除左雞油飄香,還多一份椰香.三隻醬料撈埋一起,魚如得水.係咪真係全城最好吃就唔肯定,起碼好過今時今日,今非昔比的好時.路過鳳凰新村的話,也值得去試試.PS:無獨有偶,耳邊剛傳來Smashing Pumpkins的"Disarm",所以topic同內容,沒有什麼關係.