校長燒肉日韓料理 (觀塘廣場)

营业中

休息中

兩位妹妹說想吃烤肉看見openrice 有優惠，就買了3張提前兩天打電話預約，所以不用等✌️我們只買了午市燒烤，沒有加打邊爐和刺身位置很好找，環境很不錯，很開陽，大玻璃可以看到觀塘街道燒烤種類很多，很適合想什麼都試一點的朋友們👍還有很多熟食🥙小食，甜品食物新鮮，烤秋刀魚食了三條🐟服務也很好，看見烤紙要換，會主動要求我們。唯一美中不足是，沒有雪糕🍦要晚市才有，小表妹沒得吃🙈整體性價比很高👍我們只買了午市燒烤，沒有加打邊爐和刺身位置很好找，環境很不錯，很開陽，大玻璃可以看到觀塘街道燒烤種類很多，很適合想什麼都試一點的朋友們👍還有很多熟食🥙小食，甜品食物新鮮，烤秋刀魚食了三條🐟服務也很好，看見烤紙要換，會主動要求我們。唯一美中不足是，沒有雪糕🍦要晚市才有，小表妹沒得吃🙈整體性價比很高👍

👧🏻😋👅🍽✨口腹之慾全滿足😎-校長燒肉日韓料理🇭🇰 觀塘開源道68號觀塘廣場15樓B號舖 🇭🇰-👨🏻‍🏫 成個自助區包裝到好似酒店自助餐咁, 用霓虹燈界分不同區域, 生肉, 火鍋料, 刺身, 點心, 中式, 西式等等👨🏻‍🏫 每張枱有韓燒爐又有電磁爐, 真係可以一次過滿足晒好多願望!-😋😋😋晚市 燒烤火鍋刺身放題 自選3小時 $198/位 (OpenRice餐飲券優惠價, 原價$238)✔️燒肉、火鍋✔️刺身壽司、熟食✔️甜品、啤酒、花茶-🐟 刺身💯款式唔算超多但質素算唔錯, 三文魚有腩位幾肥美! $200左右真心抵, 仲有馬刀貝, 赤貝, 赤蝦等等, 都係即叫即切-🥢點心✨點心keep住會出唔同款, 行開就睇睇有咩岩食, 燒賣, 鳳爪, 排骨等等拎幾籠過下口癮又係好爽!-🔥 燒肉/火鍋💯醃製肉類好多款式, 當然唔係話好靚既肉, 但整返個雜扒餐滿足下食肉獸都好唔錯!💯火鍋都係全自助形式, 連湯底同個鍋都係自己拎, 有鴛鴦鍋仲有幾款湯底揀, 燒燒下肉烚下烏冬餃子丸又可以轉下味-🍹 飲品✨有花茶! 有晒recipe唔同組合有咩功效, 份量落幾多, 消消滯唔錯✨Hoegaarden玻璃樽啤酒😎雖然

校長燒肉真的每次都令人有新驚喜首先熟食方面, 有甜美的蜜豆、青甜的紅蘿蔔及椰菜, 健康美味這次最驚喜的是有蓮藕炆豬手, 豬手炆得非常軟腍入味, 豐富的膠質, 充滿骨膠原的感覺🥰, 蓮藕也炆得很腍, 另有冬瓜炆豬肉也非常美味人參雞湯 - 足料好味燒肉有多款, 日式小甜薯夠香甜又健康, 一口牛, 一口豚, 梅肉片等, 以不同材料醃製, 全部都醃得很入味, 吃起來非常惹味, 煙鴨胸, 紅腸, 午餐肉, 豬頸肉, 金沙骨, 香蒜雞扒, 五花腩, 孜然香辣厚切豬腩片, 醃製叉燒, 煙肉片, 還有幾款日式魚類, 丸類, 香草腸, 芝士腸等等, 還可以燒新鮮菠蘿片火鍋配料也應有盡有, 多款菇菌, 瓜類, 菜, 餃子等另有壽司, 多士, 蕎頭, 點心

來了觀塘看電影，一於來鄰近的校長燒肉吃過痛快啊！店員準時5時招呼客人入座，坐下後，便開始出去取食物。這裡是日韓式放題，當然有刺身、燒肉區，另外也有沙律前菜、火鍋、點心、炸物、熱葷、甜品、飲品區。～ 刺身區：有多種選擇，除了有受歡迎的三文魚、赤蝦外，也有赤貝、魷魚片、馬都貝、榮螺片、各式壽司等，新鮮清甜，各式其式。～ 燒肉區：這個區也很受歡迎，各式牛、豬、雞肉都有，也有秋刀魚、多春魚、魚柳、腸仔、蟹柳。肉類新鮮醃得入味，有辣有不辣，推介五花腩肉，其餘的也不錯呀！～ 前菜沙律區：木耳、酸薑、海草、秋葵等，沙律菜亦新鮮，中西式都有，健康有益。～ 火鍋區：火鍋湯底有日式豬骨湯、韓風辣湯、壽喜燒湯，火鍋料有菜、餃子、菇、翠肉瓜、南瓜、三色椒等，新鮮多選擇，確可以媲美火鍋店！～ 點心、炸物、熱葷區：位於食物區的中央，除了有熱騰騰的點心外，還有薄餅、蝦片、炸波、枝竹牛腩、豬紅、碗仔翅、中湯等，較適合不吃生冷食物的老人家。～ 甜品區：多選擇到不得了，除了有奶凍、布甸、啫喱等杯裝外，亦有雪糕、雪條、凍菠蘿、凍哈蜜瓜，還有西米、涼粉、椰果、什果等，可自製適合自己口味的冰，所以一定要留肚吃甜品啊！～ 飲品區

呢間餐廳真係神奇嘅存在，我印象中疫情之前食過一次，估唔到經歷疫情之後，飲食業叫苦連天之際，佢仍然屹立不倒，當日我去食嘅時候，餐廳都keep住有客。我個人認為呢個就係認清市場定位嘅好示範，餐廳主打嘅就係一個性價比，晚市200蚊有找全包，有曬燒肉、刺身、壽司、點心、熱盤、一人火鍋、內地好興嘅冰粉、啤酒燒酒任飲。我都可以話除咗呢間，都好難揾到另一間做到咁（韓X燒都係，不過聽聞好似係同一個老闆，哈哈）。燒肉主要都係腌製凍肉為主，但款式唔少，任攞唔嬲，刺身竟然有赤蝦，雖然每次限量攞，但人唔多嘅時候可以問服務員一次過攞多隻。味道方面對得住價錢，基本上都幾似去BBQ場咁，個分別只係呢度用鐵板煎香而BBQ場係用火燒，刺身就個人推薦赤蝦，都幾大隻有蝦味。多款啤酒任飲，如果想放工啤啤佢嘅，又同時想食下肉醫肚，講真呢度都可以考慮。總結都係嗰句，餐廳定位好鮮明，呢度唔係主打食到有幾premium，而係主打包羅萬有，一次過滿足曬全部需要，飲下啤酒燒下野食又唔洗擔心價錢嘅好地方。

呢日預計收工8點幾，呢間燒肉+打邊爐任食～宵夜時段為8:30pm $183一位，認真平～8點多上到去依然人煙鼎盛，食物款色也多，真係一次過大滿足，急不及待拎野食，有沙律、刺身、壽司、熟食、火鍋配料、燒肉配料、甜品、飲品、花茶。🍣🥟刺身望落新鮮，熟食有幾款點心🍙熟食：蓮藕、豬手、豬紅、炒菜、點心；炸物有咖喱角、炸餃子、章魚小丸子、豆腐等。🍖烤肉火鍋配料款式多多，雞翼、雞扒、豬扒、牛扒、魷魚、多春魚、秋刀魚、漢堡扒、雞肉腸、脆皮腸、雞軟骨等🍲火鍋配料肥牛、豬肉片、山根、豆卜、魚片頭、餃子、菇類、蔬菜，諗到都有，而湯底有豬骨湯、壽喜燒和麻辣選擇。醃肉夠晒入味🍯醬料多種，想到都有，至愛加蜜糖，很有BBq風味🍶飲品：各式汽水、花茶、清酒任飲🍮甜品：很多款不同口味的啫喱、奶凍、布丁

剛剛食了午餐自助餐98元食品質素比以前好咗好多我以前長期幫襯，但係有一輪啲質素非常差，跟住就冇幫襯了那一見到價錢好吸引再試一試質素好咗好多希望以後繼續保持水準遲兩日試吓下午茶先

第一次幫襯，所以完全唔知道呢啲潛規則首先佢推出咗生日優惠，訂座時已講明要慶生，亦有問會唔會收切餅費佢都唔會提醒你入座嘅時候係需要出示身份證明文件到你埋單嘅時候發現冇優惠，佢就會怪責你點解你唔自己主動拎出嚟然後我喺入座前30分鐘已經將個生日蛋糕放喺餐廳度門口職員亦都寫低咗所有資料但係當買單嘅時候問職員拎返個蛋糕就大大聲聲問我哋係乜嘢蛋糕留咗咩資料態度亦都10分惡劣咁樣叫我哋揸返個蛋糕當日夜晚我已經即時向餐廳社交平台查詢，但係完全冇人理會我老實講，好似標題咁食物係冇問題款式亦都係多嘅，可惜就係職員態度嘅問題

今日約咗舊同學聚會，嚟咗食呢間性價比極高嘅燒肉x火鍋x刺身的三重放題，我地揀食5pm 至7pm 2小時放題，每人$198再加一，勁抵食。一入到去梗係食刺身先，估唔到刺身嘅種類都幾多，有赤貝，三文魚，赤蝦，虎蝦等等，我哋就試咗赤蝦，三文魚同赤貝。估唔到赤蝦有驚喜， 赤蝦好大隻，年頭連殼。赤貝都爽甜。之後我哋食韓燒，食物嘅種類超多，所有嘅肉類都應有盡有。我哋試咗西冷牛扒，孜然五花腩，叉燒，土匪雞翼，香草魚柳，香辣韓式魚柳，牛柳粒，牛肉片，多春魚等等。牛扒幾好食，唔會韌，而且好入味。土匪雞翼燒得皮脆肉嫩，韓燒必食。孜然五花腩味道有驚喜，肉質軟腍。多春魚條條都多春。除咗肉類，有好多蔬菜可以燒，燒菠蘿勁正，香甜多汁。食完韓燒，我哋食火鍋，我哋揀咗壽喜燒湯底，出邊拎咗d丸類同餃，再食啲蔬菜。肉丸質素不錯，款式亦多。最後我哋仲食埋甜品，有多款雪條雪糕選擇我就食咗指糯米同榴槤雪條，朋友就食咗雪糕揀咗沖繩鹽味，幾特別甜品櫃仲有多款奶凍同啫喱選擇，食完凍冰冰嘅甜品飲番杯按自己喜好調製嘅花茶，好舒暢。總括而言，呢度嘅放題好超值，選擇較多，而且攞韓燒同火鍋食物嘅自助吧都乾淨衛生，仲有多款熟食選擇，款式應有盡有

這家餐廳位於觀塘站旁邊的一個商場內。餐廳景觀開陽，座位寬濶，侍應生服務殷勤。 我們二人選3號餐，午市燒烤火鍋刺身自助餐2小時，每位$198，另收加一服務費。任食任飲，自助餐是包括沙律、餐前小食、熟食、刺身、壽司、燒肉、火鍋、冷熱飲品。燒烤：肉類有30款，主要有牛、豬、雞、魚和鴨胸等，應有盡有，其中牛肉濃味、豬五花肥美甘香、金沙骨惹味、雞翼皮香肉嫩、煙肉香脆味道咸、多春魚漲卜卜。火鍋：配料約有20款，主要包括肉丸、水餃、蔬菜和芋絲，其中牛筋丸彈牙、魚蛋爽口、黃芽白清甜。刺身：推介三文魚和甜蝦，新鮮美味。熱飲：有11款花茶和茶葉，推介菊花茶，清熱明目。凍飲：約有20款，主要包括涼茶、解茶、汽水和啤酒。甜品：推介自選配料的凍涼粉和熱芋頭西米露，凍涼粉加了雜果和椰奶，口感清涼，芋頭西米露熱辣辣，甜味適中。

在觀塘拍攝家庭照，中午來這間性價比高的日韓火鍋燒肉店吃午飯。這兒環境寬敞整潔，有大量卡位，不少人一家大細都來吃東西。很喜歡一整排大玻璃窗，能飽覽觀塘市區的繁華熱鬧。這兒的食物分成不同區域，每個區域都整齊排列各種食材。🍽️肉類/火鍋配料區🥩🍲肉類選擇十分多，最喜歡咖哩雞軟骨，爽口彈牙。也喜歡提供鴛鴦鍋可以同時選擇自己喜歡的壽喜燒湯道和日式豬骨湯。我的孩子最喜歡牛油粟米和燒菠蘿。🍽️熟食區🍖🍗熟食區方面有紫薯丸、椰汁流心球、炸豆腐、各種中式點心等選擇。🍽️沙律區🥗有不同的沙律菜選擇，車厘茄十分鮮甜。🍽️壽司及刺身區🍣有鰻魚、鮮蝦、三文魚、蟹柳等壽司，個人最喜歡希靈魚刺身，一再添食。🍽️甜品區🍮甜品也有分凍食和熱食，個人認為香芋西米露有驚喜，非常喜歡香芋軟綿綿的，入口即溶。🍽️飲品區🧃🥛🫖🥃🍻🍺有不同的盒裝和罐裝茶類和汽水選擇，如果喜歡飲酒的話選擇也不少。個人最喜歡花茶區，有各種不同種類的茶類配料，可以炮製自己喜歡的、有特別功效茶。

觀塘區食肆林立，今日跟友人來到觀塘廣場的校長燒肉日韓料理，一嘗好評頗多的任食韓燒以及火鍋，完全可以用大滿足三個字來形容。一入餐廳只覺地方寬敞，我們被安排坐在窗邊位置，光猛又坐得舒服。至於食物及飲品種類非常多元化，選擇亦夠多，加上店員服務殷勤，不時更換已燒焦的燒烤紙以保持食物質素，以每人二百元左右的價錢就可享用放題午餐，絕對是性價比高。肉類方面選擇繁多，排列井然有序，而且乾淨衛生。醃肉味道整體很不錯，味道不會過鹹又或者過份調味，肉質亦算新鮮，解凍時間夠，食得到食材原味道，個人就比較推介薄切豬五花腩，油脂及肉質比例均勻，豬肉烤香後香氣在口腔四溢，豬皮位置口感香脆，肉質爽口；另外美國肥牛亦不錯，油脂分佈平均，不會過分肥膩，牛肉味道香濃，基本上不用沾醬汁，只灑上少許海鹽就已經足夠； 雞軟骨亦都高質素，味道有兩三款選擇，至於質感爽口，亦帶有少許雞肉，燒香後仍然嫩滑，兩種口感幾匹配。而熟食選擇亦多，例如有炒菜、炒麵、炸香蕉、點心、豬紅、豬耳及紅腸等。個人就非常喜歡人參雞湯，雞湯湯底清甜，淡淡人蔘的甘味再配上杞子甜味，有助解油膩之餘亦有養生感覺。店員給予"升級刺身通行證"，以證明我們享用燒烤火鍋刺身

主打自助式火鍋燒肉放題，似一個美食夜市，有齊中式點心、日式刺身、西式沙律炸物、中菜、湯品、開胃前菜、甜品等，材料未必好貴價，勝在應有盡有🌟肉類/火鍋配料/蔬菜特別推薦以下幾款：香草魚柳肉質幾厚滑；咖哩雞翼醃得好入味，燒完香味濃烈；蒜香金沙骨燒完肉質依然嫩滑，口感不鞋🌟中式熟食有惹味豬手、蒜蓉炒菜、香辣豬紅等，爽嫩的花螺肉被酒煮過後，多了一陣麻辣香，唯少量有沙；還有幾款中湯，人參雞湯飲落參味都幾濃🌟西式沙律炸物沙律菜配上幾款醬汁；炸物有薯條、春卷、麥樂雞等，不過唔太夠熱🌟日式料理刺身放題黎講質素幾新鮮，有齊三文魚、希靈魚、八爪魚、魷魚、虎蝦、赤蝦仲要大大隻👍🌟甜品除了雪條及雪糕，還有多款自家製布丁、啫哩，仲可以自選糖水配料，如椰汁奶、仙草、西米等等🌟飲品啤酒、汽水、茶類、奶類等都任飲，最特別係有一個花茶區，有多款養生花茶沖泡

晚市早鳥108，平日服務費40。位置就腳。介乎推介同唔推介之間，睇返想點取捨。早鳥時段價格便宜，想咩都食吓，想過口癮都可以考慮。（正正常常嘅，以下有講嗰啲係可以改善嘅位）飲食品質：豬牛肉片，一分錢一分貨，優惠後大食啲都好易回本，但正價時段就未必會揀呢間。有秋刀魚同多春魚，同行好友試咗多春魚，佢有攞多次我諗都應該食得吓嘅。我自己就不了（其實一坐低就聞到舖頭有燒魚味，所以覺得抽風唔好，燒嗰陣當然又係有🥴）有幾款菇可以攞，幾好。丸有特別啲，反而普通嘅就少啲。一口牛醃得幾好，可以配搭啲醬料，牛扒鹹咗啲，唔點醬都鹹，似燒烤店醃。嘢飲都幾多款，罐裝嘢唔洗點評，水機斟啲清酒好似冇酒精😅自己整嘅甜品有誠意，但可以再好食啲。火鍋湯試咗壽喜燒，韓式辣湯，後者似就咁紅色韓式辣椒醬溝水only。冷盤食得吓，除咗泡菜唔知自己整定買，唔入味。（似乎韓式嗰啲都好出事😂）沙律吧啲菜都幾新鮮。進餐體驗：有預約記錄，但店員說找不到（好彩好多空位，冇乜擾攘就安排返座位）自助區和座位的佈置不太好，自助一邊，位一邊咁，最後被安排較遠嘅位置，有d失望（明明前啲大把位）。一嚟抽氣唔係咁好，二嚟清潔有啲求其，見到員工的收拾餐枱的情況

早排同幾個friend經過觀塘，去到lunch time時間想搵啲嘢食，個個都有各自想食嘅嘢食，最終我哋搵咗一間有燒肉、火鍋同刺身放題嘅餐廳，一次過滿足晒大家嘅願望。🥳餐廳正正就係觀塘地鐵站隔離，地點勁方便，地方又夠大，完全唔使驚等位。而且餐廳仲有一大排窗口位，成個場感覺都好光猛精神，唔會昏昏暗暗咁樣。☀️燒肉方面，肉類款式基本都齊全，驟眼睇都起碼有15至20款肉類。基本嘅牛豬雞一定有啦，另外仲有啲特別小小嘅，例如係秘製叉燒、金沙骨同一口豚肉呢啲都會有。肉類嚟講都醃得好入味，肉質唔會好差，絕對係合格嘅水準。🥩🍖火鍋方面，餐廳提供咗三個湯底，分別係日式豬骨湯、壽喜燒湯同埋韓式辣湯。火鍋配料方面就包括有肉類，丸類、茹類同埋蔬菜類，雖然話每種款式唔係好多，但係勝在樣樣都有，每樣可以試少少。🤭刺身方面，就提供咗有六至七款刺身選擇，大部份都係最常見嘅嗰幾種。有三文魚、大蝦同埋希靈魚等等。肉質都算OK，最緊要係冇腥味，放題嚟講質素都算合格。🫡其實餐廳一啲細節位都好抵讚，例如係火鍋醬料都足足有成12款，選擇都夠晒多。🫨其次有個沙律吧，健康人士同埋食膩咗嘅都啱晒。🥒有幾款熱食餸菜之餘仲有幾款點心選擇，認