校長燒肉日韓料理 (觀塘廣場)

营业中

休息中

觀塘廣場頂樓，韓日式自助火鍋，地方大入門分兩邊，我哋過左去入門左手邊果度，好多卡位，大家要著多件衫，都好旺盛座無虛席，個個火鍋開齊，冷氣依然好夠，日式韓式都唔錯，用料有和牛，有金菇蔬菜好多應有，加燒烤吧，日式有刺身有壽司， 日式甜品應有則有，想食飽個肚話咁易，仲有啤酒汽水任飲款式幾個雪櫃擺到齊曬，約埋幾個老友，上黎淨係飲啤酒吹水，都返本呀，價錢又唔貴喎。最後加埋最鍾意食嘅榴蓮雪條，三兩條走唔甩，另外再幫襯一兩款，好正呀。侍應服侍週到，滿意用餐。

假期最好食乜😜今日我哋揀咗去觀塘食🤤校長燒肉😘😘 中午非常之多人🤪好彩仲有位啫😛環境座位都好闊落😉仲好大添😄種類多到都數唔到🥳日式、韓式、中式、西式🤤包羅萬有👏多到有啲眼花撩亂😵‍💫其實你諗起想食乜都有😍一邊燒烤🍖一邊火鍋🍲肉質好新鮮😘牛柳、牛扒🥩雞翼、食完再拎😄魚生仲係厚切添啖啖肉🤤火鍋，主打係菜類、瓜類、菇類~ 可以中和啲燒烤味👍🏻再嘆番杯花茶清下熱🤭花茶種類都好種類，(我個人喜好就係果皮、桔梗、檸檬、菊花）飲完即刻喉嚨舒服晒🥳🥳仲有我最鍾意嘅自家製甜品😍一次滿足晒享受😋價錢又抵食👍🏻一定唔會食厭😘😘😘😘😘

「校長燒肉日韓料理」無疑係觀塘人氣熱點，每次經過都見到排了超長嘅人龍。這裏提供2小時燒烤火鍋放題。從牛肉、豬肉、雞肉、各式丸類、蔬菜、牛油粟米粒同金菇等，都可以用來燒烤或火鍋，應有盡有。除了燒烤及火鍋，還有壽司同刺身都好有特色。店員會根據顧客嘅喜好精心挑選7款刺身，供客人每次自由選擇3款。無論係肥美多汁三文魚，定係鮮甜爽口嘅馬刀貝及赤蝦,都可以令味蕾沉浸喺海鮮鮮美之中。而且，餐廳提供左各式點心、熟食、沙律、飲品，台式冰粉同精緻小糕點等甜品。無論係鹹食定甜點，都令我哋飽餐一頓，價錢十分合理。

一直都想搵間價錢親民又多選擇嘅放題食下，平時係觀塘收工經過觀塘廣場見到「校長燒肉日韓料理」，琴日終於同女朋友去試下啦，我地去食嘅時段係20:30-22:30，食足兩小時，一入去就見到好靚既報置職員帶我地入左張二人枱，整體環境都係寬敞舒服，枱面會有一個燒肉爐，一個火鍋爐，哩個設計幾特別，我地已經急不及待出去拎野食，就門口位開始，就見到有各式各樣嘅醬汁調味料for火鍋同燒肉嘅，旁邊仲有個花茶專區，好貼心地有曬各款花茶嘅功用，我地都沖左壺黎飲，味道幾特別。刺身種類唔少一般色澤都好好，三文魚同螺片都幾鮮味而且仲有大嘅蝦好少見，抵讚，側邊有中式點心燒賣都唔錯，見到有一杯小型羅宋湯好好味唔怪得知畀人搶左咁多，旁邊有火鍋配料同埋熱燻種類都唔少，我攞咗一啲蔬菜同菇類返嚟感覺都好有味，燒肉嘅種類有好多我最鍾意食秋刀魚同埋香草龍脷柳，叉燒同埋一口豚肉粒都好值得推介，記得試埋個雞扒同埋雞翼都好好食味道！環境同質素都好好，不失為一個好選擇。

金髮亞姐同門口金髮亞哥，態度非常好。。請貴公司，如客人不能用嘅東西，請收好，免下個客人再被你哋嘅同事鬧，唔怪得已經無人係香港食野，環境非常差，煙霧瀰漫，無冷氣一樣，仲要咁樣對待客人，仲要8点半後，都要$185蚊。希望貴公司生意興隆，但我及我嘅朋友，我都會叫佢哋不要幫襯，謝謝，阿門

一步入場地就可以感受到抽氣系統不足。帶位後無任何介紹，問先知道火鍋連湯底都係自助，要自己去取。服務員愛理不理，唔耐煩。不論菜或肉都無咩選擇，熟食薯條雞塊又乾又柴又冰凍。食左一個鐘就要埋單，唔知以為夠鐘，雖然佢收左錢無趕你走，但全場油煙真係好難頂。唯一可讚嘅係帶位及收錢同事都有禮貌，叉燒係唯一一樣好食嘅。但如果一早先去火鍋區睇左，我一定唔會加火鍋。因為肉類只有午餐肉，煙肉同燒烤區嘅豬腩片，連最基本唐生菜及肥牛都無。我食左咁多間，唯獨呢間我忍唔住劣評。加上所處大廈又難搭𨋢，應該唔會再去。

今日去左間價錢超親民，超抵食既燒肉放題～校長燒肉日韓料理。唔單止有燒肉任食，仲有刺身，仲可以打邊爐，仲有16款花茶配料自由組合，清酒、梅酒、Hoegaarden Rosee 啤酒任飲。Hoegaarden 出面餐廳飲1杯都4、5 十蚊。刺身種類都多，三文魚、馬刀貝、赤貝、劍魚腩、希靈魚、虎蝦同仿飽魚。除咗燒肉，仲有得打邊爐添。湯底有一邊燒烤一邊邊爐，真過癮。熟食竟然有年糕福袋，I like it, 仲有點心。👍甜品都唔錯，款式多，自由組合既台式仙草甜品🤤，又雪糕又雪條，幾鐘意個冰鮮菠蘿，啲奶涷又幾好食👍。餐廳真係可以反攻深圳，返深圳要車費又匯率，真係扺過深圳添。

既有燒肉放題, 又有日式料理和火鍋, 必定令人食指大動, 校長燒肉日韓料理位於觀塘廣場嘅分店, 地方寬敞, 卡位又多, 枱面設有火鍋和燒肉爐頭, 可以 一邊食燒肉, 一邊嘆火鍋, 真係雙重享受, 食足兩小時, 相當抵食。燒肉方面肉類有很多選擇, 有些附加咗醃料, 牛肉、豬肉、雞肉、海鮮和腸仔等, 雞翼大隻肉厚, 一字骨和豬腩肉都好肥美, 還有翠肉瓜、茄子、甜椒和南瓜等多款蔬菜, 香甜多汁嘅菠蘿片, 材料相當豐富。至於火鍋方面, 有幾款湯底選擇, 點了豬骨湯底。新鮮蔬菜和肉丸也有多款, 還可淥吓即食麵和烏冬, 夠曬自在。還有蒸籠燒賣、粉果、小籠包和饅頭等點心, 雞扒、小紅腸和豬耳等惹味小食日式料理有新鮮刺身和太卷壽司 加上多款冰凍飲品及啫哩和糕點等甜品, 食得好滿足。

今天同屋企人到觀塘分店食下午茶時段燒烤自助餐(13:45-16:45) 任飲任食，部份凍肉質感有點“梅”，不知道是否凍櫃壞了導致，因為當時擺放凍肉的其中一個凍櫃壞了，剛巧我取的雞翼，就是從這個壞凍櫃取，後來維修師傅到了，職員才把所有凍肉調去另一凍櫃。熱葷、涼粉、點心類到 15:00已沒有refill（13：45開始），椒鹽豆腐可以韌到食唔到，雪糕只有晚餐時段才可享用。部份職員態度也麻麻，佢地俾我感覺系：呢班下午茶客系嚟食平野，不需要俾服務。燒烤鐵板污糟邋遢，好似好耐都冇洗過，椅油冧冧，要抹過才可以坐。門口大大banner 寫 “反攻深圳”，一間不論食物質素或服務都差嘅食肆，就算點平，我都唔會再光顧。

平就平喇如果你對食係有要求，真心唔推薦食物勁難食你見到果幾百個好評真心懷疑係打手 或者係對食無要求既人門口大大隻字「反攻深圳」咪玩喇你連香港正正常常既餐廳都打唔贏人地深圳平靚正好過你多多聲如果你想品嘗差過深圳食物既話依間一定要試個場地下「立痴痴」，入到去已經唔好感受同行朋友仲話啲醬汁碟好似係咁依攞水沖一沖就算最離譜既係刺身師傅一啲都唔專業無客既時候就企係度玩手機都有對佢講，佢反駁話有客會用新手套大佬呀，見到你咁都唔方衛生得去邊

完全港式自助任取，適合一家老少去的餐廳燒肉區好長....餐廳有小朋友喜歡炸物、大量甜品、成人任飲酒水類、熟食、火鍋和冷盤沙律……等自取區非常多很大地方拿了炸物熟食, 不錯除了燒肉還有新鮮刺身! 任燒肉類：豬腩肉，雞朳，牛仔骨，雞腎，义燒、多春魚、秋刀魚、西冷牛排.....等比較喜歡义燒，雞雞扒，牛油粟米，雞翼，西冷牛排 (/^▽^)/ 然後脆肉瓜，豆角，雞脾菇，冬菇，菠蘿，洋蔥圈多春魚，香草魚柳，司華力腸，台式腸仔，午餐肉，煙鴨胸等……炸物有燈照所以很脆：薯角、麥樂雞、鹽酥雞粒、洋葱圈想像不到燒肉放題有中式點心 ！小籠包、珍珠雞、叉燒包、馬拉糕我們喜歡刺身任吃，取了三文魚、赤蝦、吞拿魚、帶子、希靈魚、鯛魚……但每次只可選3款。（生葵超級攻鼻）老火湯：青紅羅白瘦肉湯 （沒味道好甜）辣酒煮花螺／金針雲耳蒸雞／南乳蓮藕炆豬手／炒飯炒麵另外中式糖水：芝麻糊和蕃薯糖水，喜歡蕃薯糖水薑味好重，熱辣辣可以驅寒。飲品極多罐裝汽水，道地茶和啤酒多款 另外有即沖養生花茶，可以消膩解脹，無花果，黑杞子，菊花，山楂，果皮.....各具功效！甜品日式抹茶蕨糕，口感軟臥好味；杏仁布甸都好香！冰菠蘿冰西瓜冰哈蜜瓜消

位於觀塘的「校長燒肉日韓料理」,為食客奉獻了一場別具特色的燒肉放題盛宴。這家店不僅提供優質的燒肉,還融合了各種日韓料理元素,讓人流連忘返。首先是放題環節,各種優質的燒肉任君挑選。無論是油花萬分的美國和牛,還是彈牙多汁的日本和牛,無一例外都讓人垂涎欲滴。店家會根據客人的喜好,適時調整烹飪火候,確保每一口肉質都恰到好處。除了燒肉,這家店的刺身也同樣出色。新鮮的生魚片,搭配特製的醬料,口感清新爽滑,令人一試難忘。除了燒肉和刺身,店家還推出了各種日韓風味小菜,如泡菜、牛肉湯等,為整個用餐體驗增添更多層次。飲品方面,任飲任食的政策讓客人可以盡情暢飲,一邊品嘗美食,一邊三五好友暢聊。值得一提的是,這家店的用餐環境也非常舒適。寬敞明亮的用餐空間,配以簡約時尚的裝潢,讓人放鬆身心,全情投入到美食之中。總的來說,「校長燒肉日韓料理」無疑是觀塘美食地圖上的一顆璀璨明珠。無論是燒肉放題,還是各類日韓特色料理,都讓人流連忘返。這裡無疑是燒肉控及日韓料理愛好者的最佳選擇。

     約了朋友在觀塘食晏， 尋覓間見到「校長日韓燒肉」大字標題「反攻深圳」好搶眼！這間中日韓式放題出名食物多元化，可燒肉又可火鍋講得出的都有一定有啱食的。一次過可以滿足到不同食客的要求。我們食2點時段收費為148元升級食埋魚生刺身只須再加4O元，如此多選擇很抵食了又何須花時間北上呢？雖然不是高級名貴食材，但勝在新鮮乾淨衛生多選擇，價錢實惠食得夠暢快！自由選擇的火鍋湯底點心。。。每樣都熱辣辣，精美。刺身質素也不錯！好鮮甜新鮮。 食完一Round又一Round吃不停淨係食刺身都已回本！各種自選不同的花茶熱飲沖泡。燒肉，火鍋各取所好！吃得暢快又開心！肉類味道調得好有風味，鷄肉亦都好嫩滑。食完燒肉又食啲 淥嘅蔬菜平衝一下。一次根本試唔曬所有，太多種類了。最後雖然好飽都要食埋甜品，涼粉什果撈，糖水，啫哩，大菜糕，蛋糕......等等。實在太多選擇太吸引了！留港食嘢一樣可以係咁抵！

星期五晚和朋友想食燒肉放題，校長燒肉價錢抵食，環境幾寬敞，有不少大卡位，幾好坐，仲有可以同時燒肉同打邊爐。店員服務態度不錯，會主動上前幫忙換鐵板燒紙、又不停收拾桌上食完的碗碟。入面有好多唔同種類嘅食物選擇，燒肉款式很多，基本上你想食什麼都會有，牛肉、豬肉、牛肉、海鮮、蔬菜都樣樣俱全，燒肉主要以醃肉為主，雞腎、一口牛、羊架等口感嫩滑，部分如豬腩肉及牛肉片就比較適合火鍋。火鍋湯底有4款湯底選擇，可以自行選擇湯底同加湯，我地揀左豬骨湯，清清地不會太甜除左肉之外，仲有壽司、熟食區、點心區，非常多選擇，刺身有好多款，例如三文魚、赤貝、虎蝦、魷魚片，壽司等等，每次可以領取三款刺身，行多幾轉就可以試不同既食物，而熟食食物都能夠維持到溫度。點心區既點心都係自助形式，每一籠都唔同款，想食咩就揀咩，整體和酒樓類似。食飽之後想食甜品同飲品，呢度既選擇都非常多，甜品有一般既雪糕雪條之外，仲有布甸，涼粉等等，仲可以自行配搭。飲品可以自取，整排雪櫃既選擇，有酒、有汽水，有茶，仲有提供熱水比食客沖花茶。整體黎講，食物質素不錯，食物種類繁多，極有可能未試曬已經飽左😂是一個同朋友聚腳不錯既選擇。

聽過校長燒肉呢個名好耐，餐廳分別位於觀塘、荃灣、大埔、元朗，今次就終於去咗觀塘分店食，每人200幾蚊就可以任食吾同嘅冷盤、炸物、肉類，食完真系飽飽🤰🏻✿ 壽司吾知壽司叫咩名，但我覺得幾好食🍣有兩款推介，一款系三文魚加青瓜🥒另一款有好多海苔、玉子加三文魚，青瓜戈款好清新，有好多海苔戈款充滿日式風味💚✿ 炸物炸物有天婦羅🍤炸雞粒🐔炸魚皮 薯餅🥔個人中意食炸物就覺得幾樣都好食～尤其系天婦羅，裡面蝦肉爽口彈牙🦐薯控亦中意食薯餅，估吾到會有。✿ 肉類最重點嘅肉類黎喇，呢度肉類選擇非常多，印象最深刻系雞扒，有經過蒜香同咖喱醃味，蒜香味重🧄味道在口中徘徊。咖喱味濃得黎又吾會系好辣，幾惹味💛另外試咗蒜香雞翼、肥牛、豬五花等等，蒜香雞翼同樣入口，其餘肉類食肉獸食真系圍曬本。