柏景餐廳 (已結業)

又到11月～生日月又有好好籍口食食食！見柏麗餐廳生日有5折優惠。唔係生日都有55折架！不過要網上比左錢先！折左每人唔駛$250就揀左呢到慶祝生日！星期六由11:30-15:30時間好充足！11點9去到唔太多人又係相機食先。比想像中大同多野食喎！海鮮有蟹腳，青口，螺，蝦！食左青口同螺。青口麻麻地。螺就好食。唔會好硬又有味。沙律唔多。但都新鮮嘅！火腿，煙三文魚，冷麵，刺身。食左煙三文魚，味道岩岩好，唔會過咸！朋友話刺身都好食！而家主題係四川菜。有個四川菜拼盤！不過我覺得一般。熱食好多選擇。有中式點心！有粉麵，粥！推薦咖哩羊，夠淋又夠味！食左幾轉！Carbonara 啲汁夠哂creamy 又夠味！麵亦都煮得岩岩好！燒烤都有幾款。食左牛仔骨同西冷！牛仔骨夠味。但油左少少！西冷有啲韌。可以唔駛試！秋刀魚，好食。但其實又好難唔好食嘅！Pizza批邊有啲硬。但芝士同蕃茄份量岩岩好！整體係好食嘅！到甜品喇。都多款式架！每款細細件。樣樣都可以試下！仲有朱古力噴泉。生果。推薦雞蛋仔，即使凍左。但都外脆內軟。好好食！好似有成6-7款味道嘅movenpick 雪糕。仲有好多配料！特濃咖啡味。My favour

上星期六和老公慶祝生日用會員優惠買一送一， 食自助晚餐。雖然係買一送一，最後埋單成730十幾蚊兩個人，都唔算好抵。我哋每年都嚟呢度慶祝生日，但佢每年都加價，食物方面睇吓今年有乜好晒先。11月有名大廚推介四川風味，有口水雞、水煮魚、川味湯粉，我試過辣羊肉片，辣辣地夠惹味。個人心水推介係大廚即場示範撈沙律，有紅菜頭、露筍、蕃茄、沙律菜、牛油果等等健康蔬菜而成，非常清新鮮甜，我encore左幾云添！😋回本菜方面，依然係龍蝦、長腳蟹。刺身當晩沒有帶子，有點失望！燒烤BBQ,當晩只見牛仔骨，以前有多D選擇，如雞翼、燒茄子等都唔見。

11月見到有55折即刻訂位，連加一，每位大約$206。今次主題係川味，有口水鷄，鴨舌，雲耳等，味道適中，不會太辣。其他的都同平時差不多，特別推介糖水南瓜西米露。(我發覺有一位廚師，佢負責湯麵同點心的，佢對每位客人都笑容滿面，值得讚賞！)

本來打算和家人做節及慶祝生日，一個月前訂了位及落左訂，點知在幾日前酒店職員打來，話我的訂的20人枱，行政關係被取消了。如果妳是結婚，一年前訂了的酒席被無故取消，我想都幾大鑊！我以後都唔會再去這間酒店食飯了！

為了賺取Asiamiles，我們專登來這裡吃午飯，訂位時講明不吃自助餐，估不到原來不吃自助餐變成這裡的異類😐被安排坐在非自助餐區，是近入口處的位置，冷氣較弱。我先點了一個甘菊茶，整壺上的，但覺用茶包有點失望。我點了一個Cobb Salad，沙律有半份和全份選擇，我選了全份, 真的很大碟，有雞肉粒，有煙肉粒等，我要求把salad dressing served on side，合格。朋友點了海鮮意大利粉，份量比想像中大，用料很足，結果我們雙雙食不完，浪費了食物真不好意思😔

信和會員晚餐buffet會享有買一送一優惠🤓🤗已為信和會員多年 每年都總會食一次 但無論是那一年 buffet的水準依舊非常有水盡 而且每年總有些不同 故年年都會幫襯一次😂🤣😗龍蝦超正有2種食法 一種為冷盤 一種為焗 龍蝦非常大隻 而且佈滿蝦膏 好正！個人認為冷盤更美味 沒有用讓其他配料蓋過龍蝦之鮮味 可以完全品嚐龍蝦的原汁原味🤣熱盤正常 以buffet的水平來說 實是中上之作有2款燉湯可供選擇 充滿誠意 好甜好好味🤗魚生超新鮮 好鮮味 令人最大驚喜 絕對是又大又鮮甜的帶子 想不到會有帶子可以食 更是非常大粒 好抵呀跟其他酒店一樣 現時有特別食物出場 會有鈴鈴聲響 然後一大班人衝出去排隊 這個超正而富有創意既龍蝦梳乎厘❣️❣️好滑好香好軟綿綿😗😗甜品精美 味道ok🤓全晚最期待而且必食的--Haagen Dazs雪糕 多款味道可供選擇 唔食番6球 點對得住自己呀🤣🤗😍😗😂*信和會員可是免費申請的喔 大家還等嗎 快悍申請吧

今年生日再黎食真係得返龍蝦好食。最愛的燒牛肉竟然無。。。。。。？！？！連最愛的甜品 窩夫都無埋。。。。。。？？！！唉。鬼叫撞正我訂枱之後2天佢無神神出55折優惠同埋學生下午茶半價，搞到我個生日自助晚餐變成將貨就價自助餐無好野食！！！！最嬲去到揀選雪糕問有無窩夫？職員話：賣哂。咁問有無原味雞蛋仔？佢都話：賣哂。我再問咁綠茶味雞蛋仔呢？佢繼續話：賣哂。咁我就問咁剩番咩味呀？？剩得最怪嘅士多啤梨味我問點解晚餐時段咩都賣哂得咁少選擇？！佢答我：今日下午多人食下午茶所以窩夫同雞蛋仔都賣哂！！！！咁即係食平啲食下午茶仲多選擇，睇到上面有個下午茶食評竟然仲有燒牛肉添駛鬼食晚餐咁貴咩。明年生日都唔會再黎呢間啦。

今天繼續分享在 Cafe on the Park 的親子食記；除了豐盛的食物選擇、誘人的雪糕新地、超值的網上預訂半價優惠，最後又有非常甜蜜蜜的兩兄妹照分享哦～早在數年前，甜魔媽媽已經發現了這裡的午市自助餐 非常抵食，成人$174左右可以吃到很豐富的一頓。沒想到今夏酒店推出了更驚人的網上預訂半價優惠（原價$318，半價$159），害我暑期尾也要急急去吃上一次！  餐廳午市12:00開始，早到的我們只能在外面拍一兩張照片，時間差不多才可以入座；早上在 Playroom 放了不少電的兩兄妹，與媽媽一樣，非常心急又難耐啊！終於可以進場，一開始是凍海鮮，選擇包括長蟹腳、青口、翡翠螺及熟蝦；媽媽最愛鮮甜肉嫩的蟹腳，妹妹則喜歡熟蝦，加在粥裡即成鮮蝦雞肉粥，吃到津津有味～  場內又有扒雜菜配黑醋、日式蟹子蟹柳青瓜沙律、青瓜、番茄、粟米、紅腰豆、巴馬火腿、鹽牛肉、自助凱撒沙律、雜菜沙律、刁草煙三文魚等等....其中非常推介這凍鮮奶燉蛋白配海鮮沙律，底下的鮮奶燉蛋白超滑超好吃啊！ 接著又有配料繽紛多彩的和風冷麵、多款壽司、卷物、迷你魚生飯，以及三文魚、八爪魚、鯛魚及希靈魚四款刺身。最後還有綠悠悠的雜果

這餐廳在中港城碼頭，看似方便，但在尖沙咀與佐敦之間，從港鐵站行去約10至15分鐘，所以不算十分就腳。餐廳環境不算太大，沒有特別的佈局，感覺一般，奇怪是餐廳在碼頭上蓋，沒有利用優勢將餐廳方位面向海的方向，看不到海景，景觀只看馬路而已。食物方面，款式不算少，尚算滿意，回本的海鮮類不算好新鮮，又不至於太差，中規中矩，印象較好的要算是麵包蟹，肉質爽而有肉汁，不錯。其中厨師捧出原條三文魚，即成焦點，廚師在鍋上將三文魚分成一份一份，客人都在排隊等候，不一會所淨無幾了，三文魚魚汁豐富，魚肉鮮甜，充滿著omega-3，為自助餐帶來一些驚喜。

最近學生自助餐有平啦，諗住同fd一齊嚟食啦，平時都有食過信和集團嘅酒店自助餐，開實服務，野食都ok ge,甘諗住今次應該都差5多啦。點知，一嚟到吾系安排位置坐，而是在cafe出面排隊，夠鐘才與客人對電話號碼，然後才安排入坐。野食還好，都算多野食，海鮮，熟食，甜品都有幾多選擇，但質素就還好。拎雪糕要用雪糕證，其實我都吾知一次可以拎幾球，6球，3球，2球都拎過，但你同佢同要咩味，佢系會俾少你，所以5知系5系要球數要求。服務就。。。無人收碟，無人加水，要你舉手就有人應，有啲服務員見到你舉手重會當睇吾到。今次比想像中差，但以今次个價錢嚟講系甘上下。

這個月有二位家人生日，所以就用盡信和會員優惠～買二送二！不過今年多了豆丁，小童要付正價，大約四百左右。大家在６時半左右來到，但要排隊等候職員帶領入座。就座後，馬上去覓食。先來凍海鮮系列一早知道這自助餐蟹腳的質素，所以放棄蟹腳，目標改為龍蝦。到凍海鮮系列取了四份龍蝦，即是２隻完整的龍蝦。蝦身的肉當然大啖啖肉，蝦頭部份的蝦膏也不能放過。除了凍龍蝦，在熟食那邊也找到炒龍蝦，主要是龍蝦鉗。　　不過，凍冰冰龍蝦都偏鹹，就幻想那鹹味是來自海水吧！　嚐過龍蝦後，飲了很多水，有點擔心不能預留足夠空間予熟食及甜品雪糕系列。　　十青沙律　看著職員預備這個青BB沙律，多款蔬菜再加上不同配料，終於等到十青沙律完成！職員通知各位客人，即刻排長龍了！這個新奇又開胃的沙律，就是今晚的膳食纖維。　芝士盤　３款芝士，最喜歡白黴芝士BRIE DE MEAUX，喜歡其軟身又鹹香，方便塗在餅乾上品嚐。粉紅色肉類系列～必選火腿配蜜瓜　　　然後到熟食系列。　　先飲個猴頭菇燉湯。　　　豆腐　個人很喜歡這個半煎炸的豆腐。　　　　　烤肉檔～西冷牛扒　看到粉紅色的肉，想像到鮮嫩。　　但是剛才嚐過偏鹹的龍蝦後，飲了很多水。加上牛扒份量真的

好耐無去過皇家太平洋。。今次係食生日飯。。生日朋友入sino club做會員可以免費食自助餐。。朋友同行正價600幾加10%，total:700幾。龍蝦，長腳蟹，蝦，刺身有帶子。而且有新鮮野食出，所有員工會拍掌講有咩食，食客當然排下隊啦。中湯好飲，有即場做左一大盆沙律。甜品就一般啦。

試左Royal Pacific嘅晏晝自助餐 都真係幾抵食！原來依家仲要做馬學生下午茶半價😳😳決定下次一定要同朋友黎😂海鮮都幾齊喎 同埋我覺得以呢個價錢黎講算新鮮我自己好鍾意蟹鉗同蟹腳 因為蟹肉真係極鮮甜😋鹹點我覺得無咩特別 填肚居多有個用茄子包住嘅菜卷 好多汁好好食😂😂Naan都唔錯 因為最食Naan真係最緊要夠熱原來久唔久佢地響會有特別食物同表演呢個五青沙律好正😂💚朋友話接受唔到 但我好鐘意佢酸酸甜甜咁超開胃又好好味 仲要有牛油果🥑😋甜點就有極～～～～～～多選擇😂仲要唔hea!!!好在細細件咩都夾到d😂可以試哂有個士多啤梨脆cone好正唔知咩名🍓外面脆脆入面仲有超多吉士醬勁creamy我諗重頭戲係可以自製雞蛋仔再無限加Häagen Dazs同toppings😍 連最新柚子同乳酪味都有🙈🙈雞蛋仔推介抹茶味呀btw 香得黎唔假😏

在尖沙咀要吃自助餐, 當然大把選擇. 皇家太平洋酒店的Cafe on the PARK, 價位合理. 食物選擇不少, 各個範疇也有提供. 今天的博文, 就把重點放在Häagen-Dazs雪糕x雞蛋仔.Häagen-Dazs雪糕x雞蛋仔: 8.5分, 自助餐有雞蛋仔供應不算是新鮮事, 但能夠有五款味道, 就真的是Cafe on the PARK獨有的. 原味, 芝麻, 士多啤梨, 綠茶, 以及香芋, 單看陣容, 也知道是挺有特色.最怕吃到的雞蛋仔是一早做好的, 這裡的, 是點選後才做, 新鮮度自然最高, 外層香脆, 內裡帶點鬆軟. 我們分別吃了芝麻以及香芋味, 蛋香突出之餘, 也有香濃的芝麻以及香芋味道. 當然少不了的是Häagen-Dazs雪糕, 冷熱交融的化學作用, 任何時候, 也是動人的.DIY自製奶昔: 8.5分, 至於$55一杯的DIY自製奶昔, 就是考考大家的眼光, 看看自行搭配的兩款雪糕是否good match. 我們就選來抹茶配朱古力, 很香滑, 不會太冰感, 但透心涼, 大家不妨參考一下.來到Cafe on the PARK吃自助餐, 記得預留空間給Häagen-Daz

當Häagen-Dazs雪糕遇上雞蛋仔, 化學作用是如何呢?是日, 我們就來到Cafe on the PARK, 一嚐新近推出的Häagen-Dazs雪糕x雞蛋仔. 只要在這裡吃自助餐, 無論午市, 晚市, 或者下午茶也有供應. 雞蛋仔一共有五款味道, 分別是原味, 芝麻, 士多啤梨, 綠茶, 以及香芋, 再自行配上不同味道的Häagen-Dazs雪糕.堂弄的雞蛋仔, 當然是熱度合宜, 而且很香脆. 味道方面, 選來了芝麻以及香芋, 皆有特色, 特別是後者, 芋頭味道香濃. 雞蛋仔配雪糕, 一冷一熱, 好吃是常識吧. 小晴晴就吃得很滿足.另外, 還有DIY自製奶昔, $55一杯, 可以自行搭配兩款雪糕, 質感香滑, 很討好.這個夏天, 來說到Cafe on the PARK, 吃吃Häagen-Dazs雪糕x雞蛋仔, 以及DIY自製奶昔, 透心涼一下吧.