林記小食

营业中

休息中

見 google map 交通情況唔洗 45 分鐘就到紅磡，本來今朝滿心歡喜上車諗住可以嘆碗出前一丁早餐，點知去到奧海城前面巴士撞私家車塞我半粒鐘！去到果欄壞交通燈再塞 20 分，和您塞！最終搭成粒半鐘的士先返到公司，早餐得返杯熱檸茶外賣！無心情，午餐食碟腸粉算數，清清腸胃竭一竭。依餐輕食，預備今晚拆餐勁既！機會係留比早有準備既人既。行去拮多兩串魚蛋先填充一下，是但吉幾串就 $30 蚊，貴過食出前一丁。林記係魚蛋界都算數一數二，享負盛名！個人覺得油麻地通記蠔油陳皮魚蛋始終穩守首位，而尖沙咀華記就可以跟林記爭一日之長短。伯伯永遠都那麼友善面帶笑容，在等候期間眾多粉絲奉場，個個大大袋五六十蚊地買走，果然係極具人氣的老店。被美女搶先一步到場落單，還要買兩份腸份幾串魚蛋燒賣，堅係大客仔喎！腸粉婆婆慢功出細貨，等到我生菇發呆，返到公司只剩 5 分鐘享受，唯有狼吞虎嚥倒落肚。婆婆終於都返來喇！手起刀落清脆利落，狠狠地落醬毫不手軟，混醬多辣多豉油浸著才夠美味！早前有次不知嬸嬸是否剛剛開舖，完全失手！腸粉乾鞋硬粉粉黏口暖暖地，沒有平時嫩滑彈彈的感覺。混醬豉油得少少一丁點乾乾的，腸粉未蒸透硬實帶粉微暖，

路過見好多人排隊，梗係要試下，叫咗兩串魚蛋一串辣一串唔辣一碟腸粉，唔辣魚蛋得啲豉油味，辣魚蛋好食得多，魚蛋肉質夠彈牙，腸粉夠滑！呢個價錢有呢個質素確係唔錯👍🏻😲

腸粉😎$10/4條魚蛋🍡$7/6粒啱啱響紅磡嗰頭😎見到好多人排隊😮個個都叫魚蛋燒賣同腸粉😛當然第一時間排隊試吓🙈腸粉混醬出色😋魚蛋唔算好辣😌勝在夠入味👍街坊生意☺️絕對可以一試🤤林記小食 (紅磡)紅磡差館里 21 號

本人係個掃街狂，最鐘意去揾街頭小吃，最近有朋友搬左泥紅磡住，佢話我知佢附近有檔小食好正終於有日我特登過去試吓！買左腸粉加辣魚蛋腸粉夠哂滑、魚蛋入味彈牙，但食呢種腸粉重點係：醬汁佢個醬汁勁好味仲有佢個辣招油夠香辣有機會大家要試吓

燒賣好彈牙～沾上豉油、辣油🌶❤️簡直無得輸🤤🤤🤤燒賣好煙韌❤️呢度仲有咖喱魚蛋 腸粉 牛肉燒賣都好正😍放工時間成日大排長龍👍👍👍行過 路過 唔好錯過 放工整返串 醫下肚🤤🤤

#中意嘅請分享請點讚🍻----------😋腸粉4條 $10😋魚蛋6粒 $7😋燒賣6粒 $9林記係紅磡已經開左好多年，一去到已經見到好多街坊幫襯。聽聞燒賣係佢地自己整，所以粒粒形狀不一，食落唔會好粉，有咬口，但就食唔出太大嘅魚味。魚蛋都比平時食到嘅有咬口，而腸粉都夠滑身。因為好多人排隊買，佢會不斷整，唔會蒸到燒賣發脹。----------🔎林記小食🚩紅磡差館里 21 號

每次去到林記第一樣要做的事情吾係諗食咩，而係排隊。真係超多人食，屹立紅磡咁多年真係吾係講笑。.📍#魚肉燒賣 🐟$9如果以舊區黎講，呢個價錢係貴左少少，但食完就知點解呢個價仲排住隊食，因為真係落魚肉去打係真正的魚肉🐟燒賣而吾係麵粉燒賣，有魚味🐠同埋幾彈牙。.📍#腸粉 $10/4條林記腸粉出名爽滑，的確係好食的；但食腸粉最緊要係個醬，佢的醬完全冇溝稀度，所以食到濃濃的麻醬味同甜醬味。味道：7.5/10

今日來到紅磡觀音廟拜神後，總喜歡來到林記食番串咖喱魚蛋$7(一串)及魚肉燒賣$9(一串)，最後我買了兩串咖喱魚蛋及一串魚肉燒賣，剛剛開鋪所以未見有人籠排隊，平時排隊條人龍都從未間斷過，所以話隱世的小店總是吸引不少捧場客，太多數都是做熟客生意，咖喱魚蛋爽彈魚味濃郁，咖喱味夠香辣，不失水準，再加點甜醬伴食，超美味，另外魚肉燒賣也是我的最愛，魚肉香濃有咬口，加點醬油更是錦上添花，必食推介紅磡地區隱世小店美食都幾多，價錢又晤貴又抵食

香港特色美食其中一類就係掃街，魚蛋燒賣腸粉格仔餅煎釀三寶⋯數唔晒林記，係紅磡都出晒名，今日排左一陣隊咋，幸運🤩黎到一定要食魚蛋，燒賣同腸粉魚蛋$6/串，幾有咬口，唔算辣，個人仲加左d辣椒🌶️油，perfect match燒賣$7/串，誠意地有魚蓉打，唔會似粉團腸粉$10有4條，今時今日算係良心價，粉醬唔鞋滑嘟嘟，最緊要係夠熱！

行到餓餓地，想食d小食就要黎林記喇。嗌左魚蛋$6、燒賣$7、腸粉$10魚蛋要辣，食落唔算太辣，魚蛋彈口有咬口燒賣同魚蛋一齊放，都有辣味，如果唔夠可再加辣椒油燒賣煙韌得黎有魚蓉味，唔同平時個d粉燒賣！仲有另一讚既地方係佢好新鮮熱辣，成盤出哂煙既燒賣新鮮出爐，超好味！腸粉都好食，滑嘟嘟既，$10有4條好抵呀！高質平價野食，絕對必試

嚟開紅磡，一定幫襯!魚旦，要食辣味。燒賣，有咬囗，不是秎!牛肉，真的有牛肉味。腸粉，要分隊排，多人買你就知好嘢!我欣賞的，除了食物味道外，還有店家星期日休息 work life balance呀，又有幾多人做得到?

因為五一黃金週的關係，旅遊熱點地區人山人海，所以今天和朋友選擇民居為主的黃埔覓食，其中一站就是街坊人氣小食店林記小食。由於超多人排隊，老闆久不久就跟排隊的食客說，若不是買腸粉的話，可以在他那邊直接購買腸粉以外的小食，作簡單的分流，這明顯方便只吃牛肉的我，至於朋友吃腸粉，就要稍稍等候。個人覺得好吃的牛肉不需添加調味料，原汁原味吃是最好吃的。牛肉沾了少許碟上醬汁，不影響品嚐。牛肉皮的薄的，重要的是牛肉鮮甜極致，肉質彈牙，足見林記用料新鮮，手打牛肉技術不錯。朋友大讚林記的腸粉比深水埗的合益泰和大圍坤記的好吃，腸粉滑溜富彈性，熱騰騰的，加上麻醬，甜醬，豉油味道鹹甜得宜，吃完不膩卻飽足，難怪如此深受大家喜愛。

呢間林記小食同事同我講個幾次叫我食，但我都未試，因為有時放工經過又準備去食晚飯，或者有見到佢要排隊所以未試。因為今日早走，所以終於有機會買佢來做下午茶試吓。果然都係要排隊架，目測前面有10個人左右啦，但都去得好快，好搞笑唔知係咪因為好多人排隊阻住個大廈門口，所以隔離大廈有寫住不要堵塞哈哈。我叫咗腸粉、燒賣同魚蛋。但佢擺埋晒一齊啲醬撈勻左我覺得冇咁好，腸粉就冇乜特別啦。不過魚蛋同燒賣真係同平日出邊食到嘅唔同，我覺得兩樣都比出邊搞煙韌同埋重魚蓉味，煙賣比較長身！燒賣同魚蛋比較嘅話，我會揀魚蛋因為更加比出邊食到嘅特別！同埋可能因為佢好多人排隊買，所以真係不斷整，keep到熱辣辣！一定要夠熱先好食，佢有得揀要辣同唔辣，我自己就叫咗唔辣，不過佢其實兩樣汁係隔離所以就算唔辣都有少少辣嘅。食完之後我都明白點解會咁多人食，而且又唔算貴，都推介其他同事可以食下嘅！

每次行街，總係忍唔住買小食！🍡🍢因為公司係附近，有時經過會林記小食既魚蛋。林記嘅魚蛋唔會發得好大，但係好有咬口，好有彈性，食魚蛋一定要食辣！因為佢嘅辣醬味道好特別，正正係佢好味之處。

我經常去紅磡的時候，都必然會去林記小店掃吓街頭小食。今天眼見太多人排隊買腸粉，所以沒買到腸粉，叧一條隊不用排隊就買其他小吃。都是例牌魚蛋燒賣必吃，個魚蛋彈牙，配埋辣汁好濃味，個人覺得個汁偏甜又咸。但都係好味㗎！燒賣煙煙韌韌有咬口和魚味，不會食麵粉咁，不過不失。