林記小食

营业中

休息中

林記小食🍡📍 紅磡差館里 21號✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚話說小編都係一個極之鍾意食魚蛋既人😂，間唔中都會去篤魚蛋😆，終於比我搵到一檔勁似以前係街邊車仔檔食既果種味道，當然忍唔住第一時間分享比大家啦☺️。呢間鋪成日都要排隊呀，而且賣完就收鋪，大家可以早d 去買啦。🌟魚蛋 $8呢款唔係細細粒既陳皮魚蛋， 但入口好彈牙，魚蛋係咖喱味，唔會好辣😂。勁似以前細個係車仔檔食既味道😍。🌟魚肉燒賣 $10唔好睇少呢個燒賣，絕對唔係百佳買嗰種🤣，食落口既味道超似自家製，味道係同出面食既有d 唔同👍🏻。🌟牛肉燒賣 $10好特別😂，因為未食過， 但對比魚肉，我比較偏向鍾意魚肉燒賣多啲😆。🌟腸粉 $10腸粉都OK嘅，係好味，但講唔出特別之處😁。整體推介指數：❤️❤️❤️❤️🤍✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚

早排睇燒賣關注組，有介紹過呢間燒賣，但係今日你都唔想食燒賣，我就叫咗魚蛋同埋牛肉，佢係會將佢哋嘅魚蛋辣汁撈埋去燒賣或者牛肉刀，我自己就唔係太鍾意，佢哋嘅辣汁唔算好辣，魚蛋都仲幾彈牙，牛肉竟然都好彈牙。整體來講我覺得唔錯嘅，都算係港式風味。而家呢啲天氣凍冰冰，返屋企嘅途中經過食返一寸都暖笠笠。

呢啲天氣，夜晚嘅時候涼涼地，最適宜就係掃街然後篤返串燒賣食吓。喺社交平台嘅關注組，成日都見到呢一間燒賣，佢哋嘅燒賣應該因為多人嘅關係唔會蒸到過晒龍，最欣賞係佢哋嘅辣汁，超級惹味。魚蛋都夠爽口彈牙，係自己鍾意食嘅魚蛋質感，佢呢一種質感其實係我平時喺油麻地食開嘅魚蛋，不過佢嘅辣汁就比較唔同。自己隻鍾意食油麻地嗰間多啲，不過間唔中轉下口味，間唔中轉下醬汁都唔錯。雖然都係要睇醫生點會經過呢邊，我都唔知自己起唔希望自己過嚟食好嘢啦😂😂😂

第一次幫襯，點了腸粉、魚蛋、魚肉燒賣及牛肉燒賣，魚肉燒賣彈牙有魚味，牛肉燒賣食到有牛肉味，不似一般的粉多靠豉油調味，10元8塊的收費竟然食到有魚有牛肉味，實屬難得，用心制作的小店真係買少見少。

自從搬左黎紅磡，都會留意下邊到有人氣小食。聽過幾個youtuber介紹呢間，黎試過幾次，每次都好快手，態度友善，食物正常，魚旦有咬口，牛肉燒賣係將平日飲茶嘅牛肉球，用一層薄薄嘅燒賣皮包住。 一切都算正常。屋企附近有一間小食店真係好，肚餓時吉幾串，又快又唔會飽到食唔落飯😀

人氣小店果然就係人氣小店，差不多次次黎親都要排長龍，雖然係簡簡單單的腸粉魚蛋燒賣，但係味道又真係同其他地方食到嘅唔同，三樣野之中我自己最鍾意腸粉，因為真係好滑，而且又唔會入口時成pat粉，配上混醬真係好正架，第二最愛係魚蛋，我通過都要唔辣嘅，魚蛋算係彈牙，唔會成舊粉。所以每過一排無食就會心思思想幫襯一下。

昨日下午4點去買，排長龍天氣熱，排到成身汗有個女人好搞笑，明明我聽到她要$20魚蛋，店員俾了$20魚蛋，她話她講了$20腸粉排我前面的男人無講腸粉和魚蛋分開包，又同店員講自己講了呢兩品，店員無鬧客，仲微笑再整過生意真難做

朋友介紹 話呢間啲燒賣好好食$10 六粒燒賣食落好煙韌 唔會太粉 好特別同平時街邊食嗰啲 唔一樣相比起燒賣 魚蛋我也很欣賞食落真係有魚味 唔係剩係得粉牛柏葉 好入味 個汁好好食佢個辣汁都唔係好辣另外買咗啲未煮的燒賣 腸粉自己喺屋企都可以蒸嚟食價錢都係一樣店員很貼心 仲幫我打包埋啲醬汁 點腸粉

過嚟林記整返串魚蛋/燒賣，基本上係每次過嚟紅磡都必定會幫襯。今次叫咗一串魚蛋($7)，口感綿密彈牙，而且非常入味，配上秘製辣汁，簡直冇得頂。其實佢個燒賣都好好味，魚肉同麵粉比例恰到好處，煙韌且彈牙，佢個燒賣亦係非常推介！難怪每次嚟到都大排長龍！最後，聽聞佢嘅腸粉又係一絕，連深水埗嗰間亦要比下去，下次有機會一定要試。

魚肉燒賣 $10/串 自家製造 據聞魚肉：粉比例高達9:1 配上秘製豉油 相當惹味牛肉燒賣 $10/串 自家製造 坊間少見 牛肉比山竹牛肉球的牛肉更有咬口 更加實在魚蛋 $7/串 食落有魚香 口感超級綿密 配上辣汁相當美味聽聞林記腸粉質素可與深水埗合益泰媲美 下次路過必定一試林記可以係紅磡紥根 除左秘製豉油外 用料紥實應記一功全部食落都唔會鬆泡泡 肯落本大家食落心中有數街坊見質素好 價格合理 自然一試成主顧 食左10分鐘 眼見幫襯既差唔多所有人 老闆都識 認真誇張

友人推介林記的燒賣，一search之下，原來有三間之多(白田、西貢及紅磡)，但其實紅磡和其它兩間是沒有關係的。據説這裡經常大排長龍，可能因天雨關係，當日倒不見人龍；但人流也是不斷。想一次多試幾味，點了魚蛋$7、燒賣$10、紅腸$7、雞肉腸$5及腸粉$10；在雨中吃燒賣；沒有浪漫、只有狼狽🤣五款中有三款也吃得滿意，自家製魚肉燒賣全人手製作，魚肉跟麵粉的比例恰到好處，煙韌彈牙。勁辣魚蛋爽彈帶魚肉香，配咖喱勁辣汁同吃更是一流；連我這不愛吃辣的人也會愛上，可知幾吸引了。豬腸粉滑捋捋、厚薄適中，配心水醬料同吃，滿足。忍不住買了點生的燒賣及魚蛋；隨時想吃就吃，可惜沒有咖喱汁隨附，風味有點扣減。 林記小食地址: 紅磡差館里 21 號

唔好俾我個標題嚇親，絕冇誇大。已故嘅飲食傳媒工作者張一豪先生講過，黎紅磡咩都可以唔食，但林記就一定要食。我當時睇都半信半疑，但之後去食過之後，我就同意豪哥所說。今日我又再光臨，店面依舊，姐姐依舊，一大盆黃色的美食呈現在我眼前，立即食慾大振我叫左一串燒賣、一串牛肉燒賣、一串辣魚旦同一串紅腸，因為紅腸要浸辣汁煮熱，要等一陣大家睇圖可能會講，係咪咁好食呀，普通燒賣樣啫，哈哈...出面坊間嘅粉團燒賣淡而無味，但林記呢粒燒賣，我從未食過一粒街邊燒賣係咁夠味係濃味架牛肉燒賣亦有水準辣魚旦好食，佢地嘅辣汁係擺左好多心機落去煮，唔係死辣，但辣中有香我平時出街係唔會尊登叫紅腸食，但呢度嘅紅腸經辣汁一煮，吸哂啲辣汁，又夠熱辣辣食落去係叮一聲食哂啲野叫返盒提子汁飲飲，夠涼爽借呢篇介紹懷念一下張一豪先生，多謝你

好耐之前見人買腸粉要排晒隊，所以我個時只係買魚蛋only，未試過傳說中好味嘅腸粉。依家見唔多人排隊，就試下食腸粉($10 有4條)，另外再配個牛栢業($10) 同魚蛋($7)。因為牛栢業要浸耐少少，所以如果下次要食的話最好早d出聲，因為要浸熟d牛栢業佢先剪腸粉嫁～魚蛋今次冇食燒賣同牛肉(各$10)，我諗下次要買黎試下～有3樣醬汁可自己調配因為我拎返公司食，而且公司都有一段距離，所以可能同即時食會有少許分別。但係腸粉依然好味（我係乜醬料都落），牛栢業都好爽，但魚蛋就麻麻，硬左。我諗可能即時食會林d 。總共食左$27

➪ 【紅磡】必食➿懷舊小食#林記小食 ❣︎林記係Vienn細細個食到小公主依家大，食好西梗係承俾下一代🤪 食嘢唔係食環境✌︎︎✌︎︎ 紅磡其實有好多好西食，唔多唔少係睇住Vienn大，好似大家最熟悉嘅 #媽咪雞蛋仔，（果陣仲係小店未爆紅），另一間由車仔檔到上鋪，都真係街坊街里...所以嚟轉紅磡必食篇先.....林記三寶➿🥡#混醬腸粉 $10/4條 其實腸粉只要熱辣辣，都冇咩話唔好食🤣🤣又唔會難食囉（好公平咁講），除非蒸到爛哂🤮識食一定係 #麻醬➕#豉油➕#芝麻‼️或者會好似肥仔叫 #混醬....林記三寶➿🍡必食 #牛肉燒賣🍡 $10/串 係堅用牛肉做餡嘅燒賣，夠哂彈牙，仲要係自家製出面食唔到，連Vienn唔中意食燒賣都要食😚😚🍢必食 #牛栢葉🍢 $10/串食得辣一定要叫辣，呢個牛栢葉唔叫，唔好話嚟過林記，同你平時食乜記果d，輸9條街🥱 好爽，而且唔靭，加埋秘製咖喱汁，perfect 🤩（出面食嘅唔係呢種味道）食得辣嘅就要加幾羹🥄秘製辣椒油🌶🔥 辣得好過癮，唔食得辣嘅請迴避🙇🏽‍♀️食咗2x年都仲係保持到水準👍🏽👍🏽👍🏽P.S. 林記三寶➿另一名物係 #魚蛋🍡，但Vienn冇叫，點解⁉️因為紅磡 最

本身想去食紅磡雞蛋仔既 但係7點鬆D佢已經shan左門😭之後就去試左呢個 之後我搵翻呢間餐廳既資料先發現佢係藍色的🤦‍♀點解個個腸粉都藍色 大家有無黃色小腸粉推介😢😢·魚蛋$7 燒賣$9 腸粉$10個魚蛋同燒賣食到係平D個種 兩個相比之下我自己中意燒賣多D 不過我男朋友話好粉 佢麻麻地😂😂腸粉最好 好滑 而且好多甜醬 我中意 雖然我覺得合益泰好食D 但係佢都係藍色既🤦‍♀🤦‍♀·#rbyeat#rby紅磡·📍紅磡差館里 21 號