板上 (已結業)

今日去咗九展食Lunch，全層都有好多美食，韓國菜/素食/越南菜...咩都有，但偏偏個Friend就揀咗lee間西餐，全因被食店嘅格局吸引，食個晏都好似落咗酒吧咁，完全迎合晒我哋想食下嘢，吹下水嘅心情。Lee間食物選擇唔算多，得珍珠飯同漢堡，對有選擇困難症嘅人嚟講，簡單好多，講下笑啫！今次我就揀咗佢個"安格斯牛肉漢堡拼脆薯皇"，漢堡入面塊厚厚的安格斯牛肉真係幾得，好多汁，牛味重又唔會腥，個包熱騰騰又脆脆地口感唔錯，加埋配料，一啖咬落去確實正；脆薯皇大大件，剛炸起又熱又香口，好有薯味；仲有，加配咗兩隻餃子，味道OK，只係有D唔襯啫；最後，就係可以轉特飲，佢嘅"藍莓乳酸梳打"，係冰多咗D啫，其實個味道都好夠濃，就係要飲得快DD，否則會被凍混和變淡。其實整體嚟講都好好味，有機會會再嚟，始終九展有D遠。

第二次黎食，上次個豬肉飯唔好食，今次試牛柳粒飯，好好味喎，夠熱又香，唔捨得分比人食，牛肉撈埋啲飯一齊食好味。男友人同上次一樣食burger，上次評左就唔多講。另外叫左雞翼，味道都唔錯！

今日係emax 睇完戲 所以黎左上一層呢個美食廣場食嘢😆 行左一圈 最想食板燒 🙈 見到難得有羊 所以想食下 其實都驚羊嘅蘇味 但係呢個又ok wo 接受到！ 又煎得好香😆 而且份量都幾多羊🙈🙈 加上有d 前菜開下胃👍 星期六都冇加一 50$ 就有lunch set 送埋飲品🙈

I don't usually write reviews but I think this restaurant deserves a this review and as a warning to other visiters. I ate at this place quite a bit because it's close to my workplace and I really do enjoy the food (my colleagues keep saying im addicted to the place) but after 2 disappointing back to back visits I am having second thoughts. Disappointing Trip #1:I ordered take-out for the grilled chicken (#1 on the menu) and ate it as usual. After a few bites, I find a piece of melted plastic in

九龍灣lunch time之選今日去咗Emax試新野，成日都見到好多人排隊，今日終於去咗試，一試即刻明白點解成日都有長長既人龍先去counter排隊點餐+拎號碼飛今次揀既係季節限定的「薑汁燒豚五花珍珠飯」 連餐飲，餐飲揀咗熱菜蜜，成個套餐$46付款後，係螢幕見到收據上的號碼便可以拎食物，大約等了5分鐘就見我個號碼了，都幾快主角到了，食物用日式木盒裝住，左上是前菜螺肉，爽口開胃右上是粟米加半粒蕃茄仔，都是前菜，份量唔多薑汁燒豚五花珍珠飯薑味唔算重，豚肉有咬口，痷料入味，再加少少洋蔥調味，配上燒汁送飯一流，好好食絕對會有下次

同男友人睇完戲，順便食埋野先走，foodcourt都無咩舖頭揀，行過見呢間靚靚地價錢又ok就試下。我地揀左高枱坐，好chill，但有兩公婆加個家婆搭枱就有啲大煞風景。花洋蔥啱啱炸起夠熱，都好食，但食到尾凍左就太油。紫薯可樂餅好味，只係食唔出個可樂味喺邊。男友人今個星期已經唔知食左幾多個牛肉漢堡，佢話好味。個豚肉飯，講真以為期間限定會好味，點知普通到不得了，個飯係暖唔係熱，仲有上面點解兩格都係粟米。吉列蠔我無試，評唔到。餐飲揀左花茶，飲完可再拎熱水refill。

E-max出差，客人推介''食街''的''板上''，經濟抵食，不過人多。午膳時間，去到已經見到長長的人龍。好彩今日我一人獨食，容易搵位。裝修頗有心思，採用工業風，比較粗獷豪邁。自助形式，先點餐，等號碼，再取餐。豬、牛、羊、雞都有，任君選擇。點左味噌燒豚五花。有中華沙律開胃前菜，粟米配菜。粟米唔係凍冰冰，一早煮好放一邊果種，仲温暖，有誠意。五花肉簿切板燒，不硬身。配上咸咸地的醬汁，味道不錯。比其他餐廳，價錢也不算貴。

條食街開始開啦，多左好多野食，有排試，今衣試左呢間先，因為有我至愛既牛肉漢堡餐呢間就禁門口望落，好似好high class,有啲似酒吧，但係行到埋去望個餐牌，e，正喎，好抵食，安格斯牛肉漢堡餐$68（其實我對眼剩係望到呢樣）牛肉漢堡比我叫左，我老公唯有叫個鰻魚飯黎試！我唔食得，無試，不過佢話係好食既！重頭戲，安格斯牛肉漢堡餐啲薯角新鮮熱辣，最緊要係唔會炸到乾哂硬哂個包都好juicy, 牛肉唔會乾爭爭！杯玫瑰花茶，諗住會好淡，佢又出奇地香濃喎老公叫左條燒魷魚，佢覺得燒得唔夠乾身，不過我覺得ok喎，有肉汁，反然係醬汁覺得唔夠！我就覺得佢啲食物好新鮮，我老公就覺得燒既野唔夠火候，就睇食個個中意邊種啦，我一向都唔中意燒到好乾好熱氣，中意香口得黎有肉汁既，呢度香口就真係差少少，但係夠新鮮返啅之選

Emax 最近開左個新美食廣場叫「食街」，為宜妹午飯提供左新選擇！見呢日出返太陽，小妹就跟同事出去食個靚飯！有同事話之前食過「板上」，質素唔錯，所以好推薦我地食。去到剛啱係午膳時間，真係好多人，好多枱都企晒人等位。慶幸嘅係我地好快就等到4個吧位。雖然呢度係food court，但裝修都幾靚，有最近大熱嘅霓虹燈，配上壁畫，甚具cafe感。見日式便當set抵食，我地全部都叫左日式便當，而宜妹我叫嘅係照燒雞配珍珠飯。雪花一口牛配珍珠飯講到4款唔同嘅便當，首推雪花一口牛，因為一咬落去，d牛肉好多汁，而且好嫩滑，一d都唔會過熟或者太老！以50幾蚊黎講真係好抵食！仲要唔係得幾舊仔。照燒雞配珍珠飯第2款宜妹覺得好食嘅係照燒雞！呢個照燒雞同出面嘅有d唔同，唔係用普通嘅燒汁整(唔知咩醬汁，就叫秘製醬汁啦)，食落真係好好味，好香！而且份量唔少，可以用黎撈飯食！大部分雞肉都幾滑，只有少量柴口。宜妹食到停唔到口～另外兩個同事都係叫左豚肉，一個係薑汁燒，一個係赤味噌燒。我試過都唔錯，而且豚肉食落唔會有肥膩感！最後想講個杯都有設計，幾得意：創新最重要的成份是不要害怕失敗