板上 (已結業)

E-max出差，客人推介''食街''的''板上''，經濟抵食，不過人多。午膳時間，去到已經見到長長的人龍。好彩今日我一人獨食，容易搵位。裝修頗有心思，採用工業風，比較粗獷豪邁。自助形式，先點餐，等號碼，再取餐。豬、牛、羊、雞都有，任君選擇。點左味噌燒豚五花。有中華沙律開胃前菜，粟米配菜。粟米唔係凍冰冰，一早煮好放一邊果種，仲温暖，有誠意。五花肉簿切板燒，不硬身。配上咸咸地的醬汁，味道不錯。比其他餐廳，價錢也不算貴。