板上 (已結業)

已有超過一年沒有吃漢堡飽，今次路過呢間板上見到有款鵝肝和牛漢堡，於是吸引了我去幫襯。一等等了15分鐘才弄好我的餐出來，一看跟傳統的漢堡包大小相差一截，原來這飛碟漢堡尺寸比較少。味道吃起來和牛的味道也不十分吸引，跟鵝肝的味道的配合也不是十分凸顯出來，整體上不過不失。

今日有d時間得閒，好耐冇入過九龍灣國際展貿中心，唔知變成點，就入去行吓順便睇返場戲入到去原來都變左好多，多左個美食廣場和好多食店睇戲前一於醫飽個肚先，行左一轉真係太多嘢食好難選擇，最後揀左呢間來試吓睇餐牌都幾多款式，首先要去櫃面落單，等叫號碼再取餐，我叫左個黑胡椒香煎魚柳飯和熱咖啡，取餐時見份量還可以，如果唔夠還可自己加飯，還有麵豉湯，任你無限添飲添食前菜：海草和粟米粒幾好味，至於個主菜黑胡椒香煎魚柳，食到少少黑胡椒香味，魚柳就外脆內嫩，在九龍灣呢個價錢食一餐算可接受

Tried this "wagyu beef" pocket. The beef patty is a bit dry but the pocket is nice and warm with a crisp skin. They added tomato, lettuce, a thick cheese and butter. Typical fast food, of coz they are tasty. Come with chips. The chips could leave at the fryer at a couple more seconds.

今日又要OT，所以去左九展買嘢食。今次食板上，我見佢外賣有88折，橫掂出面有甘多公眾位（類似美食廣場的公眾位），所以就外賣，原價係62蚊，宜家埋單都係55蚊。我買左個雙拼便當加ZERO汽水。便當的餸係5揀2，我今次就揀左醬燒無骨燻蹄加一口牛。除左呢2個餸，仲有中華沙律同粟米。佢的醬燒燻蹄好淋好juice，唔會太大陣豬個種腥味，佢仲有附一盒醬汁，就算我係外賣反寫字樓食都唔怕乾曬。佢的一口牛其實都幾好食，但我自己就覺得有少少韌。所以我比較推薦醬燒燻蹄，入味又好淋，送飯一流。

返工返左成個上晝梗系要慰勞下自己啦，九龍灣展貿裡面多樣選擇，來回快速做個選擇就揀呢間人氣旺既坂上啦，今次就叫左份牛肉飯試下等左一陣就就有得食，牛肉厚薄size切得好，太厚就唔容易咬，煎得好靚唔會過熟，內裡肉質嫩滑，加上牛肉本身有汁，滲落去d飯吸收咗牛肉汁味，啖啖飯有牛香味，真係要在此讚賞下！而且有額外提供牛肉汁可以斟酌添加，味道感覺上系比較清淡偏甜適合唔同口味人士調整口味輕重，值得一提既係只不過系一份配菜既粟米都係非常好味！

九龍灣很多上班族，每逢下午都很難找位置午餐，我們身為打工仔中午想搵餐簡單又好食梗係要過來展貿中心食一個照燒雞販啦，雞肉十分足量而且散發著濃濃雞香，煎雞既火候夠表面也有非常香濃的照燒醬汁，增加不少食雞風味，底下配上既白飯食落就知係使用上等米既傑作，低調既配菜包括酸海苔配合清香的黍米粒，不單止有強烈反差風味，也因為精緻美麗而產生左唔少食欲，旁邊既無糖可樂留作飯後享用不但止解渴健康，更有飯後甜品既感覺！埋單48蚊真是非常超值的一餐！

九展應該大家都知有呢個地方，但地點太隔涉，閒時都好靜下，所以社交距離非常之夠，分分鐘你食個lunch可以好似歐洲咁坐足半日🤪🤪。呢個food court有哂聯合國美食。我試咗呢間日本野。＄58一個素食wrap。加＄5有凍柚子蜜。Wrap都幾大個🌯🌯，但一嚟嘅時候賣相麻麻因為無切頭尾，但咁就唔使浪費。入面系普通canteen炒雜菜同蘑菇嘅味，份量多，好似有少少千島醬味咁。皮都幾香。柚子蜜就正常發揮。不過同行嘅人就見到有個鐵板set, 點知出到嚟系個普通便當，有啲失望。唔知佢當日無鐵板定點，但如果無咗最好就寫低🤪🤪。不過結果味道都唔差嘅。

去年我剛到九展番新工，到了2/F的食街探索。經過板上，以拐杖輔助行走的我好奇問「請問您們有沒有送餐服務？」在店門接待客人的女職員立刻回應「我哋點解要送餐呀？」我不想為這店子浪費人生的時間才沒有往平機會作出投訴希望大家知道這事後小心

#Emax #板上 #疫情下 #15分鐘速食 #可否下次早點講聲今日比較忙遲了二點四十五分先去板上食午飯，如常櫃位落Order，等叫號碼取餐 。可能疫情下只有我一檯客人，餐廳是我喜的環境，酒吧設計有大大的梳化位，用餐環境舒適。食物到了，我今日叫的是醬燒燻蹄飯，要讚板上食物配搭是不錯的，主食外再暖暖的牛油粟米和前菜，感覺豐富，主角燻蹄雖不是太厚但囗感軟油脂充滿在每囗飯中，五十多元本身是不錯的選擇，可惜我一用餐時侍應過來同我說他們3點關門，這應該是疫情下的新做法，但由我諗食乜到取得餐座低這刻離3點只有8分鐘，而我落餐時店員沒有說這做法，我就是這樣8分鐘食完成個餐，而期間我一食完一部分就馬上來收該部分走，有趕客的感覺，我會明非常時期有非常的做法，但是否一開始同我說聲，由我自己決定一下是否要落單？

行開附近，見到有好多餐廳，唸住試一試呢間豬手味道不錯，但份量偏少，一口牛咬落偏硬身，配菜有海帶絲和粟米粒朋友點了牛肉漢堡包，唔夠熱，牛肉口感偏硬PS.有個男人唔戴口罩走去同出餐店員追餐，啲食物就咁放係枱面，現在高危時期，建議餐廳應該要求客人出去追餐時佩戴口罩

平時食lunch都唔見佢開 今日見開左就試下 去到收銀位諗住落order 見到2個員工坐係度 淨係望住我 其中一個好唔願意咁起身 把聲就死咁同我講野係整好個餐俾我既時候 都有講多謝晒 感覺好返d

外賣 4選2便當套餐 $62 自選主菜x2 配菜x2 珍珠飯半碗 飲品主菜1 ~ 1口牛8小粒 煎香滑嫩 粉紅心主菜2 ~ 燒燻蹄2大薄片香口 醬汁甜香珍珠飯 ~ 半碗 夠淋唔硬 細食啱啱好配菜 ~ 粟米 & 海草 比較寡冇熱菜

一個普普通通嘅雞飯， 啲燒汁都幾好食有啲甜味， 加埋粟米粒嘅甜， 佢亦都有附送海草 有少少芝麻油， 個飯盒便當嘅份量唔算好大， 女仔會啱啱夠食男仔可能爭少少。 不過如果大家食厭咗吉野家， 我覺得大家都可以試下呢一間， 一般食個晏晝飯都唔錯。 不過食得多可能會好厭

近期黎九展應該都係得一個目的，就係黎玩重開既歡樂天地玩到咁上下懶出去食，周圍行下睇下啱唔啱食，發現有好幾間餐廳都望落相當不錯裝修又靚，食物賣相都好吸引，結果坐左係板上，食便當pizza，menu好吸晴座位走工業風，不錯，價錢又唔算貴板上照燒雞 · 珍珠飯便當形式，賣相不錯既，係獅子狗個格有啲吉，試下佢個雞，照燒汁味道ok既但個雞真係好硬同好乾，肉質好差好難搞珍珠飯口感ok，結果就係汁撈飯好食啲芝心獅子狗味道不錯，青瓜絲都係唔錯既前菜，最好彩既係加左份多春魚，炸得唔油膩唔粉而幾大條味道幾好又夠多春蒜香三文魚拼黑豚飯賣相感覺好豐富，但兩個餸都係完全無汁就差啲，黑豚肉肉質還好但實在乾，好彩夠薄，拎左啲照燒汁返黎點就好好多了蒜香三文魚味道ok，魚味幾鮮但份量就真係有啲少，整體普普通通啦飲品既柑桔青檸梳打正常，Asahi生啤就相當抵，$42有500ml餐飯其實唔係好差但可能因為期望高所以有啲出奇其實環境都好唔錯，當chill下飲返杯平生啤happy hour下都幾好既#食物攝影果然係一門學問#其實九展無想像中咁遠同荒無起碼好過數碼港lol

和家姐去E-Max睇戲睇戲前在場內找吃的平日沒有舉行event，營業中的餐廳不算多隨意的就來了板上～～～店內食客不多，不用等位我和家姐都選了便當她要了三文魚拼照燒雞配珍珠飯我就要柚子醬油燒極黑豚珍珠飯柚子醬油燒極黑豚珍珠飯，60多元連熱飲或汽水飯量不算多，黑豚的份量蓋過飯面沙律是粟米粒及秋葵粟米粒沒任何醬料，幸好夠甜！烚秋葵則澆上芝麻醬黑豚帶有淡淡的柚子味，幾香，肉質亦不會太乾身或太韌，幾有咬口，算是ok不過黑豚飯沒什麼醬汁或油份，感覺略dry家姐的三文魚拼照燒雞配珍珠飯沒那麼dry三文魚的油份，配照燒雞的醬汁她覺得都夠香啊！飲品我選了熱檸蜜檸蜜不會沖泡得過甜～～味道酸酸甜甜！good！整體而言，食物質素不過不失吧！