松記糖水店

营业中

休息中

以我所知, 真正ge 松記只得一間, 就係Mc記對面!!我食過喇, 都唔錯ga , 好過其他糖水鋪.價錢由$9 都有......

特登再去松記試埋「雲石豆腐花」同「summer」，點知好失望，「雲石豆腐花」完全冇味，好難頂，「summer」就一般，唔知係咪人多，d生果唔凍，爭d咁...雖然係咁，但係我都會再去，要試下佢邊樣先係真正好味，不過就唔會特登去囉。松記，希望你真係可以改善下ｄ甜品質素，我唔想松記變成名過於實嘛...

種類多，價錢平，質素尚可，份量足。

搬左到附近一段日子都未黎試過，昨晚終於試左。我最喜歡"哈囉"，材料豐富而且味道很好。"雪山"名字好似好勁但我覺得一般罷了。芝麻糊算唔錯，但紫米露就不很特出。總括而言，甜品的確有水準，但可能出左名水準不能長時間保持。情況就如同區譚仔記麻辣米綫一樣。不過作為旁觀者，近期有較多的批評兼不是講食物的，令人有點"陰謀論"的感覺。但係伙計態度不友善，又未為錯噃，留意下啦。

唔知呢d所謂食評點樣做出黎,可以有咁多個笑符號,我去過一次就唔會再去,第一:間舖任人食煙,裡面空氣污濁到想死,第二:伙計冇禮貌,問你食咩,答佢等陣先佢就黑埋口面,第三:價錢同質量成反比,十幾蚊碗野仲少過許x山點解要排隊,第一:做勢,第二:同區冇乜同類型甜品舖

好久沒有在這裡回覆各位.一看之下在4月28日一日之間有咁多簡略劣評一齊出現本人會檢討質素是否下降.肥妹仔話糖水偏淡,本人認同,因太多人不(好)甜所以本店製作是偏淡.yellow cat迫是迫咗D對不起.而又想食那位客人,你說馬蹄露變了味.但本店有品質控制員試味,所以很難會出錯請指出那一日.henryfan123456,Kittycat,starbucksgirl,mcmuyenily,黃小巴,小貓子,多謝各界支持....

食完麻辣米線, 經過就順道一試叫左幻彩明珠($14)同埋蘆薈馬蹄露($16)前者加左奶後幾香濃, 大粒西米煙靭有口感, 生果都幾新鮮後者好清甜消暑, 都唔錯埋單三十大元, ok抵!

總之比想像中差，無特色，糖水偏淡。

我去過一次...好迫...品質一般....不會再去...

早幾個月前同媽咪去佐敦分店, 要左個馬蹄露係變了味的...., 其他食品質素一般, 人又多, 冇咩服務可言.

好好啦晚晚走去食............

其實我去過好多糖水店架始終覺得松記係最好!無論價錢,味道同服務態度都係好好!而且款式又多又新!不過我覺得長沙灣既松記服務態度比較好可能我成日去同埋先入為住啦!總括一個字:正!不枉我支持你地幾年~多謝你比d咁好味既糖水我地!仲有大眾化價錢!多謝松記!!

終於去試左哩間出名0既松記，入到去冇位，d人好好禮貌，不斷同我地講等一陣。好多樣野都想試，最後我男朋友揀左「幻彩明珠」，我就揀左「芝麻糊加綠茶奶皇湯圓」，其實幻彩明珠好普通，只不過係什果加珍珠同涼粉，味道ok，芝麻糊好滑，不過就冇芝麻香味同唔夠甜，而粒奶皇湯圓冇想像咁好味。哩間鋪勝在款式特別，而且價錢平，雖然味道唔係話好好，但下次行開都想試埋「雲石豆腐花」同「summer」...

勁愛食松記o既芝麻糊!!!次次經過都一定要買返一碗外賣返屋企食~~不過真係好多人....次次都係衝入重圍先買到外賣走~~~

尋日同男朋友終於都試左啦,我地特登confirm個friend,問岩個地址王去.因為我地都唔想去左間假"松記"兩個人要左一個幻彩明珠,同一個綠茶奶黃湯圓落單0既時候,個侍應姐姐問我地加唔加奶,佢話咁樣會好食d.我話佢知我唔係咁鍾意食奶,佢就話我比一杯仔你,你可以加少少試下. 幻彩明珠入面d大西米,黑珍珠好爽,好好食.生果都好新鮮,好足料.唯一美中不足就係唔多夠凍.夏天食會差dd.不過我最終都係冇加奶.但係我男朋友話真係好食d.綠茶奶黃湯圓,奶黃好滑,唔太甜,一d都唔覺得漏. 反而我唔覺得個皮有綠茶味,只係食到少少澀味~overall個感覺都唔錯,服務都好好.下次一定會同多d朋友黎食,可以試多幾款而且價錢仲好抵添~