松記糖水店

营业中

休息中

身為版主，見松記好評如潮，都應該專程來試下。七月六日星期二晚上十一時多，同潛水教練講開，原來佢都係松記fans，於是特地走過來試。行到門口，店內全滿，門外也有二，三人在等位，相當好生意，等了一下，原來他們是等外賣，於是我們等了不到兩分鐘便有位。教練介紹他的至愛「幻彩明珠加奶」，我未來過，當然照跟。大家熟悉的「幻彩明珠」不多作介紹了；一吃入口，全部生果是微冷(因天氣熱，或者說是微暖都可以)，沒有想像中好味，於是攪了幾下再試，發覺全部材料(連汁)都不夠凍，生果甜品不夠凍，實在難說好味，吃得相當無癮。有點失望，於是問教練今次味道如何，答曰:「好唔夠凍，以前好D」。平心而論，只售$14的幻彩明珠，料足，配搭好，幾抵食，可能是名氣太響，客人太多，材料未雪凍便招呼客人，QC沒有做足，也沒辦法。雖然今次唔得，但問教練會否再來，答曰:「會，希望下次好D」，可見fans的忍受能力也相當高，我不是fans，下次會去別店了。

元州街總店就搬,七月中,注意日期.marcel,jerrytes期實間中都會退步,有時是人為因素貨品來源等等不能盡錄,每當自己發覺或有投訴立刻改善,俗語:十隻手指有長短,老虎都會眼睧,有時做到都幾只有盡力而為.GourmetKC你好有心思,亦好詳細本店糖水偏淡,如喜愛偏甜可在落單時講加甜就可做到你的要求.bichters 本店煮芝麻糊時主要由芝麻本身的物質去埋(憲)而放棄落重粉打(憲)這樣比較自然不太糊口但喜歡杰食就會覺得(希).winkyim多謝你啼點但忙起都幾踢腳真的須要咁多樓面.shapeshifer對不起有時候報導唔正確呢都幾令人莫名其妙,都是親自試過就最好,時間又到再見.

如果鐘意食甜品一定要去呀!!我食咁多間, 呢間都算咁多年都冇退步!!!得呀

試兩樣。芝麻豆花同埋雜果爽。有位先生一小杯忌念奶，話加好咪。咁留意顧客，真係唔錯。甜品幾好味，難怪經常爆滿。但係加cream之後，個甜品滑溜之餘就有點滯。不過坐位較窄，有點不服適。但店小客多，這也難怪。擴充業務後質量能繼續保持便更好了。

今日食完利苑，火速做完手尾已經可以返屋企。在深水步區，在黃金行行下之際，口淡淡想搵甜野食，趁有時間不如去試下松記。呢度離黃金商場都幾遠，沿元州街行幾個街口至到。地點不算易搵，但來時是不少人，呢度舖位不大，呈L形，只廿來個位，星期一下午茶時間都坐滿，可見係幾厲害。有好多款甜品糖水供選擇，包括普通糖水、布甸、黑珍珠、紫米露、刨冰、豆腐花等等，連一些見都未見過的如琉璃、冰燕等都在餐牌上，夾埋百幾二百款，一間小小老舖能有這等陣容，不得不令人配服！價錢幾便宜，比坊間的一般糖水舖平一截。我是死硬派，第一次幫襯的糖水舖多數先試傳統糖水，睇掂唔掂再試其他。要了熱的杏仁糊加兩粒湯丸，湯丸兩蚊一粒，單加一粒都得，夠彈性。眼見三位女店員都好勤快，年青的店員看著流汗的我，還好心的提醒糖水是熱的，幾夠細心，值得一讚。杏仁糊不算很杰身，比石磨坊的稀，味道幾有杏仁香，當然不是溝粉而是生磨的，但吃落甜度不夠，個人覺得杏仁糊及芝麻糊一類的雖不能過甜，但若甜度不足會影響香味；湯丸皮幾煙韌，花生茸餡亦是甜度不足，影響了整體的表現。埋單13蚊，以價錢計又真係好抵食，行開呢頭要試一試。臨走時向侍應哥哥反映了糖水夠香但不夠甜的問

食左芝麻糊+豆腐花同幻彩明珠,味道兩者都ok~不過芝麻糊唔夠"杰"~*p.s. 不知邊間才是正鋪~

我一個月去過佐敦果間食過,我自己就住長沙灣果邊,所以以前成日去.不過我去佐敦果間就大隻字貼住話松記分店只有元洲街果間.不過佐敦果間太多閒閒無事做的侍應,我上過月去果次,入去食野d人得果幾個,但d樓面就有6個到,有d入左黑店的感覺.同埋我地想看下張menu,佢就一直企係度等到你叫左為止.仲有我地食緊果陣就有人成日望住我地食野,我一直對哈囉很捧場,不過最近食返又好似無咩特別,比較失望.我都帶左幾個fds去,都覺得幾頂,但服務真係有待改善.請咁多人返黎企不如提高成本仲好啦.

TO: 松記首先要講句唔好意思先，上次我個食評講緊的日期應該係６月１１號，我地買外賣時係下畫３點幾４點。

終於試過不過覺得唔夠綠茶味,同埋見本menu既剪報介紹話煙但我又唔覺,反而覺得滑.

首先多謝你關注我係去元州街店(m記對面) 我通常見到三位女服務員, 一位是小妹妹最年輕那位另一位是年紀最大感覺好像是事頭婆的這兩位的服務都很好; 而當日服務態度很差是3x歲左右中等身材都幾高頭髮長度差唔多膊頭而且係直的平常也不見她紮辮的, 當日佢著住一件馬留仔頭t-shirt的; 另外當日是黃昏後晚飯前, 貴店當時都幾多人, 但該位女服務員在事發時不是正幫客落單or執抬而只係企係度hea; 再次多謝你肯關注呢件事, 一定繼續支持松記:-)

Princess可否告知發生時間是中午或晚上,我會跟進,對不起!令你不滿我會改善.Kobie多謝你.某人甲,口味問題是個人而定,你都好明白,如果你不喜歡芒果汁可以直接向店員講不要芒汁,本店可以特別做一碗給你的.而無妄,同樣問題是日間或夜間,因為這樣的服務態度,劉德華講是out咗啦!因本店有十多個女樓面,可否告知是日或夜,肥或廋,長短髮,髮型曲或直,是元州街或佐敦請特別形容我會正視問題,唔好殺錯良民,因本店女樓面多數都好有禮貌和好親切,是否當時她心情不佳而影響工作或其他問題我會跟進,再見.

前幾日和女朋友去食松記甘見幾耐無食過芒果布甸一於食下啦甘店員甲問要唔要奶答左要佢又好心不在焉甘問多次甘答多次啦點知最後個布甸黎到根本完全唔覺有奶有既一個teaspoon甘上下份量啦甘於是問番同一位店員可唔可以比d奶我佢竟然望都唔望下就話"有奶呀" 根住企係度唔知仲咩又睇下佢自己d指甲甘佢呢d係咩服務態度呀講真佢睇都唔睇就甘膚愆答我好離譜lor 呢個店員外表似廿零三十歲啦唔係妹妹仔果個希望貴公司留意一下

昨天和朋友終於都試過松記的糖水了!我試了"幻彩明珠",雖則未至於超級好味/極之抵食,但$14一碗,有新鮮生果、涼粉、大西米,加椰汁又不另收費,說得上是「味道不錯,價錢相宜」啦!不過有兩點意見:1.不大夠凍。或許是你們見之前的食評都有提過此點,故加了兩粒冰落去,不過個人而言,覺得有冰在內有點怪。(但我知你們七月中會搬過隔鄰的新舖,到時換了新雪櫃,相信會有改善的。)2.大煞風景的是--碗"幻彩明珠"上面舖了杧果蓉!!(明明menu上的相片是沒有的呀!)我知很多香港人都愛吃杧果/喜歡杧果味,但我不單不喜歡,而且我是對杧果有點敏感的。(碗內的一舊舊杧果不打緊,因為我和朋友去,我朋友很愛吃杧果,我將杧果給了他吃。)但面頭那濃濃的杧果蓉就真的麻煩了,我努力地嘗試用羮撇走啲杧果蓉,但因為是"蓉"嘛,始終有少許留在面頭的,唉!攪到我吃得很不是味兒。(不過這是我個人口味問題,但下次最好改改menu幅相,或者cancel面頭的杧果蓉吧!因為杧果蓉味道很濃,會影響其他生果的味道)

我朋友喜歡吃芝麻味的東西,又愛吃豆腐花,故試了「雲石豆腐花」,但沒甚芝麻味,有點失望。因此他再叫了一碗「黑白豆腐花」(即芝麻糊+豆腐花),他說芝麻糊很香很滑,最緊要是芝麻味夠濃,又不會膩口,very good,並說下次一定要吃淨芝麻糊,說超級推介松記的芝麻糊啊!至於啲豆腐花,ok啦!不算特別滑。不過他補充一句,其實芝麻糊與豆腐花這兩樣東西是不大夾,他不明白是誰發明"芝麻糊+豆腐花"這樣的吃法。因為豆腐花有黃豆味,芝麻糊則是以香取勝,二者結合反而相互失色。當然這只是個人口味而已,不是貴店的問題。

我同男朋友係慕名而去架，不過總算冇令我地失望。甜品選擇好多，我地試左幻彩明珠同冰燕琉璃。我好鍾意琉璃既口感呀，我地下次仲會去試其他架﹗