松記糖水店

营业中

休息中

每次一大班朋友出來食飯後，多數都係會去食埋甜品，才更開心的，所以我地去左松記食 唔記得左係乜了 但來到時，見到好夠熱，因為有煙出芝麻糊＋紅豆沙：熱的糖水好夠熱，因來到有煙出的海低椰雪梨茶：普普通通，但好滋潤喳喳：熱呼呼，朋友好快就清左綿綿冰糖不甩心太軟基本上松記好多時都會去食甜品，所以對佢地Ｄ甜品，沒有特別的評價，唔難食就得了

食完飯又係糖水時間, 特登行過黎食個松記.照舊叫左個芒果明珠, 呢個其實係芒果大西米, 大西米入口煙靱極具口感, 花奶就唔係好甜, 反而d芒果就有d酸, 份量估計大慨有半個芒果咁上下, 個芒果醬d酸酸地幾開胃又唔會太膩, 但係我嫌佢有芒果渣, 同埋可惜佢無得轉忌廉奶底.

同my dear Mr. 一齊之後，松記變得好重要。我倆都鍾意食中式糖水，Mr食慣左松記，既平又好食，於是就帶左我去開眼界。佢話事，叫左一碗薑汁湯圓，一碗芝麻胡，我就另外叫左碗腐竹雞蛋糖水。湯圓要左red bean 同green tea. red bean 正常，green tea 包嘅係奶黃，有少少奇怪，不過都幾好食嘅。芝麻胡味濃，稠嘅程式又未算好稠。至於我嘅腐竹糖水，腐竹溶哂，質地淡口，有隻熟透嘅大蛋，其他料就無咩，口感有d單一。總結返食指數:3粒半星(最多5粒星).

今次只是叫了一個榴槤班戟的外賣，細細盒但要$28所以我都覺得幾貴下。返到去屋企之後將個班cake切開一半，已經聞到啲榴槤味。哇，第一次試過食咁多榴槤嘅班戟。佢用嘅皮係好薄同好滑，另外榴槤都係好想單應該係用咗馬來西亞嘅榴槤，加上啲cream係又話好香所以真係一流。

平價糖水中最出名的第一人應該是松記糖水了~無甚麼特別原因，或許就是因為松記的甜品選擇豐富，而價錢平易近人。窩夫不是鬆厚的那種，是會烤到兩邊都香脆，咬下去會有種像吃餅乾的感覺。配上天生質感就是軟滑的雪糕跟香蕉，一口夾雜著冷跟熱，三種食材的口感讓你了解甚麼叫食品的層次。粒粒西米配上鮮打芒果汁，加上西瓜及綠茶雪糕，滿足了一個貪心人的幾個願望。覺得現今的甜品貴到不可思議??松記會是你的救星!

今日經過長沙灣入黎松記回味一下每次必點的"SUMMER"跟"榴槤班戟"老公則點了"幻彩明珠+雪糕球""SUMMER"大人細路都喜愛,雪糕球有朱古力,紅豆,曲奇,芝麻等選擇(好像還有一款我忘記了^^"")因為我實在太鍾意曲奇味, 所以兩球也選了同一款生果都很甜,還有少少煙軔的珍珠口感非常好~老公的幻彩明珠+雪糕球有多款生果+涼粉+黑珍珠+珍珠非常豐富奶可以自由選擇加不加榴槤班戟 還未來得及拍照有人便已經落手榴槤味真的很香!! 榴槤肉很多~班戟皮不會很硬!~回想很多年前SUMMER還是十多元就可以了!放學時段都會坐滿學生雖然現在比以前貴了,(也明白沒辦法麻..百物都加價)但水準KEEP到, 仍然會繼續支持!

今晚黎到長沙灣區食晚飯，行左一陣，又心思思想食返碗甜品。松記出名抵食又好味的Summer,當然係我地首選啦！閒日加上時間尚早，不用等位就可以坐底喇。點了芒果同綠茶雪糕，味道的確唔錯，芒果西米露都好甜，食過後滿足哂！

經過極度忙碌既一星期，終於到左星期五，感覺即刻鬆哂，朝早起身都起快d每次去到松記都鍾意叫佢既西瓜涼粉大西米加忌廉奶，因為佢既涼粉真係有涼茶味，食完自我感覺良好，覺得真係清熱d,再加埋甜甜起沙既西瓜，感覺即刻好似夏天咁雪糕涼粉，雪糕可以揀味道，綠茶雪糕味香滑濃郁芒果粒粒都甜，大西米好爽口松記每間舖都好多人，但唔會因為咁而加價，一碗糖水20幾蚊，相比其他既糖水舖，性價比超值

對於女仔黎講，食完晚飯要繼續下場吹水，最好緊係去食糖水。因為8點幾已經黎到呢到，雖然間舖已經好多人，但係好彩最後仲有一張4人枱，最鐘意就係唔使等位，哈哈！點左個summer，可以揀2款雪糕 (曲奇、綠茶、仲有一款唔記得左)。雪糕+ 生果 + 2條餅乾條，簡直係滿足！一次過可以揀哂我最鐘意既綠茶味雪糕+曲奇味，大大既雪糕球，夾埋冰凍既生果。好彩我果碗既芒果唔酸，西瓜又好甜。因為朋友話佢果碗D芒果好酸，係呢個季節食芒果真係只可以講彩數。 呢間野落單快，上野快，仲有就係食完要快D讓位。不過其實30分鐘俾食個糖水都差唔多。 

得閒想吹下水最好就係去食甜品啦，不過夜晚食甜品就一定要等位!!間間都係咁多人最後都係排松記，有喜歡食既窩夫。雲尼拿窩夫配香蕉買相超吸引...雪糕、忌廉同窩夫一齊食真係好好味，窩夫外脆內軟。朋友就叫咗綠茶雪糕西米露，綠荼雪糕同西米露一齊食都唔錯不過我都係食咗一啖

食完晚餐意猶未盡, 同朋友去左松記食糖水, 平時成日食西式甜品, 今次就一於食下傳統d既芝麻糊豆腐花~其實呢度既糖水真係又多款又平, $17一大碗而家真係買少見少, 芝麻糊好夠熱, 而且好香濃, 質地唔太稀唔太杰, 唔會食到成口漿住, 而豆腐花亦好滑流, 但豆味唔夠重, 不過呢個配搭依然又平又好味  不過呢度咩都講快, 落單快, 出野食快, 食完都要走得快, 所以如果想同朋友慢慢坐既就唔係咁岩了~

中午時份黎，點左個芝麻糊，點知又中伏，個芝麻食得出炒燶左或許係沖粉，係苦既 就算幾平都唔會再食呢間既傳統糖水，不能再 中伏，小弟心血少經唔起劣食個榴連飄香稀到無朋友，要溝個雪糕先有啲味道可言總言之，松記糖水質素已經每下愈況，服務態度又差，收錢個啊姐又成日西囗西面大佬我黎食野姐，犯法架

天氣已經轉冷, 來松記便不點凍的甜品, 反而要主攻熱食.我一想便叫了擂沙湯圓, 6粒湯圓拌有花生糖碎, 當然趁熱吃啦, 將湯圓撈埋花生糖碎一齊入口, 湯圓裡面既芝麻餡係口裡面爆發, 芝麻槳與花生糖碎在舌尖翻滾, 甜度適中, 在寒冷的晚上有這燙手擂沙充飢, 大滿足.

凍凍地，朋友又未想返屋企住，行下行下黎到呢到，黎到呢到食個糖不甩先。糖不甩賣相基本上同湯圓分別不大。這個糖不甩因為湯圓外皮預先浸左糖槳，薄薄的糖槳有粘性，粘住花生碎。這個糖不甩暖暖的，入口質地好煙韌，加埋糖槳和花生本身的甜味，恰到好處。

心血來潮，想食一碗熱騰騰既糖水。於是到松記叫了summer 同芝麻糊加湯丸外賣，summer 正正常常，雪糕幾好食。但芝麻糊好明顯係煮燶左，入口苦澀，陣苦味久久不能散去，要食雪糕先可中和到。之前已經中過一次伏，估唔到個水準可以keep 得咁"好"!!!!