松記糖水店

营业中

休息中

晚餐拍拖食甜品，松記糖水格局跟一般糖水舖不同, 裝修簡潔, 十分舒適芒果椰香凍粉,入口清甜，味道對一般食客來說可能會是過甜，但個人向來吃得甜，剛剛好！入口非常濃郁椰香味, 椰青水造了Jelly, 加上芒果肉,入口清爽.芒果小丸子，芒果肉有少少黑，小丸子糯米粉味好重，汁底都一般..較甜布甸口感滑，口感帶少少彈性味道突出.味道賣相還可以區內差不多類型的甜品店作比較的話， 松記糖水在各方面都似乎略勝一籌。

薑汁撞奶($20)Lam脷: 4/5抵食: 4/5相機: 3/5平時去松記多數食summer，今次見秋風起就試下熱既甜品原來都好味道呢個薑汁撞奶整得好好好滑薑味適中(Vi唔中意太辣😜)奶味較重，好岩Vi口味正

返屋企經過松記，買左碗楊枝金露返屋企食。 楊枝金露的芒果份量很小，奶的比例係超多，好似飲緊花奶一樣，芒果肉切成一粒粒，果肉唔太酸，配有小粒西米和一絲絲的碌柚肉。配料和奶係不融和的。呢家好多時都遇到hea做的楊枝金露，呢個就係一個例子了！

昨晚在附近帶狗狗到寵物店洗白白，到了鄰近的松記糖水等待時間尚早，不過是五點半，店舖已坐滿六七成人，場面還算熱鬧。坐底後，選擇多多，雖然都不是第一次食松記，但到這家還是第一次，亦揀了未食過的甜品，琉璃之戀！一來到後，芒果醬汁跟甜品是分開的味道很好，但個人覺很生果不夠冰冷，只是室溫，如果冷一點會更好！感覺會新鮮啲嘛！有點後悔要求加椰汁奶，好像不加味道會更加合味道！（哈，不是杯麵）整體囗感很丰富，很想食多一次！

松記⋯好多分店⋯位於長沙灣呢間松記，好多年～不過今次係裝修之後再臨，裝修之後嘅松記當然比未裝修前靚左啦！但依然都係坐到好逼⋯飯後糖水本應係要慢慢享受，但松記唔會有呢種感覺俾到客人，只會來也匆匆，去也匆匆，一字記之曰要「快」。餐牌多左好多款唔同配搭嘅甜品，裝修之後的確有啲改變～榴連班戟水準依然，算係keep得最穩定味道嘅甜品之一！榴連香濃，與cream比例啱啱好！但隻膠叉好唔掂！好鈍！似小朋友玩具多啲⋯用起上嚟特別唔好用！？？金露⋯唔記得叫咩名添！味道唔錯，但配搭上有啲古怪⋯有楊枝金露嘅味道！當然有柚子、芒果、大明珠，仲無啦啦有馬啼⋯松記糖水味道ok,但甜品嘅擺放上好求其，通常都比較滿瀉，令到碗邊好粘手，感覺會不良好。

夏日炎炎，最好食糖水消下暑！平時食襯都係晚飯時段，都會大排長龍。今次下午當下午茶食，直接入去就有位坐。例牌幻彩明珠，有新鮮生果，涼粉，一個雪糕球，好好味!另外，男友叫左Summer食，兩個雪糕球，太大，佢都食唔晒，芒果好甜，西瓜又清甜多汁，好夏日!

今晚跟家人到附近打笨爐，飽吃一頓，但大家都意猶未盡，胖嘟嘟叔叔竟然提議到松記吃碗糖水！噢，太邪惡啦！不過我鍾意，當然立刻舉手讚成啦！晚上的松記，例必要排上好一陣子才能入座呀！當然今次也不例外，也排了十五分鐘呢～實在太久太久沒有到過松記，很多甜點都想試呀！還好大胃王在，可以拉著他，迫他跟小妹share，那就可以多吃一點啦！木糠布甸食得多，檸檬芝士木糠布甸還是第一次試～檸檬芝士跟木糠層層相隔，面層添了粟米片以增添口感，滿心歡喜的用叉子拮下去，咦？拮唔入嘅？布甸實在雪得太硬了！完全食不了... 等了很久，才可以開動呢... 酸酸甜甜的，既有檸檬的清香，也有芝士的芝味，不過，口感實在不是小妹所喜歡的質感，是硬硬實實的，滑溜欠奉，木糠層也許也是雪太久吧，也是實實的，不討好...紫皇卷的名字很漂亮！原來是紫米卷著蕃薯，底下墊上琉璃珠，蠻等別的組合～ 紫米較為硬身，不是軟糯的，還好蕃薯都頗綿滑，但最大的問題是，加了椰奶但甜點還是沒有什麼味道的，神奇在紫米沒有紫米味，蕃薯沒有蕃薯味，到底我在吃什麼？心太軟算是最好的啦！外層烘得香脆的，流心度十足，朱古力味濃郁，收貨了！雖然沒有試到其他親友們的甜點，但看

由於之前減肥, 已經好耐無食過甜品但番工實在太辛苦喇, 所以都係決定獎勵下自己因為時間尚早所以完成吾需要等位, 一坐低就叫左個遠近馳名的幻彩明珠入面有黑珍珠, 大西米, 涼粉, 芒果, 西瓜, 蜜瓜, 哈蜜瓜等絕對份量十足, 不過西瓜和蜜瓜當日完全吾甜, 有D美中不足不過係甘熱既夏天食真係超爽, 一路食一路由個心到涼出黎 另外, 而友人就叫左個熱喳咋, 材料都係以各式各樣的豆類為主, 有紅豆, 綠豆, 眉豆, 花生, 腰豆和友人最like的芋頭, 豆基本上都煮到十分淋身, 加埋花奶, 食落口感香滑軟熟, 果然係松記的必食推介, 吾怪得生意多到做吾切啦

食左甘多年，唔理佢出幾多新野，我都堅持食幻彩明珠，夏天食真係無得輸!因為家住附近，亦從來都唔奢望可以入位，一般都係外賣返屋企食。入面有黑珍珠、大西米、涼粉同一堆生果。食左甘多年，發現生果唔係次次都一樣，但都好足料，我最唔鍾意食到蜜瓜，因為未試過有味! 我寧願佢俾唔甜既芒果我。 好濃既椰奶加埋，好消暑，好開胃。不過真係愈黎貴… 由15蚊食到依家就黎30蚊,,,

其實今次食松記糖水, 平時我叫糖水都一定會叫果d又有生果 同 雪榚既糖水, 覺得咁樣先夠抵食, 但今次破天荒try 新野, 叫左招牌糖水'哈囉' , 反而有驚喜, 而且好滿意! '哈囉'裹面有 涼粉, 珍珠, 粟米(我唔肯定), 紅豆, 黑珍珠,腰豆, 面台仲有層奶同芒果汁, d料真系好足, 啖啖口感十足!! 而且皆因,我叫既時侯, 根本預料唔到佢裹面有咩料, 所以食既時侯真系覺得好新奇, 我稔可能系因為咁樣先會改名做'哈囉'掛haha! 我下次黎到都一定會再叫呢糖水, 因為總比 只系生果涼粉 or 生果加雪榚, 有趣得多!! 而且價錢真系講你都唔信既平, 只系$20 咋!!  真系極力推介' 哈囉'!!

嚟過呢間鋪頭幾次，我多數叫椰汁西米露，同行嘅試過檸檬木槺布丁同湯圓等等，可惜感覺都係負面多，特別係西米露。記得第一次去，係佢開業頭一年，見到人流ok又新，就試下，叫咗個好好好普通嘅椰汁西米露，諗住呢啲糖水鋪基本嘢唔會做出事。哈！估唔到就係呢啲最平常嘅都搞唔掂，質地好稀又淡味，椰汁同奶味...10分滿分，我最多俾2分。其後過好耐見佢愈來愈多人，時不時見門口大棚人等，諗會唔會有改善所以咁多人呢？於是最近再試(唔止1次)，我叫返上述西米露，點知一樣稀，一樣淡，冇改善。係，佢啲糖水價錢係相宜，款式多，但冇心做基本嘢嘅話就不如唔好搞，只專注做自己想做嘅甜品款式。不過咁普通嘅糖水都整唔好，其他我都存疑，唔想試。同行嘅就試過早前講嘅布丁同湯圓等，一碗湯圓可以有幾隻餡料，如奶黃、芝麻、花生等，係有啲諗頭，同行話雖然細粒但ok, 但布丁(我都有試)就好硬，檸檬味出但整體味道配合就真係值得商榷。綜合講，我哋冇必要唔會再去。

16-2-2015 臨近 新年外賣湯圓回家， 自己整第一次買佢嘅的湯圓外賣， 買左芝麻味， 皮薄餡香， 唔會過甜， 皮身口感適中， 餡料有流出的感覺。。。。。。。。。。。。。。。。。。。。。。。。。。。。。。。。

飯聚後最常去的就是糖水鋪，不論家人或友人都愛吃糖水，今次和chicken點了一些不是常吃的款式，差不多每月至少吃一次，但也是相同款式餐牌簡化了許多(比較喜歡以前的)然後我點了椰汁紫米露，chicken點了雪曲咖啡木糠布甸($24)冷的椰汁紫米露，不重椰味，紫米的味道也不出，可能熱吃比較好，算是普普通通chicken的雪曲咖啡木糠布甸，吃第一口後我倆也感奇怪，為何木糠布甸是硬硬的..咖啡味很重，但就是其布甸不像布甸感覺像不溶化的咖啡味雪糕，而且粉末也很多，太大口吃會致咳喜不喜歡則見人見志了

幻彩明珠，芒果班戟味道很好，水果很新鮮！。挺好的小店，甜品做得味道不錯。鲜芒果布甸：汁比较少，凉凉冰冰的，还行吧。芒果班戟很大一個～～一共40多，不是很貴～～～

今晚同朋友係ssp食完飯未夠喉,, 當然係要食糖水最後簡左松記。 真係花多眼亂,最後點左個 summer~  美味cookie雪糕好滑,，加上香甜芒果汁，真係一流。雖然生果(特別係D 西瓜)唔算太甜...  但我反而覺得咁樣仲好。因為唔係浸過糖水,, 健康好多。朋友點左個木糖布丁，同出面既比有D唔同, 比較乾身，試左一啖都覺得好正 !服務超有效率.落單快,上菜快,收野快,賣單快 ~兩個人$60唔洗, 好抵食