松記糖水店 (已結業)

生日飯之後，當然要有餐糖水先叫完滿！ 呢間松記新開，連家姐都未試過，因為我們人數多（5大3小）去到時室內未有大枱，所以店員問我哋介唔介意開摺枱坐室外，只要有得食，又點會介意！ 我哋叫咗： 熱芝麻糊豆腐花（$18）---呢個我食，豆腐花好滑，不太甜，芝麻糊不太濃，幸好不太甜，合拼埋一齊食，兩種味道好夾，兩種味道都不會搶過對方！ Summer($25)---肥髀至愛，因為剛食完晚飯，所以今次要佢同表姨分享，佢哋各揀咗一款雪榚（紅豆及芝麻）以前雪榚球係即畢嘅，會鬆軟啲，不過而家轉咗用即開雪榚球，雪榚球好實，食起上嚟好辛苦，好難畢！不過味道沒有變，水果配雪榚，肥髀表姨好滿足！ 雜果杯杯冰（$31）---壽星揀嘅，水果配碎冰，面頭加芒果汁，我試咗一啖，芒果汁香滑，有冰碎嘅脆口感覺，水果嘅juicy，夏天消暑佳品！ 芒果滑冰（$23）---姐夫飲的！ 朱古力綿綿冰（$32）---家姐姨甥食，我試咗一啖，好濃好濃嘅朱古力味 ，姨甥們食得好開心，但不是我杯茶，我偏好水果味清爽，酸酸甜甜，配綿綿冰會夾啲！

返完教會之後~ 大家又忍唔住黎松記吹水食宵夜~ 門口依舊堆滿等外賣既人~ 我地又依舊唔洗等位~ 直接入座~ Yeah~! 今次終於試到"紫皇卷"喇~ ($25)紫糯米包住蕃薯餡藏係白雪雪既西米堆中間~ 好有睇頭~ 果然冇令我失望~ 蕃薯餡好味~ 好似食緊蕃薯包咁~ 不過就凍食~ 配紫糯米好特別~ 不過一個人食晒會幾漏~ 所以同朋友嗌多個"幻彩明珠" ($23) share食~ "幻彩明珠" (右上, 左下)~ 齋睇樣以為係2碗唔同野~ 不過依舊好味~ "檸檬馬蹄露"~ ($23) 朋友叫的~ 冇試過~ 

松記糖水在香港的分店都有好多...愈開愈多的證明生意應該都不錯! 屯門虹橋新開左松記糖水! 好多人食! 今次我當然都要試一試喇~一行3人! 店舖裝潢簡約，環境都好舒服! 附近如果養狗狗的人士都可以過去食，可以坐出面食的! 1/ 芒果綿綿冰 (自選2種topping + 一個醬) 是次選了 Topping: Oreo餅碎 & 乳酸爆珠 配朱古力醬! 味道好好!  乳酸爆珠好味! 加上自己喜愛的topping 配上一齊當然like 喇! 價錢$32! 2/ 芒果豆腐花芒果豆腐花好正呀! 芒果好甜、豆腐花滑而不粗糙、最頂仲要加上椰汁!! 好味呀!  只售$23! 好抵食! 3/ 幻彩明珠松記有好多特色甜品! 幻彩明珠就係其中一個... 呢個由新鮮水果組成，再配上大西米、黑珍珠、芒果汁和花奶淋上面! 味道豐富~水果又多又甜! 好好味!!   呢個都係$23~抵食!松記糖水選擇好多，成份MANUAL 好厚厚。選食咩都選到頭都大埋!! 不過好多糖水真係推得一試!!總結: 今次都覺得好味既，等位不算耐、上菜又快、服務態度都好!下次都會再光顧! 但屯門虹橋附近已經有好多間糖水店新開! 競爭都

新開張，一家人去食，芒果勁酸！完全不能入口！伙記介紹可以外賣，問過我們地址，說除咗雪糕類，都可以送到！之後第一次叫外賣，第一句就問總共幾多錢，我話過一百，佢諗咗一陣先話過一百先可以送（佢門市介紹外賣時無講）之後問我地址，聽完就話唔送，話遠，我話之前講過地址比你聽，你只話除咗雪糕唔送！之後佢就搵人同我落單！啲野黎到之後，樣樣都係得三分二滿，我心諗唔係咁衰玩野呀！不過我都無投訴！之後星期日再打去叫外賣，但電話打咗好耐都唔通！唯有行過去買！問點解電話打唔通，老闆話刻意既，因為星期日忙做唔到外賣，算啦！都明白既！我地成十幾個人，門市又細，有得送黎緊係方便啲啦！返到屋企打開，又係唔滿，得三分二既分量！明呃錢！比門市食係少好多，但價錢無少到！到咗今日又打去叫外賣，老闆聽完地址之後又話唔送！老實講路程不用十分中！佢解釋話人手唔夠！如果人手唔夠點解聽完地址先唔送呢？最後同老闆講我地唔係一兩碗，佢先送！但就要樓下大堂交收！你都黎到大堂，點解唔上埋樓呢？係咪要搵野去“雕“難我呢？屋企幾個細路，我行得開都黎咗買啦！老闆態度奇差！我唔會再幫襯，比錢買難受！態度咁差，我一定會介紹比朋友！叫佢地唔好幫襯！

當明師傅甜品係景峰開張既時候~ 已經有D驚訝~ 話晒景峰又唔係巿中心~ 又唔係西鐵站附近~ 再驚訝既就係連松記都選址於景峰~ 兩大甜品舖同時間出現係景峰~ 實必帶旺呢度所有食肆~ 逢星期六晚都會係景峰出現既我~ 食宵夜又一個選擇~ 唔洗次次去光記食魚蛋腸粉咁悶~ 松記應該近幾日開張~ 因為門口仲擺滿花牌~ 不過好多花都謝謝地~ 可能天氣太熱啦~夜晚9點半去到松記~ 門口企滿晒人~ 果真旺場~ 正諗緊唔知要等幾耐既時候~ 店員就招手示意岩岩有食客離座~ 大家可以入座~ 原來門口既人都係等外賣架 好耐冇黎松記~ 一時之間"選擇困難症"上身~ 唔知食乜好添~ 最後都係食返人氣既"Summer" (朱古力+芝麻雪糕)~ 因為想天氣熱想食雪糕~ 咦! Summer個樣怪怪地咁既? 雪糕球球都有個印咁肉酸既? 好似炸彈~~ d生果貴左好多咩? 好似少左咁多既?定係其實係我好耐冇食~ 所以大驚少怪呢?好彩d珍珠都仲煙韌~ 個朱古力卷卷都夠脆~ 朋友叫左個綠茶意粉 (唔記得個名係乜)~ 同系列既仲有荔枝味~朋友好慷慨分左d綠茶意粉俾大家試食~ 估唔到又ok喎~ 雖然食左2條咁少~ 但都食到有綠茶味~