松本日式料理放題

营业中

休息中

再一次過到黎松本食野，今次菜單更新左，多過以前，唯一不變既都係食物依舊甘好食，食材十分鮮，由其係三文魚、大赤蝦，十分足料。而且炒牛舌、和牛粒都好好食出餸方面唔錯，唔會太遲又唔會太早。價錢唔貴，十分抵食

小弟都食過香港唔同地方的放題(如銅鑼灣、尖咀比較貴的，同埋旺角好多間都試過)，老實講松本未必係最好食既一間，但性價比真係最高。先莫講價錢抵，老少咸宜，同埋都幾好食，最重要野食新鮮，呢個難得，好多大型連鎖食店都未必做到。松本D刺身同壽司真係唔錯，特別係饅魚壽司，真心好好食。果日膽粗粗叫左個海膽刺身試下（本身個人未試過海膽唔係好敢食），點知又幾好食，仲忍唔住再叫多碟（海膽係另外計費的）。呢間松本唔止係日本野，仲有Ｄ台式食品，例如佢Ｄ牛整得幾好食，好入味，我食左好幾碟　同埋燒生蠔更係食過番尋味（可惜呢個冇得點，只係一人送一隻）。雞串燒亦相當唔錯，D料好夠好夠味，燒得岩岩好，入口即融　炒硯、賴尿蝦更係一絕，而家諗起都肚餓！咁既價錢食到咁既質素既野食，我真係估唔到。當初朋友介紹，我仲有Ｄ懷疑，放題WOO 有冇可能咁平呀? 會唔會唔好食架? 佢話係老字號我先去試下，點知真係唔錯！我一入到去經理就招呼我，由頭到尾態度都好好，係而家香港待客之道愈黎愈差既情況下真係好難得，不過咁岩我落親單都係佢經過未比其他員工招呼過，所以其他人我唔敢肯定唔知HAHA 無論如何，真心推薦呢間松本！放題黎講，性價比真係最高

第一次寫食評！從來冇食過咁九唔搭八既放題.....其實本身佢個價錢唔係貴！但見佢招牌比其他舊，諗住價錢唔貴都捱到咁耐食物質素應該唔差......點知就真係中伏！！首先嚟咗版14個幾嘅海膽！👍🏻海膽係OK嘅甜嘅！但之後再睇睇嗰啲食物選擇就比較少！我只係推介返我食過算係好味的東西！有鹽燒海蝦，燒雞軟骨，燒菠蘿，泰式酸辣鳳爪，刺身既連頭嘅蝦，火鍋嘅蔬菜菇類都新鮮既！之後到批評啦！天婦羅番薯嗰舊番薯未炸熟透！刺身帶子好似係熟嘅同超薄！希零魚又好似係熟得黎腥腥地。壽司方面要咗件花之戀，但係用三文魚腩包既囉！仲有個綠茶芒果加州卷！第一次來好正常，但加單之後變咗勁大舊白飯有芒果嘅加州卷，面頭有一大劈沙律醬，綠茶完全唔見咗！到煱物方面，叫咗個蕃茄薯仔牛尾湯底，成個邊爐打完個牛尾都好似橡筋咁，叫咗啲蜆，但啲蜆已經係灼熟咗囉！啲芝士腸完全怪味囉！之後留單問題真係嚴重！乜嘢都留d，要既丸冇來，都唔知係好彩定唔好彩！冇要到嘅燒菠蘿嚟咗！野飲同甜品唔算多選擇！但系佢嗰個所謂韓國雪條！黎左支由細食到大嘅朱古力味牛牛雪條🙄如果大家想一路無奈一路笑死一路突然食到俾你預期好味嘅野！最好來試吓啦！😂因為依餐飯我就係咁過！

除左選擇有啲少，其實以呢個價，真係算係咁。係樓下拎到減10蚊券，一入座就送焗蠔。即叫魚生，第1round 等左15分鐘，都幾鮮，唔太冰，好味嘅，不過數量唔齊。再叫壽司同第2round刺身，點知等左45分鐘先有壽司等埋其他枱一次過出，有啲失望，不過第2round 刺身都係15分鐘到。之後見有打邊爐，就叫啲菜食，唔食菜唔得，都多款，幾好。有燒菠蘿，無蕃薯仔，不過算。最後食甜品，得random 雪米滋，無得揀味 不過有牛奶樂，算總結，都會再食，不過唔如太大期望，呢個價錢都ok

上次來過松本這間放題來食過,覺得食物味道不錯,價錢也合適,最重要是服務態度好。所以這次又跟朋友食。 我最喜歡這裡雞肉串和壽司,所以我一上來就點了甜品也是我的最愛,最近還新加了一種韓國雪糕,我一口氣吃了兩條呢

服務方面：1）我哋坐喺近職員通道隔離，職員出入經常大力閂門，好嘈、好滋擾。2）經常甩單、數目經常錯亂。例如本身叫20件花之戀，可以全部冇晒之後我哋叫12件花之戀，可以畀6件⋯⋯刺身每樣奉旨每樣除一半雪條嚟一半數目⋯⋯（玩除數啊？⋯⋯）好！熟食就玩乘數，炸豆腐叫咗2件，嚟咗6嚿⋯⋯ 仲要嚟晒熟食、炸物先。中間有15-20分鐘完全冇嚟過嘢食味道方面：1）軟殼蟹手卷紫菜好脆⋯⋯ 不過蟹就竟然係好硬嘅。2）三文魚刺身好水、質感麻麻。3）烏冬好硬。4）帶子刺身又話好大粒（珍寶鮮帶子），我覺得係「袖珍唔鮮帶子」難得有放題會有「熱茶」可以畀你點㗎！好難得⋯⋯

今天跟同学来逛街，结果被一个小姐姐推介到松本来吃。我们比较了一下价钱，星期五7点199元还免加1，比其他放题便宜了不少。最后我们一群人浩浩荡荡地进了房间，由于我们爱吃刺身，所以我们一上来就点了。三文鱼很甜，新鲜，虾也很爽口。一上来就一抢而空还送了我们一人一只烧生蚝鲜虾，沙拉酱和饭形成三重奏。还有各种各样的寿司，停不下来！还有各式各样的甜品，汽水：雪米糍，泡芙，奶冻……由于我们人多，所以点的东西也很多。但是服务员却没有不耐烦，分两次帮我们送过来，服务态度不错。同学纷纷表示下次还会再来的！

今晚諗住食餐飽，就決定去旺角食放題，兆萬樓下好多人派傳單，最後決定左食呢間：三文魚+蟹棒：三文魚好甜，好冰凍，好好食；蟹棒就未解凍，不過好甜，吾錯雞肉薯片：好甜，配埋沙律，味道岩岩好燒雞翼：皮脆，肉又入味，再encore!!燒菠蘿：不過不失避風唐炒蝦：辣得黎幾好味！會再encore..蝦肉好實..一口豆腐：個人吾太中意食、無乜味.. 表面啲粉太多花之戀+炭燒蟹棒壽司+天婦羅手卷：3樣野食都好好味。啲飯包到吾會一夾就松！八爪魚：夠凍螺肉：呢個味道麻麻，吾好夠辣炒蜆：好正、好入味，辣度足夠！燒粟米：放左salt, 好好味，有牛油味，又甜！會再叫！雞軟軍：炸得太耐、變到好粉，仲有甜品：雪米糍、泡芙、牛乳芝麻奶凍、雜果西米露、雖然款式無想像中咁多、但勝在啲野食岩我口味！

前晚，1行6人入去食，入到去先講 service. 十分好，老闆娘親切，侍應也很好，先黎叫左個雜錦刺身，合格以上，再黎炸雞軟骨 點解雞軟骨會有硬骨嘅 仲要炸到硬得不能入口， 再嚟揸炸八爪魚 我見到都唔想食 我朋友食左一啖吐返出嚟， 再講壽司 啲飯係散嘅 對佢壽司嘅評價係比爭鮮差， 好明顯係一班烹飪未成熟而又胆粗粗開鋪嘅團隊去管理，加埋1 ，百六蚊。。。合吾合理，見仁見智啦

尋日我同同事去左松本食野，價錢唔算貴，入座之後老闆送左個冬陰公火鍋比我地，冬陰公好似係新既，而且個老闆重好好人甘闆我地岩唔岩口味。認真一句真係好好味，夠入味！松本入面雖然多人，但出餸都算快，量好足。刺身好鮮。由其係三文魚！夠厚。今次我地試左d手卷，都唔錯。我地個個都食左好多野，淨係刺身都叫左幾round。小食方面，雞軟骨炒得幾好食，牛舌同和牛粒都好好食！誠意推介！而壽司就花之戀同火炙既三文魚都好好食！松本抵食。老闆又好人。但黎松本食野要預會有好多人，所以會因為熱鬧而嘈d

最近去旺角兆萬食飯，好少有放題我地係會即興上黎食同埋我會想再去食，因為出面有好多都見你係新客對你地食评一般。但其实佢地啲服務態度不过不失，叫d食物都好快上,，仲有烧生蠔送，仲有壽司蛋糕，食落好正架雖然我地冇人生日，但都送左卑我地試。啲壽司一口食晒岩岩好。三纹鱼刺身厚切又大件又新鮮，辣酒花螺、泰式鳳爪、東陰公火煱辣度好合我心意，岩晒好食得辣既朋友！個串燒和風牛、盐燒鸡翼超好味。天婦羅唔會好似出面果啲咁厚粉，可以好放心咁食。甜品有特别炸雪米糍超級好食。下次有机会再同fd上来大食一番。

星期六有friends 生日 經過兆萬樓下見到好多姐姐係度public 7樓松本 個姐姐又話送壽司蛋糕 又送焗生蠔 😍仲好多其他冇既野試就去試下 落左單5分鐘左右就有刺身同生蠔出 個壽司蛋糕仲因人數而整 上面d刺身仲好多種類 🤤仲刺身黎到仲好靚 好新鮮 個火鍋冬陰公湯底 都夠4個人食 唔夠仲可以有其他配料加👍🏻壽司細細舊一啖放落口食曬就岩岩好😋仲送左個新出既泰色鳯爪👏🏻甜品就有唔同味既雪米糍 同泡苵🍦 仲有兩款中式糖水 同一個自家制牛乳芝麻奶凍 好重牛奶味🥛好值得去試去食下 價錢仲好平 下次會再去👍🏻👍🏻👍🏻

最近同朋友去左兆萬7樓既松本食野，順便慶祝生日。初時望到openrice入面有幾多差評，但原來事實上唔係甘。老闆見我朋友果日生日，就免費送左個海膽比我地。而且黎餸黎得好快，而且又好好食，加上刺身壽司都好足料，又好新鮮。雖然我地得7個人去食野，但因為有人生日，所以老闆就額外免費多送我地一個半鐘樓面侍應好有禮貌。以後一定會經常幫襯黎松本食野總括而言，松本唔單止好食，出餸快，老闆又好人。我同朋友對松本係一致好評。

刺身完全吾新鮮，沒有一樣食物是好味的，“汁燒魷魚”完全與白灼沒分別！飲品只有數款！服務態度也不好，店員只顧玩電話和自己聊天，而且都是說半咸淡廣東話，令我完全感覺是在大陸的餐廳食放題！非常之生氣，這次食放題

食物炸物不夠熱，三文漁肉完全沒有質感，飲品只有數款，侍應員服務態度看似未經訓教或者是臨時工，總括而言不值得去品嚐！