松本日式料理放題

营业中

休息中

今日忽然想食放題，就隨意去了旺角兆萬中心樓下看看水牌，最後挑選了位於7樓的「松本」，每人200元內有找。餐廳很旺場，而且有部分位置被包場，所以需要等位，而且家庭式主理人手有限 所以都會體諒。餐廳不大但一般放題的食物都有，上菜快，一大盤刺身很快就送到。點了三文魚、甜蝦、大赤蝦、油甘魚、鮑片、希靈魚、珍寶鮮帶子、北寄貝、長腳蟹棒、榮螺肉和赤貝。當中的大赤蝦朋友超讚，說很鮮甜又大隻。另外壽司都不錯，點了較特別的黑蟹子軍艦、辛辣八爪魚軍艦、明太子沙律軍艦、鰻魚壽司、火炙三文魚、火炙醬油漬三文魚和加州反卷。每件份量足，用料不會吝嗇，配料都是大大片的。之後點了些熱食： 韓式炒蜆有辣度、和風炒牛舌有咬口、蟹肉魚翅南瓜湯啖啖都有南瓜蓉、馬拉盞炒時菜很惹味，而椒鹽三文魚頭大件又香口，不過熱度不夠。另外還點了些燒物：西京燒鯖花魚、鹽燒雞翼、燒菠蘿、鹽燒秋刀魚和燒三文魚骨。除了基本日式放題，還有火鍋！點了一客火鍋暖暖身，湯底選了「鮮茄薯仔牛尾鍋」，配料選了海膽丸、牛丸、魚皮餃、水餃、芝士腸、西生菜、白菜苗和豆腐。湯底真的用牛尾煮製，因為湯中附有一大件牛尾，而湯味偏淡，零味精！最後隨意點了兩個小食向甜品、沙律

星期日同朋友去旺角搵野食 旺角既日式放題星期日平均都要$228-$248每人平均 未計加一睇過松本食物相都幾吸引 而且人均$199 未計加一 價錢實惠食8點半呢輪 唔洗等位 侍應安排左4人卡位比我地坐侍應禮貌問我地飲咩幫我地拎 方便我地快d落單叫野食 因為知道我地肚餓灸燒三文魚腩壽司極好食 好香三文魚味 肥美不油膩帶子刺身鮮甜不過油甘魚唔夠鮮甜一口芝士 好香芝士味好好食鮑片還可以點左天夫羅皮較厚點左雪糕天夫羅但無黎另外，問左侍應有無蠔食 只限每人一隻 要另一張單落 但之後無左件事，返到屋企先記得無食到蠔甜品選擇較少 燒菠蘿好酸食物款式唔算多 不過價錢較其他平少少 要求不高可以來食

今晚我帶一班好友到旺角松本日式放題，大家亦食個翻層味，因環境舒適及充滿日式風情裝修，以及各員工的友善親切的服務態度，令我哋成班朋友留下好印象，而食物方面，溫度適中，所有魚生刺身新鮮，美味可口。環境衛生，價廉物美。是親子好去處及尋找吃處的好去處。此外，高度不超過一米的小朋友，還可以免費入場進食。值得推介。選擇食放題料理的朋友，不妨親身來品嘗啦。

訂了7:30，8點先入得，訂台混亂。野食一般，價錢還可以。就是選擇不多！ 麻煩請確認出席，有積分！謝謝！麻煩訂台時間請預好一些交台俾客，謝謝，唉～一個字～無言～～～～～～～～～落太多鹽啦～～～～～～～～唉～雖則都知你地好忙，如果唔係見你地辛苦，當場就吵啦～～～～～～～～～～～～～～～～～～～～～～～～～～～～～～食物品種請加多一些～火鍋免佐矩啦～浪費時間

在旺角兆萬中心7樓的松本放題，十分低食，我在Yahoo 團購每位118元正另加服務費，食2個半鐘，老闆好好人先送我們2板海膽，並介紹我們先吃壽司/手卷、刺身和一品料理先，最後才吃火鍋！我們要了一個刺身，有新鮮的三文魚、好味的希靈魚、甜甜的日本玉子、鮮蝦、、、等！還有好美麗的鰻魚壽司、火炙三文魚腩、特別好味的火炙芝士熟蝦壽司、當然不可錯過的花之戀壽司、、、等還有傳統的壽喜燒，我們還添加了炸豆腐及一些天婦羅，最驚喜是炸雪榚，雪糕是芝麻雪榚！還有各式免費飲品和甜品！結賬每人大約二百元正！

九點後食嘢優惠，服務態度OK啊非常好又食好美味，食材新鮮的，有雪糕搵你那雪糕有朱古力，要裝修日本風格，有一日式清酒買一送一，對方都好镸，飲嘢任飲非常之好爽囉，九點後任食三個鐘，有火鍋食品，氣氛都有80%日本放題的。

生日飯 兩個人食 團購打去預約果陣態度唔友善 🤔但店內用餐體驗 服務態度係滿分💯星期六晚 我地早到左半個鐘 佢開口請我地入去開始食 當我地9點開始 😱😱 好到嚇襯21-2300（雖然團購寫3個鐘 但其實我地食到10點半已經飽哂走得）團購加埋服務費$190左右 價錢同walk in差唔多團購送左一板海膽 樣靚 但唔重味 可能我唔識食店內熱情招呼 同食評上既反差頗大我諗可能生意無之前咁好 所以落力左 可能員工一時態度唔好 真係會趕走好多客人 希望而家有熱情 唔會太遲啦 （我第一次食就幾buy)刺身上 樣同味都好 唔覺得有食評咁差 (lucky?)款款都正常水平 有味 厚切 食完無肚痛 已合格壽司個飯好實 唔好味 鐘意刺身多d同其他餐廳比較 食物選擇都多 （火鍋食唔落無試到）但唔係樣樣都好食 熱食比想像中好（韓國煮蜆/一口牛仔粒/牛舌）但炸物個炸粉好實 （雞軟骨就食得好辛苦 想食都食唔落 浪費左半碟）😭但都有漏單情況 應該無心可能無貨 我地夠飽就無追單 最後樓面哥哥仲係咁俾雪米磁我地食 又叫我地一人飲多支野先啦 好熱情 好難得 總結：性價比唔差喎 200有找任食 仲想點無肚痛 無野大伏 除

之前已經食過兩次覺得ok嘅，咁岩見團購有就諗住聖誕黎食啦，因為26號可以使用，早3星期已經book左枱，最後早幾日打去reconfirm張枱時話冇資料，好彩都book得切啫，因為唔想咁多人所以寧願食早啲，食5-7呢個時段，4:45分去到咁坐嚮門口等開門，有職員知道我地嚮到叫我地等一陣，到就黎5點時有兩批客到左冇排隊直接行入去，又被安排入座，當然我地跟住入啦，好彩仲有卡位啫~極速落單後就去拎野飲啦，想飲樂天牌子嘅忌廉溝鮮奶或者芒果點知冇貨，有客人想食唔凍嘅蜜桃茶職員話得返雪櫃幾罐就冇啦，跟住職員通知落左單嘅韓式炸雞同唔記得咩一字骨都冇，食食下又聽到老闆叫員工去唔知邊到買雞軟骨返黎就黎冇，莫非過左聖誕太好生意所以乜都賣哂？唔理啦，唯有食有嘅野啦刺身：新鮮正常嘅，不過第一轉比少左鮑片要第二轉先出現炸物：海老天婦羅有啲厚粉，其他都正常，小丸子同雞肉薯餅幾好味壽司：火灸三文魚同鰻魚幾好味，不過第二轉三文魚燒得唔夠，見到個底仲係生嘅，第一次見火煱：冬陰公湯底夠味，不過上面隻蝦啲肉梅嘅食唔到不試也罷菜式：燒菠蘿燒唔夠，同埋好酸，雞翼我死佬可以食十隻以上，不過唔好味只係食左兩隻冇再叫啦除非下次會再平啲

食咁多間放題，依間真係唔多掂，寫左紙入單又唔來，普通一口牛入多次紙都石尋大海，D 甜品唔多講，永冇下次。唔怪得星期六黃金時段都冇乜客。問d侍應點解入左紙冇來，佢望一望你跟住走左去，真係服務態度一流。

一大班友約食飯，緊係食放題啦，揀左旺角食因為方便大家。book左黎間放題，黎到唔洗等就可以入去，位置幾多，坐得幾舒服，頭轉叫既剌身壽司好快就黎，都幾靚仔幾新鮮，之後叫既熟食都唔錯。

我今晚非常好開心 今晚有四個人去食放題 松本啲嘢食非常好好食啊 我今晚同文仔一齊去食放題好開心啊 服務態度非常之好好啊 仲可以賞試唔同啲野食 試下出多啲唔同嘅嘢食 可以下次帶多啲朋友過嚟食嘢

本人曾受朋友邀约往松本曰式放题用餐，進入店内發现環境裝修充满日式風情。另外，服务员服务態度和藹可親，食物温度及味道更是美味可口。當天，我带着媽媽，姐姐同哥哥一同前往進食，我們一家人也讚不絕口，我從少就喜欢吃日本食物，包括壽司，刺身及魚生等，而且店内亦有麵類等，包括烏冬及伊麵，非常美味可口。眼見店内老闆娘有親切笑容，令我留下深刻印象。

話說星期四要同一個朋友去到旺角信和中心租渡假屋，咁我就1家5口加埋我一個朋友決定去小曼中心搵放題食，上到去逐間逐間睇，但係間間都好多人，我哋開頭以為閑日唔會有咁多人點知係錯嘅，我哋由最高嗰層慢慢行落去睇，點知去到呢一層一間係唔需要等位，入邊仲有好多空位，因為唔想小朋友餓得太耐所以決定唔理咁多食咗先講。服務態度就一定冇咁好，大部份嘅事普通話，全部都好似唔係好想做咁樣，過都明白可能佢哋平時返工係好辛苦。講返食物先，款式嘅選擇係比較少，但係都明白一分錢一分貨，呢一間放題係成幢中心來講算平嘅一間，所以佢選擇少好多我都明白嘅。魚生來講當年係好大浸雪味，但係都仲食得出有啲魚生味嘅，但係赤貝呢就完全冇味，只係食緊一舊爽口嘅嘢。壽司嘅款式當然都係算少喇，但係難得佢有海膽手卷咁我梗係要來試吓啦，但係啲海膽係成埋水咁樣，見到有少少唔開胃嘅，但係都明白到咁平嘅放題，點會有靚嘅海膽食呢？熟食嚟講都不過不失啦，串燒呢就反而係燒得乾身嘅，不過就冇咩點落調味料，所以味道就淡，炸蝦天婦羅都係冇落到調味料嘅。唯一需要特別講嘅就係一個炒蜆，唔知佢係咪因為放左好耐，首先佢上枱嘅時候已經唔係熱㗎啦， 汁料仲要係變成啫喱一樣，

我哋今曰六位去旺角兆萬中心七楼食放题，我哋一家大细一齊去，我個女生日。都有一米二，都免费唔收錢，都幾有人情味。刺身食落好新鲜，又有好多熟食適合老人家食，唔錯，值得再光臨......

前幾晚被亞洲小姐-星級歌手（蔡美蘭小姐）相約往旺角兆萬中心7樓-松本日式放題食晚餐聚會，店內美食款式繁多，如刺身、天婦羅、韓式妙蜆、蒜香雞軟骨、汁燒魷魚鬚及各種壽司軍艦等，我們五人食到停不了口，店內食品新鮮及環境相當衛生，而且各員工服務態度親切。刺身相當新鮮，以黃金時段，晚上7時入座，每位$189。價錢相當優惠。如當天生日者，送上三文魚壽司蛋糕一個加燒生蠔一碟及海膽一板，以九折最優惠價$189。