東海海鮮酒家(宴會廳) (已結業)

約了朋友食飯，原定去樓上的客家好棧。我仲懶醒，諗住早十分鐘去到搵定位叫定野食等佢地。點知，鬼死咁多人，朋友到晒都仲未到，於是轉移陣地落樓下的東海，唔使等位之餘仲有大把空檯。只得一小時食飯時間，座低就快快手點菜。蒸排骨、蝦餃、燒賣、千層糕、叉燒飽、XO醬腸粉和鼓椒排骨炒河。點心大致都係唔好食，如叉燒飽太乾、排骨無味、XO醬腸粉硬柴柴等。雖然人少少，但服務都未跟得足，難怪樓上客家好棧做唔停手，呢度就小猫三幾隻。值得檢討!

有睇開我寫嘅食評都可能發覺到我好少寫集團式經營嘅食肆，原因好簡單。呢啲食肆以企業形式去管理，由採購、做點心等工序都機械化，毫無「人性」，所以好難落筆。不過，今次破例寫呢間酒家，最主要嘅原因係友人在這裡擺酒，所以有足夠嘅材料寫呢個食評。 睇開電視廣告都知，「東海」聲稱佢嘅海鮮最出名，所以呢餐都有唔少海味。咁當然啦，要主人家肯揼本先至可以食到咁豐富嘅菜色。去飲，就緊係有例牌嘅乳豬、有翅、有雞、有魚、同埋鮑魚等，當然仲有美景雙輝啦！我唔打算逐樣菜細評，但當中不可不提以下呢幾味餸： 「菜胆大鮑翅」-用嘅翅當然唔係甚麼「天九翅」，不過每人都可以分到一梳排翅。侍應分完菜之後，諗住攞走剩低嘅菜胆，我地全檯老友記二話不說叫侍應唔好拎走佢。個侍應都唔識貨，全碟餸最好味嘅就係索滿魚翅茨汁嘅菜胆； 「清蒸大紅斑」-老實講，條魚唔係話真係十分大，不過我諗都有兩斤重。有叫過蒸魚嘅朋友一定有以下嘅經歷，就係條魚一係緊緊蒸得熟，近骨嘅地方啲肉仲係有啲紅。如果唔係就蒸得太老，啲肉蒸到「鞋」晒。呢條魚嘅火喉就啱啱好，係高水準嘅蒸魚，所以縱使薑蔥稍遜，仍十分好食； 「鮑魚海參」-我相信全晚最貴嘅就係呢味菜，我估所

上星期日晚,7pm 一行11人去食晚飯,好在有預早book咗檯,因為嗰晚完全坐滿.叫咗$2680,12位用gei餐,超飽!!首先,乳豬全體. 脆仆仆,熱辣辣,唔係只有皮,都有ok多肉,正! 又唔太肥,唔油淋淋,唔會成口油西蘭花超級大碟!蜜糖豆蝦仁-d豆好爽,d蝦彈牙!個翅幾好食!跟住係鮮鮑,遼參,生菜..鮑魚好淋,好入味! d遼參好膠,好淋!老虎班蒸得好,唔太老,又大條,好滑好多餸:炸子雞,炒伊麵,其他都好好味! (太多碟,所以唔記得)飯後點心有:合桃叉燒酥好香,芝麻湯yuen紅豆沙好味,好大的壽飽 d飽gei皮好軟,就算放了五分鐘才吃也不會變硬,唔似一般酒樓的,抵讚! 最緊要的,呢個咁好既餐完全唔貴..免茶芥,有加一,埋單$3120, 每人都係$280 多d,以呢個質素,好過食buffet lah!!大力推薦!!

東海近幾年既廣告同生意應該都有增加但出品同服務就有停滯不前既感覺尋晚去食個大閘蟹餐,一如過往, 呢段期間幫襯既食客, 都係拆蟹居多叫左兩個$288的大閘蟹餐首先上場的係蟹粉小籠包, 皮薄餡靚, 水準不俗跟住係魚翅佛跳場,呢樣就失色好多啦, 偷工減料, 唔掂四隻大閘蟹分開兩次上, 每隻約重4-5兩, 蟹膏一般多, 無乜驚喜蟹粉法包, 附上既蟹粉不夠四塊麵包, 最多夠三塊, 所以我地都只係食左三塊包蟹湯魚太麵, 無乜特別, 蟹湯又偏咸妁菜, 例牌貨仔, 無乜特別薑茶湯丸, 夠晒薑味, 岩晒我侍應不足係例牌, 都唔明生意好左都請唔夠人

出席了在這裡舉行的婚宴。雖說話係仍宴會聽廳，但係其實除了多了三盞水晶燈之外，它的餐檯擺放，與其他酒樓沒太大分別，幾迫。食物方面，它的乳豬，好咸，肥得黎無乜肉。它有一般的瑤柱發菜蒜子生菜，炸雞，雞絲翅。呢d菜式，都好難煮得好差，但係佢就煮得okay啦。雞絲翅好多雞絲，個濃厚度都幾好。它最非一般婚宴食品便是，沒有粉緬飯，係有餃子，叉燒酥。另外亦沒有紅豆沙，有一盤迷你餅點，有tiramisu, blueberry cheesecake, 綠茶mousse，chocolate mousse, 等等的petite cake.幾特別，有唔會太膩。幾好幾好。服務有d怪怪的，侍應只問你飲不飲茶，不主動問你飲唔飲氣水，飲品等。好怪。

期待已久的大閘蟹終於登場……因為以前在這間吃晚飯，覺得ok，所以先試這間，$288一位。服務本來還可以，蟹粉小龍包來到時，由經理替我們夾到碗中。不過不及我想像的香濃，但還是挺好吃，朋友說皮太厚，但我一向是愛吃皮多於餡。然後主角就來了，新鮮熱辣的公蟹！蟹味OK，最緊要膏挺多，又夠濃味。(第二隻蟹的汁比較少……)不過，我花了一小時多食完兩隻蟹(分別上)，吃到第二隻的身時，突然之間灼菜、魚旦麵、蟹粉法包全部跑上檯。害我吃完蟹時，東西都放涼了！我相信如果新鮮熱辣吃蟹粉法包，一定會更好吃……最後，當然要有薑茶湯丸！正！夠薑勁辣！同場加映︰隔鄰來了兩個外國人，本來餐牌上就有英文，不過部長們看來只有一個真的聽得懂英文……然後，外國人要求「檸檬」，結果我們吃完一隻蟹都沒見到檸檬，跟朋友笑說︰「廚房可能在討論到底用檸茶或西檸雞的檸檬……」後來，外國人又要求要蟹(可能覺得我們吃很太滋味……)，結果他們連蟹腳都沒有摸到，就耐不住就結帳。

預祝父親大人生日快樂...當然要大吃一餐..我們一行10加2 個BB...居然給我們10人檯.....好似去了茶餐廳...我們一早訂了檯．．．下午他們ＣＯＮＦＩＲＭ　我們沒有問題．．．最後要２老跟　我們一起等了一個鐘　（此店當時有人婚宴．．只有數檯散客．．一眼看．．好多吉位．．．）．．．剛好要放煙花．．ＴＳＴ　封路．．．我們唯有等．．９．１５分．．終於有得坐．．．．叫了　１２人大餐．．．第一道菜上的時間．（９．３５）．．一個Ｃ拉待應．．一路好無禮貌推我好朋友．．一路叫（好火的）．．邊度是上菜位．．．那裡有什麼問題呢．．．不用那麼沒有禮貌．．ＡＮＹＷＡＹ．．．老媽都派利是給侍應．．老實說．．菜餚十分一般．．．最精彩是大大個的壽飽．．．一出我們齊聲鼓掌．．我們很高興．．可惜細佬太忙．．．總不能參與．．．希望你開心享用我們留給你的食物．．願大家生活愉快．．身體健康最後　＄２７００

o尋日同全家人o黎呢間酒樓食飯,點知真係食到一肚火,待應同埋d部長反應慢,d送友慢友偷工減料,崔佢都唔理你,5個人食成二千幾蚊,連果盤都話無得送,埋單時仲要計錯數,以前東海o的質素都唔係o甘差,而家真係完全唔掂

尋日去食飯, 六點幾就到, 可能早啦, 無咩人. 我們2個人叫了六隻蟹粉小籠包, 雞油花調蒸花蟹,白焯嚮螺,蟹湯. 食物真係吾錯,個蒸花蟹好大隻, 食完好飽呀. 食完仲有驚喜, 就係每人送一個木瓜燉雪耳, 雖然係送但都做得好好, 服務態度都吾錯. 價錢吾算好貴,屬中等價錢,但起碼至少吾會食垃圾.

慶祝股票節節上升,請父親母親大人&男友一起吃番餐... 四個人叫了每位$168的套餐:佛跳牆:內有火腿,嚮螺,冬姑,雞腳,海參,用料份量十足,湯很清但味道很濃,吃完這個飽了一大截蒜蓉蒸龍蝦(每人半隻):size是龍蝦仔,龍蝦肉很甜,配上麵及蒜蓉,很香冬姑鵝掌:不錯,冬姑很厚,鵝掌亦腍紅燒BB鴒(每人一隻):不知是否因為吃到這裡已經有點飽,覺得BB鴒相比其他菜式來說一般而已上湯浸時蔬:菜很油膩,麻麻地蒸素菜包(每人兩個):每人兩大個素菜包(成隻手掌咁大),上檯時很熱很軟,但個人覺得這菜式不夠精緻,有點"怕你唔夠飽就俾兩個大包你"之感甜品:南瓜露,好香杏仁味,很熱很濃,有很多幼幼的南瓜絲,有口感,比坊間的南瓜露高出幾班 有段小插曲:其實食飯果朝就已經打左電話黎訂左位(不過電話中服務員無問我攞電話,亦無俾booking number),不過到食飯黎攞位時服務員話我地無訂位,問我地有無打錯電話,又話一早已經full晒,其間面色麻麻地,到最後先至話安排坐位俾我地,今時今日咁0既服務態度唔得啦!! 又話說上完個素菜包,我地根本食唔晒,但又好耐都唔見上甜品,問個waiter幾時上甜品,佢竟然話"咁我

服務好差. 侍應成日Push 我地食野. 大佬傾多兩句嫌你阻住佢地做一輪. 我個碗蟹粉未食晒又已經俾人收鬼埋隻碗. 不知所謂!大拿拿幾千蚊個六人大閘蟹餐o係黑面之下HUR 一聲完結. 以後唔會黎呢間分店!!!枉佢仲開o係美麗華中心!

今朝同屋企人去飲茶，之前去過其他東海，都無乜問題，今次係第一次o黎美麗華東海。o的野食同價錢都唔算差，有東海應有o既水準，但係o的服務真係好差。o的點心單攪到亂晒，我地叫左o既點心無o黎到，我地都廢事追佢，但係就o黎左十樣八樣我地無叫o既點心。起初同樓面講無叫過呢o的點心佢地又唔信，以為我地畫左之後唔要，點之後來佢地發現係隔離枱叫o既，又死死氣全部拎返過去，但係最基本o既「唔好意思」都唔同我地講句，之後個個樓面都對我地黑晒面！喂，大佬，你自己攪錯左，唔道歉不單止，仲搵o的客出氣？另外又聽到另一枱客有點心溜單之類！之後埋單走人出去等lift 果時聽到另外兩枱客都有怨言，好似話收多左錢同埋態度差等等！睇o黎呢間美麗華東海o既management 好有問題！

前晚食左宜家做緊promotiom 既$2380套餐,好抵食,樣樣野都好有大酒樓水準: 乳豬好脆,皮與肉分佈好平均,仲無咩肥豬膏龍蝦同魚翅都好ok條魚非常滑,蒸得好靚!好抵!好難得既係碟伊麵同荷葉飯都好好食跟餐既壽包更係重點推介,好似個拳頭咁大, 個皮仲好鬼好食~就連果盤既西瓜都好鬼甜 呢個餐仲有其他野食都係好食既,只是不能盡錄，仲係送埋啤酒汽水，而且員工服務亦好好。呢個12人餐最適合一大班人慶祝生日食,絕對令大家食得開心~

未試過咁差既酒家, 服務態度惡劣, 冷氣開到鬼死咁凍, 攪到D野食凍晒~本來同屋企人做生日, 竟然俾張摺椅人地坐, 都唔知有冇攪錯!!!最差既就係竟然要人地由後門入去食飯, 真係離晒大蒲!!!我以後都唔會再去呢間酒家到再食飯~~~

錦叔坐鎮的一日，但大廚落鹽一樣無面比。泰臣咁重手啊！個鱔球同柚皮咸到我喊啊。其他送都係重手左小小。蟹粉小籠包一般啦，反而蟹粉鮫子麵好食D。