東海堂 (已結業)

昨天去東海堂買麵包, 見到圖中咁可愛既豆豆公仔麵包忍不住買一個先...明明寫明有朱古力架...點知回家食完成個包都唔覺有咩朱古力, 原來只係個包有"朱古力味"絕對無咩朱古力cream餡料..一d都唔好味..俾成$6.5都只係一個齋包真係覺得唔抵

家姐話想食蛋糕,買了四件回來芒果蛋糕:媽媽食,味道唔知朱古力蛋糕:家姐食,味道唔知藍莓芝士蛋糕:我和妹妹食,味道麻麻,餅底唔多得意大利芝士餅:味道唔多得.總括而言美心好食好多,家姐話買左四十幾蚊

黑芝麻包﹐包裝係一個長形既袋﹐一袋有四個~ 拎到返屋企就試左一個﹐無擺落多士爐焗返熱﹐咁樣就食唔出太大既黑芝麻味。不過之後識得焗返熱先食﹐外面好crispy, 包裡面係好軟淋淋﹐包面頭既芝麻都焗出晒佢地既味道出黎﹐太正啦~~~ 一定要試﹐仲要焗返熱先好食!!!同一種包裝﹐又係長形既袋﹐一袋有四個﹐不過就係粟米包。講真﹐呢個包真係麻麻地﹐因為咩味都無。玩完全食唔出有粟米味﹐一粒粒既粟米又見唔到。我估係因為佢用corn flour 黎做就叫個包做粟米包。

味道同芝士辮包差唔多,我諗佢地係一樣料,只係形狀唔同。芝士味唔多,反而沙律醬既味道好出。味道都算ok,當然多少少芝士味會好d,但係個包卻太油,搞到連裝包既都油晒,食完個咀都幾油,上次一些牛奶話芝士辮包,我終於明白有幾油,因為芝士棒都係咁!

係一個甜包,包面有一層甜皮(類似UFO個種),仲有一粒粒既朱古力碎,包心真係有d 旋轉形既朱古力醬,都幾多下,但係朱古力味唔係好重,不過比較甜,而且好”立”手。一般啦!

完全唔係個回事!唔知係我買錯包,夾錯隔離個包,定係味蕾有問題…花生士的唯一同花生有關既地方就係條包上面有一粒粒既花生碎!成個包都無花生味,連花生醬都無, 又會咁?仲有就係包面甘有太多糖,太甜,而且好黐手。如果我無出錯既話,我覺得花生士的完名不副實。題外話一句,我之前讚過東海堂新出既桑莓蛋糕好食,而且做緊promotion$4,我琴日發現加左價,而加係$4.5。

一袋有六片,包幾軟熟,有粒粒青提子,包唔係普通白包,甜甜地,配埋青提子酸酸甜甜既味道,比一般提子包有新鮮感,就咁食都ok, 值得一試!

去左東海堂買個特色餐盒,其實係一份三文治,不過就好多料,四片白方包三餡,包括吞拿魚,碎蛋沙律,火腿芝士,好厚,一口食唔晒,但係就幾好味,同埋可以食到飽飽!夏日炎炎,好多時唔想食飯,個餐盒都算係唔錯既選擇!

一袋四個圓形既黑芝麻包,幾有芝麻味,包面同包心都有一粒粒黑芝麻,同美心以前個隻黑芝麻包差唔多味,但係東海堂既包面仲加左好多白芝麻,所以係食左好多芝麻!

東海堂既黑芝麻醬,最岩用黎塗方包,唔好睇佢黑掹掹,食落有黑芝麻既味道,而且仲夠健康添!比一般牛油或者果醬好!