東棧燒臘

营业中

休息中

今日叫咗東棧的大燒豬一隻同切雞，不得不大讚。師傅們準時送到大燒豬，師傅好客氣同有禮貌。師傅一切隻燒豬，就聽到「撲撲」聲，未食就知道啲皮好脆。一食隻燒豬就知道，隻豬係今朝先燒好。大燒豬食落d皮超脆，肉都好嫩，超級好味。我哋都講，好耐冇食過皮脆肉嫰的燒豬。切雞都好好味，d肉夠滑。師傅佢哋好好好心機咁切燒豬同雞。佢地帶埋外賣盒，切好一份一份。豬頭還豬頭，豬腳豬腳，肥肉還肥肉，講解非常清楚。真心推薦比大家

每次去婆婆家，我話想食燒味，佢都會話去巷仔買，真係由細食到大！我地每次都稱呼佢叫「巷仔」，佢嘅真名都唔太記得！而每次都會由婆婆親自去買，因為唔會搭埋晒d骨骨腳腳～ 最鍾意食燒肉，皮脆而肉又唔會太咸！正！

唔講咁多，直接上圖，叉油雞飯。單併，雙併都係$33叉燒係每一次必點。多肉多菜多飯，附近最好食，最抵食燒臘算係佢， 每次都飽到反艇。佢送嘅例湯仲要係好好飲, 唔係淡茂茂嘅洗腳水。如果唔飲例湯，又可以自己喺雪櫃揀汽水。你只收我$33 ，其實你夠唔夠維皮gar?你做街坊生意，係有良心嘅!佢個環境係普通d , 在巷仔入面， 有d 人選擇堂食， 但只係開兩張摺枱，同埋冇冷氣嘅， 呢d 天氣點頂呀？所以我通常外賣，lunch靠你喇。❤💙💚💛💜

一間藏於轉角位，位置極不起眼的燒臘店。在紅磡已屹立卅四十年。各種燒味都好出色，當中最愛燒鵝，絕對同任何一間出名的得有 fight。另外，如你忽視看似下欄的豬仔腳，你便走寶了，因這小店的鹵水做得相當出色，非常入味，但你永唔會覺得咸，保證食唔停口。

白切雞半隻，多謝 $55 蚊，依家咁貴架喇？我既記憶仲停留緊係十年前大埔富善街市 $25 蚊半隻囉。師傅勁開心，難得 lunch 有客 order 半隻雞。其實我有諗過食一隻，雖然卓卓有餘，但唔想太過飽囉。賣相麻麻地乍喎，顏色暗啞無光澤又乾乾地咁款。求其倒晒啲蔥油係面度，整件雞髀肉先！全熟而且並無半點血色，肉質微彈微滑帶點咸香，感覺到有一丁點肉汁，免免強強啦，唔難食。雞胸軟棉唔會乾硬，合格。紅磡始終都係執左既君旺燒臘最好食，其次重有富華、富大茶餐廳都係東棧之上。

藏身於一條弄巷裡, 門口掛着日常經常見到的燒臘, 而在店的門口及對面鋪位, 只要是食飯時間, 總會有不少藍領, 或者salesman之類的客人來幫襯, 好明顯這些類似有人丟空的鋪位用來給客人坐下來食是不合什麼食環處條例的, 但唯有這樣的食肆才能提供價錢公道的燒味飯, 當然這裡不能提供奶茶咖啡, 但也會有例湯, 例湯是最普通的清湯, 燒味則是稍為舊款式的,例如义燒的色比現在時下的嫣紅, 肉質是夠淋身的但未能夠格肥格瘦等, 燒肉是偏瘦的粉紅色豬肉, 皮的脆度會是有折扣的脆, 不過粉紅色的肉並不是乾柴柴的相對的有少許肉汁, 放碟邊的炒椰菜絲也份量足夠, 米飯當然是足量的, 全個套餐只售$30,以現今時勢去邊度揾呀? 比起那些大x活集團式經營的大牌子, 這裡平起碼$6 – 8蚊一個餐,即係最少平17%, 所以還可以怎樣要求要坐一張舒適的枱櫈, 夏天的話這裡只能有風扇吧! 但對於收入不高的我等打工一族, 有這樣的一間燒臘店才是那一刻的清泉,