影片
以上资料只供参考，请与餐厅确认详情
食家推介
今日叫咗东栈的大烧猪一只同切鸡，不得不大赞。师傅们准时送到大烧猪，师傅好客气同有礼貌。师傅一切只烧猪，就听到「扑扑」声，未食就知道啲皮好脆。一食只烧猪就知道，只猪系今朝先烧好。大烧猪食落d皮超脆，肉都好嫩，超级好味。我哋都讲，好耐冇食过皮脆肉嫰的烧猪。切鸡都好好味，d肉够滑。师傅佢哋好好好心机咁切烧猪同鸡。佢地带埋外卖盒，切好一份一份。猪头还猪头，猪脚猪脚，肥肉还肥肉，讲解非常清楚。真心推荐比大家
继续阅读
每次去婆婆家，我话想食烧味，佢都会话去巷仔买，真系由细食到大！我地每次都称呼佢叫「巷仔」，佢嘅真名都唔太记得！而每次都会由婆婆亲自去买，因为唔会搭埋晒d骨骨脚脚～ 最钟意食烧肉，皮脆而肉又唔会太咸！正！
继续阅读
唔讲咁多，直接上图，叉油鸡饭。单并，双并都系$33叉烧系每一次必点。多肉多菜多饭，附近最好食，最抵食烧腊算系佢， 每次都饱到反艇。佢送嘅例汤仲要系好好饮, 唔系淡茂茂嘅洗脚水。如果唔饮例汤，又可以自己喺雪柜拣汽水。你只收我$33 ，其实你够唔够维皮gar?你做街坊生意，系有良心嘅!佢个环境系普通d , 在巷仔入面， 有d 人选择堂食， 但只系开两张折枱，同埋冇冷气嘅， 呢d 天气点顶呀？所以我通常外卖，lunch靠你喇。❤💙💚💛💜
继续阅读
一间藏于转角位，位置极不起眼的烧腊店。在红磡已屹立卅四十年。各种烧味都好出色，当中最爱烧鹅，绝对同任何一间出名的得有 fight。另外，如你忽视看似下栏的猪仔脚，你便走宝了，因这小店的卤水做得相当出色，非常入味，但你永唔会觉得咸，保证食唔停口。
继续阅读
白切鸡半只，多谢 $55 蚊，依家咁贵架喇？我既记忆仲停留紧系十年前大埔富善街市 $25 蚊半只啰。师傅劲开心，难得 lunch 有客 order 半只鸡。其实我有谂过食一只，虽然卓卓有余，但唔想太过饱啰。卖相麻麻地乍㖞，颜色暗哑无光泽又干干地咁款。求其倒晒啲葱油系面度，整件鸡髀肉先！全熟而且并无半点血色，肉质微弹微滑带点咸香，感觉到有一丁点肉汁，免免强强啦，唔难食。鸡胸软棉唔会干硬，合格。红磡始终都系执左既君旺烧腊最好食，其次重有富华、富大茶餐厅都系东栈之上。
继续阅读