@東京 (已結業)

價錢的確相而, 可惜服務質素奇低, waiters做錯事, manager還包比, 且不承認錯誤, 試問怎可再次光臨?

一年一度同兩個老友o既重要聚會.個menu同MK夏雪好似, 但環境正好多, more spacious and more privacy at least, 係黑左d, 但不礙事. 裝修亦不錯, 肯定有心思過夏雪, 連行上去o既樓梯同d垂簾都幾有feelCWB堝, 唔靚d點compete?服務亦唔錯, 斟水幾主動, 同幾patient!野食嘛, 黑蜘蛛炒飯, 香口得來又食得出roes o既鮮味, 又炒得爽口, 不俗. 炸雞軟骨同龍蝦天婦羅卷都唔錯. 加州卷一般. 半塊芝士(串)好靚仔好cute, 我地爭住同佢影相, 食落就似淡味炸鮮奶, 麻麻地~ 雞肉串最差, 好瘦, 份量超細, 只係靠個sauce!三個女仔, 食完好飽, 諗住行下街先去飲咖啡, 唔order呢度o既drinks喇.二百落樓, per head同我上次食夏雪咁上下乍! 抵.

去過食午餐下午茶及晚餐...最抵食係下午茶... 因為款式都幾多而且價錢真係好平!!份量同午餐亦相若...而午餐亦一般... 數十元就可埋單但晚餐相對地算貴...幾時同朋友去食飯都食左成舊人...但又食得唔夠飽...而服務員的素質亦可接受可能係因為環境較暗服務員成日都見唔到你叫佢落單...

我覺得食物一般啦...但同個價錢唔成正比.....lee度都係食環境.....不過如果多人既話就冇sin氣氛....建議係度食lunch...因為抵好多....推介：明太子豆腐煲

同女朋友仔黎食飯，一坐底個男待應就問我地飲乜嘢但係又唔比menu我地，到睇完menu又叫極無人應！到有人落單時叫左四樣嘢天婦羅‧湯烏冬‧什錦刺身‧魚生飯‧啲魚生真係好唔啦標哂水又唔凍‧天婦羅又油淋淋‧啲烏冬又林哂！食到我女朋友冇晒表情，一定冇下次！！！

建議響10.30之後(特價時段﹐所有飲品&壽司半價)先好黎呢間食野﹐以前最低消費係每人$50,而家加到$80再加nuts(每位5蚊)﹐的確少左好多人。要坐吸煙區D位先靚﹐唔鐘意煙味既人士最好唔好黎。野食唔算非常好食﹐如果用原價食就唔抵(considering the quality!)。D特色卷幾好﹐但D魚生感覺唔會話好新鮮囉﹐大家自己小心啦。cocktail幾好飲﹐賣相幾靚又易入口﹐o岩晒女仔。環境幾有特色﹐燈光都好有情調﹐但係覺得比之前殘左好多﹐尤其是當D menu全部都好似跌過落水咁融融爛爛﹐加上一個唔乾淨既廁所﹐印象就更差。希望間野D人maintain得好D啦﹐or else我下次都唔會再黎呢間飲野食野啦。

嗰日夜晚大約８點左上去我地四個人上去點知喺門口等咗成十五分鐘都無人理仲要自己入去揾位之後個侍應生埋黎好晦氣咁話幾位吖所以我決定唔食即時走相信以後都唔會再去

生日果日, 我同個親密朋友去食, 點了五樣野:海膽炒飯, 羊排, 三文魚, 鵝肝天婦羅及蠔.頭三樣都幾好味, 唔錯, 唔錯.不過, 鵝肝天婦羅及蠔就一般GE. D味好似同出面食的不太一樣. 怪怪地的.服務水準就真係好好喇!

1月22日係我的生日, 我的女朋友於是就選左這一間同我慶祝.當日點了五樣野(炒飯,羊排,蠔,鵝肝,三文魚), 每樣野食都算幾好味.但是隔了兩日後, 我同我女朋友都患了脹胃炎, 真係買六合彩都冇咁中丫!而食完這間日本野之後, 這兩日我都係留係自己屋企食飯, 所以一定我就覺得係d"熟蠔"或者係d"鵝肝"有問題, 故此勸各位選野食時"小心小心".

環境好,大班人ge話book包廂更好服務差且人手唔夠,記得有一次佢泥少左樣野,我地吹左近十次之後有個waitress泥同我地講已經泥左,我同班frd死同佢講我地係冇食過,最終佢晦氣咁同我地講:"算啦,再呦都冇意思,當我請你地食啦"我o晒咀,咩叫"請"呀?!我地都係想食果樣野姐~你當我地呃野食咩~果次真係激到呢~~~但d野食ok嫁~10:30後食半價時間都幾抵~recommend卷類,好睇好食,尤其李小龍、熱情、火焰野飲一般,冰砂過多冰刨冰冇半價,大好好味呀!尤其芒果、雜果個toilet真係好唔掂..都係半價時段去好喇~

　　早兩日同朋友行街行到唔知時間，夜晚十一點先去搵野食，朋友就介紹來這間店，她說是不錯的選擇所以才去一試。　　入到店內氣氛很像落了酒吧一樣，我喜歡這種感覺，可是卻不太ＭＡＴＣＨ吃日本菜的店子。１０：３０ＰＭ後有半價，我們點了壽司拼盤，一客黑豚肉壽司，魚生餅和炸蝦天婦羅。　　先來黑豚肉壽司，一客三件很划算，味道算不錯；壽司拼盤不過不失，每樣一件也算ＯＫ啦，不過如果多一點魚生會更好，飯比較鬆散，一定要一口吃掉才不致於四散；魚生餅其實只是三文魚切粒加上青瓜和芒果，不算吸引，也不特別。最後說到炸蝦天婦羅，合格啦～蝦不夠新鮮，當然以半價的價錢也不望會吃到新鮮甜美的了，但品質當可，值得再試。　　環境不錯，夜晚跟朋友去飲杯ＣＯＣＫＴＡＩＬ聊聊天都幾好。另外要一提的是洗手間的衛生情況不太好，需要改善。

嘩, 原來我唔係第一個架啦！我上次都係咁俾人侮辱呀！我叫完第一轉野食之後，得果少少，又唔熱，味道一般。幾無引呀！我仲要係同個女仔第一次去添架，幾囉！咁梗係再叫啦，點知個女侍應好霉氣咁兜口兜面講，22:30前入坐(時為爭10分鐘左右夠22:30, 通常一般食肆21:00後特價)，無半價啦喎！喂，我有話過我恨果半價咩？仲要係同個女仔第一次去，咁最後都好無引咁食完就走啦！攪到我FEEL到個女仔閘住閘住咁叫！*_*"(覺得唔抵呀！)本來我諗住算啦，不過岩岩睇到呢間野又有人籟咗野，我都要講出黎呀！依家我同個女仔食飯都碌大對眼睇清楚係咪就特價先呀！出得黎食野，平貴無所謂，但感覺搵笨同尷尬就食龍肉都無味！其實便定貴，入去時已心中有數啦，但咁受氣難堪就真係唔抵囉！

一去到,見到d碟已經唔開胃...肥"林""林",有層油係面...叫個光頭佬(應該係manager)黎,佢想解釋點解d碟咁油?! 之後仲好悔氣咁換碟..另外,我地10點3/4度入去,點知...原來10點半入去..就有half price..個光頭佬都冇講...有d隱瞞既感覺...依家大多數餐廳都會講ga ma..佢唔講唔怪得佢..but佢d service 真係好唔得...d野既味道都ok既..不過quality/quantity 同price唔成正比...所以..一定冇下次食唔飽,冇飲野,每人都成160蚊...

今晚三個女仔黎食, 因為有半價coupon, 所以好抵. 侍應哥哥好nice, 但其他兩位阿姐就唔夠主動, 唔會主動加茶, 亦好似唔係好識落單, 可能係新做掛, 所以見侍應哥哥都好忙吓. 環境叫舒服傾到偈, 但枱同枱之間太窄, 出入有d唔方便. 睇咗之前食評再加上朋友comment, 唔打算叫野飲. 食咗好多野:帶子刺身(3碟x3pcs)-因為大家都鍾意, 夠厚身夠甜, 食完再叫又再叫, but睇過之前有食評話呢度d刺身質素唔穩定時好時壞要睇彩數, 所以唔敢講下次去食唔食得番咁好;吞拿魚刺身-切得厚身, 但味道一般;活丹蝦壽司-見係時令野, 試吓, 係蝦, 但咩蝦就唔知, 麻麻, 乾乾地唔夠新鮮;三文魚甜蝦壽司-又係時令野, 有魚有蝦, ok啦;黑芝麻炸軟殼蟹卷-有成八件, 好味, 因為軟殼蟹係新鮮炸起, 新鮮, 點都唔差得去邊;彩紅卷-又係有八件, 但就無咁靚, 味道, ok啦;海膽炒飯-呢個一致認為味道麻麻;咖哩薄餅-時令野, 有三件, 係酥餅包住咖哩, 幾香, 味道ok;總括嚟講, 壽司d飯通常都易散, 但新鮮炸起如軟殼蟹卷&火龍(睇住成晚不停咁出)都會穩陣好味, 帶子值得試吓,

我太太月頭生日,加上有咗BB,而佢又鐘意食日本嘢响,朋友介紹下就去咗呢間MyTokyo.我同朋友,太太唱完K一行六人去到Tokyo已十點九個字.入到去發覺裝修不錯.只是環境太黑.灯光太暗.入座後我地點咗壽司.刺身.特飲等...都十分有水凖.傅菜及侍應上菜及落Other時十分有笑容及有禮.由其是當我地點咗個什菌鍋後因為個鍋所有嘢都未熟,又唔知點食嘅時候.侍應主動為我們烹調及講解.盡顯「服務至上.以客為先」精神.食完嘢後我地成斑响度傾計.滿以為所有嘢都盡善盡美嘅時候.响外面傅來嘈吵聲音.起初都不以為意.後來越來越大聲.因為我太太有BB嘅關係.我就同朋友去睇吓係咪有人打交.點知發覺原來係個白頭經理响度鬧人.我睇度嘅時候重有幾個客睇緊咩事.而個經理見到有客重不停咁鬧.佢不但影响客人食嘢嘅心情.環境嘅氣紛,員工服務態度.試問你會唔會去一間嘈到好似打交嘅食店食嘢?最後我同太太及朋友响呢個經理影响下,匆匆理單走.