@東京 (已結業)

十時半過後半價，之前吃過也不太差，環境黑暗最好密談。想也不想就點兩個雜錦：1)雜錦壽司有鮭、鯖、鮪、鰻、魷、海膽、甜蝦、魚子、帶子等，魚不夠新鮮，吉之島的產地直送比它好，飯團做都再好也徒然。2)雜錦刺身基本上跟雜錦壽司一樣，只是多了沙律，就是蟹子加蟹柳碎，很普通。刺身比壽司的新鮮一點點，半板海膽也是一般，有點為交貨而交貨的感覺。整體不太好，環境好，食物未致於難食。與第一次來的感覺有天淵之別，開始淪為只有裝潢沒有內涵的食肆。

食過幾次, 一次比一次差, d食物都還算ok啦!! but d service 就very poor!! 又限你幾點交枱, 又好快咁收你嘅碟, 分明就係想係快d走啦!! 我最唔鍾意趕你走ka 喇!! 想與朋友談耐d都唔可以!!

好朋友生日飯。朋友鍾意食日本菜，但板前、峰壽司o個d只可以walk-in，所以見呢度可以make reservation就搏呢度ok，點知真係幾ok！(好彩咋！生日飯唔衰得架嘛)日式食物選擇唔多，三文魚當然冇「一門」咁鮮咁好咬，但都above average。日式食物overall都ok。芒果花之戀同三文魚牛油果唔錯。估唔到係西式食物仲好食，最鍾意係個夏威夷批& 東京意粉。以為夏威夷批好似pizza咁，原來係一個芝士外穀包住corn, ham 同埋唔知係咩但好好味o既野。東京意粉好特別同好味！食左咁多野最唔得係個雪糕囉，一d綠茶味都冇，好在有d紅豆咬下。朱古力新地食M記仲好。book左7pm，佢俾左張好長&舒服o既sofa位我地。但地方實在太黑，menu都唔多想睇，不過另外一位好友話好有"feel"喎...成日經過見到入面咁黑，原來真係咁黑（去toilet時要留神，入去時好光，但出黎會搵唔到路）。食左都幾多。3個人食左$360，當然係我地兩個請啦。可以試呀！

lunch去左東京食, 叫左兩個set lunch, 係芒果吞拿魚卷, 同埋加洲卷配拉麵。芒果吞拿魚卷, 幾好食, 但係我地個碟有d怪怪地, 係隔一件就食到有d怪味, 但又唔係變壞, 應該係芒果問題吧! 加洲卷, 冇咩特別, 配沙律醬食, ok!成個lunch食得好飽, 好多OL幫襯, 價錢實惠!

今日星期六我同班fds二話不說就去左間人人話d野食又唔好食人又惡頂既thai度食buffet~味道：拍得住泰國...(原來經理先生就話佢地d廚師係泰國人麻)哈~不過最勁既我一飲就飲左一大碗冬蔭功~一杯普通絕無溝稀既芒果汁~有關於蝦既我都有食~因為我至愛麻~仲有金邊粉......好多好正~我地坐坐下都成兩個鐘了~結帳時都係每人平均$120~走lu~服務：男經理同我地傾傾下比佢吸引了入去食野~佢都幾好人呀~但人手唔係好夠~經理先生同d同事都好好~唔似大家講得咁差~下次我一定會再去仲會介紹多d fds去~因為佢地待客好有禮~特別經理先生~環境：個度坐得好舒服~係經理先生比我地揀位~d歌好岩feel

朋友帶我黎東京補祝食生日飯，真唔話得。呢間野地下門口就梅左d，不過行上去又別有一番景象喎。日本餐廳黎講，室內光線都算幾暗下。不過就圍都有梅花同櫻花擺設，感覺格調都幾好。我同朋友叫左5個菜，1. 海膽海鮮炒飯2. 炸蝦手卷3. 明太子豆腐煲4. 黑椒烟三文魚刺身5. 鮮露筍1. 竇飯都幾大竇。食落好飽肚。不過海鮮料唔多，只見 魷魚，海膽唔知去左邊...2. 表現不過不失，不過d washabi好似無乜味咁....3. 掛住同朋友傾計，個煲差d燒燶左，好彩侍應姐姐及 時識火，不過有舊豆腐就難逃一刧.....燶@@@@。菜 色用好多蟹籽同魚籽加水造芡汁煮豆腐。味道幾好。4. 表現不過不失。5. 用奶油煮鮮露筍，好爽口，好清甜，幾好。服務水平都唔錯。okok~E小姐，多謝先~

同朋友0係銅鑼灣想平平0地但又想食日本0野, 去到間間迴轉壽司鋪都要等好耐位(尤其板前的260 張檯!), 見呢度條龍無咁長之餘又記得以前幫襯過覺得0野食ok, 就入0黎食, 不過都唔少人, 後果仲因為我0地兩個都忍受唔住太肚餓, 明明等緊非吸煙檯都要退而求其次啃0左個兩人吸煙區位.Share 0左個特上刺身盛合, 白汁海鮮焗飯同咖喱雞翼; 朋友叫0左一串串燒五花腩, 我就飲0左杯叫「Midnight Tokyo」(chocolate chip + mint + coffee) 0既non-alcoholic cocktail.刺身盛合$99 有三文魚, 吞拿魚粒+三文魚籽, 玉子, 八爪魚, 鱆虹魚同甜蝦, 食落味道唔差, 不過唔見得出色;「刺身」盛合用玉子0黎做其中一個款式, 不得不話佢cheap, 睇0黎和民0個d 比佢更抵食, 起碼人0地$88 6 款全部都係魚生-_-"試0左一啖朋友串串燒五花腩, 味道唔濃, 不過肉汁幾多, 都幾好味, 不過個人始終不太鍾意食d 咁肥0既0野.咖喱雞翼本身唔辣, 但好香咖喱味, 幾惹味... 另外仲有一小碟甜甜0地0既咖喱汁俾你蘸, 有少少o

放工同同事食飯, 都成十點半, 又有同事想飲返兩杯, 就去十點半後有半價既MY TOKYO。食物種類都係一般日式居食屋食品, 普普通通, 無乜特別, 質數好普通。同事喜喝清酒, 點了一壼, 不錯, 酒壼的保溫亦做得好好, 喝了大半小時, 斟出來的酒仍有微溫！看鄰桌在喝的, 酒樽非常吸引！問侍應, 是有酒精成份的飲品。看菜牌, 就點一壼"七步升仙"來試試！不喝, 單看外表已非常滿足^^ 真是很精美, 設計是中空放冰, 不會弄淡飲品。當然, 飲品沒想像中多啦~可是味道又真是一殷, 甜甜的, 又沒甚麼酒精。只可少沾酒精的朋友就非常合適~最後提醒各位, 半價時段是有最低消費, 每位$60！

昨晚同男朋友去一次，我成８：００才去，所以問佢有冇位才上去，佢話有才上去，因為要行樓梯，上到去原來係一個好鬼細卡位，咁我男朋友話冇所謂味坐，但係真係要講一講，佢唔知係咪好環保，咁鬼死慳電，佢真係黑到我睇餐牌都有困難,差點睇唔到自己叫乜．張又窄，想叫多少少食物都放唔到，根本就只可以容納一個人，或只係happy hour飲杯個種.仲有坐呢都係冇service,叫佢加茶都冇人理,就有個阿姐佢好好人,幫我加,但因為張太窄,佢唔小心倒瀉，但冇其他人去幫手，都唔該呢個阿姐仲識得問有冇燙傷，其他黑面waiter/tress 仍然當唔關事,下次一定唔會再去.你最好問清楚才上去,如果係兩個人就更要問清楚,冇位都唔好坐呢種位,你一定會後悔同一肚火,仲有佢service 係差得好緊要,又冇笑容,分工鬼咁清楚,唔關事就走去就算,唔會幫你個負責同事跟,咁様黑口黑臉法,同趕客冇分別,高层們到底有冇train 過人,咪真係幫你倒米,而家有好多人係睇service,唔通來食飯都要受氣咩

佢下午茶係２：３０後，都幾人等位，上星期六去等一陣，個比較大年紀部長，佢號碼攪到好亂，我仲清楚過佢．下午茶餐大約＄３０－４０，份量都夠，唔係好細，同平時晚餐去一樣咁大．又有好多款揀，壽司．．．牛肉烏冬好味，仲有特色飲品，咁熱天氣有杯凍都唔錯之但係佢人面口就同佢間餐廳裝修一樣咁黑，所以你只可以睇住下午茶個价錢，就冇所謂．如果吃晚餐就兩人食都要＄２５０到係飽喎，再加埋咁差態度，就有小小唔多底

呢度係　Ｄ　薄餅仔得架咋　，　其他都係垃圾，　可能價錢夠街坊啦　～所以十二點幾都有人食~

拉麵and a salad for lunch and it costs $4X. It is not so tasty but the environment is quite good .The waitress and waiter are not smart enough.

@tokyo最好就係過咗10點食因為全部壽司刺身半價其實以呢個格局價錢半價食先合理如正價食就貴了點兩個人要了壽司拼盤炒飯同炒烏冬記得那個長長的銀色壽司盤很fusion其實食物方面不是很出色最鍾意佢黑媽媽坐得都算舒服一班人飲酒吹水又叫小食都唔錯同埋收得夜

2個人﹐一人一個下午茶餐, 點了海鮮拉麵同加州卷拉面ok, 夠熱﹐味濃, 其實我唔知咩為知正宗拉麵﹐靜係覺得呢個拉面arm 口味加州卷﹐大路貨色﹐唔會差得去邊飽肚﹐又可以慢慢坐, 最緊要係平, 兩個餐兩杯凍飲$57埋單﹐抵喇!

我去過這間幾次了, 次次諗唔到食乜, 就去這間了!這裡環境不錯, 傾計都幾好, service又不差, 野食ok, 我最like食拉麵, 一麵可試兩個湯底, 本人覺得拉麵同壽司比較好味, 其他野就麻麻了~ 價錢都ok, 一碗拉麵50元左右, 壽司併盤10件大約98元~ 比\"魚一丁\"平少許\, 但食物又比魚一丁差一點囉~