東京チカラめし (已結業)

假日想平食日本野,呢間都唔錯。真係幾抵食!我排左一陣隊就有得食啦!用QR CODE ORDER左一個豬排飯既SET,有飯,味曾湯,同埋沙律。豬排仲要幫我CUT埋,味道唔錯!比較中意味曾湯,所以我另外再叫多左一碗。同埋叫左3隻餃子,好食同埋唔貴。飲品我就加錢叫左汽水,但佢果度都有水供應既。呢度好快有食物,唔洗點等,真係快食之選,埋單都唔洗一百蚊,但都叫左好多野,抵呀!有機會想試下佢既牛肉飯,似係主打。

今日返工之前趕住要食啲嘢 就喺附近睇下有啲咩可以快啲食啦 見到呢間牛肉丼好似唔錯 所以就入左去啦 估唔到未夠十二點都已經full house得返 bar枱位 不過今日自己一個食坐bar枱都無所謂已經唔知道有幾耐冇食過牛肉丼喇😆 揀咗鹽燒牛肉丼（配3隻餃子）再另加隻溫泉玉子檯面有唔同嘅醬料 可以自由選擇適合嘅口味我就加多左啲胡椒粉 再配埋呢個鹽燒 成件事好夾😜我再跟住佢嘅指引 將隻溫泉蛋拌勻個飯真係不得了 每一啖飯都沾滿咗蛋汁 好香好滑 基本上我加左胡椒粉之後都冇再落過任何調味料啦 原汁原味都好正菜絲沙律都非常新鮮 啲菜好爽口

最近係旺角發現一間過江龍日本燒牛丼牌子，餐廳名叫東京チカラめし，見到人人排哂隊。最後我都排左陣隊走去試下店舖環境好光猛，雖然位置黎講都吾算大，但都坐得舒服我今次order 左重量燒牛肉飯 $75 一食就食得出燒牛肉即叫即燒，叫得重量，牛肉份量特別多，再加上用燒汁去製成十分野味！？分菜再加左溫泉蛋 $15 泡菜 $10 日式餃子$15 整體味道非常好👍🏻，店員又有禮貌

知道旺角新開左一間丼飯，之前幾次經過都見到好多人排隊，今日就同朋友嚟試下點解咁受歡迎。我地叫左一個旨辛燒牛肉定食同鹽燒豚肉丼，加了溫泉蛋，泡菜同餃子。豚肉丼份量幾多，上面全部都係豚肉，而且用咗黑椒調味，食落好惹味。牛肉定食有椰菜一齊炒，加上微辣醬汁，令人胃口大開，細食嘅朋友都食晒成碗飯。餃子煎得外皮微脆，咬落仲有少少肉汁，真係好有驚喜。至於泡菜就冇乜特別，不過同坊間買返嚟嘅泡菜唔同，唔會好酸，同鹽燒豚肉一齊食可以解膩。整體環境都坐得舒服，服務員態度都好好，值得一讚。

📍 餐廳：東京チカラめし (旺角)地址：旺角奶路臣街17號The Forest 地下G8號舖佢哋過咗嚟香港都一段時間，我一直都想去食，今日終於有機會啦，響香港都可以品嚐到由日本東京過嚟嘅燒牛肉飯😛😛😛1️⃣旨辛燒牛肉定食$75旨辛燒牛肉定食完全啱晒我胃口，燒牛肉濃香撲鼻，食起嚟肉質鮮嫩，而且帶點辛辣，啱曬鍾意食辣嘅朋友☺️☺️☺️2️⃣唐揚炸雞定食$55份量比我想像嘅多，而且啲唐揚炸雞都好大塊，仲要新鮮炸起，呢款係幾抵食🤤🤤🤤3️⃣燒牛肉丼$45叫咗正常Size嘅燒牛肉飯，我見十個有九個都係食呢個。燒牛肉個量都真係幾多喎，唔怪之得個個都Order啦😁😁😁4️⃣餃子3件 $15餃子味道都唔錯，係略嫌細隻咗少少比較幼身嘅餃子🥟🥟🥟

相信大家都已經好耐冇食吉野家小編都係啊 有冇掛住牛丼呢?要知道呢間人氣連鎖店主打係多一重功夫的唔係普通牛丼 係「燒」牛丼啊.《重量燒牛肉飯》燒牛肉 絕對絕對係呢到既招牌名物每塊都係用鐵板燒 即叫即烤邊邊位帶微微焦 中心位置保持嫩身之後淋上特製醬汁 面頭灑上香料入口真係好惹味 好似有少少孜然粉既麻香感.《鹽燒牛肉丼》鹽燒牛肉同樣都係用鐵板燒即叫即烤但就變成淋上鹽燒醬汁 聽講係日本直送獨家配方食落清爽 一d都唔油膩配埋蔥絲帶些少微辣 更加將極體味道提升.追加埋以下食品先似返係日本㗎嗎《溫泉玉子》呢個撈飯一流.《唐揚炸雞》話就話3舊 但舊舊都算大.《餃子🥟》個底煎到好脆喎 皮亦夠薄

之前見要排長龍，今日經過見唔洗排隊就入去試下。話係東京嚟嘅燒牛肉丼，我對佢原本嘅期待係類似Sukiya咁。我叫咗一入燒牛肉丼加唐揚炸雞兩件，家人叫咗份餃子定食。餃子定食嚟先，啲餃子唔脆都算，食落一啲都唔熱，強烈懷疑佢係一早整定。然後碗白飯啲飯爛嘅！成個定食唯一比較食得落口係個沙律，可能因為唔洗煮。之後我嘅燒牛肉丼都圖文不符嘅極致，相片望落明明都正常燒牛肉嘅顏色，但實物係打邊爐肥牛加一個無色但勁咸嘅汁，再落啲黑胡椒係面就算。成件事真係錯晒！莫講話Sukiya 程度，佢連吉野家程度都無，成件事係真係難食！唐揚炸雞都唔洗講，根本無一樣野係日式。最後我真係食唔落，食剩好多埋單走人。

燒牛肉丼(配溫泉蛋)🐮$55 (並/大)牛肉都幾多，份量OK😎牛味濃郁，醬汁惹味，唔會太濕太鹹😆配埋個溫泉蛋撈埋一齊食，口感更佳😜唐揚炸雞定食🐔$55第一次食呢款唐揚炸雞，估唔到幾好食☺️即叫即炸，夠晒熱辣辣😎有六件，全部大大件😆食落外脆內軟，非常Juicy😚定食配埋白飯、沙律同味噌湯😛旨辛燒牛肉定食🍱$75呢款我記得響日本成日食😛食落有少少辣，的確好惹味🌶如果牛肉再多少少就更加好😬餃子3件🥟$15Size比起一般餃子細隻😆東京チカラめし (旺角)旺角奶路臣街17號The Forest 地下G8號舖

一個晴朗既星期日 ，訓到十點幾起身，出到旺角差唔多成十二點。我地見到有間日本餐廳大排長龍，上網一查原來係日本燒牛丼元祖，之前去日本既記憶翻翻曬黎，原來係日本係食過既，既然係過江龍，我地抱住一試無妨既心態去試下。位於旺角地段既呢間餐廳，服務質素不下於其他連鎖既日式餐廳，食物水準都有翻一定程度。我地一入去已經有兩個位，table 已經set左，上菜速度快，可能人多，有甩單情況，不過服務員都立即跟進，好快就上翻甩單既食物。推薦以牛為主既食物，牛肉抵食！價錢合理！

今日同老公睇完戲之後去旺角搵食大家都好早食完飯所以好肚餓想搵間平平哋但係又有啲質素嘅諗起之前圍咗板已經有啲想食嘅一間類似吉野家嘅食店叫咗個牛肉丼加唐揚炸雞三件老公就叫咗個燒牛肉定食加餃子 先嚟咗個餃子望落去非常之扁踢踢仲瘦過非洲啲小朋友咁我老公話咁大個仔都未食過一啲咁小餡嘅餃子仲話好後悔嗌咗 自己整都好過佢 之後我個牛肉丼牛肉幾好香牛肉味而且有洋蔥調味飯粒分明，用上珍珠米唐揚炸雞亦都非常之脆口肉質亦都非常之嫩滑 老公嚟咗個燒牛肉定食因為佢個沙津都係冇汁嘅原來枱面上係有沙律汁但係落枱嘅時候店員並沒有同我哋講解原來枱面是有沙律汁可以加上同埋每一樽醬汁上面沒有寫明係乜嘢醬 搞到我同老公好似做實驗咁每罌醬汁都是少少試下味先 同埋定食嘅菜太多肉反而少因為其實出日本的食店係上面嘅肉嘅份量係多個下面 同埋只有椰菜無紅蘿蔔其他嘅蔬菜另外畀我感覺就係店員工作態度比較清閒 因為其實未必個個客人都係成日嚟食咁變咗枱面上嘅嘢其實真係唔知邊啲打邊啲加上嚟到得隔離枱有水我哋係冇變相我同我老公係冇水飲其實招牌係用日文字咁其實你係日本嘅過江龍無論係食物出品同埋員工嘅工作態度方面我覺得呢度都可能要有待改善

見到好多人排隊，師奶心態上線！立即黎試試😇主要食牛肉，但都有豬，雞同少量小食選擇！手機下單，牛丼好吸引，價錢合理！仲可以選擇份量！加了小食兩款，餃子+雞塊。雞塊好味，新鮮炸起，熱辣辣，炸皮一d都五厚，雞肉嫩滑有汁。最後我放棄牛丼，選了鐵板炒牛，不用自行加醬汁，味道已非常足夠，有少量椰菜芽菜，感覺健康d! 沙律自行加醬，有d柚子味，好清新！以呢合價錢，有沙律湯飯 ！友人要了豬肉片，辣味的。豬肉片有少量軟骨。

醒起要去旺角果間韓式超市個頭，當然要順手試下e間日本開過嚟嘅牛肉飯啦因為喺日本都冇食過依間去到要排隊就預咗，不過人數冇都係來自日本果間牛肉飯咁多等咗大概五至10分鐘就入得，店舖坐嘅位置都舒服嘅唔會太過迫迫夾夾個個店員都好有禮貌，入去時候用安心出行。佢會check吓你個安心出行嘅不過Scan QR code落單，你方便㗎 ！不過如果你諗住同朋友一人scan一次各自落單就唔知得唔得。。。因為我同我女朋友試咗，我落咗單等佢將食嘅嘢擺喺購物車我係見唔到嘅所以最後都係我一個人攞晒但安全啲我叫咗個燒牛肉飯跟三隻餃子，好快上枱。。不過佢嗌個鐵板椰菜牛肉就等咗好耐。。最後要追問過點樣先上台，因為我個飯都就嚟食完飲品方面剩係得可樂汽水冇乜特別嘢飲，味道方面真係好一般，啲飯唔夠熱又太濕。。牛肉一般。。我女朋友食嗰個鐵板都唔熱。。。我手指可以停咗上面大概2秒先收手囉絕對冇下次，好少係主打日本過嚟開嘅餐廳竟然係咁嘅質素

今日行完山🥾，本身諗住去又一城食飯，但係睇來睇去都諗唔到有咩好食，決定轉場去旺角。以前返學，每次經過The FOREST🌳，都會喺呢間東京チカラめし🗼聞到好香嘅燒肉味🍖，對佢都有一定嘅幻想同埋期望。我哋嗌左鹽燒肉飯定食同埋燒豚肉飯定食🍱，跟餐會有炸雞🍗、溫泉蛋🥚或者餃子🥟選擇。先講一講餃子，我覺得佢非常之難食，皆因佢嘅餃子皮非常之硬😅，完全唔似即刻炸嘅感覺，佢個內涵都非常之普通，唔值得加$5換呢份餃子🥟至於佢嘅鹽燒牛肉飯🥩，我覺得尚可接受，但真心認為同我老媽子煮嘅冇分別😂，燒肉係要熱辣辣嘅相先會夠香夠好食，我覺得佢今次燒肉燒得唔夠耐，塊肉冇焦糖化嘅效果，令到牛肉唔夠香，好彩佢有啲蔥🧅同埋燒肉汁🧂調劑下，如果唔係真係麻麻哋🙃果然期望越大，失望越大。🤨——————為食分界線——————東京チカラめし (旺角)旺角奶路臣街17號The Forest 地下G8號舖推介指數 🤰🤰🤰(3/5)好味指數 🤰🤰(2/5)抵食指數 🤰🤰🤰🤰(4/5)環境推介 🤰🤰🤰(3/5)人均消費： $60

成日經過旺角The Forest都俾呢間日本丼飯吸引到，因為成日都好長龍。今次可能算早，經過發現竟然只係有兩三個人排隊，所以就決定排埋一份，試下好唔好食。坐低其實有少少似快餐嘅感覺，餐牌主要有牛丼，豚丼同定食。點餐方面幾方便客人，scan QR code就可以落單，食物整好後會有人送黎。叫左一份野菜燒牛肉定食$65，上菜後覺得好有驚喜，無諗過咁嘅價錢會有咁多野食，唔怪得大排長龍啦首先有味噌湯，熱辣辣，仲有我鍾意食嘅油揚又有一份大嘅椰菜沙律主角當然係燒牛肉啦，好好食呀。成份燒牛肉係用鐵板上架，令到牛肉可以保持溫度，牛肉又幾juicy，唔會太肥。燒汁甜甜地好配胃。仲有好多拌菜添。份量黎講絕對係超值。食完我明點解咁多人排隊，而家價錢抵又大份又好食嘅餐廳真係好少有，下次再黎先

行過旺角見到呢一間日本過江龍牛肉飯店，門口好多人排隊，見佢咁出名都好想即刻試吓人流動得好快，等咗唔使好耐就有得入去坐，叫咗個鹽燒牛肉飯配牛肉餃子，味道咸咸地好開胃，牛肉都好多肉汁，同埋肉嘅肥瘦好均勻，切成薄片亦都感覺到佢豐富嘅口感，果然係日本過江龍！飯上面都有蔥花同埋洋蔥吊味，咸咸地嘅牛肉加上每張台面都有嘅秘製醬汁，就係一份好好食嘅牛肉飯！牛肉餃子係煎嘅，皮煎得好香口，牛肉係入面亦都好足料，仲有三隻，怕餓嘅都可以加，幾抵食又夠飽！朋友都叫左個牛肉飯，仲配左唐揚炸雞，要讚一讚口感唔錯，炸粉一d都唔厚，有埋d 七味粉係度就完美！