東京チカラめし (已結業)

之前食過唔錯，今天決定再戰這餐廳。黎到已經有條長長既人龍。這間人氣次次都要排隊先可以進入。外面亦好多人叫外賣。這間餐廳用QR code 落單的。手機掃描了二維碼之後就會進入menu. 可以點心儀的晚餐。我們點了鹽燒牛肉井和燒豚肉井加唐揚雞一黎第一時間整舊雞先雞肉好脆好鬆軟。配韓式辣醬非常正我非常喜歡。鹽燒牛肉井上面有鹽燒牛肉，生洋蔥，熟洋蔥，大蔥同埋飯。牛肉大約有十塊，比同類餐廳既牛厚身同滑。配辣醬更野味。食完幾有滿足感。

平時去瑜珈經過都見到好多人排隊 上次730左右排咗大概30分鐘 食得有啲急同埋bar櫈冇位放袋就冇影到相🥲 今次係上Pilates前早少少去 5點左右唔會太多人唔洗排隊就去試上次試唔到既～ 可樂 $10飲品都係以汽水為主 健康啲就可以揀綠茶 但個日想飲有汽既就揀咗可樂🥤 最重要都係雪得夠凍同有汽😚評分: 10/10🌟味噌湯 $10味噌湯黎既時候都夠熱 啱哂冬天食飯前暖下肚先🤣 味道就係平時湯包開出黎個種 唔算太鹹 不過不失喇😌評分: 8/10🌟鹽燒牛肉丼(配溫泉蛋) $55 加大 +$10鹽燒牛肉丼既做法相對冇咁濃味 不過鹽會令牛肉味提升咗 丼飯加入溫泉蛋同熟洋蔥撈勻令每粒飯都有醬汁 整體層次感有所提升 亦係店家推介既食法✨ 不過個人認為燒汁好食啲😎評分: 8/10🌟————————————————————————東京チカラめし (旺角)旺角奶路臣街17號The Forest 地下G8號舖

之前趕時間經過依間日本牛肉飯餐廳買左2個牛肉飯好好食。我同老公講外賣好食，咁堂食一定更好食😁今日我趁老公唔同我食飯，決定一個人黎獨食😊依度係用QR code 落單，我點左：野菜燒牛肉定食包括：和風沙律 - 用左紫椰菜和綠椰菜，好爽口，仲有粟米粒，加上佢既和風沙律汁帶點微酸好開胃。燒牛肉係牛肉片，油份充足，牛肉在燒後將本質充份帶出來，肉質嫩又軟，加上甜甜、辣辣既醬汁，好惹味，好想食多啲飯呀～加上旁邊配既椰菜、芽菜、洋蔥，令口感、味道既層次再進一步😋麵豉湯- 都幾足料，有好多腐皮條和大大條既海草～我另外點左餃子皮薄唔太厚，肉餡料好入味唔使點醬油已經好好味，而且帶微微韮菜味，唔會太搶但又食到佢既香😊唐揚炸雞炸雞又大大件，外面超脆、裡而肉滑，媲美韓國炸雞👍🏻今既一人獨食很滿足🥰

好有家鄉感覺嘅門面之前經過開都要排隊老實講 依間鋪未嚟香港前完全唔識依間嘢 但係一嚟到就排晒隊見今日唔洗排直入 就試下反正好耐無食過依啲日式牛丼飯店內環境 有卡位有搭台同吧台位餐具收埋係好似某啲茶記咁枱底櫃桶其實覺得依個設計啲櫃桶入面好污糟用qr code落單 依個幾好 好似幾先進雖然寫製作需時請耐心等候但過咗廿幾分鐘都唔見有嘢嚟以為自己無落單 追一追單後兩分鐘嚟咗原來係漏單叫咗個最基本嘅燒牛肉丼燒汁係惹味嘅 可以餸好多飯牛肉就普普通通 依類快餐都唔係有乜期望 結論係叫做多個選擇囉…

Lunch time跟同事去了食燒牛肉丼🐮🍚用手機QR Code落單，點了一份加大鹽燒牛肉丼配沙律，牛肉份量都算多，用鹽燒保持牛肉的原汁原味，額外淋上了牛肉汁味道更好。另一份野菜燒豚肉定食配溫泉蛋，還有沙律、麵豉湯，用了燒汁去炒的豚肉特別惹味，椰菜爽口，加入了溫泉蛋拌勻，蛋香濃郁，有大量的蔬菜，能吸收更多纖維和維生素。另外追加了炸雞和煎餃子🥟，炸雞金黃色的外皮，內裡肉汁Juicy，口感好嫩滑啊。

近年多咗幾間日本過江龍代替以前食開既牛肉飯，今次食呢間開淨喺旺角中心地帶，一到步已經好長人龍😂😂😂比起普通牛肉飯呢間主打燒牛肉/豚肉，燒肉飯係有濃濃嘅燒汁味，就咁食有少少鹹，配埋飯食就啱啱好👍🏻 除咗食飯，都有啲選擇係配小食，今次叫咗炸雞，有三大件，入口好Juicy，完全搶咗燒肉飯嘅風頭😆 燒豚肉飯份量都唔細，豚肉好入味，配咗隻溫泉蛋，加埋落碗飯一齊食，好香好滑口👍🏻 另外朋友叫嘅牛肉飯好大碗 呢個價錢真係好抵食

因為喺附近返工，經常行過都聞到好香嘅牛肉飯味，個陣味真係離到好遠都聞到不過成日都長長人龍，想食不過就唔想排隊，於是就試下外賣自取攞返公司食。滿心期待提早落去舖頭落單，大約等左半個鐘左右返去攞，佢d飯係珍珠米，同平時日式牛肉飯差唔多，都係燒汁味，同埋醬汁甜甜地，加左隻溫泉蛋，撈飯食一流，不過我就唔覺得有乜特別，講得衰d 同XX家無太大分別，可能對佢太有期望，雖然唔難食，不過就一定稱唔上係好好食&值得排隊，只係佢嘅人龍同氣味令人幻想太多

人生未試過咁鹹嘅牛肉飯！叫了燒汁牛肉丼和燒汁牛肉野菜定食。牛肉份量少，只得五丶六片，加上八成都係肥肉，同埋超級無敵鹹嘅汁，食了一啖已經吃不下去⋯🤮🤮🤮🤮🤮🤮真係好怕鈉質超標！野菜其實係椰菜絲，全部都係生的，無煮過，不過因為啲牛肉實在太鹹，完全無味的椰菜絲反而變得好重要❗️至少可以一啖牛肉一啖菜，才能勉強吞進肚子裏。總結：同食鹹蛋無分別！真係超級鹹！永不再去！完全唔惦！🤮🤮🤮🤮🤮🤮🤮🤮

行街行到攰攰哋！同老公經過元祖牛肉飯冇人排隊（因為我哋入去嘅時候係下晝5:00左右，又未到晚飯時間，但正常人亦食咗下午茶）所以就入去試吓啦⋯⋯我其實滿有期望㗎！畢竟佢都算係日本過江龍吖！之前去日本都食過，味道正常亦抵食。今次我哋叫咗一個燒牛肉丼配餃子同埋一個鹽燒豚肉丼！幾分鐘之後，牛肉丼就到啦！我肯定唔係即叫即做！因為飯同餃子都凍嘅！非。常。差。另外我叫嘅鹽燒豚肉丼等咗足足半個鐘先到，好明顯係漏咗單！但好好彩嚟到嘅時候係熱辣辣，仲有煙㗎！豚肉飯我食到仲有少少山椒味！不過汁就冇乜，不過都唔差！可以一試

雖然因為疫情，未能親身到日本享用美食，但不少日本當地餐廳已進駐香港，這是其中一間。星期六下午去吃飯，門外有一條頗長的人龍，幸好井然有序，而且大家用餐速度也高，不需等很久，已能順利入座。點餐時掃二維碼，在手提電話上自行選取喜歡的食物，送出訂單，便可以了。除了最著名的丼飯，還有定食等等選擇。雖然當日全場滿座，然而不需等候很久，便可享用熱騰騰的芝士燒豚肉丼。芝士份量十足，滿滿的平鋪在豚肉之上，而且微微火炙過，讓其香味更加吸引。豚肉片較薄，容易咬開，味道甚佳。白飯滿滿的一碗，若仍覺不夠可轉加大，只需加$10。額外加配了溫泉蛋，把蛋窩在飯中，拌勻，別有一番滋味。飲品都是罐裝或樽裝飲品，我選擇了無糖的大紅袍烏龍茶，比較清淡。

為了回味日本旅行的味道特意上網找找日式牛肉飯，從網上資料可見有好幾個品牌到了旺角開業。東京チカラめし是最新近開業，一於去試試味道與日本食的相近與否吧。到了店面只見一條廿多人的隊列，然而都算快的行進，不到15分鐘便可入座。很驚喜，感覺很像置身日本餐店，只是多了一點廣東話吧……東京チカラめし的餐牌選擇清晰 牛肉丼類、豚肉丼類、定食或咖喱餐可供選擇。它採用了手機網上點餐，非常方便，只須讀取二維碼網頁即時顯示選單，一目了然。牛肉飯是我的當然選擇，而選了配餃子的組合，再加配了溫泉蛋及炸雞，飲品相對普通，選了本地的忌廉汽水。不到一會，牛肉丼飯配餃子已經送到，真的真的很有日本的風味，陣陣牛肉香使人回想旅行時的心情。牛肉份量一般不算太多，剛好覆蓋碗面，或許選大碗可再多一點吧。但我留了空間給炸雞和溫泉蛋。炸雞是高質素的，炸漿薄身夠脆口，肉質有雞肉香。溫泉蛋時間剛好半熟狀態。與飯一起混和進食，口感極佳。而主菜牛肉肥瘦適中，味道濃郁，與白飯一起進食便剛剛好。餃子味道剛好，只是較為細小，給女士一口大小就很合適。整體是高質且與於日本食過的經驗是差不多，希望能儘快可再到日本旅行吧。

旺角The Forest 出面有一間夜晚排晒長龍嘅丼飯店，咁受歡迎，今晚就決定去試吓佢啦。入邊嘅裝修非常簡潔，係行快餐店模式，食物亦係好抵食嘅價錢，唔怪得知咁多人嚟啦。呢度用QR code點餐，好容易就揀到你想食嘅嘢。我今日就揀咗個豚肉丼飯再加沙律仲有泡菜，再加多個烏龍茶。食物好快就嚟到，份量都幾大，味道有啲似吉野家，豚肉薄切，再加啲呢度嘅醬油，撈埋一齊食，係幾滋味。呢度人咁多，所以都有奉行搭枱嘅制度，令整體排隊速度更加快，我又唔係好抗拒啊。呢度嘅餐具係好似茶餐廳咁喺個枱底拉出嚟，方便又快捷。食咁多嘢埋單先至$100唔使，超抵下。

燒牛丼可以話係日本嘅名作，今年六月，日本燒牛丼元祖登陸旺角，香港又多一間過江龍😍餐廳價錢親民，所以開業至今，仍然大排長龍，人氣爆登👏🏻野菜燒牛肉定食以鐵板燒上枱，夠晒熱，份量十足，尤其係蔬菜，有椰菜、洋蔥、芽菜，上面鋪上薄切牛肉，蔬菜、牛肉都沾滿燒汁，濃得嚟但唔會過鹹，送飯一流，一口爽口蔬菜，一口肥美牛肉，層次豐富以鹽燒嘅烹調手法製作而成嘅牛肉丼顏色相對地淡，味道都一樣較淡，反而更突出到牛肉本身嘅肉味，係另一種風味我哋亦點咗其他菜式:泡菜味噌湯溫泉玉子唐揚炸雞3件罐裝汽水整體嚟講，2種丼飯嘅風味截然不同，各有特色，想懷緬一下去日本嘅感覺，咁呢間餐廳會係一個唔錯嘅選擇～

食過好多日本黎嘅牛肉飯，覺得呢一間比較優勝。原因係，呢到出餐時間比較快同埋食物質素都好高~本身會覺得間間牛肉飯都差唔多，抱住好奇心都係想試下呢間，因為呢到價錢都幾平同埋睇到份量都算幾多!我叫左呢個牛肉定食個沙律冇沙律醬係唯一嘅敗筆位! 而個飯嘅牛味好出😋啲汁拎黎送飯一流! 可以食哂成碗飯🤣另外嗌左個餃子同唐揚炸雞😋 餃子偏細同埋表皮較油，而炸雞外面炸得好脆! 平時自己唔食炸物出面既皮，今次都食哂😝加左12蚊飲可樂...搞到我食唔哂個飯😂😂😂

實在太掛念日本旅遊，隨意走進一間食店都好吃那種感覺。有去日本都可能知道雖然「東京チカラめし」 是一間牛肉丼飯的連鎖快餐店，但性價比真的很高。例如 L 選這個「鐵板燒豚肉定食」烤肉片香口惹味，更比普通肉片厚，份量亦很多，配上燒汁醬料十分香口，回味！肉無不歡者不妨多些錢加大烤肉片的份量。看到桌上擺放一壺冷水，還有七味粉、辣椒醬、和風醬等，那種旅遊日本邊走邊吃的感覺即刻湧出來。L 則自行將蛋放到白飯撈勻吃，正！味增湯內裡的豆皮是用來沖淡燒肉的油膩味道，部份套餐更配送日式沙律。朋友選的是鹽燒牛肉丼配沙律，醬汁更可向店員要求添加。小食亦選了外脆內裡充滿的肉汁唐揚炸雞及皮脆煎餃子。下次再來想吃重量燒牛肉飯，份量增加之餘更於牛肉上灑上特別調味，期待。