東京チカラめし (已結業)

每次經過都覺得好香，諗住入去試吓，嘟左安心出行，又掃左針卡，顯示左我符合疫苗通行證嘅要求，唔係揸住紅黃碼餐廳職員指，我電話嘅安心出行並非更新版本，需要update返最新版本，要俾佢望到個藍色先入得我指出，法律上冇規定食客一定要更新安心出行個app，反而係餐廳一定要更新去檢查食客嗰個QR code，而職員一直堅持要我更新應用程式先可以入去食飯感覺好無奈，明明法例都冇規定我一定要update，我攞住一個未update嘅安心出行去食飯根本就冇錯

今日中午前去到旺角唔知食咩好，之後去到前中旅社附近見到佢依間牛肉飯，今早冇乜人就試吓，見佢舖頭有兩個門口正門係一級樓梯，後門係有車枱，輪椅係方便後門入去嘅，所以就決定食呢一間牛肉飯試吓😍入到去今次真係有驚喜，今次一同三人叫咗三個飯1.鹽燒牛肉丼配溫泉蛋佢嘅鹽燒牛肉味道好好 加上溫泉蛋火腿麵簡直係好似去返日本食嘢咁樣😆2.鹽燒牛肉丼配炸雞兩件飯同第一嗰個都係一樣，但係佢嘅炸雞都炸得好好食唔會揸到硬晒肉質好好3.芝士燒牛肉丼佢嘅芝士超級多仲有拉絲既效果可見得佢嘅計時係有幾多！！！三個丼都係正常Size都已經好夠飽！可以Encore🤣味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 附近幾條街都有少量嘅錶位

今晚OT到7點幾，仲有大把野做😭拿拿臨想食啲好食又抵食嘅快餐。行過見到呢間東京チカラめし 快餐，感覺唔錯就入咗去試下😋入到去，餐廳周圍嘅突然間比我一種置身在日本新宿嘅感覺，想當年疫情前成日飛去日本自由行😭😭，行街行到夜麻麻就係去食呢啲日本快餐。坐低左之後，叫咗個重量級燒牛肉飯，同埋一啲小食。個牛肉飯真係好重量級！好多牛肉又多汁，就嚟滿寫啦😍！撈飯超好味😋而日式餃子🥟多汁好食，炸雞嘅肉嫩滑，外面脆朴朴添，oishii 呢！❤️❤️呢個牛肉飯唔貴又足料，真係性價比高👍🏻

放工又去咗旺角 The Forest 地下 睇波鞋，順便排下隊嘆返個牛肉飯，東京チカラめし*座位濶落舒適，店員送上 qr code，可自行點單，即叫即製，大概十分鐘有得食，賣相唔錯。鹽燒牛肉丼(配餃子3件）$58還可以加埋小食，主食丼飯以外，還點了小食，每款價錢都經濟實惠，性價比高，多點幾款，就係咁鹽燒牛肉丼配餃子，鹽燒牛肉軟滑肥美，裡面仍封存著肉汁，蘸點燒汁，味道口感都挺不錯。加上份量十分鋪滿了碗日本米飯，朋友食得十分滿足！而餃子都係煎得皮脆，咬開餃子內都充滿肉汁！餃子一口size 方便食，點埋特製醬汁更能帶出餃子🥟的鮮味。鹽燒豚肉丼（配唐揚炸雞2件）$58除了牛還有鹽燒豚肉丼，鹽燒豚肉也不錯，相比超燒牛個肉質較彈牙，我給它很高分數。哩個就配了唐揚炸雞，件炸雞外面炸得十分香脆，入口雞肉嫩滑軟熟！總括而言，好有日式風味🇯🇵 邪惡又美味日式牛肉丼飯，丼的新選擇，性價比很高！東京チカラめし (旺角)旺角奶路臣街17號The Forest 地下G8號舖

日本口味嘅肥牛飯選擇真係多了好多。就好似係旺角The Forest 嘅地鋪東京チカラめし，長期都要排隊，價錢質素分量全部都係堅持到大眾化之選，落單自己掃二維碼，分類清晰，我就點了推介嘅旨辛燒牛肉定食，這個定食有個味噌湯、沙律跟上，而旨辛燒牛肉就用鐵板上，全部熱燙燙加埋一碗裝得滿滿嘅日本米飯，牛肉一樣肥美嫩滑，入口帶點辛辣，但個人覺得真係小小辣度，如果唔夠可以自己加辣😜，中間溫有一隻溫泉蛋，撈埋一齊食牛肉口感更嫩滑，我就放到飯上變成蛋撈飯😁，份量十足，口味同在日本口味相似！未有得去日本，唯有多來這裡尋味！

以前去日本旅行 路過牛丼店就一定會食 方便又好食🍱今次就介紹喺旺角forest商場地舖嘅 東京チカラめし呢間日本過江龍 以親民價錢牛肉丼為主打 💰最鍾意平靚正嘅香港人一定唔可以錯過 🤩平日晏晝入到去 大致上都坐滿曬 不過佢哋上菜速度都好快嘅👍🏻室內環境真係同日本嘅牛丼店一樣樣 好有氣氛🥰除咗牛丼 佢哋仲有鐵板、定食、咖喱飯等選擇味道正宗 份量又多 仲要價錢親民 真係冇得輸👍🏻👍🏻🐄皆辛牛燒肉定食 ($78)定食有包括椰菜沙律同味噌湯 真係好抵食呀😍用泡菜同椰菜牛肉一齊炒 惹味得來又唔會辣牛肉份量都好多 肥瘦適中又唔會韌 太滿足了🥹配上吸晒燒肉汁嘅椰菜同洋蔥 送飯簡直一流👍🏻呢個定食份量都幾多 男仔食都一定夠飽👦🏻🐷皆辛豚燒肉定食 ($78)朋友就叫咗個同樣系列嘅豚肉定食豚肉味都幾重 但唔會韌 份量同樣都係咁多調味方面就同牛肉定食一樣 風味十足🥰呢兩個定食都係用鐵板上枱 食到最後都唔會凍咗🔥加埋用日本米煮嘅白飯 呢餐真係好滿足🥹🍗唐揚炸雞 ($18)除咗主食我哋仲叫咗啲小食試吓炸雞肉質結實 非常脆身 呢個價錢就可以食到三件炸雞 過下口癮都唔錯🥰🥟餃子 ($18)日式豬肉餃子就正常發揮啦🤣

呢間日本過嚟嘅過江龍，以親民價錢吸引到一眾粉絲。今日去波鞋街逛街購物之前，專程過嚟食番一碗丼飯，感受一下魅力所在。內裡環境相當不錯，寬躺， 有卡座，非常舒服。全用 QR code 落單，方便。鹽燒牛肉丼大大碗，碗面鋪滿了牛肉和洋蔥，只數十元，真係好抵食。牛肉軟腍，鹹鹹哋提升了肉香。有好多洋蔥伴菜，減輕肉的飽滯感。飯粒分明，香甜。餃子皮薄餡多，最重要係不油膩。追加了泡菜和沙律，有肉當然要有蔬菜平衡一下，才是均衡飲食。

我係8月31號晚去食作為一間算是日式快餐用餐時間一般唔會好長係咁短嘅用餐時間入面已經有2隻蚊螆前後衝咗落我個餐度第一隻衝咗落我個餐盤度（圖片左下湯同沙律之間）趕都趕唔走，結果要用紙巾拍死隔咗幾分鐘又嚟一隻衝咗落我圖片右上隻匙羹度又係揚唔走，又要用紙巾壓死佢我睇返安心，我前後逗留係餐廳總共37分鐘咋！！！食物係好食嘅，鐵板野菜豚肉係好開胃，好送飯，但佢嘅衛生情況真係好令我擔憂咁短用餐時間飛咁多蚊螆嚟真係好影響食慾！一路食一路驚仲有蚊螆飛落食物入面，進食體驗極差，雖然食物好食，價錢唔貴但無下次，太陰影了

收工夜左 ，唔知道有咩好食就試下依間丼飯，嚟到門口已經有好幾個人係門口排隊。嚟到之後都係QCord落單，可以透過Qcode 菜單自由配搭直接上菜速度就好似快點店咁鹽燒豚肉丼(配沙律)💰53鹽燒豚肉丼配溫泉蛋)💰58豚肉份量真係好多慢慢覆住隻碗 ，起碼有兩層，豚肉味道本身比較淡，用店內秘製醬汁配搭食，完全帶出另一個味道。餃子定食💰45一共有八隻左右，唔會煎得好濃，小朋友都啱食唐揚炸雞3件💰18炸粉薄，肉質唔會好硬可樂💰12大紅袍烏龍茶💰16

旺角店N字頭經理 服務態度差到乜咁問佢可唔可以轉枱 見係後生仔就好似訓斥自己啲員工咁講：等等先啦得唔得啊 （帶極抱怨既語氣）對住啲客手指指 長期插袋又橋手擺哂款咁仲衰過去大排檔食野唔想做不如唔好做啦 請啲咁既人 啲普通員工服務態度仲好過個經理直接同佢反映同佢講態度好差 啲員工都好聲氣過佢佢串到眼超超咁話好啊好啊 一路同佢講就淨係dup低個頭 好啊 好啊 眼尾都唔望我不可一世既態度 到底間公司點揀員工 請個管理層咁既樣 仲標榜自己日本餐廳 不知所謂！真係唔怪得日本執淨兩間

不知多久沒吃過丼飯，趁著上課前就決定去一間上年來港開業的日本丼飯店，之前吃過一次外賣以後竟然一直未有試過堂食！不要緊，這次來就好啦芝士燒牛肉丼 $58（並）$68（大）網路上翻查一下才知道這個是香港限定的菜單啊！怎麼能不試一下？店員端上這碗丼飯時已經要流口水了！如一座小山丘的燒牛肉丼，表面鋪上以火槍燒至半溶狀態的巴馬臣芝士粉跟水牛芝士碎，芝士香味、火燒過的氣味跟賣相已經令人食指大動！燒牛肉丼一向是店家的其中一個signature food，牛肉薄片配上經典秘製醬汁，味道濃郁但不會死鹹，超下飯的一款；再加上大量的半溶芝士，輕易就做到拉絲效果！這個真的邪惡又美味啊～ 鹽燒豚肉丼（配溫泉蛋） $58（並）$68（大）之前那個也許是有點重口味之選，所以我們就點了一款清淡點的款式來取個平衡賣相同樣精緻吸引，份量也是同樣多還有一個山丘狀的豚肉片，散發出另一種令人垂涎欲滴的香氣！這個鹽燒豚肉雖然是淡口一點，不過鹽燒所帶出的味道又會與別不同，調味剛好有肉汁又沒有豬羶味！配帶甜味的洋蔥絲，份量剛好的黑椒粉，再把溫泉蛋刺穿讓蛋液滲到飯裡，味道又會變得豐富，而且是另一個層次！這丼飯也是同樣出色啊～味噌湯 $

做完野到左附近搵食，是日試下呢間東京Chikara Meshi先，一直見佢只有日文名唔識讀，哈哈。差唔多三點黎到都仲好多人食，全場約八成滿坐真犀利，平日三點幾喎。啱啱有人走就霸左張卡位坐，濶落舒適，隨後店員便送上qr code，可自行點單。🥢咖喱飯+餃子+無糖茶即叫即製大概等左十分鐘左右已經有得食，賣相唔錯噃。🍛咖喱飯配燒牛肉燒牛肉好多喎，正正正，洋蔥煮過又鮮又甜，半肥瘦有肉味又有咬口，啲牛肉好好食！咖喱係日式嘅黑咖喱，唔辣但幾香口㗎，超多汁又係正。最好食係啲日本米，軟綿綿又煙韌，粒粒飽滿好有飯香，太好味食到汁都無淨。🥟煎日式餃子仲加左份煎餃子，一般日式餃子嘅味道啦，煎得香口唔油膩，好食。🫖大紅袍烏龍茶仲叫左支無糖茶飲下，出面太熱啦，嘆返支凍茶先。想食餃子又想食咖喱，諗緊叫餃子定食好，定係叫咖喱飯好，最後決定要飯然後餃子做小食，哈哈，咁咪可以食晒兩樣囉。個餐牌仲有好多野想試，豚肉飯都好似好好味，留返下次試啦。

自從一九年以來，都冇食過牛肉飯，直至呢一間開咗，但係永遠都係勁多人。。。。。。終於琴日放工同同事做到旺角，唔使點排，只係排咗10分鐘到就入到去🌝🌝勁好彩有舒服卡位坐，原來呢度仲有唔同嘅醬汁，幾方便難得唔使等位又有舒服嘅位坐，梗係食重量燒牛肉飯😂真係好多牛肉！牛肉煮得好入味，不過可能真係太入味，真係有少少鹹，可接受的唔係好食牛肉嘅朋友就叫咗鐵板豚肉定食，又OK喎！小食叫咗炸雞同埋餃子，正常發揮，對得住價錢

呢間日本人氣過江龍嘅《燒肉丼元祖》，旺角都有分店勒！當然要試試，呢度有成三十幾款日式丼飯提供，價錢仲要相當抵食咖喱飯配唐揚炸雞 $60無論飯定炸雞都份量十足，咖喱汁微辣，唐揚炸雞大大件，炸皮夠薄，雞肉嫩滑多汁，好juicy野菜燒豚肉定食 $70鐵板上，熱辣辣出晒煙，炒野菜同豚肉都好入味，豚肉肥瘦適中，野菜索晒汁好惹味，而飯係用日本米，入口好軟腍餃子3件 $18外皮煎到金黃色好香脆，餡料係帶有肉汁嘅豬肉雲抹日式綠茶(無糖) $16雪碧 $12

平時經過餐廳總見到排隊的人群‼️當天6:30來到竟然不用排隊，很幸運‼️🫰🏻🫰🏻▫️❥$𝟲𝟴 燒牛肉丼配溫泉蛋(加大)🍚燒牛肉的份量很多、很足‼️加了洋蔥一齊炒得香噴噴‼️😋 濃郁的醬汁滲入米飯中，重口味的朋友一定會喜歡‼️💕 ▫️❥$𝟱𝟴 鹽燒豚肉丼配溫泉蛋🍚相對燒牛肉丼明顯較為清淡‼️😉 豚肉配搭大蔥，再拌著溫泉蛋，很滋味呀‼️👏🏻▫️❥$𝟭𝟴 餃子(3隻)🥟豬肉為主的餡料，不錯喔‼️👅▫️❥$𝟭𝟴 唐揚炸雞 (3件)🔥炸成金黃色的炸雞份量大，肉質又嫩，建議大家要加購‼️😚