東京チカラめし (已結業)

呢間日本過嚟嘅過江龍，以親民價錢吸引到一眾粉絲。今日去波鞋街逛街購物之前，專程過嚟食番一碗丼飯，感受一下魅力所在。內裡環境相當不錯，寬躺， 有卡座，非常舒服。全用 QR code 落單，方便。鹽燒牛肉丼大大碗，碗面鋪滿了牛肉和洋蔥，只數十元，真係好抵食。牛肉軟腍，鹹鹹哋提升了肉香。有好多洋蔥伴菜，減輕肉的飽滯感。飯粒分明，香甜。餃子皮薄餡多，最重要係不油膩。追加了泡菜和沙律，有肉當然要有蔬菜平衡一下，才是均衡飲食。