來多碗車仔麵 (民裕街)

营业中

休息中

喺紅磡做完嘢經過見到呢間來多碗車仔麵🥢有啲印象喺油麻地食過一次但忘記了好唔好食🤷‍♀️原來紅磡呢邊都有朋友話想食車仔麵所以就入去試多次啦～呢度係先出去揀餸和麵底俾咗錢然之後再坐低食有卡位，有幅特色牆，有隻大熊貓🐼整體環境望落都幾企理我揀左 白蘿蔔 和 冬菇 配油麵 加 腩汁我覺得車仔麵 味道普普通通，冇咩特別湯底冇其他人講到咁咸，反而我覺得有啲淡😂😂價錢一麵兩餸 $37 ，一麵三餸 $44 都算經濟嘅下次再嚟紅磡做嘢，未必會再試😅

好耐冇嚟食車仔麵了！今日打算好好搞一頓，揀咗一間真係平民又過癮嘅地方。我狂掃秘製辣醬豬紅、魷魚同菜心油麵，每樣嘢食新鮮又惹味，真係一絕👌。嗰啲鹵水蛋正宗喎～夠味而且唔會太鹹，食落香濃之極！豬紅滑溜溜咁滿足咗我對口感嘅要求，而豬皮嗲嗲牙真係令人一啖又一啖。講到魷魚啊，真係夠哂彈性，加上秘製辣醬，哇，咁嘅味道簡直係攞命嚟嘅！至於菜心，脆口脆口嘅，同油麵一齊嚟就攞晒鏡。梗係少不了試吓男朋友個碟，嘿，嗰啲蘿蔔同埋墨魚丸啊，完美！蘿蔔甜到出汁，而墨魚丸跳舞咁彈牙，完全嗌到我停唔到口。😋喺呢度，每一啖都叫人滿足到不得了，質素完全符合大家對車仔麵嘅期望。邊食邊喊出，「真係正！」👍底線係，呢碗麵簡直係食得出手工同心機，我下次一定會返嚟，再攞多碗！🍜😄🎉

之前印象中去新蒲崗果間唔差，所以呢次都想再試下佢，但好失望，湯死咸無牛腩湯味，辣醬唔好味，豬紅唔知係咪因為湯底所以食唔出，剩係咸，所以麵都食剩哂。唯一好食係糖心蛋👍 但湯底真心唔得🙏🏻

紅磡都有好多餐廳選擇今日黎到午餐，想食簡單啲經過見到哩間車仔麵，環境都幾企理，就入來入到黎，先點菜、付款，再搵位叫左一碗4餸麵 + 凍檸茶 $58🔸馳名辣魷魚🔸秘製雞翼（2隻）🔸菜肉雲吞（2粒）🔸通菜🔸油麵麵既份量唔少，可能我唔大食，都食唔哂啲麵😛餸既味道正正常常咁，魷魚同雞翼都夠入味，雞翼夠淋但又唔會一咬就散哂連埋凍飲$58，價錢都算經濟如果經過不妨一試

我哋叫咗個10餸拼盤 超級豐富!白蘿蔔好似浸過糖水咁甜 魷魚好爽口 牛腩炆得好腍 豬紅豬腸等內臟亦都冇腥味🩷諗唔到食咩真心不錯再叫多個車仔麵配馳名辣魷魚同滷水雞翼尖 餸嘅份量都幾多!辣魷魚好好食!湯底濃郁,粗麵時間煮得啱啱好👍🏻

紅磡出名多野食應該好多人都知，估唔到今次無心插柳下咁搵到間車仔麵高手🤟🏻呢間車仔麵店係先係門口排隊，排到你時就話比姐姐知你係外賣定堂食、要咩麵底要咩餸，揀好要唔要芫茜蔥，要咩辣醬先埋位慢慢嘆😎‼️必須介紹大家一定一定要落佢嘅秘製辣醬，真係超好食‼️今次就叫左四個餸：馳名辣魷魚🦑+台灣滷肉+豬腸同蘿蔔😋😋😋我呢啲重口味，第一時間就梗係要咬啖滷肉啦！！真係好入味😍😍😍肥肉比例好啱我，唔會過瘦過肥，仲要滷得相當入味😚強烈推薦大家試！試！試！另一樣馳名嘅就係佢嘅辣魷魚🦑味道香濃而且仲好有口感，唔會太靭💛💛💛又係要比個心佢😚至於蘿蔔同大腸係我去試新車仔麵時麵必點嘅項目💛而佢個蘿蔔十分有驚喜，第一口咬落去，啲汁係吱出嚟🤣🤣🤣好白甜，多多我都可以食得晒！豬腸就不過不失😎都係高於水平之作🫶🏻🫶🏻🫶🏻其實平時真係好少嚟紅磡，好好彩咁難得嚟到搵食，都搵到間水準之作😊😊😊超級滿足💛

My company has moved to Hung Hom, this noodles bar is recommended by our neighbour company. The soup base / broth is MSG free, since I haven't got headache after having it and no sign of thirstiness. You choose  your choice of food first at the entrance, then you pay, then they would cook, then you add your seasoning, their spicy sauce is their signature, please take a look at the newspaper cut. I am on keto, so they gave me more veg to replace noodles, i have ordered radish, squid and bean curd

叫左四個餸，但次次加菜心都係得2條😓平時出去買燒味飯搭菜心都有2，3條啦😅其他餸份量都係正常，但菜呢一Part真係少，吾好意思，食左先記得走去寫食評😂😂😂😂

禮拜日呢D日子呢 附近既餐廳都收工 想食米線既選擇唔多 香港仔魚蛋粉or呢間來多碗但試過先知 一碗已經夠 唔洗黎多碗😢😢首先呢間好評咁多 我估一定🉐️啦點知試過先知返唔到轉頭想講D份量少到離譜 無論係米線or野食雖然係31蚊姐 我食完之後感覺冇食過咁 咁買黎食做咩？牛腩勁細舊味道就麻麻啦 咸到死 見到啦 半碗咋 咩料 我屋企自己煮個麵仲多啦其實🈶️🉐️揀真係唔會再黎 因為真係性價比好低 我求其係香港仔魚蛋粉食都冇嬲🤣🤣🤣

係紅磡廣場買完野 唔知食咩好 捻住車仔面一定無伏點知就瀨哂野我叫左三餸面（秘製牛腩、通菜同魚條）牛腩好鞋口 完全唔入味😓腩肉同肥係分開的魚條味道ok 但有雪櫃味紅薯粉就煮到超級淋 完全無彈性最難食係個湯底 睇相好似好深色好濃味咁但得個咸字 完全無腩汁味 男朋友都叫左三餸面（滷水豬腸、甜心蘿蔔同滷水蛋）蘿蔔係全日最正路既餸 無渣 同埋夠甜滷水蛋幾入味 不過不失但滷水豬腸好un~~完全咬唔開下次唔會再幫襯 隔離間刀削麵仲好食

再多一間車仔麵，真係咁好做？短短條路仔 3 間車仔麵，每 10 秒路程有一間。內籠行光猛乾淨企理路線，食材都比一般高質、高價、特別、創意！民康車仔麵湯底太清太淡，發記車仔麵湯底極濃豉油重味帶混濁。整碗車仔麵色香味都處理不錯，價錢比附近兩間老店貴少少，一間係側街、一間係後巷，來多碗位置對正大碼路，而且內籠環境舒服。台灣麻辣韮菜鴨紅，非常入味外脆內軟一咬爆汁，濃濃味道泛著輕麻輕辣，必食之選！如果有麻辣湯麵就真係幸福到笑喇。辣水魷滷水雞中翼幼麵，水魷入味爽脆滑嘟嘟震騰騰，雞中翼香甜醃味得宜皮彈肉滑不霉。高質幼麵一食便知，幼嫩爽彈掛湯散蛋麵粉及蛋香。豉油湯底清爽濃郁甜美可口，撈埋自家秘製辣椒醬，微辣帶甜自家秘製辣椒醬，使得我幾乎全部湯清掉，香辣醒腦停不下來！蘿蔔牛腩滷水蛋鴛鴦，隔住塊玻璃問食咩麵？您肯定聽得清楚？還是識讀脣語呀？我已講 3 次鴛鴦幼麵加河粉，唔係加底呀！我已講 3 次溏心蛋，唔係滷味蛋呀！最憎食全熟蛋，加底要格硬食晒去好飽呢！見員工們一個烚麵一個夾餸一個收銀一個傳菜，但感覺好混亂毫無默契。粒粒牛腩高檔次不是下欄頭頭尾尾邊皮腩碎，竟是爽彈無渣，牛味香甜帶肉汁非常滿意！極腍蘿蔔我的

午餐唔想食飯，醒起附近有間車仔麵店所以走去買外賣。其實呢間野食過幾次，不過不失。但今次隻豬手就令我有啲失望，滷得唔夠淋，要用力齒隻豬手😞無曬儀態不過佢地既豬大腸就好入味，好正。辣魚蛋就不過不失，係唔太辣。唔想食飯個陣都會再買既。豬手就無下次🤣

成日放lunch都唔知食乜嘢好，附近嘅餐廳都食暈晒。今日就試吓呢間車仔麵，估唔到又有啲驚喜喎。一入到去，就發現佢充滿着港式懷舊車仔麵嘅味道，可以一路落單一路睇住佢煮同埋揀餸。而我就叫咗福州魚丸，大腸，仲有滷水雞翼配埋油面。首先講吓佢嘅湯底，我就加咗少少秘製辣醬，覺得10分惹味。已配料方面，我就覺得佢哋嘅大腸幾好食，炆得夠林夠入味。如果大家lunch諗唔到食咩都可以試吓呢間！

因為見open rice好多好評所以今日決定嗌佢嘅外賣，但一食之後，我想講真心未食過咁難食嘅車仔麵....1）個湯得個鹹字，仲要係好鹹，好似佢嘅特式就係鹹咁2）蘿蔔雖然甜但係勁多渣3）炸魚皮本身腍嘅，好似擺咗喺櫃到好耐好耐咁，超市一包包個啲仲好食過佢4）個炸餃子啲皮勁硬咬唔開，食唔出入面係啲咩5）另一碗嗌咗豬紅，完全無味係得個雞翼叫做正常少少，叫做有味道唔錯；想問係咪因為外賣所以唔重視食物質素？？？？

講真，食物水準還可以，種類多，但都是車仔麵餸款，無乜特別，牛腩是一般的碎腩，豬腸有時會有 壓味，間唔時去食下是可以的。但疫情期間，有次見到其他客叫餸時，在無帶口罩情況下， 伸個頭入去啲餸上面裝有咩餸時，係餸上面點餸，在這情況下難免會有口水噴落啲餸度，有欠衛生囉...開張到而家都有keep住一星期2，3次到食，但最近多了一個中長度髮扎辮嘅大嬸，態度，語氣其差，好似之前唔知幾時 得罪過佢咁，同佢對眼時永遠係啤住你咁，就算佢見到你望到佢啤你時，佢都唔會望開，keep住啤。後期去食三次都係咁情況。所以選擇唔再去lu.因為個大嬸趕走左客了。食飯都係想搵過舒適心暢嘅心情同環境下進食。※每次去食連凍飲都用成六十蚊，都不太算是個低消費客戶※（雖然不能指望車仔檔有好服務態度，但唔係可以老馮咁對客）P.S. 其實店內有個扎馬辮染啡金頭髮個姐姐，同短髮露耳個姐姐，態度就好好多，會臉露笑容咁幫你同講嘢。