李家 (海壩街)

营业中

休息中

一直想試李家，估唔到荃灣會開，一於去朝下聖，餐廳店員都係Oppa，仲識講普通話同少少廣東話，好Cute🥰店鋪裝修好有韓國街頭Feel，菜式大部份都跟足韓式傳統製法，仲會送上開胃小食醃製過的酸蘿蔔同椰菜絲沙律各一份，食完仲可以Refill架😎🍗半半炸雞嗌左個半半無骨炸雞，原味同甜辣味各一半，唔駛拆骨啖啖肉已經夠爽，炸雞即叫即炸，上枱仲係熱辣辣，原味炸雞雞皮炸到超級香脆，外層炸粉不太厚，肉質鮮嫩又juicy，甜辣味炸雞唔算辣，甜味較多，食唔到辣ge朋友唔駛擔心，個汁好好味有水準，成炸雞份量好多，每種款口味都有8-9件😻泡菜煎餅呢個泡菜煎餅係勁好食！算係我食過最好味ge泡菜餅，首先，佢真係好足料好大個，餅皮煎得香脆，粉漿厚薄適中，泡菜香味重但又唔辣，超級推薦❤️泡菜湯🥘一定要配飯，因為湯底好濃郁，完全唔似其他餐廳稀水咁，入面好足料，好多泡菜好正，飲晒成碗咁濟，好飽份量實在太多，值得一試👍🏻

李家係我好鍾意食嘅一間韓國餐廳 佢哋韓國菜夠正宗 尤其是係炸雞 同喺韓國食嘅係一樣味㗎 疫情期間飛唔到 唯有在港懷緬荃灣呢間李家啱啱新開 所以裝修好新淨 環境企理 設有outdoor and indoor 見今日天氣涼涼地同朋友坐戶外用餐 成個感覺勁舒服芝士雞蛋捲$128 廚師話用咗十隻蛋及大量芝士製作而成 食曬成條其實真係好飽 勁有份量 雞蛋蛋香味很濃 而且保持到嫩滑度 必須趁熱食 切開之時芝士馬上流出 成件事勁邪惡蜂蜜蒜蓉炸雞青辣椒蛋黃醬炸雞洋蔥$113+$118 雙拼炸雞 兩隻味都好食 蜂蜜蒜蓉炸雞味道甜甜地 香甜得來帶點蒜的辛辣 味道並不單調 食落幾有層次青辣椒蛋黃醬食落有驚喜 青辣椒嘅味道非常突出 清新得嚟又帶點辣 辣度屬於較柔和 大眾都很容易接受 還有大量生洋蔥絲 另外一種辣味再次湧現 味道複雜 但很好吃炸雞外層香脆 脆漿不會太厚 肉質嫩滑及帶有水分 選擇無骨炸雞非常好 啖啖肉吃得很暢快樣樣都好味薰衣草$38 真係有陣薰衣草香味 淡紫色好靚藍色多瑙河$38 海藍色勁夢幻 初時勁驚係藥水味 好彩唔係啫 味道有啲似七喜 味道好顏色又靚 用嚟打卡一流

荃灣好少有正宗既韓式餐廳呢間新開既就填補返呢個空缺!選擇都唔少，價錢亦相宜半半炸雞（原味、甜辣）炸雞（原味）超有水準，炸到外層金黃香脆，而且炸層勁薄又唔會油同時入面又依然好嫩滑，仲食到Ｄ肉汁必出黎炸雞（甜辣味）外脆內嫩呢個就基本啦佢個韓式甜辣醬簡直係冇得彈辣味係好正宗既既韓式辣醬味即係辣度十足得黎好有層次，唔係得個死辣而且辣之外仲會有少少甜味令到個味道平衡返佢既惹味更加係會令你忍唔住食完一件又一件鐵板燒牛仔骨燒得好惹味既牛仔骨咬落唔會韌，而且牛味香濃啜落Ｄ牛骨到更會有香甜既骨髓汁配埋咸香既照燒醬惹味度爆錶，勁送飯

OMG！我最鍾意既炸雞店竟然係荃灣開左分店！！以後都唔洗去咁遠啦🤩🤩🤩呢間分店比起尖沙咀更光猛，坐得更舒服，而且仲有戶外座位，涼涼地既時候坐都幾正🤫我最欣賞呢度既炸雞可以自選味道一半一半，貪心既人最開心啦😎🌟青辣椒蛋黃醬$113嗆辣的青辣椒，爽脆既洋蔥絲，配上順滑的蛋黃醬，呢種反差完美融合。炸雞好juicy，就算雞胸都唔會柴，唔知點做到🤔🌟蜂蜜蒜蓉$108相信講起經典口味，蜂蜜蒜蓉一定榜上有名🤪香濃的蒜味，甜甜的蜂蜜醬汁，大口咬下真係十分滋味！呢款炸雞就算擺耐左，個皮都係好脆，抵讚👍🏻🌟韓式辣豬手$188豬手滷得非常入味，甜辣口味，重點係外皮好煙韌 ，唔係軟爛果種質感，好似咬勁筋咁，超正😍😍🌟西柚soda$38大大杯，飲落唔係藥水怪味，酸酸地好開胃！由於餐廳冇酒牌，呢度可以外帶酒精飲品入黎，真心覺得好正😂

韓國炸雞店之前係尖沙咀食過李家呢間炸雞店，幾好味，感覺好似去左韓國旅行感。見拒係荃灣又開分店，經過試吓，成間鋪d侍應好多韓國人😆！叫左個雙拼炸雞，有原味同甜辣味，無骨，兩隻味都好好食，啖啖肉，好好咬口！另外叫左個牛肉炒粉絲，好大碟，我哋兩個人都食吾曬！但味道清清地幾好，粉絲又彈牙！叫多個豬肉泡菜鍋，中辣，食落真係有d辣😂但都幾好味，料又多，泡菜都好多，但如果吾食得辣就吾建議了！下次再encore 呢間先！

嘩！好開心馳名韓式食店李家進住荃灣區。試業期間 已經急不及待去支持. 進入店舖差點以為自己身在韓國呢！店員是韓國哥哥， 操流利韓語懂一點英文, 溝通是沒有問題的. 難怪咁快有一群韓國粉絲來捧場呢！小食被安排了較清爽的蘿蔔和沙律絲，很開胃。炸雞必吃啦！味道特別多，由原味， 甜辣, 醬油到較濃味的芝士，咖哩味都有， 仲可以揀無骨或者有骨呢！我地點了蜂蜜蒜蓉和原味各半份，炸雞望落好炸，油脂已經完全炸曬出嚟！食嘅時候唔會有一種油膩嘅感覺，感覺較健康。蜂蜜蒜蓉吃到濃濃蒜蓉粒，有咬感但 搶了一點蜂蜜味。另外半份原味，因為沒有加任何醬汁，更能吃到雞皮脆薄，肉地滑嫩, 唔會覺得好'鞋'.兩者評分，我較愛蒜蓉粒口感呢！韓式海鮮炸醬麵韓國街頭招牌食品之一炸醬麵。韓式炸醬麵鹹鹹甜甜， 面底煙煙韌韌，配料有魷魚，蝦，多款海鮮， 炸醬底超濃郁。份量很大碟，兩個人食唔哂呀！

好興奮呀！ 李家終於開到來荃灣了， 下次想食唔洗特登去尖沙咀了，今次係開係香車街街市後面呀！我係果邊由細住到大超熟路。🤭見佢新開緊係要做先頭部隊睇下水準如何啦！叫返d 我和謙謙去李家必食的野先👇🏻👇🏻👇🏻👇🏻👇🏻👇🏻👇🏻👇🏻⚛ 原味炸雞 ～ 韓國大廚即炸，香酥可口，炸雞內裡勁juicy 。⚛ 泡菜餅 ～ 口味正宗， 泡菜獨微辣。⚛ 炸魷魚鬚拼辣年糕湯套餐 ～ 3大隻炸魷魚鬚， 任你點剪再沾辣年糕湯的湯汁食，夠哂美味可口， 辣年糕湯內除了煙韌的年糕還有魚糕超索味。食咁熱氣野，緊要飲返罐 韓國雪梨水和韓國惹米水啦！

星期六七點左右用餐，店內只有3枱客（30-50%滿）但店員堅持只供應細小的二人桌及回應不太禮貌，到後來食品到來桌子放不下了，店員竟期待客人幫手上菜，及後我們再詢問是否能換到四人桌，店員亦只是很不情願地答應了. 店內員工不停自顧自傾談，不太理會客人，落order 又要客人重複好幾次（為何不用紙寫下？），其中一店員又長時間拉下口罩，連上菜都係咁，令人感覺好唔衞生本身諗住荃灣開左分店好高興，唔駛出尖沙咀都有得食，但相信短時間內唔會再幫襯. 如以上服務質素唔積極改善，好難有回頭客

星期日lunchtime揾野食，見附近開了間韓國餐館李家，午市套餐幾吸引，不妨試試。四個人點了半份原味炸雞，石鍋伴飯，海鮮豆腐湯同韓式炒豬肉。先來炒豬肉，伴有多款地道前菜，味道ok。石鍋伴飯賣相不俗，最驚喜係個飯焦底，真係非常脆口，讚。豆腐湯味道濃郁，辣度適中，豆腐真係好軟滑，配合多款韓式地道伴菜，不錯。最後上菜係炸雞，即叫即炸，外皮香脆，半份份量也不少，共有8件雞，可惜不是每件d肉都 juicy，我食左兩件，一件好 juicy, 一件可能係雞胸部位，比較鞋口，另配有醃蘿白同菜絲沙律，蘿蔔好爽口，好正，沙律也好清新。午市套餐可加$7配罐裝飲品，試了韓國latte，奶味太重，一般。4個人午餐不用 $300，李家確是不錯的選擇。以後會再來。

李家終於喺荃灣開咗分店 好開心呀 我真係超鍾意食佢嘅炸雞 唔理三七廿一衝入去食個lunch先。無骨蜂蜜蒜蓉炸雞半隻$104 lunch抵食好多，兩個人share半隻雞再叫其他嘢食份量啱啱好。蜂蜜蒜蓉炸雞呢個口味真係好鬼正 濃厚嘅蜂蜜掛在炸雞件上 每咬一啖都係香甜嘅蜜糖味道 伴著蒜泥吃有點辛香 香味更豐富濃郁，雞件脆漿很薄 鬆化香脆 雞肉嫩滑又多汁。水冷麵$78 食完炸雞咁熱氣嘅嘢食返碗水冷麵真係好適合 個感覺好清涼 食完成個喉嚨都好舒服 加啲白醋食酸酸咪咪更開胃 麵條滑捋捋 富有彈性 口感不錯紫菜捲$48 外層嘅紫菜炸到香脆可口 中間包住韓式粉絲 同喺韓國食嘅紫菜捲味道一樣 非常正宗韓式魚子湯$188 辣辣嘅湯底真係好惹味 有芽菜、白蘿蔔等蔬菜配料 令湯底味道更鮮味 魚仔有兩種 有一種係長條形成時都食到嘅 一粒粒脆卜卜 另一款係好似豬腦嘅外貌 口感係軟淋淋 份量都幾多 低食!店內嘅職員大部分都係奧巴 佢哋講韓文又識講普通話 成件事真係好韓feel 店內裝修都幾有韓式風格 帶有幾分浪漫 有室外和室內位置提供 天氣開始涼坐戶外食炸雞別有一番風味

餐廳在荃灣海壩街開了新分店 ，佈置簡潔明亮，由韓國人親自主理， 做到地道韓式風味。入座後，oppa 殷勤地送上韓式前菜， 有醃蘿蔔、 菜絲沙律等， 醃蘿蔔醃得入味， 而菜絲沙律惹味， 令人胃口大開。海鮮蔥餅$158即叫即製的海鮮煎餅， 口感 濕潤軟綿，大啖咬下，內有嚼勁的八爪魚肉及彈牙的蝦粒，鮮味滿載 ，加上香甜的大蔥， 增添惹味，讓人樂在其中。原味炸雞 一隻$138剛剛炸起的熱燙燙的炸雞， 上枱時， 香氣十足，粉漿厚薄適中，雞皮炸到金黃香脆， 雞肉十分軟嫩，充滿肉汁， 滋味得讓人停不了口， 一口接一口。石鍋拌飯$68石鍋飯配料相當豐富， 飯面鋪滿紫菜絲、 牛肉、豆芽及紅蘿蔔絲， 先叉開中間的雞蛋， 再拌匀所有材料一起吃， 每口米飯豐富美味，十分飽肚和滿足。辣海鮮湯麵$78橙紅色的辣海鮮湯麵， 先呷 一口湯 ，湯底沒有想像的辣， 煙韌的麵條掛滿微辣的湯汁，加上豐富的青口、魷魚及蝦粒， 鮮味彈牙， 越吃越過癮。

鍾意食韓國嘢嘅話，李家對大家應該唔陌生！😚之前會特登去尖沙咀食！而家開到荃灣都有！開心開心！咁啱經過，今日第一日正式開業，當然要去試下🤤！一入去真係有韓國staff, 有冇人同我一樣好想返鄉下🇰🇷.試咗三款，所有分量都好大！大家小心眼闊肚窄！.🇰🇷炸雞叫得李家炸雞，當然唔會令你失望！啱啱炸起，超香口，外脆內多汁😍分量多到應該可以兩個人食！.🇰🇷魷魚鬚又係炸嘢！好似細個酒樓食嘅酥炸魷魚鬚，炸衣好薄，好香，炸得剛好！再配埋年糕，甜辣甜辣！.🇰🇷炒粉絲係偏濕嗰款，適合配飯食，可以餸到好多碗！.如果有埋韓式飯卷同埋泡菜做伴餐就好了😚！

李家呢個名字，大家都唔陌生，不過次次經過都大排長龍。估唔到李家新開左一間喺荃灣，門口有outdoor 位，非常chill，入面空間感十足，仲有韓國員工介紹餐牌，即刻諗返起去韓國旅行既感覺。黎得李家，點可以唔點炸雞呀！除左味道之外，仲有有骨同冇骨既選擇，我就揀左有骨蜂蜜蒜蓉拼甜辣炸雞，另外再叫左泡菜餅同年糕餃子🥟湯，食到好飽好滿足！全部即叫即做，食物未到時都有韓國🇰🇷炸雞既好朋友，酸蘿蔔同椰菜絲沙律，俾你食住等。蜂蜜蒜蓉拼甜辣炸雞🍗-有骨既好處係用成隻雞斬件，可以食到唔同部位，蜂蜜蒜蓉香口惹味，甜辣味夠經典。外皮夠脆，肉質仍然夠嫩。泡菜煎餅-煎餅好大塊，入面除咗有泡菜之外，仲有魷魚絲，多左份海鮮味同咬口！年糕餃子🥟湯-湯最緊要熱，餃子係正宗韓國餃子，如果有埋泡菜味揀仲正！

今日行完愉景新城後，落左去福來村那邊見到呢間新開韓國餐廳就入去試下小店氣氛好韓國炸雞店一樣，裝修雖然平凡，但好多店員及客人都係韓國人，感覺返左韓國😮‍💨有好多野都想試，但我得2個人所以最後點了半份蜜糖蒜蓉炸雞及半份咖哩蛋黃醬炸雞，另點了份豬腩肉。炸雞大大籃，外脆之餘，肉不乾還有汁的，而且雞肉非常滑，超好食。豬腩肉鐵板上點埋bbq醬，我覺得自己好似係度燒肉😂非常正。我仲留意到餐牌有韓式蛹湯🥶🥶🥶，如蛋白質應該非常豐富，不過我不會試😬店員還好親切請我地飲汽水😬，下次會再來