李家 (華發大廈)

营业中

休息中

是日工作至深夜當然要叫定宵夜為自己打打氣同事熱烈推介李家炸雞咁就順佢意思啦點左一半辣雞一半蒜味雞野味香口，肉質嫩滑再點左個芝士蛋卷芝士又多又香可以拉絲添喎仲點多左個泡菜湯以為細細碗三個人會唔夠飲啦點知每人都可以飲到兩碗喎湯底足料入味另外佢個配菜酸蘿蔔都非常出色一邊食辣野食埋佢就特別醒胃

一個三五知己吹水食飯既好地方😎今次要介紹呢間係灣仔既李家！食韓國料理的！我地5個人，叫到成枱都係，連侍應都嚇親🙄事關係佢碟碟既份量都好多😂最後我地5個人，叫左8樣野🙄五花腩：有位好識食既朋友要求左半肥瘦，配埋佢個醬汁食👍🏻超正，但超邪惡🤤魚糕湯：湯帶小小辣味，同你係韓國街頭食既分別唔大，冇乜驚喜芝士炸雞：炸雞面灑左好多芝士粉🤩又一邪惡美食，鍾意食芝士既必點😍蜜糖蒜蓉炸雞：味道又甜又辣，都幾惹味🤤芝士蛋卷：一切開啲蛋汁同芝士一齊流出黎，有驚喜🤩芝士粟米：不過不失，冇乜特別雜錦腸拼盤：同普通香腸冇乜分別😅大家唔好浪費金錢😑海鮮餅：入面有大蔥，蝦，魷魚，份量超大😍仲有好香既蔥味👍🏻有驚喜最後大部份都清得晒，除左香腸，建議大家可以唔使叫香腸同粟米，冇乜特別😅其他整體都唔錯👍🏻下次絕對會再幫襯😎

第一次食呢間李家，聽聞係出名食炸雞，不過今次就食下佢嘅lunch set：lunchset都幾多嘢下，配菜都有幾樣。蛋餅同煎餅細細舊，加條腸仔，過下口癮，唔錯。薯仔都好好食！我呢個主菜嘅韓式炒豬肉，汁酸酸辣辣咁，好開胃。

每次朋友聚會 都必定有人會提議食炸雞而李家永遠都會榜上有名! 半半炸雞(原味/辣味) $160原味炸雞食起來有微微嘅胡椒香味而且沒有油益嘅味道 係我一直嘅最愛😍辣味炸雞比起以前辣 🤪甜味就好似相對弱左 有d食唔到辣嘅朋友就食得有點辛苦~蜂蜜蒜蓉炸雞 $160呢款炸雞係其他炸雞鋪頭就食得多係李家就第一次食食落係有蒜味 但係就無咩蜂蜜味🧐而且聞落 蜂蜜味都不算太濃芝士雞蛋卷 $120呢個係朋友推介話好好食嘅雞蛋卷雞蛋卷蛋味香濃而芝士都好多 ☺️一切開 入面嘅芝士就爆曬出黎! 好澎湃啊! 😆泡菜餅 $120泡菜餅煎得好香😝而佢嘅邊邊味煎得好脆 裡面嘅泡菜亦都好多 好足料👍🏻芝士辣雞炒年糕 $160炒年糕好入味 而且芝士同蛋捲一樣係爆多!🤩唯一美中不足嘅係 佢嘅雞肉好硬好‘鞋' 🙁

Happy Friday! 成個禮拜都好想食韓國炸雞，所以約埋閨蜜星期五你個成個禮拜都好想食韓國炸雞,所以約埋歸物星期五一於食炸雞晚餐！因為我比佢早放工所以去攞位先，我大概7:45到，店主好有善咁俾我坐係位度等佢。首先就係必叫嘅炸雞，我哋揀咗兩隻味 - 蒜蓉蜜糖同甜辣醬。汁醬超多，多到每一啖都可以舔，成碟都係醬，所以唔會乾，雞自己都好厚肉，多肉到我地兩個女仔都食唔晒。食炸雞有點少得啤酒，我哋每人叫咗一杯Asahi啤酒，不過都好飽飲唔晒。除咗炸雞之外，仲叫咗個熱嘅泡菜湯。泡菜湯都好足料，係傳統嘅韓國味道，有老泡菜、豬肉、豆腐、金菇、蔥等等，好味道！呢間餐廳仲有一個特點，就係凌晨都開，同場都有好多人玩韓國飲酒遊戲，同朋友輕鬆一下。

-為這家炸雞店的常客💁🏼‍♀️心中排行榜長期處於高位🌞🍗甜辣炸雞 （$160）對於甜甜辣辣的完全反抗不了極開胃 食完會‘蒜’手指😌🧀芝士粉炸雞 （$190）呢個又係好食到痴線 世界級 芝士粉配炸雞冇得輸🥚芝士雞蛋卷 （$120）每次來也是必點的👩🏼‍💻點極多的茄汁😍😍😍✌🏻另有雙拼 原味x甜辣（$160）重要事要再提提大家： 營業至凌晨五點🥳歡迎各位夜鬼去👻__________________________score: 9/10地址：灣仔駱克道405-419華發大廈地下c鋪（近橋底辣蟹）分店：尖沙咀/土瓜灣

又逢sem break, 最岩係呢個時候同成班朋友聚一聚。本身自己都好中意食韓國野，所以就問下周圍啲朋友有咩好推介。佢就推薦左我試下呢間餐廳。聽講餐廳其中一樣必叫嘅係炸雞，咁當然要試下！同朋友共3個人叫左一份都岩岩好。炸雞皮脆肉嫩，唔會太乾。 比我期望嘅更好食！講得韓國野，當然離唔開年糕啦！我地都唔執輸，叫左個鐵板芝士年糕。本身我都唔係好食得辣，點知佢味道都唔會太辣，有啲甜甜地，幾好食！最後，我地3個人再叫左個芝士蛋卷，佢係蛋卷入面加左非常多芝士，切嘅時候重有拉絲嘅感覺，非常正！總括而言，我地3個人叫左3樣野都食到好飽。呢間餐廳的確無令我失望！遲啲真係要同朋友再黎食多次！

今日同朋友突然好想食韓國野，就決定搵下有咩平靚正既餐廳。比我地發現到呢間李家（灣仔店），睇佢門口有點舊，利用了較深色的玻璃，阻擋了陽光的透入，令人覺得有點神秘的感覺。入到店入內，店員都好親切的輕輕介紹。店內的套餐都有不小的款式烤牛、牛排、豬肉。當然唔少石頭飯、雜錦煲，真係睇到都流口水了。後來發現，原來仲有一張午餐精選，果然叫精選，入面有水冷麵、拌飯、海鮮拉麵等等...（呢張更像韓國的午餐）餐廳內部裝潢簡單，但水吧位比較多物品而地方尚算整潔，座位都比較鬆動，位與位唔會太擠迫。烤特級牛肉 - $68一來到，我終於知道自己點解突然想食韓國野啦，貪佢前菜已經有好多唔同的野食，細數最少有5-6款加泡菜，仲有沙律，而且更有一碗清清地的菜湯。烤牛肉食落不會太韌及出現多筋的情況，醬汁醃過的牛肉更包鎖著了其肉味，性價比高。

一直對韓國菜沒有特別喜歡，不過李家的午餐價錢經濟實惠且有水準，確實十分吸引！在灣仔這寸金尺土的市區內，李家的午餐售價都只是$58-$88，而且沒有加一服務費，相當划算！正因如此，故午市均座無虛席。但午市時段不設訂座，想吃就要早點來啦！A6 粉絲炒雜菜菇 ($58)除了主菜外，還有湯及數款配菜，相當豐富。雖說是粉絲炒雜菜菇，但當中還有豬肉的。韓式粉絲較港式粉絲粗，而且晶瑩爽滑，口感煙韌彈牙，帶有甜味，非常開胃。

平時從來唔會投訴但係同樣嘅事實在發生過太多次啦！依家灣仔李家係由一班操唔鹹唔淡廣東話嘅姐姐去打理 有少少三哥feel 以前嘅可愛韓國仔 已經冇出現好耐啦⋯⋯態度有極度明顯大嘅分別呢班姐姐 叫佢哋落單都冇反應明白可能得兩個做樓面 有啲忙但係落單時叫咗走辣 佢覆單嘅時候都係啱嘅都出咗嚟成碗野紅色嘅 好辣喎大佬⋯⋯平時有時又話可以走辣有時又話唔可以完全走辣都唔緊要你都唔好成包辣粉落晒去呀⋯⋯要求換 仲要俾人黑面 食得辣就唔會帶走辣啦⋯⋯有換到走辣俾我 冇晒紅色⋯⋯但係到埋單嘅時候仲好笑拎部計數機俾我哋嗌我哋自己加要比幾多錢佢話佢唔識得用計數機但係佢嘅午餐係唔貴嘅炸雞都係$160樓下返就最貴都係$80樓下但係唔係我食飯要受氣㗎嘛⋯⋯

韓雞fans 表示合格的李家！銅鑼灣韓雞好多但好食的選擇唔多，李家主要的是炸雞，鍾意烤雞的要留意返。炸雞撈上唔同的味道，個人鍾意辣醬多啲。粉漿唔厚同食落唔油，熱氣就梗嫁喇，所以叫個1L 鬼佬涼茶韓國啤酒一齊開心下最明智！仲有好多唔同韓國嘢食可以點，蛋卷、年糕、海鮮餅通通都有，味道亦正常。唔會掛住但如果喺銅鑼灣諗唔到食乜而又想搵間收得夜嘅餐廳，李家是不錯之選！

南韓依舊是港人熱門的旅行熱點，而去韓國，仍然要食炸雞，但在港的韓式炸雞熱潮，明顯已大不如前。李家是第一代將韓式炸雞引入香港的店，還記得當時在尖沙咀韓國街，此店是熱店之一，我都經常幫趁但數年下來，漸漸地太多韓式美食進駐，韓燒、醬油蟹、韓牛，炸雞漸漸不再在自己的食肆名單之中這天朋友突然想食炸雞，才想起這間"老店"灣仔分店是第一次去，感覺是太暗，店面也不較窄，似劈場多過炸雞店黑色玻璃門完全看不到裏面的情況，也是令人卻步的原因walk in 不用等位, 因為只有三人, 只叫了醬油炸雞, 和海鮮芝士炒年糕烏冬炸雞份量好似少了, 但最大的問題是雞很瘦很乾，而且骨多肉少炒年糕, 不過不失實在是令人失望，回想起當年，我都經常幫趁尖沙咀店，不過我想應該暫時都不會去了。唏噓。

第一次去食李家韓國餐廳 有意想不到嘅驚喜我哋三個人(2男1女)叫咗三樣餸 每嚟一道餸我都嘩嘩聲 真係好大碟 好彩最後都食得曬9成 唔算太浪費。總括嚟講嘢食:一個字:好食，會Encore。環境:清靜適合老友聚餐傾下偈。地點: 好方便唔難搵。

食肥雞嘅都知肥雞係韓式炸雞愛好者 今次就同同事喺lunch去咗灣仔嗰間李家炸雞 一都去玩都差唔多啱啱開鋪咁肥雞係佢哋第一張檯嘅客 坦白咁講環境都幾逼夾 同埋成間舖頭都瀰漫著一陣醃蘿蔔嘅味道 唔係坐得咁舒服 但係講返食物質素先 佢個蜂蜜蒜味炸雞啲雞炸得幾畫 雖然冇得揀走雞胸但係食落去肥雞覺得全部肉質都幾鮮嫩 反而胡椒味重咗啲肥雞老友覺得好辣 除咗炸雞之外肥雞再嗌咗個海鮮豆腐鍋 豬肉鍋 同埋韓式牛肉便當 佢個海鮮豆腐鍋真係麻麻地除咗幾嚿豆腐同埋好細好細隻嘅蜆仔之外咩海鮮都冇太冇誠意啦 其餘嗰啲正正常常啦 所以肥雞建議你呢間淨係食炸雞就好啦

晚上過了11:00，選擇性不多，尤其是韓國餐廳大多數商場都好早收，竟然比我行行下在橋底發現左間叫李家的韓國餐廳，就試下你啦！消夜打冷就食得多，今次來試下不同的芝士蛋卷，係店員告訴我比較受歡迎的，所以我㸃來試下，買相好吸引D蛋也很滑，我建議要叫多D人一齊食因為都幾飽。這個小魚仔好香，甜甜地有口感，我反而覺得這個最好味，拿來送酒一流。可以同朋友傾計食宵夜時㸃這個。五花肉都幾大份，不過我覺得有肉D硬，D汁點肉效果唔錯，如果D肉軟身少少就完美。