李家 (華發大廈)

营业中

休息中

Happy Weekend😚約左好友去食炸雞✨李家係香港第一代嘅韓國炸雞人氣店🤓所以朋友話想食炸雞，我第一時間就諗起佢啦😆無骨蜂蜜蒜蓉炸雞🍗每一舊炸雞都沾滿蜂蜜醬汁🍯除咗有剁碎左嘅蒜蓉之外，仲有原粒烤焗過嘅蒜蓉😚炸雞表面炸到脆身，雞皮部份特別脆卜卜！雞肉都幾夠滑，都幾夠濕潤唔會鞋颯颯🐔CASS🍻食得韓國炸雞，梗係要配埋韓國嘅啤酒啦🤩冰凍嘅CASS口感順滑，味道好清爽🍺同炸雞係絕配呀！燒五花腩肉🐷除咗炸雞之外，我地仲叫咗燒五花腩肉！五花腩肉經過韓式嘅BBQ醬汁醃製過😉厚切嘅口感，夠晒啖啖肉！配埋旁邊嘅泡菜一齊食，就算食腩肉都唔會好膩😈李家 (華發大廈) (灣仔)灣仔駱克道405-419華發大廈地下C舖

雖然香港有好多韓國餐廳，但我食過咁多間，都係始終覺得呢間老字號《李家》嘅菜式，整得最似韓國🇰🇷口味，亦都係最正宗💖食物《李家》無好似其他餐廳🍴咁，經常有d新款菜式，但係佢每款食物都長期keep住好有水準，是旦叫一樣都包補係水準之上😋半半炸雞（原味+甜辣）$178記得好多年前，香港啱啱興食韓國炸雞🐥嘅時候，d人成日都會去《李家》。咁多年之後，我再去食，結果都無令我失望❗️佢D雞炸得好夠鬆脆，d肉汁都好多👅大家亦都可以揀無骨同有骨🦴最重要嘅係個甜辣汁好濃味好juicy，真係好似係韓國食到嘅味道💕燒五花腩肉 $208 呢個五花腩肉都燒得好好食😋佢下面係個鐵板，所以食嘅時候keep住都好熱辣辣🔥，個脂肪同肉嘅比例啱啱好，再夾埋啲泡菜、辣蔥同甜醬，跟著撈埋個飯一齊食，就perfect啦😍如果我同朋友無行開附近，都差d唔記得咗《李家》🥹但我哋今次食完之後，我諗我都會keep住得閒去食💋

已經食過李家好多次了，今次喺銅鑼灣駱克道分店食。由第一代由韓國引入炸雞黎香港，經歷咁多年，始終都維持到食物水準。自選半半炸雞 (甜辣+蜂蜜蒜蓉)炸雞勁炸得啱啱好，外脆內軟，雞肉勁嫩滑，老牌炸雞店嘅配方係特別有水準。我覺得加上佢嘅醬汁連口感都有所提升，炸粉唔會太硬。甜辣味唔算好辣，其他店有時整到辣度後勁好強，反而呢度嘅甜味同辣度好夾。蜂蜜蒜蓉好香濃，有蒜頭嘅炸雞賣相好似都特別吸引。可能可以考慮再加牛油，將香氣提升。泡菜鍋熱辣辣上台，湯汁好濃郁，有肉、泡菜同豆腐。微微帶辣，冬天食真係超正。

都未食過咁呃錢嘅一餐，$208嘅雪濃湯，嚟到隻外賣碗只裝得一半，入面只有牛肉碎同浸到淋晒、冇味嘅麵！牛肉當然係冇牛肉味啦，湯都只有咸味，好意思收呢個價錢俾呢個質素？會直接blacklist唔會再叫！求其叫個$30牛腩河都比佢更好食更香牛味！而且呢個湯係唔包飯，完全感受到極無誠意、係覺得比餐廳呃錢咁嘅感受！另外叫嘅炸雞份量都極少，味道亦非常一般，雞肉入面好似冇醃味咁，只靠個汁提供味道，咬到入去都完全冇雞味，絕對唔值呢個價錢非常失望！至於個炒豬肉套餐，已經算係全餐最理想嘅餐點，味道當然都係一般，但起碼會提供前菜、沙律等等補返，唔好食都起碼夠飽先啦。

農曆新年食得多比較中式嘅嘢，今日出開嚟灣仔，食咗一間韓式嘅餐廳。裝修夠晒新淨，又播埋韓式嘅電視音樂。好有氣氛。🤩🤩🤩🤩燒烤雞呢排農曆新年，食得特別多煎炸嘢，所以想叫返個燒烤雞。冇咁熱氣。呢間出名炸雞嘅，但烤雞都整得好食，好入味，好嫩滑。醬汁又夠多，食落真係好惹味。😋😋😋🤩泡菜餅另外一個必叫嘅食物，泡菜好足夠，煎得又夠香脆，又唔會特別食到佢太多麵粉味道。真係一個好正宗嘅韓式泡菜餅。👍👍👍🤩芝士雞蛋卷蛋味夠晒濃郁，芝士又夠多。欣賞佢嘅芝士雞蛋卷唔會整到太肥膩，又唔會太飽滯。仲要個雞蛋整到啱啱好熟，唔會老哂。真係唔係間間都做得到㗎。😍😍😍下次來都要食炸雞，或者其他燒餅！🤣🤣🤣

年三十團年飯即慶之李家早前去左食以炸雞聞名既#李家 原味同甜辣味半半有骨炸雞雞肉都幾滑、個人鐘意食甜辣味，少少辣，好惹味。不過食完甜辣味再轉食原味就顯得原味有點失色海洋炸醬麵今次多人食，終於叫到非炸雞既野食，味道幾好，份量都多，美中不足係我覺得個麵淋左少少。其實仲叫左個牛肉湯飯（$168）不過份量唔多，飯要另加15蚊，性價比唔太高，所以唔建議叫牛肉湯飯

今日同女朋友黎到灣仔知佢中意食韓國菜所以就帶佢黎李家食正宗地道既韓國菜餐牌好多選擇，有招牌炸雞有好多口味其他菜式都好吸引泡菜餅餅煎到外脆內軟咬開會有格一聲，食到入味有洋蔥等配料配合泡菜既酸酸辣辣，好惹味一定要加自家既醬汁，風味再上一層樓鐵板炒牛肉呢道菜好經典可以測試到一間韓國餐廳是否合格牛肉炒過好有鑊氣，醬汁有一點甜味味道好夾，食到停唔到雪濃湯湯用牛骨煲成，有一陣淡淡既牛骨香入面既麵線吸收哂湯汁，食落好入味再配上白飯可以做湯飯，食法層出不窮

上星期老公夜麻麻忽然話想食炸雞，話好耐無食，於是一襯佢有時間就同佢食。傳統韓式食店嘅裝修，店員都係韓國人，播放住k-pop songs。呢日晏晝襯佢陪我去開銅鑼灣，就行咗去呢間 「 李家 」 食lunch。 炸雞可half half兩隻味。嗌咗兩樣野share食。《 燒烤雞 $198 》 可能我少食炸物，佢揀咗呢款烤雞。BBQ 醬好香濃，辣辣哋幾開胃，啲雞皮煙韌入味，雞肉都算滑，都幾厚肉。《 海鮮蔥餅 $168 》原來蔥餅係蛋餅，係香蛋味，蝦都有5-6隻，加埋洋蔥香甜，蘸少少醬汁幾提味。《 無酒精麗塔 - 西柚子味 $88 》味道飲落似有酒精但原來無，又幾好噃，又夠大杯可以share。

已經係第二次經🐼叫佢哋嘅外賣，兩次都好食🇰🇷👍🏻(食到一半先發現未影相😅)- 半半炸雞 -原味夠香脆，肉質都唔”鞋”👌🏻 不過就冇咩肉汁🤔甜辣味好惹味，啱我口味多啲，食完一件接一件呀😋份量方面，兩個人食都夠有突，CP值👌🏻- 泡菜湯套餐 -泡菜湯係我最鍾意👍🏻 $88套餐，好足料，仲有牛肉粒喺底，泡菜份量都好慷慨，好好食😋😋😋套餐仲有各種小菜，味道正正常常，勝在份量足，一個女仔食真係食唔晒🤣- 辣炒年糕 -味道正正常常，過下口癮嘅話都唔錯👌🏻(唔記得影相🤣)

📌李家 韓式炸雞真係有種魔力令人時不時會掛住佢李家係嘅炸雞係個人至愛之一，炸雞口味多選擇，特別鍾意佢地嘅甜辣炸雞，重口味得嚟其實好正半半炸雞可以一次過試到2種味道，揀咗甜辣同蜂蜜蒜蓉，炸雞一如以往都係咁有水準👍✴️甜辣炸雞🍗有骨或無骨炸雞同樣各有捧場客，對我嚟講香脆的雞皮係精髓✨✨ 雞皮薄而脆，甜甜辣辣好惹味，甜味會比辣味突出，怕辣嘅朋友都食到✴️蜂蜜蒜蓉炸雞炸雞外皮沾滿醬汁依然香脆，內裡雞肉嫩滑juicy充滿肉汁，蒜味溫和唔會太濃，加上香甜的蜂蜜好惹味🍯✴️韓式炒豬肉性價比好高，炒豬肉份量都唔少，夠晒送飯便當🍱入面仲有沙律、魚糕、煎餅、煎蛋卷等等，十分有誠意✴️石鍋拌飯上枱時仲係熱到咋咋聲🔥食石鍋飯就係要呢種感覺😆拌飯醬分開放，可以自己選擇加幾多將雞蛋、肉片、冬菇、菠菜、芽菜等材料撈勻，夾雜少少飯焦，口感豐富又飽肚🫶🏽

可謂香港第一代元祖韓國餐飯廳——李家，由韓國人主理既韓式炸雞店，屬於首批將韓國正宗人氣炸雞狂熱帶到黎香港🍗 餐廳除左提供一系列唔同口味既炸雞外，仲有各款經典韓風美食，特別推介蜂蜜大蒜炸雞，味道甜中帶有蒜油香，而且炸雞全部香脆多汁唔會乾身；另外魚餅湯亦相當有驚喜，首先份量非常多，而且湯底加左花椒，味道清甜得黎香辣，令人胃口大增🥄 總結而言，食物味道正宗地道，而香港亦有唔少分店，不失為一個韓國菜既好選擇🇰🇷

今日係happy Sunday去咗銅鑼灣行街, 之後就喺附近食炸雞, 你間餐廳好好可以半隻半隻唔同嘅雞, 價錢都唔係相差好遠, 係兩款唔同嘅口味抵好多!🐥蜂蜜大蒜炸雞（半隻）$118我覺得呢隻幾好味因為有好多蜜糖喺底, 同d汁一齊食, 好正, 仲有啲香蒜味好香!! 啲雞亦都好Juicy, 啲皮又好脆, 雖然邪惡但都覺得好值得食😎😎🐥芝士味炸雞(半隻）$118 呢隻有兩款嘅芝士粉, 口感好豐富, 食完都唔覺得漏!😗另外都叫左一份 🧇泡菜餅Kimchi Pancake $138 入面有魷魚同泡菜，好有韓國風味再嗌左 🍲濃湯 Bone Soup $168 熱辣辣，上菜時有啲泡，滾下滾下，好五，入落口既湯幾濃郁～ 仲有啲牛肉，同埋面✌️🥃Somac Tower $138 食炸雞要飲啤酒是常識吧。呢個最正，係用燒酒同埋啤酒溝埋一齊既酒，成坐tower 擺喺枱面好宏偉! 我哋每個人都飲咗幾杯，幾盡興呀

以前去韓國旅行，必食當地美食首選之一，韓國炸雞🍗呢間^李家 ^係韓國老字號炸雞店，當時香港開設海外分店，第一時間拉埋朋友衝去食 。今日又相約朋友再回味一番😋餐廳裝修風格樸實，店員會送上酸蘿蔔和沙律菜，味道酸酸甜甜，可減低吃炸雞的油膩感。自選半半炸雞🍗(自選2款味) $236♡無骨蜂蜜蒜蓉 炸雞外層充滿濃濃的蜂蜜醬，黏黏的，雞肉肉質嫩滑，蒜香味撲鼻，蜜糖味清甜而不膩。♡無骨芝士味炸雞濃濃嘅雙重芝士粉怖滿炸雞表面，外皮炸得香脆，肉質嫩滑有汁，口感層次豐富。♡酥炸魷魚鬚+年糕湯套餐 $168原隻魷魚大大隻，口感超級酥脆。年糕口感煙煙韌韌，甜甜地不太辣，配埋魚片同蔥蒜一齊食，好惹味。♡白桃乳酸果汁 ♡鳳梨乳酸果汁

今日去港島區覓食，喺銅鑼灣行多個一個，所以就搵咗間韓國嘢試吓🐽 泡菜湯比起平時喺其他舖頭食嘅更加香辣！好有正宗嘅韓國風味😍🐽 半半炸雞依一個係必食，其他地方都唔夠呢一間做得好食，絕對係炸雞啤酒嘅最好食一間～呢度可以揀有骨同埋冇骨！啱晒本身鍾意食有骨頭既人！🐽 辛辣麵去韓國鋪頭點樣都要叫嘅辛辣麵！雖然喺屋企都煮到但係永遠都覺得係店裏面食嘅最有韓國特色！❤️❤️十分推薦黎呢一間餐廳，入面仲有好多唔同嘅特色韓國小菜～！仲要係喺灣仔新開嘅！

呢排煲完韓劇就好想食炸雞🍗，於是黎到「李家」～～佢地係香港首代韓國炸雞專門店，味道正宗之餘價錢合理！好受大家歡迎😍😍🍗自選半半炸雞(無骨) $236✨炸雞口味選擇好多，可以揀有骨/無骨～～我地就揀左蜂蜜蒜蓉🍯同芝士味🧀，味道都唔錯😋😋炸雞炸得外脆內嫩，咬落啖啖肉、好juicy！！我就鍾意蜂蜜蒜蓉炸雞！蜂蜜同蒜蓉味道好香，甜甜地～越食越開胃👍🏻👍🏻🍳芝士雞蛋卷 $128✨雞蛋卷好厚身，口感軟綿綿、重蛋味～～切開後就見到裡面有拉絲芝士🧀，十分邪惡🤤🤤面層淋上茄汁同蜜糖芥末醬，味道好豐富！！🍜辛辣麵 $58✨天氣凍最啱食熱辣辣既野～～麵條口感爽彈，再索哂湯汁精華！辣得好過癮🌶️🌶️裡面有隻半熟雞蛋🥚，充滿韓式風味呢🇰🇷🇰🇷