李家 (已搬遷) 新店位置

尖沙咀李家愛食韓式炸雞應該都試過李家🙈今次叫左半半炸雞($160)同泡菜餅($120)。半半炸雞炸得唔錯都幾好食，甜辣味甜味較重辣味不太顯😊 泡菜餅一般般...我自己都可以整到的味道😅配菜無咩特別今餐有D失望...味道一般但價格偏貴😔______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️

今晚心血來潮突然之間想食韓式炸雞！香港韓國餐廳有好多！賣韓國炸雞嘅鋪頭都好多，但係整得好食就極少！李家 就係我食韓國炸雞店首選之一，亦係整的最傳統嘅一間韓式炸雞！李家已經係香港好多年，佢出名係韓式炸雞為名，其次就係雞蛋捲！今次我就嚟到食佢嘅香蔥炸雞！相比係甜辣炸雞，香蔥炸雞冇咁膩口，同埋食落去比較清新！食得幾件都唔會食唔落！賣相好吸引！呢一份香蔥炸雞係原隻炸雞，即叫即炸，食一口熱辣辣好香脆！而且粉漿薄身，唔會太厚！另外， 雞肉依然多汁肉亂，仲有雞味！炸機佈滿左好多白葱同埋酸酸嘅調味醬！所以你依家咁多年來都係我食炸雞嘅選擇之一！😝😝😝

暫時去唔到韓國住，就嚟呢度食吓炸雞止止血先啦，同朋友食宵夜，夜晚9點幾入嚟，唔駛等，幾好喎。坐底睇吓餐牌，有好幾款炸雞揀，最後叫咗半隻蜂蜜蒜蓉炸雞，外脆內軟（不過唔記得影相），熱辣辣，真係正到爆，又有手套提供，唔駛整污糟隻手，仲有一碟蘿蔔同椰菜絲，俾你解油膩，細心到有個鐵兜俾你裝骨頭，唔夠食再叫埋呢款芝士雞蛋捲，簡直係完美，不過真係要襯熱食，凍咗就唔好食喇！埋單二百幾又唔貴，坐得又舒服，下次一定會再去幫襯！

每年同男朋友都會食一次李家 因為當中有我地特別既回憶haha 每次必點一份炸雞再加小食 記得第一年唔知份量原來都幾大 嗌左三樣野食 最後要舉白旗投降 個次埋單仲要七百幾蚊嚇左嚇😂 之後幾年就唔做眼闊肚窄怪 二個人既話 其實一份炸雞 加一份年糕（主食）/兩份小食都ok 食過炒年糕 蛋卷 泡菜餅 泡麵 當中認為蛋卷係最推介 年年都想encore! 炸雞最好食係蜜糖味🤤🤤 唔會太膩！愈食愈惹味！ 啤酒初頭幾年都有嗌一人一杯 但會撐到勁飽同埋隨著年紀老邁 都係飲少啲啤酒就無再嗌了😆李家唔算特別好食 但真係唔係難食（係韓生國街食過啲真係難食⋯）所以都推介的！

熱鬧嘅情人節，一行四人慶祝情人節，到咗尖沙咀緊係食韓國炸雞，之前係韓國都有食過依間（李家chicken HOF & SOJU)炸雞，喺韓國好出名，4個人可以試多幾個菜，叫左半半炸雞，一雞兩味道食，貪心想食曬兩個味道，叫咗原味加甜辣味道兩款，雞算炸得鬆脆，但係雞件比較細，冇以前咁好食，🈶️啲失望牙芝士雞蛋卷，香濃嘅芝士味，質感軟綿綿，仲有芝士嘅拉絲，口感幾得意，泡菜餅，好似一片薄餅甘，食到泡菜味，其餘冇咩特別，味道都唔算辣，，到第四個餸，燒五花腩肉，感覺肥膩，好似食緊燒肉甘，肉質硬硬地，味道普通，尖沙咀鋪頭比較細，座位唔算太迫，可能係情人節有限時個半鐘

去完看過食咗好多好好味嘅炸雞，返到香港心思思想食。朋友推介左呢間炸雞店，話好誇張排隊成日要排好耐，於是走去試試啦。三個人去我哋叫咗兩盤炸雞、辛辣麵再加一碟芝士年糕。芝士年糕真係超超超邪惡啊，芝士絲可以拉到好長好長。整體味道都算唔錯，可能因為本人比較鍾意食芝士，所以加分。炸雞來講如果係香港食已經算非常唔錯，當然唔及韓國嘅好味啦。辛辣面就普普通通啦，到到食到差唔多。我哋叫咗一碟原味，一碟蔥味。原味炸雞正正常常冇乜特別，反而蔥味炸雞都幾有驚喜，因為其他地方都冇食過。而且蔥味道非常香濃，而且唔算油膩。

每日營營役役，平時多野做要OT，要凑老細都算，最嘔血係同時間同事下屬都要一齊凑埋。好彩約左朋友放工後飯聚，舒解下，否則人都顛。延續我地上次既酒肉聚會，我地又去食韓式炸雞飲米酒～今次去李家，以前排成2粒鐘先食到，而家就唔駛啦。朋友一早叫定芝士炸雞，三式糯米腸同米酒，所以我到達時已經可以開餐啦。李家既米酒係用金色既水煲仔裝住，用埋銀色既碗仔飲，真係別有一番風味！雖然我都唔係飲過好多韓國米酒，但係我覺得李家既米酒係我飲過既最好飲，好易入口。芝士炸雞放左兩款芝士粉係雞件上面，係咪覺得好漏呢？事實上本身d炸雞有少少辣，所以配搭埋d芝士粉一d都唔會有漏既感覺，芝士係某程度上仲中和左d辣味，等你可以一件接一件咁食。美中不足係有某些部位比較乾，唔夠juicy。第一次食三色糯米腸，一款係好似包左酸菜，有一款就辣辣地，仲有一款外觀勁似潤腸。食味同口感都不俗，可以搭配生蒜片，辣椒同兩種調味份，個人最鐘意配生蒜，不過其實食完都唔知係包左d咩料。整體而言，食物水準中上，絕對會想下次再黎試其他野食！

明明係星期六晚，去到門口冇人排隊，入面又冇人，我地都忍唔住問係咪休息緊。最終當然係有得食，話說當年太多人，所以今次係第一次食李家。芝士蛋卷幾好味，不過唔放得耐食。魚糕湯唔錯，不過我未飲過咁辣既……韓國都冇佢咁辣……炸雞，點解原味炸雞會咁辣…………有d後悔泡菜餅最好味！薄得黎多料又唔厚粉~~

李家是我偶爾會去醫肥肚的餐館皆因每道菜都中規中矩還未發現有難食的影子我的至愛就是那肥美燒五花腩肥瘦比例5:5，程度剛好不會熟過龍，不點醬汁已經很滋味，就係貪剪好曬燒好曬不用自己落手落腳，而且不用周身油煙味炸雞今回要了一半甜辣一半芝士，芝士還是第一次食然後我愛上了，以後點芝士好了而且有得選擇辣雞底，適合愛辣的我，其實只是微辣的，不太嚐辣的也可以試泡菜餅略嫌泡菜少之又少去到我找不到的程度，只見幾條極微細魷魚，味道欠逢跟朋友一起叫了提子生啤啤一啤心情也特別舒暢，飲落有微微提子味，提適合不太喝啤酒的女孩易入口吃到一半才記得幫食物來張合照

好耐冇黎呢間李家啦～今日一行五人，去完迪士尼Happy，凌晨12點先開餐。可能餓左好耐，晚餐宵夜一齊食，我地嗌左4樣野。第一次食芝士雞蛋卷。嘩！D芝士痴住個蛋，軟綿綿又香，加上我係茄汁控，真係覺得好好味！蒜香蜜糖炸雞，非常邪惡嘅食物。雖然邪惡但一食落去，脆卜卜，D雞辣中帶甜，好惹味。再來我一個我嘅至愛- 泡菜煎餅。一咬落去，多泡菜，好香蛋味。如果個薄餅可以再乾身d，會更好。最後黎一個魚餅湯（類似呢個名）。個湯辣辣地：）咁夜食呢D美食，罪惡感好大架！但難得可以同好友聚下，就覺得好滿足啦😍

韓國都有唔少韓國嘢食，李家都算係韓國街裏邊最出名嘅炸雞，亦都好正宗。每次都排好多人，因為佢裏面環境較細。最鍾意食嘅就係佢嘅甜酸炸雞，炸雞炸得好酥脆，裏邊亦都好juicy。甜酸醬酸酸辣辣，好開胃！一碟炸雞＄180到，但係份量真係好多，可以三四個人一齊分享。另外都叫咗佢個芝士焗海鮮年糕，芝士份量好多，鋪會晒成個年糕，我哋兩個人食咗呢兩碟野都已經好飽，又食唔晒。所以都外帶拎走。最後埋單四百幾蚊，其實都算貴，因為只係食咗兩碟野。但係就真係好大份，所以李家適合多啲人一齊分享。

星期五夜晚同老公行街行到十一點幾, 一路就諗住去李家食炸雞同豬腩肉， 都唔只食過一次, 但就真係次次都食呢兩樣,因為之前幾次都係cwb食過都好好食, 炸雞出奇地好快黎到,但係原來一d都唔熱, 唔係即炸既炸雞我食kfc都得啦, 洗咩黎呢度食百六蚊一碟, 原味既炸雞已經冇咩調味, 仲要唔夠熱, 果d雞胸位都真係乾到一個點, 好似煲完湯果d老雞一樣鞋, 需則豬腩肉keep到水準, 不過而家咁多間韓式野, 睇怕都真係唔敢再黎。😔

真係專誠為咗個甜辣炸雞而黎，甜醬炸雞😊，價錢$150～$180 。李家炸雞好出名就係人都知，呢個甜醬炸雞真係不得了。百幾蚊但份量超級多，兩個人完全食唔晒。我諗要四五個人share先食得完。炸雞炸到香脆，配埋醬汁就冇咁熱氣。🤗❤️

据说很有名的炸鸡店。最好吃的是芝士蛋卷，芝士拉丝很长，是我觉得最好吃的。炸鸡点了双拼，只能是原味和辣味拼。点了两杯啤酒，啤酒跟炸鸡很配烧酒点了石榴口味的，很坑，一股香精味道，不喜欢总体味道一般，今天太想吃炸鸡了，特意跑过来。交通不方便，离地铁站较远

之前已經聽過李家呢個名，知道佢韓式炸雞好好食。不過座位比較少，平時都要等好多人。今次兩個人去食，見等一陣所以就去試吓。價錢來講呢度都算貴，＄170到一碟炸雞，百幾蚊一個海鮮焗年糕，不過份量好多，兩個人完全食唔晒，仲有d濟。不過就真係好食嘅，適合多啲人一齊share。