李家 (山林道)

营业中

休息中

自從上次喺度食過炸雞之後，驚覺原來呢道嘅炸雞係驚喜之作🤩即叫即炸，炸粉酥脆，雞肉鮮嫩多汁👍暫時係我最愛嘅韓國炸雞之一😋今次黎一於試埋其他野食先🤤🤤一坐低就會奉上醃蘿蔔，炸雞解膩必備◾️韓式辣豬手 • $188豬手燉得好腍好入味，每一件豬手都沾滿辣醬，每一口都充滿骨膠原🤤◾️原味炸雞（haft）• $88佢哋嘅炸雞用咗比較細嘅雞，所以炸起除咗保留到肉汁之外仲相當嫩滑～炸粉鬆化厚薄適中，沾上甜酸醬汁就更好食🤤◾️青辣椒蛋黃醬炸雞跟洋蔥(half) • $113一開始係覺得幾新奇所以試下，估唔到蛋黃醬同青辣椒仲有洋蔥呢個組合又配合得幾天衣無縫😂洋蔥嘅甜味令青辣椒嘅辣味得以中和，變得平衡，好想一食再食！已經成為左我每次黎都要食嘅一款炸雞🤪🤪🤤🤤🤤◾️西柚梳打 • $38酸酸地嘅西柚梳打，都幾開胃👍

講到食韓國嘢，尖沙咀係一個好地方，非常多選擇，今次我就揀咗呢間，因為聽聞炸雞非常出色，今日14果然不錯，份量除咗多之外，而且揸得非常之香脆，仲有多款味道選擇，而且仲要去埋骨添，超級方便。我點左一款三平，芝士味和甜辣醬，芝士味係炸雞灑上芝士粉，而我最喜歡一定是甜辣醬味，又甜又辣好過癮，十足我當時在韓國吃的一樣味道。還有蒸蛋湯和餃子年糕湯，中和一下吃炸雞的熱氣感覺，而且非常地道韓式美味，蒸蛋湯算算是清淡，但是蛋香十足，餃子和年糕也是必吃的，年糕是有點像上海年糕的切法，是薄薄一片。

李家既炸雞可謂數一數二好食, 而且都幫襯左佢好耐, 雖然好多新興韓店, 但佢既質素食一直keep到。今次叫左半半炸雞, 原味併酸忌廉味, 原味炸雞一貫既香口, 肉保持到juicy又嫩! 酸忌廉好有驚喜, sour cream sauce半身酸maymay加埋洋蔥好香, 依個醬真係點咩都好食! 依度個炸雞真係唔會令我失望。仲有今次食既份量好似仲多左, 兩個人差d都食唔哂, 好抵食!另外叫左個泡菜年糕湯併炸魷魚, 魷魚即炸起自己剪開, 香口惹味。年糕煙煙unun加埋湯既少少香辣, 正!

山林道出名多野食，放假天陰陰想食返d 韓國野暖下 係街尾轉角位見到人流都幾多既李家就入左去試😬😬 🐔無骨半半炸雞 / $178有原味同甜辣，完全無諗過有咁多😳 無骨食落啖啖肉，炸粉唔厚，不過如果雞可以再嫩滑d 就好!! 甜辣味道都係酸甜味，唔食得辣既都應該試到👍🏻🧀🥚芝士雞蛋卷 / $128好足料，每一啖都食到滿滿既芝士雞蛋同埋茄汁&芥末醬🥚🧀🥫不過建議多d 人share 同趁熱食，因為凍左之後芝士會變硬影響左口感🙈魚餅湯🌶 / $158 叫左小辣 不過辣味都係黎自胡椒味 魚糕控必點❣️入面有3種魚餅，份量仲好多。配埋湯飲落暖笠笠，有種韓國街頭一串串既魚糕feel😝🍸藍色多瑙河 / $38男朋友見到佢個名好特別就叫左黎試，其實都係普通芬達味🤪整體感覺係家庭式經營既餐廳，所以都幾有人情味同地道～多人可以試多d 唔同款式，因為佢地d 份量真係好足料😳😳

陪朋友到尖沙咀試婚紗，試完婚紗，，六點左右，就一邊行一邊搵野食。朋友好想食韓國菜，行到山林道，見到李家，是我與朋友的中學回憶。兩人一人一個湯面，最近擊韓劇中毒太深。來個辛辣面$58，用 正宗韓國不銹鋼煲上， 特別有風味。朋友食烏冬$58 。煮得特別好味，灑上紫菜及辛辣粉。 另外點半半炸雞原味及甜辣味，當然要食無骨$178 ， 是差十蚊。還有醃蘿蔔。個人喜歡原味，外面香脆，裏面非常多汁。，朋友喜歡甜辣。食炸雞點少得飲韓國燒酒，有菠蘿味燒酒。$48 一樽。價錢合理

今日同朋友聚舊我第一個諗到既地方就係李家炸雞！餐牌好多選擇，有招牌炸雞非常多口味，最重要係有無骨提供！其他韓國菜式都有，實有一款岩食！另外亦有韓國燒酒，岩哂同朋友一到飲一到談天蜂蜜蒜蓉炸雞(無骨)滿滿既蜜糖味，加上蒜蓉好夾雞件炸得恰到好處外皮厚度剛好做到外脆內軟肉汁亦保留住，一咬就爆出黎好滿足芝士味炸雞(無骨)當然唔可以放過我最愛既芝士味滿滿既芝士粉佈滿每塊炸雞好惹味芝士雞蛋卷份量好大，两個人一定夠食入面既芝士好多味道濃郁做到拉絲既程度！海鮮葱餅亦係不能錯過既一道菜煙韌有口感海鮮好足料

成日都聽到朋友講李家既炸雞好出名，今次終於有機會試下佢先😋，冇睇到地址懶醒咁去錯左佢舊鋪🤣，原來搬左去附近另一條街😮‍💨，即係山林道。今次兩個人食叫左四樣野食，但啲野食黎到之後睇見就後悔了🥲🥲，碟碟都好大碟，結果要打包拎走唔好嘥🤣。芝士雞蛋卷每次食韓國野，芝士雞蛋卷係一定會叫既野食😋。上到枱，賣相同其他既都差唔多，都係大大份。切落去雞蛋好厚實好足料，一件雞蛋卷都可以切到6-8舊🥰。但係入面既芝士就比較失望，因為一切落去做唔到流心既效果😥，芝士比較硬身。海鮮炸醬麵建議大家一定一定要多人食先好叫🥲，如果唔係會後悔。碟炸醬麵一上到枱，睇見真係呆左😧，開頭以為只係平時既一碗，但實際係大碟到我覺得有3-4人既份量黎😨。麵同炸醬已經撈好曬，唔洗自己撈。加上真係有好多海鮮，有魷魚、墨魚仔、蝦，仲有肉粒同薯仔粒，多到食極都食唔完😱。味道適中，唔會太濃 / 太淡，個醬仲可以做到掛麵既效果。最後每人食左三碗先食得曬啲麵😮‍💨，食到最後都仲淨左好多料。半半炸雞 - 蜂蜜蒜蓉 + 青辣椒蛋黃醬千祈唔好低估左半半炸雞既份量🤣，開頭以為係一碟雞兩款味道，點知上枱既時候係兩籃雞🤯，當堂嚇一跳，每籃都大約有7件雞。蜂

行咗幾級樓梯之後，終於見到李家😹佢嘅位置都好似韓國嗰啲小店，入到去都好有韓國feel，電視一直播緊韓國啲MV，邊聽邊嘆炸雞😌三個人叫到成枱都係，仲有米酒😆蒜香蜜糖炸雞&甜辣炸雞～蒜香炸雞係見到一粒粒蒜頭😻（不過我無食）估唔到啲炸雞真係好juicy，記得熱辣辣食，外面脆，咬開多汁又好滑，食完一件又一件😚份量適中，每盤大概六七件左右～鮮甜嘅魚糕湯😻我好鍾意食魚糕湯，食完唔係好口渴，可能湯底唔多味精👏🏼芝士辣雞炒年糕👍🏼 好惹味，不過略嫌太多雞肉，我寧願多啲年糕 😂 凍咗啲芝士硬晒，唔好擺太耐啊 ～

店名已經好韓，入面仲有Oppa店員講韓文，店內有「真露」嘅廣告，播咗kpop同韓團mv，瞬間去咗首爾！最後一張圖係店外打卡位，係模仿壁畫村嘅天使翼☺❣介紹美食時間：🐤半半炸雞-無骨（$168+$10）餐廳提供無骨既韓國炸雞比客人選擇，只需求加$10，就可以大大啖咁食每一舊雞。小編揀左一半原味，一半韓式甜辣醬味，可以一次食到兩種口味。炸雞既份量比想像中大，每隻味都大概有七八件，小編兩個人食都幾乎食唔晒，CP值超高，識合大胃王。🐤芝士雞蛋捲（$128）嫩滑既雞蛋，滿滿流心芝士，切開每一舊都可以拉出長長既芝士絲，雞蛋既外面係茄汁，完美中和芝士既膩，非常適合中意食芝士既朋友。同時份量都唔細，一條芝士雞蛋捲大概可以切出六七件，CP值滿分。🐤年糕餃子湯（$98）韓式湯底，非常惹味，奶白色似雪濃湯👍🏻👍🏻👍🏻小編飲完一啖之後完全停唔到口。湯裏面有年糕同餃子，配住湯食，簡直係絕配。🐤Stella啤酒 500cc ($58)餐廳唔止食物份量大，就連飲品都大大杯。500cc既超大杯啤酒，用高腳酒杯盛裝，好有韓國氣氛。一大啖雞肉，再一大啖啤，簡直係享受人生。

👫聖誕食炸雞，揀咗一致認為最好食嘅尖沙咀李家🍗。5點幾去到已經好full，仲有等外賣嘅人龍😮。當日限時90分鐘交枱，不過好夠時間食。.🍗半半炸雞🍗無骨原味$93🍗無骨蜂蜜蒜蓉$103原味冇淋汁一定係最香脆。但蜂蜜蒜蓉好食到次次都encore，所以食過一次就冇再食過新口味🤣。蜂蜜唔死甜，仲有陣陣蒜香🧄。平時唔太鐘意蒜頭都會享受炸雞+大量蒜泥🧄🧄🧄嘅味道。.🦑酥炸魷魚鬚+年糕湯套餐$158魷魚鬚新鮮炸起熱辣辣，香脆又彈牙。一個人食一份都唔夠喉🤤。年糕湯味道偏甜，有唔少年糕條同魚糕。.🍇真露$58果汁味重易入口。

冬天下雨，天氣陰寒。於是決定吃李家，未到晚市，不用等位。店員安排我們坐在卡座，座位闊落舒適，看著電視播放的kpop mv ，特別有氣氛。店員送上醃蘿蔔和沙律，入口爽脆開胃，可以解辣。我們點了半半炸雞，可以自己選擇喜歡的口味。⭐️芝士調味炸雞$108炸雞灑上芝士粉，入口較鹹香。入口喀擦喀擦的香脆口感，外脆內嫩，真的很棒！⭐️蜂蜜蒜蓉炸雞$108我更喜歡蜂蜜蒜蓉炸雞，淋上蜂蜜醬，入口更香甜，而且不會影響香脆的口感，令人大快朵頤。⭐️海鮮湯$188這個海鮮湯口味正宗，配料很足，有蟹、蝦、魷魚、泡菜、青口等。湯頭呈鮮橙色，入口有濃郁的鮮味，味道鹹而鮮，喝多了會覺得稍微有點鹹辣，這種天氣喝最好，夠暖和。⭐️濟州橙汁$28入口冰爽，甜味中和海鮮湯的辣味。⭐️可樂$18

今日係佐敦翻工，收工朋友過黎接我去行街，睇到有李家炸雞，朋友話未食過，想試下，而且中午無食野，我就好耐之前係旺角食過2次李家！感覺好正，不過好耐都無食過了，朋友講起，韓國炸雞癮起…一於就食佢 、我地3個人叫佐半半炸雞、（蜂蜜蒜蓉炸雞、甜辣炸雞）雞蛋卷、魚餅湯蜂蜜蒜蓉炸雞：蜂蜜味幾重，唔會特別甜，而且炸雞好脆，入口蜜糖又唔會好溜，好爽口甜辣炸雞：酸酸甜甜咁，感覺不會好辣，就是唔食辣既人都可以食到，一樣都好脆口！魚餅湯：魚餅分量超級多🤣唔知以為魚餅唔使錢🤣 味道剛剛好，而且唔喊，魚餅分量我霖4-5個人食都得🤣芝士雞蛋卷：哩個真係無得唔叫、芝士好濃郁😍對於鐘意食芝士既人黎講一流，雞蛋卷賣相都好吸引😍而且芝士雞蛋卷唔會整到好淋，食落又唔會感覺好肥🤤 雞蛋卷真係必點！下次想食韓國野都一定會再去李家😍😍

(無骨)蜂蜜大蒜炸雞🍗🧄 ($208)超～好味😋炸雞浸喺蜂蜜入面，加上惹味嘅大蒜🧄，真係好香😻💓炸雞外脆內軟，食過番尋味呀😮‍💨❤️‍🔥-酥炸魷魚鬚🦑+年糕湯 ($158)魷魚鬚勁酥脆！！！食落又鹹又香口，啲魷魚味亦好出！正呀！年糕湯就偏辣，都幾惹味😋-芝士雞蛋卷 ($128)呢個真係估佢唔到咁邪惡🤣超大份之餘仲要包住勁多芝士🧀一切開就漏曬出嚟😮‍💨😮‍💨食到好飽🤣👍🏻

12月既颱風天約朋友去李家食野，一路上吹住風落住雨，同上次旅行既感覺好似！半半炸雞係必食，今次揀咗醬油（＄93）同埋蜂蜜蒜蓉味（＄108），仲有魚餅湯（＄158）。飲品就點咗濟洲橙汁（＄28）同西柚梳打（＄38）。配菜包括蘿蔔同菜雖然係半半炸雞，但份量比想像中大好多🤣兩款炸雞咬落嫩滑又juicy，即使係雞胸部分都對太嚡口。蜂蜜蒜蓉味係自己最鍾意既，蒜蓉味唔算重，冇搶去蜜糖既甜味，兩者夾埋一齊食毫無違和感。醬油炸雞辣中帶有甜味，平時唔多食辣既我覺得都ok。魚餅湯點咗少辣，嚟到份量都唔少，我地一人飲2碗仲可以再添。魚餅外形豐富而且煙韌，配有蘿蔔同芽菜，湯底都清甜。咁啱外面天氣凍，飲完覺得好有去咗韓國既感覺💕食炸野辣野當然要飲凍野😌 梳打酸酸甜甜味道啱啱好。

呢間餐廳出名係韓國人打理🇰🇷餐廳裡面d職員大部分都係韓國人👫🏻而坐位都算舒適同闊落但燈光就比較暗🌑餐廳都會keep住播kpop 有d韓國feel😂🔺半半炸雞(無骨)🐣 $178分別叫咗甜辣同原味炸雞🍗首先原味一d都唔似韓國炸雞😶好似KFC嘅炸雞但好味版😂而甜辣味就有d辣🌶️甜甜地但都係唔太似韓國炸雞😅🔺芝士辣雞炒年榚 🧀 $168呢個全部嘢食個人最鐘意食❤️有大量芝士係年榚上面🧀仲可以拉芝💓而雞肉冇雪味🐣都唔會好柴🙌🏻年榚都好煙靭😚配埋芝士食價值一流🤤仲有d配菜包括泡菜,青椒🫑整體黎講都好好食😋但認真有d辣🌶️唔食得辣要留意下😬🔺海鮮炸醬麵🍜 $188一黎度個陣有d嚇親😳好大碟😧有好多海鮮😗雖然係急涷海鮮😂 有魷魚,蝦🦐八爪魚🐙等等而麵方面係幼麵🍜但炸醬就麻麻好食啦😣整體黎講分量好多但味道就一般啦😬仲有唔係好似韓國炸醬麵😕🔺芝士雞蛋卷🥚 $128蛋卷係成條上🙌🏻大概可以切到8舊😙蛋卷入面有大量芝士🧀仲可以拉芝添😳而加埋上面嘅沙律醬同番茄醬🍅好夾啊🤪自己切🔺整體黎講所有嘢食質素都ok嘅但以韓國人打理餐廳黎講d嘢食真係唔係好似韓國菜🤥係佐敦尖沙咀呢d地方會有更好嘅韓國菜😌