杉玉 (The Hennessy)

营业中

休息中

想食杉玉好耐啦, 話哂都係壽司郎副線。不過之前經過見門口成日都好多人, 一直都未有機會食。到今日再路過, 門口唔算太多人等, 於是拎飛等位。等位可以上網check, 咁就行住街等啦。大約等20張飛到, 都等左1個鐘。入到去急不及待叫野食。唔同壽司郎，冇得用平板落單。落單後食物好快就到。刺身味道同壽司郎好接近, 不過就多啲選擇。反而熱食有驚喜，茶碗蒸好出色, 好多料, 味道都好好, 仲有壽司郎冇既豬頸肉, 味道都唔錯。飲品方面都多選擇。

那天剛好經過不用排隊但沒有很多選擇🥲只有覺得海上鮮島個壽司好食搭配得好豐富有Toro/赤蝦/魷魚/三文魚/還有一點caviar 其他天婦羅和海膽魚肝壽司好似都麻麻地😒之後去過一次試佢地lunch set 雖然魚生都係新鮮既但都係覺得好普通 如果要排隊就真係可以去其他選擇

壽司郎算是平民價錢但cp值頗ok的一間店，知道壽司郎開了居酒屋後，便心思思想一試。雖然已開業差不多半年， 但仍然很難book位，最後決定book下午茶時段！3點半前到達，環境不錯，牆上有不少插畫，座位也寬敞，令人感到舒適; 而且人不多，只有幾枱客人。一入座，店員就推介了師傅手工菜 - 油甘魚伴醬漬白蘿蔔及打咭專屬 -杉玉薯仔沙律。油甘魚伴醬漬白蘿蔔蘿蔔入味但有少少澀，煮油甘魚也沒啥特別杉玉薯仔沙律恕我不太懂欣賞打咭位在那？為什麼要影扭蛋殼內的綠球？打開膠殼移走竹筒後，將裡面的薯仔沙律跟流心蛋、海苔粉等混合就可以享用，味道清新，有一點點酸酸甜甜的，還算可以。炙燒伊比利豬 - ok吞拿魚漁船盛拖羅刺身很肥美值得一試，但配搭上堅瘦既赤身及2款漬吞拿魚粒及吞拿魚蓉，當堂失色不少..... 228一個漁船盛不太值，建議單點拖羅刺身炙燒海膽牛油鮟康魚肝壽司 - ok嚴選二貫 （赤蝦赤貝）- ok鮮甜海上鮮島今餐Cp值最高的一款鮮甜好吃魷魚筒飯配魷魚鬚天婦羅尚可..... 下單時要記得加點天婦羅汁話說偷聽到旁邊客人叫了一份池魚骨脆餅，但嫌太乾要求店員提供沙律醬，竟然只有茄醬... 最後客人要了鰻魚醬

杉玉係壽司朗旗下既全身副線，居酒屋主題，一開張就已經full Booking，啲人話要起碼book八個月以上，今日路經灣仔，出嚟睇吓有冇位啦，晏晝12點左右呢發現沒有人等位，咁就嚟試下好唔好食啦入到去嘅時候發現佢lunch Menu原來係同夜晚食嘅嘢完全唔同，有少少失望因為完全冇晒啲好靚好吸引嘅食物咁就橫掂都嚟左，就嗌兩個限定既第一個係舟盛丼，就係刺身加醋飯，佢有唔同種類嘅刺身，係新鮮，但冇乜特別，醋飯唔係太好食，有啲油，冇咩味第2個係杉玉御膳，有5舊壽司，天婦羅，刺身，茶碗蒸，雖然話個5舊壽司係omakase，但係都係用返刺身嘅料去整，姐係食嚟食去都係個幾樣，有少少失望天婦羅就幾好食既另外再嗌左一合既熱清酒，比我想像中淡味總括而言，正正常常，呢個價有咁多野食都抵既，但比我揀就會食返壽司朗啦

呢間為壽司郎居酒屋於2017年創立既品牌，融合傳統與創新的新派居酒屋。圓鰭魚魚子醬壽司 $38👉必試系列👉用魚子醬鐵罐上，好驚喜👉最上面鋪左魚子醬、中間有少少魚蓉，最低層就係壽司飯，夾埋一齊食好有鮮味👉魚子醬鹹鹹地，又帶有海水味，口感好豐富大啖滿足茶碗蒸 $28👉蒸蛋熱呼呼滑溜溜，剛剛熟👉入面有三文魚、蝦、肉粒同原隻蜆，仲鋪左啲三文魚籽係面👉夠晒足料，又鮮味乾海老蜆肉拌烏冬 $38👉烏冬口感好彈牙👉濃濃的乾海老味道配蜆肉，yummy!

難得星期五Happy Friday,約咗幾個同事一齊試新野。食物種類不太多，100分鐘限時其實時間剛剛好。點了幾樣食物，食物分量剛剛好，但質素卻非常一般。點了最貴的刺身船，三文魚未擺入口已經聞到臭腥味，而且刺身都出水，應該廚房一早切定。今次試過一次就夠，下次不會再幫襯

好少過海嘅我，冇留意對面海有咩食，不過兩個朋友都介紹呢一間今晚就即管過嚟試吓啦。怕多人一早嚟拎咗飛，不過都唔使等好耐就已經有位。由於佢有限時，所以我都係等埋朋友先入座。先點咗個炸魚骨諗住用嚟送酒，不過佢完全冇味，所以我問個waitress點解會冇味道，佢竟然答我係食原味就擰轉頭走咗去。我完全O 左嘴。過多陣有個做廚房嘅男仔出嚟出賽菜我哋張枱，我就問佢碟魚骨應該係咩味，佢話係鹹鹹地嘅，我話係唔係唔記得調味，因為完全冇味，佢只係講句唔好意思又走咗去。點解同兩個人講完出現問題都冇人理我哋㗎？！究竟識唔識得處理㗎？我最後自己攞啲鹽自己家落去算數，離晒大譜！比較好食有薯仔沙律，吞拿魚他他，炸池魚，其他都好一般，尤其係寿司，不能比較！如果要食寿司不要在這裡食，小食有啲還可以，不過好似乜都炸，食到成肚油，一次半次夠了。

🛶舟盛丼($128+10%) ※每日限定10份※遲左去食居然仲點到呢個限定，Lucky✌🏻～呢個丼既刺身種類都幾豐富，包括三文魚子、吞拿魚、三文魚、油甘魚、池魚、魷魚、吞拿魚蓉同玉子(對海鮮認識有限，有錯請見諒🙇🏻‍♀️)，每款都幾新鮮又厚切，份量頗多所以可以一啖海鮮一啖飯咁食🥢除左刺身外，個飯都幾有特色，食落去有啲昆布醬油既味道，上面亦都擺左三文魚子，所以味道都幾夠，唔需要額外調味。至於麵豉湯就中規中矩啦，冇咩特色可言🤷🏻‍♀️雖然係壽司郎fans，但都不得不講雖然味道尚可，但未到驚豔，就係fancy啲又decent啲既壽司郎既感覺，但我會寧願去返食壽司郎，起碼選擇多啲。其實晚市menu應該可以一試嘅，但午市真係冇咩特別，亦都唔係特別平，同一個價位有更多CP值更高既選擇，午市試一次滿足下好奇心就夠了😕

都唔係第1次食，上次食完有問卷調查，做完話會送38蚊飲品星期五諗住開開心心食餐好，點知就食到一肚氣！入座已經拎定出黎張收據出黎，對住問員工係咪直接送佢地回覆就話可以自己照落單，埋單會扣點不知去到埋單，先話原來只限送某一杯指定飲品大佬呀，寫又唔寫，事先又唔講，鬼知咩結果要照比多38蚊，雖然唔係貴，但條氣好唔順感覺係做左騙案受害者，被免費禮物吸引左，被誘騙額外消費諗諗下真係要揾消委會幫幫手先得根本個問卷寫得唔清唔楚 係失實陳述成間鋪既人只係互相推搪 話咩咩由開鋪至今一直只送只中一款又話可以留返下次再用 又話以後會再開分店 不知所謂冇下次喇 開分店就聽蝕錢啦

星期一晚8點黃金時間居然等都唔洗等，直入！我係為左白子天婦羅而黎既，平時食酸汁白子刺身就食好多，試下個天婦羅（右上）真係幾好食，炸衣內仲保留到白子一pat野既口感，勁新奇，希望納入常規Menu!!!!! 炸水牛芝士（左上）一擺低要即刻食，真係拉絲拉得好長，記得點蜜糖，因為舊芝士本身無乜味😂頭盤，簡左酸汁白子+蟹膏明太子青瓜，下次唔會encore了好普通壽司 真係幾抵食，雖然無壽司郎咁抵，但呢度都有$30/3年、$50/2件咁，其實居酒屋黎講叫抵食👍🏻👍🏻

超人氣壽司郎首家海外居酒屋「杉玉」一直都好難約,今日下午行過竟然有位😆唔餓都想衝入去試下先～裡面供應多種居酒屋美食及日本酒🍶好多食物大約30幾蚊就有交易,壽司平均$10件.新鮮而且幾大件🍺🍹🥃😚酒款極多~海上鮮島($68)依個配搭好豐富🤩大拖羅/吞拿魚蓉/赤蝦/魷魚三文魚/三文魚子,一次過滿足晒視覺同味覺唐揚魷魚($38),炸池魚($38)炸得脆口唔油膩,前者嫩口有彈性後者魚身2大件,香口.非常適合送酒🥃刺身四點($76)/三貫盛合-火灸芝士($33)各種壽司刺身新鮮及口感正常水平～略帶魚油特別推介: 灸燒海膽牛油鮟鱇魚肝壽司($30)濃郁且味道有層次,比較特別～要試試😗飲品選擇多,叫左鹽荔枝x西柚梳打酒($48)黑檸檬梳打酒($48)✨👍🏻大推～叫咗2round🤭估唔到黑蜜有一陣香香甜味,加上檸檬🍋勁夾!唔會死甜,而且酒精濃度唔少🤩記得要攪勻飲,黑蜜會沉底~~總括然而,質素稍高於價值😊鍾意食刺身壽司同飲酒嘅朋友可廉價一D去大吃大喝都係一個唔錯嘅選擇😬👍🏻如果想食,暫時見佢多數walk in3-5pm較容易.如果係lunch time或者收工時間就一定要網上提早預約喔～～杉玉 (灣仔)

天婦羅壽司定食，天婦羅炸得好新鮮，粉皮好薄。壽司八件，配埋本身有味嘅豉油飯，加上刺身水準唔錯。88蚊完全超抵食。十二點入座唔使等位，但係如果過咗十二點半就要排下隊。

今日去朝聖，壽司郎🍣開咗間居酒屋🏮叫杉玉booking常滿，今日難得walk in試到, 排第2排咗15分鐘就入到，室內裝修有日式風味，坐位有table枱有bar枱，坐咗靠牆table枱，要除鞋再跨過張櫈坐入去，女士著裙就麻煩d。QR code落單，叫咗渾身是膽三文魚🍣子軍艦、白子天婦羅🍤同大啖滿足茶碗蒸🥚。海膽唔算好新鮮，三文魚🍣子醃得一般，白子太淡冇鮮味，雖然有抹茶鹽點。反而蒸蛋🥚有驚喜，雖然出水，但好滑，又足料，入面有三文魚🍣子、蝦、肉粒同原隻蜆，好彩冇大啖咬落個殼度食完3樣再叫甜品🍮卡達拉娜，壽司🍣郎甜品🍮名物，但我第一☝️次食。似焦糖燉蛋+芝士蛋糕🍰咁，職員👩‍💼即場用火槍燒焦面頭既糖，好震撼。夠哂甜同焦香，好食🤤因入座計60分鐘，食得都算趕。總括嚟講，晏晝嚟壽司🍣郎都係乖乖叫番午餐🥣算

之前見到呢間新開日本壽司鋪門面裝修得好靚，今晚見人龍短就排隊等位食晚飯。星期日夜晚6點幾等咗15分鐘左右。餐牌主打壽司，都有刺身，天婦羅，拉麵，湯，沙律等等，選擇比相像中少，想食個鍋同菜都無。四點刺身盛 $98 另加一呢個四點刺身盛係期間限定，有紅瞳赤鮭，油甘魚，赤身，鯖魚各兩片。刺身切得非常細片，好小家。紅瞳赤鮭係鮮美，油甘魚都唔錯，赤身同鯖魚就非常普通。性價比低。炙燒番屋漬鯡魚 $58 另加一呢個炙燒番屋漬鯡魚都係期間限定，擺盤不俗。魚肉食落暖暖地，不過勁多骨，要小心，魚尾燒得好脆。味道較濃味，算過得去啦。三文魚籽拌蘿蔔蓉 $28 另加一三文魚籽拌蘿蔔蓉好特別，其他地方唔見有得食。其實係白蘿蔔粒上面加d三文魚籽同蔥花，再加上柚子醋。酸酸地好開胃，不過三文魚籽份量太少，味道酸多，鮮味欠奉。霧鎖玉龍藏仙山 $68 另加一霧鎖玉龍藏仙山改咗個勁仙氣既名，其實係原條海鰻包住兩件玉子，上面加上甜甜山藥泥同蔥花，再放係蒸籠上面，做法新穎。海鰻味道質感都好好，好滑溜，玉子都可以，配甜甜山藥泥又幾好食。沙鮻天婦羅 $38 另加一沙鮻天婦羅一客兩件，配有抹茶鹽或者紅鹽。點知原來無蘿蔔蓉，奇怪。天婦羅

好LUCKY！！今日12:15 去到 完全唔洗排隊就有位周圍環境 都好乾淨衛生同埋唔會覺得因為人流高所以D野污糟，無人抹咁 LUNCH SET MENU～一輪猶豫之下我最後都揀左每日限量20份的杉玉御膳有5款SUSHI幾件刺身幾件天婦羅3個前菜仲有茶碗蒸、麵豉湯 成個擺盤都好靚 好精緻 味道方面SUSHI，SASHIMI都係一貫水準唔錯嘅但係個天婦羅係冇乜味唔知自己食緊咩肉咁而茶碗蒸 —— 好正超級好味呢個SET $148佢其他SET都幾打卡GA！不過如果要排隊我都未必會再來就真～～～