札幌拉麵 Miso No.1 x 辛味屋

营业中

休息中

最近我同朋友去咗一間位於鑽石山嘅日本餐廳，一入到去個環境好日式風格，我同朋友叫佐幾樣野，同大家介紹一下。炸豆腐呢個炸豆腐外面金黃色，脆脆地，裡面卻係軟滑嘅豆腐，搭配木魚絲，味道好夾。芝麻沙律呢個芝麻沙律清新又健康，芝麻醬嘅味道恰到好處，唔會太膩。配料新鮮，食落口感好，係一個好開胃嘅前菜。燒鯖魚＋豬肉弁富燒鯖魚外焦內嫩，魚肉鮮甜，仲有一啲焦香味。配埋豬肉弁富，肉質嫩滑，醬汁香濃，材料非常豐富親子丼套餐（滑蛋雞肉飯）呢個親子丼套餐，滑蛋煮得剛剛好，雞肉嫩滑，飯粒吸收咗所有味道，每一口都好滿足。仲有一碗清湯。

位於鑽石山荷里活廣場3樓的「札幌拉麵 x辛味屋」主打日式料理，店內環境乾淨企理，座位舒適，餐牌上有多種拉麵、咖喱飯和小食，一人套餐和二人套餐都很豐富和抵食。精選二人套餐，可選兩款主食加三款小食，還有蛋糕做飯後甜品。《招牌牛油拉麵》有一大片豚肉、栗米粒和一舊牛油，麵身軟硬適中，湯底清甜。《吉列豬扒奄列咖哩飯》吉列豬扒外脆內軟，薄薄的蛋漿包著白飯，配上香濃的咖哩汁，份外美味。三款小食有：雜錦串燒、北海道南瓜炸薯餅、炒魷魚鬚串燒有雞翼、雞軟硬和香惹，雞軟骨爽口有嚼勁，南瓜薯餅炸得外脆內軟，魷魚鬚煙煙韌韌，很惹味。《梳乎厘芝士蛋糕》最後還有一年梳乎厘芝士蛋糕做甜品，令人滿足。

今日同朋友收工去鑽石山荷里活廣場逛街，入面餐廳種類都多，我地最後揀左一間日式既餐廳，佢既二人餐好性價比，二百幾蚊有兩個主食，三款小食，仲送蛋糕。炸雞塊奄列咖哩飯日式咖喱味道濃味，雞扒剛剛炸起，香脆可口，內裏好Juicy爆汁，配咖喱好味，拌飯食又得。海老拉麵第一次試海老拉麵，湯底唔算太濃，但有淡淡蝦味又吾會太咸，配上兩隻蝦，麵底都有咬口。雜錦串燒入邊有雞軟骨，雞翼，大蔥。每串都燒到香脆，最出色又有驚喜嘅係雞翼，鹽燒得入味，而且外皮香脆。炒魷魚鬚魷魚鬚爽口，似係爆炒再配上日式風特制醬汁。芝士年糕年糕熱辣辣，好煙韌，芝士爆漿，份量剛剛好，上台秒清。梳乎厘芝士蛋糕叫二人餐送既，入口都有溶化嘅感覺。

今日係荷里活商場行下街，見到呢間日本餐廳好多人食，應該質素唔錯，就決定入去試下我地一人揀左一個自選餐，配有一款主食同一款小食，仲可以半價加錢要埋飲品白豚拉麵呢個拉麵賣相幾靚同好香，麵質爽口彈牙幼身，叉燒有3塊都幾多，整體好出色滑蛋豬排飯豬排飯好大配，個蛋同汁都好好味，豬扒夠脆身廣島炸蠔唐揚炸雞 2件兩款小食都新鮮炸起熱辣辣，炸雞好脆好大件，又夠juicy,炸蠔好飽滿好甘香熱情果梳打特飲凍檸檬茶兩杯飲品都各有特色

今天去左荷里活廣場一間主打日式料理店札幌拉麵 Miso No.1 x 辛味屋，店內環境整潔企理，設有卡位, 係用 QR Code 落單嘅我地揀左自選二人套餐$242 , 可揀2款拉麵或飯和三款小食招牌牛油拉麵 🍜秘製味噌豬骨湯底，濃郁甘香，再添一大片牛油，令湯底更添香氣😋肥瘦相間的叉燒，豬油香氣四溢，配上彈牙粗麵，滋味無窮😍吉列豬排奄列咖哩飯🍛 +$5吉列豬排炸得金黃酥脆，內裡豬肉鮮嫩多汁，配上滑溜的蛋包，口感豐富😚自家製餃子🥟薄薄的餃子皮包裹著鮮甜多汁的椰菜豬肉餡料，性價比高😙炒魷魚鬚🦑鮮嫩魷魚鬚，口感爽脆彈牙😋雜錦串燒🍡有清甜大蔥，香嫩雞翼，爽脆雞軟骨，滋味三部曲！熱情果梳打特飲🍹+$15以新鮮熱情果製成的梳打特飲，果香濃郁，酸甜適中🤗🎇札幌拉麵 Miso No.1 x 辛味屋🎈龍蟠街3號荷里活廣場3樓325號舖

成日經過，呢晚見收早就同朋友黎試下，堂食嘅二人餐都抵食，2個主食配3個小食，而且都幾多款式揀。自選二人套餐白豚拉麵濃厚豚骨湯，拉麵係幼身麵，索湯力十足，入面有好多海帶，幾有咬口。燒雞扒咖哩飯日式咖喱甜甜地，咖哩汁份量都幾多，雞扒煎得幾香脆，送飯一流。雜錦串燒估唔到燒得幾香口，有雞翼，雞軟骨同大蔥。自家製餃子（6隻）隻隻都夠飽滿多汁，而且熱辣辣上枱，料多夠實在。炒魷魚鬚估唔到魷魚鬚幾好味，夠惹味，份量夠哂多。

荷里活廣場呢間餐廳，真係平靚正之選！今次食咗幾款食物，樣樣都大大份，價錢又親民.*自選一人套餐 ($95)*我揀咗 白豚拉麵 同 自家製餃子 (4隻)，白豚拉麵湯底濃郁，叉燒肥瘦適中，麵質彈牙，份量十足。餃子皮薄餡多，煎得香脆，咬落去仲有肉汁爆出，好滿足！一個套餐已經夠飽，性價比超高！加凍檸檬茶 ($11).*雜錦天婦羅烏冬 ($76)*天婦羅炸得金黃酥脆，蝦同蔬菜都好新鮮，烏冬湯底清甜，烏冬滑溜有咬口。成碗份量十足，一個人食絕對夠飽，而且價錢合理，抵食！*燒雞翼2串及燒雞軟骨2串 ($52)*燒雞翼同雞軟骨都燒得啱啱好，外皮香脆，內裡嫩滑，雞軟骨仲有啲咬口，好惹味！兩串雞翼加兩串雞軟骨，份量啱啱好，適合兩個人分享。總括嚟講，呢間餐廳食物份量大，價錢合理，仲有套餐可以揀，適合一家大細或者朋友聚餐。

今日就同朋友去咗札幌拉麵 Miso No.1 x 辛味屋, 店舖除咗有拉麵, 仲有咖喱飯等選擇雜錦天丼有齊海老同埋雜錦蔬菜, 天婦羅粉漿好輕薄, 炸得好香脆, 點埋特製嘅醬汁, 剛好減低油膩感牛肉壽喜燒鍋定食壽喜燒湯底味道偏甜, 仲有唔少配料同蔬菜,配搭豐富, 牛肉撈埋蛋汁好滑嫩, 另外將主食轉烏冬, 烏冬口感彈牙, 索滿湯汁芝士雞翼外皮金黃香脆, 咬開入邊好多肉汁, 肉質嫩滑，拆咗骨仲啖啖肉炒魷魚鬚用咗蒜頭炒,口感爽脆, 超級惹味

這間札幌拉麵crossover 辛味屋，所以食物選擇特別多，有拉麵，丼飯，定食，咖哩及火鍋等，價錢便宜，環境亦不錯。另外有一人套餐$95 可選一份指定的拉麵/飯及小食。燒雞扒咖哩飯，賣相不錯，份量頗大，鹽燒的雞扒燒得皮脆肉嫩，日式咖哩比較甜口，很好下飯。招牌牛油拉麵，湯底是味噌豬骨湯底，厚厚的牛油放於湯面上，牛油溶化後便多了一份牛油香，令湯底味道更濃厚，食到最後湯底亦不會太咸，麵身是彈牙的粗麵。配料有日式叉燒，粟米，筍及昆布，另外加了溏心蛋。小食的串燒雞軟骨及燒豆腐都十分推介。

餐廳位置荷里活廣場，主打日式料理，價格貼近平民價，揀左自選二人套餐，可任選選擇餐牌內既2款拉麵或飯和3款小食，各種食物選擇多樣，例如雜錦串燒、炸雞肉、芝士雞翼和北海道南瓜炸薯餅等。燒雞扒咖哩飯味道偏甜既日式咖哩，同時帶點辣味，食落惹味而不膩，燒雞扒外皮燒得金黃香脆，肉質鮮嫩，咖哩中胡蘿蔔和薯仔令整體口感和味道更有層次。招牌牛油拉麵湯底係秘製味噌加上濃郁豬骨湯，味道甘香純厚，一大片牛油令湯底更香口，叉燒肥瘦相間，豬油香味濃厚，整體配搭十分邪惡，粗麵彈牙有韌度，亦相當掛湯。自家製餃子一共有六隻，隻隻都飽滿，皮薄饀靚，底部煎得焦香。天婦羅魷魚份量十分有誠意，天婦羅外層十分酥脆，有檸檬汁添加，可減少油膩感。燒牛舌牛舌有咬口，口感煙韌。有一定牛味，調味亦適中。

👉🏻吉列豬扒咖喱烏冬 $80🍛咖喱濃稠，味道不辣，加了薯仔粒、蘿蔔粒和洋蔥，不會太過單調。餐廳用了日本直送讚岐烏冬，口感煙韌滑溜，不會過淋。吉列豬扒厚度偏薄，上枱時溫熱，炸粉偏實身。相對來說烏冬較出色👍🏻。👉🏻白豚拉麵 $72拉麵湯底用了特濃豚骨湯，喝起上來濃稠而不膩，不是死鹹，有豚骨味喔🍜拉麵偏幼及滑身，起初沒有煮得太腍，是小偏喜歡的口感❣️豚肉有3塊，部位比較瘦和粗鞋。整體而言，札幌的麵食及湯底比餸菜更佳，以商場的物價來說，性價比不錯了！

【黃大仙區】【札幌拉麵 Miso No.1 x 辛味屋】成日講親黃大仙區都係新蒲崗，呢個問題已經纏繞咗我幾年，今次難得有啲時間，我就喺鑽石山食，喺荷里活廣場起碼唔係新蒲崗吖嘛。不過我去嘅呢晚，呢個商場都幾多人，間間都滿座咁喎，又話生意差嘅，哈哈。呢間啱啱有枱客走咗，就畀我坐啦。呢度係用 QR Code 落單嘅，好啦，我就叫咗個 $95 嘅「自選一人套餐」，主食係「招牌牛油拉麵」，真係成粒牛油擺喺度㗎喎，所以都幾香，整體嚟講就一般啦，麵底同啲餸都唔係話特別好。配菜就食「吉列流心蛋豬肉餅」，睇就好睇，食就正常啦。食得套餐都好難唔跟嘢飲，我加 $15 要咗「熱情果梳打特飲」，都係正常而合情合理嘅操作，聰明嘅讀者們應該大概幻想到係乜嘢味。跟住我補多 $48 叫多碟「燒牛舌」，係薄切嘅，燒嘅感覺唔太濃，都係幾失望嘅一碟嚟。埋單 $174，我用錢瀟灑走一回咁啦。。。（地址：鑽石山龍蟠街3號荷里活廣場3樓325號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #del

燒鯖魚x豚肉便當🍱喺鑽石山荷里活商場食嘢，求其搵咗間日式嘢食，本身諗住食咖喱飯🍛後尾見到有呢啲便當幾吸引好多人食😋跟住隔離台order由於係下午茶嘅關係，所以份量比較輕盈，我覺得用下午茶去計嘅話份量係okay，但係如果當正餐就食唔飽🥲鯖魚燒得幾香，豚肉汁係甜甜地，兩樣嘢都幾好食，最後係唔夠白飯🤣因為太餸飯喇～間唔中食下都幾好，不過無飲品送得味噌湯🙂🔍鑽石山龍蟠街3號荷里活廣場3樓325號舖

今日即興去左附近吾駛排隊既店試試，點知又幾好味喎～1.黑豚拉面(嚟到d黑蒜味好香ar😆~拉面又淋又滑好好味，不過豚肉就吾太入味）2.炒魷魚鬚～ 呢個超爽脆好嫩， 送面食好d~就咁當餸剩食會有少少咸3.芝士鷄翼，俾個名吸引左， 可惜送到嚟好似幾熱氣同有d 油，但食落一口爆肉汁既感覺，同好鐘意啖啖肉，拆左骨既口感，不過芝士吾太多，同埋師父下次可以輕手d吾好炸咁燶就再好d la~欣賞師父既拆骨技術

某夜去完迪士尼好攰，但係其實樂園冇乜嘢好食係眾所周知，就同姊妹揸車嚟到呢一個荷里活廣場，貪佢有免費泊車，嚟到嘅時候已經九點，好彩仲有呢間拉麵店，醫好我哋又餓又攰嘅心靈我哋每人點咗一份拉麵，我點呢一個係赤豚肉拉麵。麵身質感彈滑，湯底濃郁，本身我係超喜歡食辣，所以就加咗好多辣粉小食都係非常出色，個炒魷魚鬚，個味道剛剛好香又有魷魚鬚味，唔太油，有時出邊食到啲炸魷魚鬚全部都係粉漿又油有冇魷魚味，炒魷魚就避免咗呢個問題個南瓜薯餅，淡淡都係南瓜味，炸到好脆口，燒牛舌燒到仲有少少牛油，好香牛味仲有呢度嘅咖喱飯都係好好食，啲咖喱汁又有好多，可能我哋太餓太攰，全部都食清光，食完剛剛好，佢就收工收10點，🤤臨走去仲有coupon送俾我哋，我哋下次都會再去